السلام عليكم بنات شلونكم شخباركم
حبيت اقول لكم سالفتي اللي صرت فيها نفس المينونة و اللي عيشت فيها نفسي على حلم مستحيل و الصراحة انا بقولكم لان ما عندي احد قريب مني حييييييل اقوله وانا ودي اطلع اللي في قلبي لاني اصلا بطبعي كتومة شوي و ما اتكلم وايد
انا بنت عمري 21 سنة و ادرس في احد الكليات و هذا اخر كورس لي و بعدين اتخرج
ان شاالله ..
و في الكورس اللي طاف ابوي سوالي واسطة عشان يحطوني ميداني في المكان اللي ابية
عمي رفيجة نائب رئيس قسم تخصصي كلماه و قاله ابشر كل شي تم و طبعا كنت واثقة اني بالمكان اللي ابية و اول يوم دوام رحت الكلية عشان بس اتأكد اني في هالمكان و يوم قريت اسمي انصدمت ان حاطيني في احد وزارات الدولة و ان المكان اللي ابيه شالوه من التدريب الميداني صراحة بجيت و ما كنت حابة هالمكان و هم كانت عندي ظروف ما اقدر اروح هالمكان لاسباب معينة المهم دقيت على ابوي و قلتله بالسالفة خذاني من الكلية و قالي ميخالف داومي عندهم شنسوي بعد ..و بنفس اليوم رحت مكان الميداني اللي حاطين اسمي فيه و الصراحة كان يوم قثيث و كارهه نفسي دخلت أسأل عن الادارة و اروح من مبنى لي مبنى في عز الحر و كان شهر 10 لين لقيت المكان و دخلت و كانوا معاي 7 بنات في الميداني بعضهم رفيجاتي المهم رضيت للامر الواقع و داومت مع اني كنت كارهه المكان .. و قصتي تبدي بالتفصيل من هني :-
في ثاني يوم دوام حقي في الادارة اللي حطوني فيها طلع بويهي واحد شاب ما شافني بس سلم عليي لمجرد السلام وكان حاسب اني وحدة من الموظفات انا سلمت عادي و مع الوقت عرفت انه يشتغل بنفس الادارة اللي اتدرب فيها ميداني المهم مرت الايام ليت جذب هذا الولد انتباهي و حسيت اني معجبة فيه لدرجة مو طبيعية ..
كنت اشوفه كل يوم الصبح على مكتبة و الصراحة كان يعجني حيييييل كان ولد ابيضاني و ملامحه حلوة و قصير شوي يعني شكلة على بعضة ( مجكنم ) و سبحان الله حبيت هالمكان بشكل عجيييب وفي كل يوم اشوفه فيه يزيد اعجابي فيه ليت حسيت اني احبه كنت احب اداوم عشانه اقوم الصبح من النوم و انا مستانسة ودي اطير لي الدوام عشان اشوفه و لما اوصل و اشوفه على مكتبه الصبح قلبي يرتاح و مرات لما اشوفه قلبي يخفق حييييييل ..
حاولت ابين له هالشي بس ما عرفت اشلون صراحة انا عمري ما كلمت شباب او حتى خذيت رقم من واحد يعني سوالف المغازل ما اعرف فيها أي شي ..
مكان تدريبنا كان في غرفة بالادارة و هالغرفة كانت جدام حمام الرجال و انا كان مكاني بالغرفة جدام الحمام بس من بعيد طبعا يعني اشوف كل اللي يمرون و اهم يشوفوني .. فالولد كان كل يوم يدخل الحمام و لمه يطلع كنت اطالعه و مرات يطالعني حاولت ابين له من نظراتي بس ما كان يدري عني و مرات اطلع بره الغرفة اسولف بالتلفون عشان اشوفه و امر يم مكتبه عشان يطالعني كنت كل يوم اسوي هالحركه عشان يثبت عليي بس ماكو فايده و في يوم كنت بره اسولف و هو يمشي في الممر و طاحت عيني بعينه و قعدنا نخز بعض مده .. وخرت عيني عشان ما يقول ليش تخزني جذي بس كانت خزة عجيبة و يوم خلصت مكالمتي رديت الغرفة و انا رادة اشوفه يخزني من بعيد و يطالعني
استانست و طرت من الفرحه و رديت البيت قعدت افكر ان اكيد من نظرته حس فيني او اعجب فيني و طبعا رحت عالم ثاني و صدقت نفسي و قعدت اتخيل سوالف ان راح يرقمني و مع الوقت يحبني و راح نتزوج ومن هالكلام في هاليوم كنت فرحانه وااايد ..
