عشرين سنه زواج وخلاص تعبت

[دنيه سعوديه]

:eh_s(11)::eh_s(11)::eh_s(11):خواتي بالمعنى الاصح حبيباتي لان يشهد الله اول مره اكتب في النت عن مشكلتي بس خلالالاص ابغى احد اشتكي تزوجت من عشرين سنه وفيه مشاكل مع اهل زوجي بس تحملت شي ماتتحمله الجبااال وانشاءالله الاقيه عند ربي بس الانسان يكون له طاقه وينفجر وانا تحملت واتاري صبري نفذ تخيلو السنه اللي كملت فيها 19سنه في يوم من الايام كنا مسافرين للمدينه اللي ساكنين فيها اهل زوجي ومن شهور مازرناهم واتصل زوجي على اهله قال بنجيكم :eh_s(9):والمشكله اهلي ساكنين في نفس ديرة اهل زوجي قالت ام زوجي خلاص بنستناكم بالعشا والقهوه:eh_s(7):وسافرنا وكلمهم زوجي واحنا بالطريق قال بنوصلكم مغرب وتخيلوا وصلنا :eh_s(22):و:eh_s(22):لقينا الباب مقفل بالمفتاح والشغالات يردون يقولون مافيه احد كلهم خرجوا من عصر :eh_s(11):اناكذا:eh_s(14):وزوجي منحرج مسكين فشله مقفلين الباب وهم بيستقبلونا يقول بالعشاء :rgewrg: ياليتهم ع الاقل حطوا قهوه مو عشاء بكبره وتخيلوا اقله في السياره بروح لاهلي قال ياشيخه امي تستننانا بالعشى والقهوه ويافشيلته قدامي وانحرج بس انا تخيلوا من صبري مشيت الامر لكن كتمت كتمت وانفجرت بعدين :eh_s(11)::eh_s(11)::eh_s(11)::eh_s(11)::eh_s(11):بعد شهور وانقلبت حياتنا جحيم وجلست كل اسبوع مشكله وزوجي سلبي ما يهتم لانه يخاف من ابوه لان ابوه جبااااار لكن الله الجبار الاقوى والحين خلاص عفتهم كلهم وزوجي لانه ما اخذ حقي وانا هذا الشهر قررت الانفصال نهائى والحمدلله تطمنت ع اولادي كبروا صح بيفقدون جونا الاسري :eh_s(11):بس الصبر له حدود واكثر شي احرقني اني ضحيت ب20سنه مع ناس ما قدروا لكن الله ينصرني وانا ارى ذلك ياحي ياقيوم بس ابغى تجارب المطلقات كيف صارت بعد الزواج وكيف لمن تزوجت وكيف اولادها نفسيتهم بعد الانفصال:eh_s(15):

 

[المزن هتان]

هلا أختى شوفى آنا بنصحج لله وأنتى بكيفج :

تعوذى من الشيطان ليش تتطلقين قعدى فى بيتج وخيرج وريلج وعيالج وزورى حمولتج بالمناسبات
تراا الطلاق ضياع ودمار بيوت وتشتت أسرى ونفسى
وعيالج ما يستاهلون يضيع مستقبلهم ويتعقدون من هالمشاكل وعدم الاستقرار الأسرى خاصة إنهم يتمنون تحقيق أمنياتهم بالدراسة والإجتهاد والطموح والمستقبل المشرق
صدقينى تراا الطلاق دمااااار وتشتت والبيت عز ومملكة المرأة
تراا ما حد نافعج من بعد الله ألا بيتج وخيرج وريلج وعيالج
والله يصلح بينكم وأهديج هالدعاء العجييييييييب

