عشبة كف مريم؟؟؟ دشوا ضروري

[السنعه]

بنات الله يعافيكم انا الدكتوره بتولدني الاحد الياي بطلق صناعي وما ابي طلق صناعي انا داشه التاسع صارلي تقريبا اسبوعين ومو حاسه بطلق ولاشي سمعت ان عشبة كف مريم تييب الطلق اللي جربتها امانه تقولي شصار معاها وشلون طريقتها جم مره اشربها باليوم:nbptr:

 

[أم يوسف وأمونة]

هلا حبووووووووووبه ليش دكتورتج بتولدج صناااااعي شكوووووو

انتي توج باقيلي اسبوعين واسبوع فووووووووقهم زياده

لا تستعيلين على عمرج أمشي وايد ولا تأخذين شي يسرع الطلق مو زين لا سمح الله تصير مضاعفات

خليها على الله

ولما يصير اخر موعد ولاده رووووحي للدكتورة واهي تقوووووولج

والله يسهل عليج

وبالنسبه لعشبه مريم يقوووولون انها تسهل الولاده

بس لأمانه انا ما جربتها

 

[قنــــــــــوت]

رد : عشبة كف مريم؟؟؟ دشوا ضروري

وانا مع اختي ام يوسف ...

دكتورتج مستعجله على شنو .... تو الناس اذا كملتي شهرج ومافيه طلق ذيج الساعه تفكر بالطلق الصناعي ...

بالنسبه للعشبه .... مااعتقد انها تجيب الطلق ....
حسب قراءاتي واللي سمعته من ناس مستخدمينها انها ماتجيب الطلق ... ولكن اذا كان فيه طلق ... يعني طلق بارد ..
تحمّي الطلق ... وتزيد تقلصات الرحم ...

عسى الله يتمم لج على خير حبوبه ... ولا تستعجلين ..

 

[كويتيه مذهله 87]

الله يسهل عليج يارب

 

[السنعه]

حبايبي الله يعطيكم العافيه الدكتوره بتولدني لان المشيمه عندي تعبانه وما توصل اكسجين كافي حق البيبي وما تقدر تطول عشان جذي يا بنات خاييفه من الطلق الصناعي امانه يا بنات ادعولي الله يسهل علي والحمدلله علي كل حال

 

[حنين الارض]

رد : عشبة كف مريم؟؟؟ دشوا ضروري

حبيبتي ترا عادي الطلق الصناعي
انا بنت حماي ولدت بطلق صناعي ماكان عندها طلق ابدا
وولدت خلال ساعتين
وانا اشوف انه احسنلك دام انه المشيمه ما تغذي الجنين وتعبانه

 

[moon night]

الله يقومج بالسلامه ياااارب وتفرحين ببييج انشالله بصحه وعافيه

انا صراحه مااعرف عن كف مريم شي لاني بجر بس امي قالت لي ياويلج ان شربتيها مو زينه عاد مادري سمعت بنات وايد يتكلمون عنها والله اعلم

 

[فـراوله]

رد : عشبة كف مريم؟؟؟ دشوا ضروري




الله يعينج على الطلق الصناعي اذا بتأخذينه

انا شفت المووت منه


بس اذا مو مفتوحه ولا سانتي لا تشربين عشبة كف مريم

اخاف تضر البيبي

وخلج عالمشي أحسن وشربي بس زعتر ودارسين ولا تكثرين منه

باليوم كوب او كوبين عشان ما تضرين البيبي



وامشي واااااااايد المشي صج يفتح الرحم عن تجربه


وعليج بالجماع بعد المشي

 

[شووقة]

رد : عشبة كف مريم؟؟؟ دشوا ضروري

والله مادري ماجربت كف مريم بس اسمع عنها
انا جربت الطلق الصناعي في ولادتي الثانية بس كنت مفتوحة 2سانتي وماشاالله اني ماطولت بالولادة
والله يسهل عليج ولادتج يارب

 

[دآنة آلرشآيده]

كف مريم كل خواتي وبنات عمي
جربوه شئ مو طبيعي يسوي لج ولاده بنفس اليوم
الله يسهل عليج يارب وتولدين بالسلامه بس انصحج بالمشي

 

[السنعه]

مشكورين يا بنات علي الردود ما قصرتوا الله يفرحكم ويطمن قلبكم

 

[LiL MaMa]

رد : عشبة كف مريم؟؟؟ دشوا ضروري

لازم تكونين مفتوحه لو نص سانتي

انا جربتها ماشالله سحر

تسهل الولااده بشكل عجييييييييييييييييييب


بس اذا المشيمه تعبانه اللي اعرفه المفروض ما تنطر