عشان يكون تحدي متكافي ابيها فوق الـ 90

[قانوون كيفك]

هلا والله بالرشيقه الصاروووخيه المرتهش
شخبار الاراااااااااده معاج ؟؟
وحلات الميزان اول النهار احسن
انا بروح انام للساعه 9 عندي موعد اسنان
وبرجع اشوف النتايج اللى تونس
اتمنى لكم نزول بصحه وعافيه

 

[تفداج روحي]

المرتهش انا ببدي الميزان
انا كنت الاسبوع اللي طاف بس بشاي اعشاب مرتين باليوم وكنت اكل اللي بخاطري بس من ٣ ايام مع الشاي بديت اخفف نشيت الخبز والمعجنات والكاكاو قللت منه وترا طول الاسبوع ما اشرب مشروبات غازيه ومن امس انظبت على رجيم دشتي
الصدمه الميزان
بدايتي كانت ١١٩
الميزان اليوم صدمني حسيت جسمي يصرخ يقول الحمدلله انج رحمتيني من العذاب حتى قولوني خف شووووي

ميزاني اليوم الصبح ١١٧.٦.
يعني كيلو وشوي نعععععمه

مشكورين خواتي يا احلى تجمع :****

 

[تفداج روحي]

بنات من فرحتي ما صبحت عليكم

صباح النشاااااط والتفاؤل

 

[بــ زايد ــنت]

صباح الخير بنات

شحالكم

وايد عجبني تجمعكم ممكن ادخل معاكم


انا كنت مسافره للعلاج (مرافقه) وبطلت هنيه موضوع عشان اتشارك مع البنات وللاسف ما كملت معاهم لاني ماقدرت ادش النت وراح الموضوع والبنات.. بس انا كنت ماشيه على الرجيم والحمدالله نزلت 10 كيلو وايد فرحت


والحين رجعت ورحت على طول عند دكتور تغذيه والحمدالله باديه من يوم السبت بس للاسف مافي حماس ابا بنات يسوون مثلي رجيم ونتنافس مع بعض

ارجو انكم تقبلوني خواتي

 

[المرتهش]

احلى صباح للكل
وورده خاصه لوردتنا تفداج روحي
شهالزين تبارك الرحمن
كنت ادري ان المجموعه الثالثه بينزل وزنهم بشكل اقوى
تبارك الله كليو ونص تقريبا
كملي يا بطلتنا
انتي الاولى ان شاءالله دايما واول من يحط وزنه
انا بس انطر زوجي يطلع واشوف وزني




هلا وغلا باهل الامارات
فديتج وفديتج رمستج
اقربي
اذووب من الرمسه الاماراتيه
هييه خيتييه
ياحلو لهجتهم
الله يغير علينا بغلاهم
ماله حد
حياج بتجمعنا وابركها من ساعه اللي شرفتينا بوجودج
بس يالغلا ماقلتي جم وزنج الحين

 

[simple.girly]

السلام عليكم ورحمة الله وبركاته ......
صبحكم الله بالخير والسرورو ... والإيمان وطاعة الرحمن
مشكلتي ما اقدر اقطع الككاو وإذا خربط شوي برجيم اخربط يومي كله وجذي قاعد يأدي غلى زيادة الوزن .... شسوي الحين ....

وتنصحوني بالرجيم البروتيني بس مع إضافة الفواكه او لآ .؟

 

[simple.girly]

طبعا انا ما احتسب من هالإسبوع دشيت على اخر يومين لوووووووووووول
الأوزان اندزها حق منو . ؟

 

[المرتهش]

صباح الورد حبيبتي سمبل
احنا كلنا تقريبا تونا باديين
نعتبر هالاسبوع اول اسبوع لنا
اتني تقولين مشكلتج بالكاكاو
طيب اكلي واحد باليوم
خففي منه
وجربي بس اسبوع يكون كل يوم كاكاو واحد بس
وصدقيني بينزل وزنج بالتدريج
اليوم لازم تحطين وزنج عشان تكون بدايتنا الفعليه
وقواج الله على التحدي

 

[انا حبه للابد]

صباح الرشاقة

 

[تفداج روحي]