في اليوم الثاني رحت دوام الميداني ابجر من كل مرة و وصلت مع الولد الصبح عند الباب دخل اهو اول وانا بعده دخل الاصنصير و انا رحت السلم و مشيت شوي شوي عشان اوصل مع الاصنصيرلان السلم كان جدام الاصنصير و صج وصلت معاه وطلع بويهي وتوقعت ان خزه امس تتكرر بس للاسف مشى و لا حتى درى عني .. آنا هني صكت فيني الدنيا و عرفت ان الخزه كانت مجرد نظره عاااادية مو قصده منها أي شي و رحت غرفة الميداني و انا متضايقة و شوي وابجي لان يا بنات ما تدرون شلون حبيت هالولد والله اني اموت عليه و دوم افكر فيه ..
و طبعا يوم رجعت البيت بجيت بجي اللي عيني صارت حمرة حيييل وفي وقتها فكرت اني اكتبله ورقة اطلع فيها كل اللي في قلبي لاني احس ان اذا ما قلتله راح انفجر و قعدت اسبوع كامل و انا اطلع كل اللي في خاطري لاني احبة صج لدرجة ان من كثر ما افكر فيه حلمت فيه احلام واايده
المهم كتبت في الورقة كل اللي في خاطري اقوله و في الاخير حطيت ايميلي ما كان قصدي شي بس الصراحة كان فيني فضول اعرف ردة فعله و كتبتله هالشي في الورقة عشان ما يحط في باله شي ثاني ..
و قعدت ايام افكر شلون اعطيه الورقة بدون لا يعرفني و فيوم كنت اسولف بالتلفون بره مريت على القسم اللي اهو فيه ما لقيت احد كللش لان قسمهم طبيعة شغله بره الادارة استغليت الفرصة و حطيت الورقة على مكتبه و رحت بسرعة و انا قلبي يدق و خايفة و رديت الغرفة و قعدت ..
في اليوم الثاني و انا بالادارة في الغرفة اللي نقعد فيها كمبيوترات ما قدرت اصبر لين ارد البيت فتحت ايميلي هناك و شفت دازلي ايميل استانست حدي و فتحته و راح اكتب لكم جزء من اللي صارو كان كاتب :-
( منو وياي و ارجو الرد لاني ما احب هالسوالف و لا تخافين بيني و بينج بس لازم اعرف لان حرام كل هالكلام )
نطرت لين وصلت البيت و رديت عليه :-
( انا وحده من بنات الميداني .. احس انك تضايقت من اللي سويته سامحني و صدقني مو قصدي اتحرش بس كانت مشاعر مكبوته في قلبي و ما قدرت اخشها و ارتحت يوم طلعتها .. وانت شكلك واحد زين الله يوفقك)
رد عليي:-
( هلا والله الكلام اللي دازته كبير و يعور القلب و يخلي اللي ما يحس يحس غصب بس اكيد ما راح اتجاوب معاج لاني ما اعرفج بس صراحة كلامج اثر فيني و بعدين انا مو مميز لي هالدرجة عشان الوحدة تعجب فيني وفي الاخير قوليلي شنو في بالج عشان اعرف )
رديت عليه و راح اختصر لكم الكلام :-
( مو شرط الواحد يكون مميز عشان الوحده تعجب فيه ...احس اني متوترة انا الصراحة مادري شنو ابي و لو مو دازة لك الورقة احسن جان ما صار كل هذا انت قول شنو اللي في بالك عشان ما ازعجك )
وطبعا انا ميته و افرفر بس ابيه يقولي اخذي رقمي او ودي نتعارف ..