دعاء تسخير الزوج

اللهم إنى أسألك بأنى أشهد أنك أنت الله الذى لا إله إلا أنت الأحد الصمد الذى لم يلد ولم يولد ولم يكن له كفوا أحد
وأشهد أن سيدنا محمد عبدك ورسولك ولا رسول بعده صلى الله عليه وعلى أله وصحبه وسلم
اللهم يا مسخر القلوب القاسية والعباد العاصية والجبال الراسية سخر لى زوجى ( فلان بن فلان ) كما سخرت فرعون لموسى والنار لإبراهيم ولين لى قلبه كما لينت الحديد لداوود
اللهم لا تجعل لزوجى حظا فى النساء مع غيرى يا حى يا قيوم يارب العالمين
اللهم سخره لى وذلل لى صعوبته وأجعله يخضع لى من حيث لا أحتسب
اللهم إجعلنى فى عينى صغيره وفى أعينه كبيرة
اللهم إجعله أبا لى فى الحنان وأخا لى فى الطاعة وحبيبا لى فى الفراش وأجعلنى له أما فى الحنان وأختا فى الطاعة وحبيبة فى الفراش يا أرحم الراحمين
اللهم جملنى فى عينه وجمله فى عينى وأجعله لى كما أحب وأجعلنى له كما يحب وأجعلنا لك كما تحب
اللهم حسنى فى عين زوجى وحببنى إلى قلبه وأجعلنى الزوجة الصالحة له وأرزقنى ذرية صالحة منه
اللهم عظمنى فى قلب زوجى وأجعلنى ماء عينه ودم قلبه ودفىء حياته وأسعدنى ولا تشقنى معه يا أرحم الراحمين
اللهم زده حبا لى وصراحة معى وتعلقا بى وتفاهما معى وحبيبا معى يا الله يا كريم
اللهم إجعلنى درة فى عينه حبيبة الى قلبه جميلة فى نظره قريبة من فؤاده يا أرحم الراحمين
اللهم ألف بين قلبى وقلبه وأدم علينا المحبة فى الطاعة والايمان والتقوى
اللهم يا حنان يا منان يا ذا الجلال والإكرام يا بديع السموات والأرض يا حى يا قيوم حنن قلب زوجى على أنت ولى ذلك والقادر عليه
اللهم يا مؤلف القلوب ألف بين قلوبنا وسخره لى وطهرلى سمعه وبصره وفؤاده
اللهم ملكنى قلبه وأسلل سخيمة قلبه وأصلحه لى
اللهم ألبسنى حلة من حلل صفوك عند لقائك وأجعل غضب زوجى على بردا وسلاما كما جعلت النار بردا وسلاما على نبيك إبراهيم عليه السلام
اللهم حببنى إلى قلبه وجملنى فى عينه وأستر عيوبى عنه وأستر عيوبه عنى وألف بين قلوبنا على محبتك
اللهم آآآآآآآآآمين​

 

[الـزين و الجـود]

الله 20 سنه !!!
الله يكتب لج اللي فيه الخير

 

[7oor kuwait]

حبيبتي تحملتي 20 سنة صدقيني راح تفقدين حتى احترامج وعزتج حق نفسج لما تتطلقين ,ترى العمر يومين تحملتي كل هذا تحملي بعد عشان خاطر عيالج,وعسى الله يهدي سركم ويسخره لج ياااارب

 

[انا لحبيبي .]

عمرك ما تتخذي قرار وانتي معصبه وماخده موقف من حد

الله يناولك يلي فيه الخير ،،

 

[.،:"$الـعـوبــــة$":،.]

شوفي يالغاليه،انا مو فاهمة شنو بينكم بالضبط،
بس اقولك 20سنة مو شوي،
انتي صبرتي عشان عيالك والحين عيالك كبروا عسى ربي يبلغك فيهم
ويعوضون صبرك خير،
وحمولتك ماتبينهم يسلم راسك صكيهم باقرب طوفه،
ولاتتركين بيتك اللي استحقيتيه بهال20سنة من الصبر
لاتشتتين عيالك عشان ناس في نظرك ماتسوى،
اناماقولك اصبري عليهم واحتسبي الاجر،
لا ماقصرتي بالصبر وبيض الله وجهك،
ودامك بايعه كذا مو الااتطلقين،
اشطبيهم من حياتك مولازم تروحين لهم ولاتسلمين عليهم
مولازم توجبينهم ولااتحملينهم
عيشي حياتك لربك اول شي وبعدها لنفسك وعيالك،
روحي وزوري والبسي واكشخي واذا عيالك كبار سافري معهم
غيري جو جددي حبك لنفسك وحياتك،
وزوجك لاتلومينه ترى صعب ان يصير له راي وهو تربى يكون ماله راي!
وموفقه يالغالية،​

 

[@ام يوسف@]

اللي صبرك عشرين سنه يصبرك السنين الباقيه تعوذي من الشيطان واهم شئ عيالك

 

[ام زهقانه]

استخيري قبل الطلاق موحل هدام بيت وتشرد اعيال حتي لو اعيالك كبرو تبلن تيتمينهم وانتي حيه حرام عليج

 

[قصيدة عمري]

اهلين اختي

انا تطلقت بعد زواج دام 16 سنه بس مو انا اللي طلبت هالشي!