قواج ربي يالمرتهش
مشكووووره على كلامج اللي يثلج الصدر ويرد الرووووح
والله اني كل ما ابدي ارد اخرب الا لما عرفتكم زاد فيني الاصرار ويارب يثبتني وياكم

هدفي الاول اني اقدر البس عباتي الكشششخه اللي سويتها ولبستها مره وحده حق عزا وعقبها ضاااجت والتفاصيل برزت

وانشالله بوجودي معاكم وبتشجيعكم اقدر البسها مره ثانيه واشتري غيرها لانها بتوووسع
انا ما البس عبي الا نادرا بس تفشلت مره كنت بروح عزا وانصدمت من اللي شفته
ومارحت العزا وشالو بخاطرهم علي اصحاب العزا يعني فوق الهم هم

وطبعا الموضه تنحاش مني لان النفانيف علي خييييمه شكلي اكسسسس
والبنطلونات الوسيعه متبريه مني لاني قصيره ومدحدحه

فقررت معاكم اني اغير نفسي واكسر هالثلاث ارقام





بنت زايد

تشرفينا وتنورينا يالغاليه بس جم وزنج ؟؟؟

وترا احنا بالبدايه فما طافج شي انشالله

وانتي انجزتي وقدرتي تنزلين ١٠ كيلو ماشالله عليج شدي حيلج واحنا بنشجعج تكملين مشوارج باذن الله




سمبل

يابعد عمري صدقيني البدايه صعبه ولازم تتحملينها عشان الباجي يسهل عليج
وكل ما بغيتي تاكلين شي او تخربطين تذكري هالتجمع اللي ناطرج عشان تكونين رشيقه وتذكري ان في ناس غيرج وحالتهم نفس حالتج وموجودين عشان تشجعينهم ويشجعونج

:***** لكم كلكم*

 

[simple.girly]

السلام عليكم ورحمة الله وبركاته ....
اييييييييه والله صاجيين ايييه شكلي بسوي جذي ..
وزني الفعلي الصبح قسته 127.6 والله كريم يهون الجرح الأليم
ان شاء الله كلنا نضعف بصحة وعافية وبدون لا حبوب ولا عمليات .... وراح الهي عمري بالصالونات بدال المطاعم ...

 

[بــ زايد ــنت]

بنت زايد

تشرفينا وتنورينا يالغاليه بس جم وزنج ؟؟؟

وترا احنا بالبدايه فما طافج شي انشالله

وانتي انجزتي وقدرتي تنزلين ١٠ كيلو ماشالله عليج شدي حيلج واحنا بنشجعج تكملين مشوارج باذن الله

تسلمين اختي والحمدالله ييتكم وانتو باول اسبوع

انا قبل وزني كان 133 ادري كبير حيل والحين 123 وان شاء الله معاكم بانزل

 

[o.m.f.a.h.a.d]

هلا و غلا برشيقات المستقبل :eh_s(7):

حياج الله معانا بنت زايد وانشالله يارب توصلين للوزن المثالي :yaaaaaarb: و تفداج روحي ماشاء الله ترا بداية وايد زينة ... وسمبل ما عليج ان شاء الله يارب تضعفين وتوصلين الوزن المثالي :yaaaaaarb:

انا اليوم قست وزني 96.4 حمدالله بداية موفقة نزلت 1.6 كيلوو .... المفروض اقايس وزني الجمعة لاني بديت رجيمي 1-4 يوم الجمعة راح اقايس وزني بعد يوم الجمعة انشالله يكون وزني 96 ....
اشرايكم بنات نحط الاوزان من اسبوع الياي لانه في بنات دشوو معانا بالقروب متاخر ؟؟؟


يارب نوصل كلنا الوزن المثالي :yaaaaaarb:

 

[simple.girly]

السلام عليكم ورحمة الله وبركاته
ماشاء الله بنت زايد الفال لي ان شاء الله ....
ومبروووووووووك ام فهد .