رد عليي و قال :-
( لا تحسفين عادي و بعدين الكلام لج انتي شنو تبين مني بالضبط علاقة صداقة و تعارف مثلا و لا شنو )
و طبعا انتو عارفين ما اقدر اتجرأ و اقوله ابي رقمك او ابي علاقة فرديت عليه :-
( يعني وحده تحبك المفروض تفهم مو معقول ؟؟؟؟؟)
رد عليي وقال :-
( هلا شلونج .. افهم شنو و مو معقول شنو ترى ليحين ما فمهتج و بعدين الحب مو جذي صدقيني انتى مو فاهمه شنو الحب اللي فيج اعجاب لان الحب ايي بعد علاقة طويييلة و فترة وعشرة مو جذي و بعدين قوليلي منو انتي يمكن لما اشوفج ابادلج نفس شعور الاعجاب مو الحب )
رديت عليه و انا ادري ان ماراح يعجب فيني و قتله موصفاتي و شكلي لان قالي مايدري انا أي بنت لان احنا وايد بنات
و في اخر يوم دوام في الميداني عندهم تمشيت بره عشان يشوفني و هو كان يمشي في الممرات و بعد الدوام دزلي رسالة و قالي :-
( عرفتج انتي البنت اللي في الممر .. اذا محتاجة شي من الميداني و تبيني اضبطج بالدرجات عند مسؤولة الميداني قوليلي و انا حاضر) و ما ياب طاري أي شي من اللي صار
رديت عليه و قلت له مشكور على المساعدة و الله يا بنات ان من بعد اخر يوم داومت فيه عندهم و انا كله متضايقة و نفسيتي زفته و مرات ابجي بروحي لاني ماراح اشوفه كللللش ..
بعدها رحت ميداني مكان ثاني لان نظام الميداني بالتخصص عندنا في الكورس اروح مكانين و اول يوم داومت في المكان الثاني بجيت بالسيارة لاني ماراح اشوفه و طبعا المكان الثاني اللي رحتله أرف و يلوع الجبد ..
انا كان عندي كتيب عن ادارة الولد اللي احبه في تعريف بالادارة و الاقسام و في كل قسم حاطين عنده رقم فخذيت رقم القسم اللي اهو فيه و دقيت عليهم طلعلي اهو على الخط قال : الو الو بغيت اتكلم بس ما قدرت و صكرته وبعد اسبوع دزيت له ايميل اسال فيه عن اخباره و كتبتله اني ليحين افكر فيه و احبة ...مرت اسابيع وخلصت الميداني و انا ليحين افكر فيه و هو ليحين ما شاف الايميل لاني كتبتله اخر شي اذا شفت الايميل دزلي حتى لو رسالة فاضية بس عشان اعرف و اول امس دقيت الصبح على القسم و هم طلعلي قال الو جان ارد قلت الو بغيت اكمل ما قدرت و صكرته ادري ان ماكو فايده من اللي قاعدة اسويه و ادري ان اللي ابيه ماراح يصير لعدة اسباب و هي ان اهو ما يبيني و لا يفكر فيني اصلا و هو مو من اصلي انا اصلي غير و هو غير فصعبة واااايد ان يكون بينه نصيب و هم ما يصير اقط روحي على الولد ..
مرات انساه و عااادي الوضع و مرات يطري على بالي فجأه و يضيق خلقي .. بس كل ما تذكره ادعيله بالخير و التوفيق لاني احبه و اتمناله الخير ..
والصراحة احسد الشباب لانهم يقدرون يحبون البنت اللي يبونها بدون احراج و يقدر يقولها عادي مو نفس البنات خلف الله عليهم ..
واسفة يا بنات اني طولت عليكم بس قتلكم ودي اطلع اللي في قلبي لاني صج عشت طول الفترة اللي مضت على حلم مستحيل يتحقق .. و سبحان الله اول ما كنت احب هالمكان ولا اتمنى ان ادخله و اللحين اتمنى لو اني اشتغل فيه عشان اشوفه كل يوم ..
وفي الاخير اقول كل شي خيره من رب العالمين و الحمدالله على كل حال و انا متوكله على ربي و ادري ان باذن الله الكريم راح اتزوج واحد زين و يحبني ..
ان شاالله ..
و في الكورس اللي طاف ابوي سوالي واسطة عشان يحطوني ميداني في المكان اللي ابية
عمي رفيجة نائب رئيس قسم تخصصي كلماه و قاله ابشر كل شي تم و طبعا كنت واثقة اني بالمكان اللي ابية و اول يوم دوام رحت الكلية عشان بس اتأكد اني في هالمكان و يوم قريت اسمي انصدمت ان حاطيني في احد وزارات الدولة و ان المكان اللي ابيه شالوه من التدريب الميداني صراحة بجيت و ما كنت حابة هالمكان و هم كانت عندي ظروف ما اقدر اروح هالمكان لاسباب معينة المهم دقيت على ابوي و قلتله بالسالفة خذاني من الكلية و قالي ميخالف داومي عندهم شنسوي بعد ..و بنفس اليوم رحت مكان الميداني اللي حاطين اسمي فيه و الصراحة كان يوم قثيث و كارهه نفسي دخلت أسأل عن الادارة و اروح من مبنى لي مبنى في عز الحر و كان شهر 10 لين لقيت المكان و دخلت و كانوا معاي 7 بنات في الميداني بعضهم رفيجاتي المهم رضيت للامر الواقع و داومت مع اني كنت كارهه المكان .. و قصتي تبدي بالتفصيل من هني :-
في ثاني يوم دوام حقي في الادارة اللي حطوني فيها طلع بويهي واحد شاب ما شافني بس سلم عليي لمجرد السلام وكان حاسب اني وحدة من الموظفات انا سلمت عادي و مع الوقت عرفت انه يشتغل بنفس الادارة اللي اتدرب فيها ميداني المهم مرت الايام ليت جذب هذا الولد انتباهي و حسيت اني معجبة فيه لدرجة مو طبيعية ..
كنت اشوفه كل يوم الصبح على مكتبة و الصراحة كان يعجني حيييييل كان ولد ابيضاني و ملامحه حلوة و قصير شوي يعني شكلة على بعضة ( مجكنم ) و سبحان الله حبيت هالمكان بشكل عجيييب وفي كل يوم اشوفه فيه يزيد اعجابي فيه ليت حسيت اني احبه كنت احب اداوم عشانه اقوم الصبح من النوم و انا مستانسة ودي اطير لي الدوام عشان اشوفه و لما اوصل و اشوفه على مكتبه الصبح قلبي يرتاح و مرات لما اشوفه قلبي يخفق حييييييل ..
حاولت ابين له هالشي بس ما عرفت اشلون صراحة انا عمري ما كلمت شباب او حتى خذيت رقم من واحد يعني سوالف المغازل ما اعرف فيها أي شي ..
مكان تدريبنا كان في غرفة بالادارة و هالغرفة كانت جدام حمام الرجال و انا كان مكاني بالغرفة جدام الحمام بس من بعيد طبعا يعني اشوف كل اللي يمرون و اهم يشوفوني .. فالولد كان كل يوم يدخل الحمام و لمه يطلع كنت اطالعه و مرات يطالعني حاولت ابين له من نظراتي بس ما كان يدري عني و مرات اطلع بره الغرفة اسولف بالتلفون عشان اشوفه و امر يم مكتبه عشان يطالعني كنت كل يوم اسوي هالحركه عشان يثبت عليي بس ماكو فايده و في يوم كنت بره اسولف و هو يمشي في الممر و طاحت عيني بعينه و قعدنا نخز بعض مده .. وخرت عيني عشان ما يقول ليش تخزني جذي بس كانت خزة عجيبة و يوم خلصت مكالمتي رديت الغرفة و انا رادة اشوفه يخزني من بعيد و يطالعني
استانست و طرت من الفرحه و رديت البيت قعدت افكر ان اكيد من نظرته حس فيني او اعجب فيني و طبعا رحت عالم ثاني و صدقت نفسي و قعدت اتخيل سوالف ان راح يرقمني و مع الوقت يحبني و راح نتزوج ومن هالكلام في هاليوم كنت فرحانه وااايد ..