 

[ماكنتووووش]

بنت زايدحياك الله بتجمعنا
ويابنات اذا احنا مانشحع بعضنا منو يشجعنا
بقولك هالسالفه وان شاء تستفيدين منها
كان عندنا عزومه ورحت السوق معاي خواتي
ومرت اخوي شفنا الميزان بالصيدليه وزنوا البنات
انحرجت وطلعت الميزان
وكان الوزن صدمه 127.5كيلو وطول العزومه وهم
يضحكون ومرت اخوي تقول للحريم هذا رقم صفقه
ولا وزن لا الحرمه فوق الميه يصير متنها رجالي
ووحده تقول لاتزعلين انا سمعت ان السمنه المفرطه للمراه
تزيد الهرمونات الذكوريه رديت البيت والدنيا ضايقه وافكر بزوجي
اذا الحريم تقول جذي الرجال شتقول وايد كسرخاطري وادري انه
متضايق بس مايحسسني بهالشئ وهو يشوف الحريم والدنيا
الي سيطرة عليها الموضى والللبس وصارت الناس تنظر للسمينه انها
مومثقفه او خبله وما عادت البطوطه تعجب الرجال الحين زمن الرشاقه
المهم اتخذت قرار الرجيم ومن اعماقي وبعزم واراده كرهت الاكل والسمنه
اللي قتلت جمالي والانوثه داخلي كل هذا عشان انعبي ابطونه حرام الي
سويناه بنفسنا بس الوقت مافات ونقدر بعون الله نرد احسن من الاول
والحمد لله مستمرين بالرجيم والحين بعد شهرين ونصف وزني 110 وماراح اوقف الى 70


شدو حيلكم ولا تيأسون بسرعه والشحوم اللي تراكمت ثلاثين سنه خلون نصبر عليها ست شهور

​

 

[miss disaster]

مسا الخير ....

طبعا انا الحلوه ما بديت رجيم فوزني نفس ما اهو

اليوم كان اول يوم رجيم
*ريوقي كوب كابتشينو
و*الغدا :برجر مع سلطه

good luck to all of you :**

 

[قانوون كيفك]

حيا الله بنت زايد نورتي التجمع يالغاليه يازينج ويازين دار الحي اللي انتي منها ويازين اسمج الله يرحمه ويامال الجنه يازايد الخير وياحبنا لكم
ام فهد مبروك النزول نفس نزولي يامعوده نعمه لو كيلو بس الاهم التخلص منه
يالا وين باجي البنات ؟؟ لازم تنزلون الاوزان اليوم
بنات الرجااااااااااااااااااء الالتزام

 

[قانوون كيفك]

ماكنتوشه ياقلبي الله يرزقج بالرشاقه والنزول السليم
حياتج مليئه بالمواقف وما شاءالله تبارك الرحمن قدرتي تتحملينها انا فورا انهاااااااااار انا قط علي جم نغزه وتعليق تفكيري كله انشل الناس بوادي وانا بوادي ثااااااااااااااني مع انه يدري اني اسوي نظام وملتزمه لكن الشكوى لله

 

[قانوون كيفك]

مس الحلوه بما انج بديتي اليوم فهذا شي حلو شدي الهمه وما اوصيج بالالتزام والوعد ان شاء الله الاربعاء دور الاسبوع

 

[تفداج روحي]

ماكنتوش
والله هالقصه يتلي بالصمييييم والله قلبي يعورني وانا اقراها
صدقتي ما تسوه السالفه اقث عمري بالاكل حتى ما اقدر اتنفس عشان شنو؟ عشان انفجر؟؟ لا يبا صحتي غاليه مابي افرط فيها وريلي غالي مابي اضايقه بمتني وهمي وولدي غالي بلعب معاه واستانس واحسسه اني امه واخته وصديقته وانا احب نفسي وودي اشوف نفسي باحسن صوره مو جسمي كله صفطات ومطبات

انا وياج يا ماكنتوش وانشالله ما نوقف الا على الوزن اللي يرضينا :***





سمبل

حياتي انشالله بتبدين رجيم ووزنج بينزل وتتحدينا وتغلبينا :***
بس يبيلها خطوه منج صح ان الخطوه صعبه بس انتي قددددها

ترا كل هالاشياء اللي حوالينا مغريات وناستها مؤقته وعقبها حساااافه واكبر حسااافه