في اليوم الثاني رحت دوام الميداني ابجر من كل مرة و وصلت مع الولد الصبح عند الباب دخل اهو اول وانا بعده دخل الاصنصير و انا رحت السلم و مشيت شوي شوي عشان اوصل مع الاصنصيرلان السلم كان جدام الاصنصير و صج وصلت معاه وطلع بويهي وتوقعت ان خزه امس تتكرر بس للاسف مشى و لا حتى درى عني .. آنا هني صكت فيني الدنيا و عرفت ان الخزه كانت مجرد نظره عاااادية مو قصده منها أي شي و رحت غرفة الميداني و انا متضايقة و شوي وابجي لان يا بنات ما تدرون شلون حبيت هالولد والله اني اموت عليه و دوم افكر فيه ..
و طبعا يوم رجعت البيت بجيت بجي اللي عيني صارت حمرة حيييل وفي وقتها فكرت اني اكتبله ورقة اطلع فيها كل اللي في قلبي لاني احس ان اذا ما قلتله راح انفجر و قعدت اسبوع كامل و انا اطلع كل اللي في خاطري لاني احبة صج لدرجة ان من كثر ما افكر فيه حلمت فيه احلام واايده
المهم كتبت في الورقة كل اللي في خاطري اقوله و في الاخير حطيت ايميلي ما كان قصدي شي بس الصراحة كان فيني فضول اعرف ردة فعله و كتبتله هالشي في الورقة عشان ما يحط في باله شي ثاني ..
و قعدت ايام افكر شلون اعطيه الورقة بدون لا يعرفني و فيوم كنت اسولف بالتلفون بره مريت على القسم اللي اهو فيه ما لقيت احد كللش لان قسمهم طبيعة شغله بره الادارة استغليت الفرصة و حطيت الورقة على مكتبه و رحت بسرعة و انا قلبي يدق و خايفة و رديت الغرفة و قعدت ..
في اليوم الثاني و انا بالادارة في الغرفة اللي نقعد فيها كمبيوترات ما قدرت اصبر لين ارد البيت فتحت ايميلي هناك و شفت دازلي ايميل استانست حدي و فتحته و راح اكتب لكم جزء من اللي صارو كان كاتب :-
( منو وياي و ارجو الرد لاني ما احب هالسوالف و لا تخافين بيني و بينج بس لازم اعرف لان حرام كل هالكلام )
نطرت لين وصلت البيت و رديت عليه :-
( انا وحده من بنات الميداني .. احس انك تضايقت من اللي سويته سامحني و صدقني مو قصدي اتحرش بس كانت مشاعر مكبوته في قلبي و ما قدرت اخشها و ارتحت يوم طلعتها .. وانت شكلك واحد زين الله يوفقك)
رد عليي:-
( هلا والله الكلام اللي دازته كبير و يعور القلب و يخلي اللي ما يحس يحس غصب بس اكيد ما راح اتجاوب معاج لاني ما اعرفج بس صراحة كلامج اثر فيني و بعدين انا مو مميز لي هالدرجة عشان الوحدة تعجب فيني وفي الاخير قوليلي شنو في بالج عشان اعرف )
رديت عليه و راح اختصر لكم الكلام :-
( مو شرط الواحد يكون مميز عشان الوحده تعجب فيه ...احس اني متوترة انا الصراحة مادري شنو ابي و لو مو دازة لك الورقة احسن جان ما صار كل هذا انت قول شنو اللي في بالك عشان ما ازعجك )
وطبعا انا ميته و افرفر بس ابيه يقولي اخذي رقمي او ودي نتعارف ..
رد عليي و قال :-
( لا تحسفين عادي و بعدين الكلام لج انتي شنو تبين مني بالضبط علاقة صداقة و تعارف مثلا و لا شنو )
و طبعا انتو عارفين ما اقدر اتجرأ و اقوله ابي رقمك او ابي علاقة فرديت عليه :-
( يعني وحده تحبك المفروض تفهم مو معقول ؟؟؟؟؟)
رد عليي وقال :-
( هلا شلونج .. افهم شنو و مو معقول شنو ترى ليحين ما فمهتج و بعدين الحب مو جذي صدقيني انتى مو فاهمه شنو الحب اللي فيج اعجاب لان الحب ايي بعد علاقة طويييلة و فترة وعشرة مو جذي و بعدين قوليلي منو انتي يمكن لما اشوفج ابادلج نفس شعور الاعجاب مو الحب )
رديت عليه و انا ادري ان ماراح يعجب فيني و قتله موصفاتي و شكلي لان قالي مايدري انا أي بنت لان احنا وايد بنات
و في اخر يوم دوام في الميداني عندهم تمشيت بره عشان يشوفني و هو كان يمشي في الممرات و بعد الدوام دزلي رسالة و قالي :-
( عرفتج انتي البنت اللي في الممر .. اذا محتاجة شي من الميداني و تبيني اضبطج بالدرجات عند مسؤولة الميداني قوليلي و انا حاضر) و ما ياب طاري أي شي من اللي صار
رديت عليه و قلت له مشكور على المساعدة و الله يا بنات ان من بعد اخر يوم داومت فيه عندهم و انا كله متضايقة و نفسيتي زفته و مرات ابجي بروحي لاني ماراح اشوفه كللللش ..
بعدها رحت ميداني مكان ثاني لان نظام الميداني بالتخصص عندنا في الكورس اروح مكانين و اول يوم داومت في المكان الثاني بجيت بالسيارة لاني ماراح اشوفه و طبعا المكان الثاني اللي رحتله أرف و يلوع الجبد ..
انا كان عندي كتيب عن ادارة الولد اللي احبه في تعريف بالادارة و الاقسام و في كل قسم حاطين عنده رقم فخذيت رقم القسم اللي اهو فيه و دقيت عليهم طلعلي اهو على الخط قال : الو الو بغيت اتكلم بس ما قدرت و صكرته وبعد اسبوع دزيت له ايميل اسال فيه عن اخباره و كتبتله اني ليحين افكر فيه و احبة ...مرت اسابيع وخلصت الميداني و انا ليحين افكر فيه و هو ليحين ما شاف الايميل لاني كتبتله اخر شي اذا شفت الايميل دزلي حتى لو رسالة فاضية بس عشان اعرف و اول امس دقيت الصبح على القسم و هم طلعلي قال الو جان ارد قلت الو بغيت اكمل ما قدرت و صكرته ادري ان ماكو فايده من اللي قاعدة اسويه و ادري ان اللي ابيه ماراح يصير لعدة اسباب و هي ان اهو ما يبيني و لا يفكر فيني اصلا و هو مو من اصلي انا اصلي غير و هو غير فصعبة واااايد ان يكون بينه نصيب و هم ما يصير اقط روحي على الولد ..
مرات انساه و عااادي الوضع و مرات يطري على بالي فجأه و يضيق خلقي .. بس كل ما تذكره ادعيله بالخير و التوفيق لاني احبه و اتمناله الخير ..
والصراحة احسد الشباب لانهم يقدرون يحبون البنت اللي يبونها بدون احراج و يقدر يقولها عادي مو نفس البنات خلف الله عليهم ..
واسفة يا بنات اني طولت عليكم بس قتلكم ودي اطلع اللي في قلبي لاني صج عشت طول الفترة اللي مضت على حلم مستحيل يتحقق .. و سبحان الله اول ما كنت احب هالمكان ولا اتمنى ان ادخله و اللحين اتمنى لو اني اشتغل فيه عشان اشوفه كل يوم ..
وفي الاخير اقول كل شي خيره من رب العالمين و الحمدالله على كل حال و انا متوكله على ربي و ادري ان باذن الله الكريم راح اتزوج واحد زين و يحبني ..
الله يخليكم كونو جديين ردوا عليي وادعولي ان الله يزرقني الزوج الصالح اللي يحبني اكثر من ما احبه لاني تعبت من اللي صار ولاني محتاجه واحد يحبني و ينسيني الولد اللي حبيته من كل قلبي
و ان شاالله ما تجربون اللي صار لان شي يعور القلب ...
و ان شاالله ما تجربون اللي صار لان شي يعور القلب ...
وشكرا للي قروا قصتي