انا ربي رزقني ببنت وحده الحمدلله

بسسس نصيحه لوجه الله لاتطلبين الطلاق والله مو سهل حتى لو انك تكرهين الرجل

خليه علشان عياله لان الطلاق صعب ويأثر على نفسية العيال

ترى هالعيال بهالعمر هم اللي يتعبون نفسييااا وانا بنتي عمرها 19 سنه

تتضايق من هالسالفه وحتى اقرب صاحباتها ماعلمتهم

خلي بناتك وعيالك اصحاب لك مو عيال بس

سوالف وطلعه وسسسفر

حرام اللي صبرك هالعمر اصبري والهي بعيالك وونسي عمرك

والباقي طنشيهم اشغلي نفسك بقراءه باهلك وصديقاتك

سوي لك عالم خاص فيك

دلعي نفسسسسك شوفي وش تحبين سويه

تعالي زوريني في بوسطن انتي وبنياتك هههههههههه



وربي يسعدك ويخلي لك عيالك ويفرحك فيهم

وبنيتي والجميع :eh_s(7):
​

 

[نفهمها صح]

شوفي قصتك نفسسسسي تقريبا ونفسسس مدة زواجي
وابووو زووجي العن من ابوو زووجج تعرفيين كيف العن
انا كنت بطلق من زوجي زي متقوولين الخاطر طاب منه
شوورت عيالي ورفضوووو 2 من عيالي كبار وهم متاذيين من ابووهم نفسي
بسس الفرق بيني وبينج انا معندي احد اسكن عنده وانتي عارفه نظامنا بسعووديه انطقي بلمحاكم وغير نفقه اللي راح متحصلينه الا بطلعة روووح
وخاصه انه ابووه وراءه راح يبهدلك تبهدل
حسبيه صح
والله يسر امرج يارب

 

[ناتشوو]

مع كلام الخوات
علشان قهوة ولا مو محترمين معاج
تطلبين الطلاق
قلعتهم
اهم شي زوجج زين معاج خلاص
وبعدين 20سنة مو شوي
ولا تظنين بتعيشين حياة طبيعية بعدها
ولا حتى تجيبين سيرة لزوجج عن هالفكرة
لا تخلينه يفكر بشغلات ثانية مو لصالحج
يعني يروح يطق امه وابوه ولا يذبح خواته
علشان ترضين عنه
وتحسين ان تضحياتج معاه ماراحت بلاش؟
مو غصب يحبونج
اهم شي علاقتج بزوجج
استغرب من اللي تضيع جزء كبير من حياتها الزوجية وراحتها النفسية
في هواش مع اهل الزوج
ونقاشات عقيمة مع الزوج عنهم
النتيجة لهذه الحوارات :
يا انج تخلينه يشيل بقلبه على اهله ويتهاوش معاهم
او يزهق من القعدة ومن سوالفج
وفي الحالتين مو لصالحج
وبعدين اذا هم مو حابينج طلاقج بيكون فرحة لهم
وبيشبعون شماتة فيج
خليج على قلبهم
وجهادج مع بيتج وعيالج
ونجاح عيالج واسرتج
اكبر نصر لج

 

[أحبك أمي]

الله يهديه لك
ويحفظ عيالك

 

[قلبي عبدالله]

الحين علشان ناس ماتسوى تهدمي بيتك

بالله شنو الموقف اللي تبي زوجك يتخده اتجاهم بالطقاق اللي يطقهم لذي الدرجه هامينك العني الشيطان وارجعي بيتك ولمي اولادك لان زوجك ماله دنب بتصرفات اهله ولاتخلي احد يلعب براسك
ماتطلقتوا في بداية حياتكم تطلقون تالي العمر الله يهديكم وردي بيتج لاتكسري خواطر عيالك خصوصا ان سبب الطلاق مو منطقي ابد

 

[قاهره عذالي]

اي طلاق اي خرابيط
حبيبتي
اهم شي زوجج مقدرج
ويحبج وشاريج
بدال ماتخلقين المشاكل وتفكرين بهدام بيتج وتشريد عيالج
عشان والله اهل زوجي مايحبوني ما يقدروني
حافظي على زوجج ومالك خص فيهم
انتي متزوجه رجال واحد مو متزوجه اهله وكيفهم يحبونج او يكرهونج قدروا ما قدروا الفشله عليهم مو عليج
انتي لج خص بزوجج وبس
وعيالج ان كبروا ما ينفعونج كل واحد يفتح له بيت ويتزوج وينساج
ما يبقى لج الا زوجج وحياتج معاه
حرام هالعشره الطويله تنتهي طلاق


انا تدرين شنو اللي صابره عليه
على الاقل انتي اهل زوجج يقولون له جيبها تعال انت واهلك

انا كم صارلي راده لبيت زوجي من عقب زعل وقصه طويله
مافيهم احد سال عني ولا سال زوجي عني ولا قال جيبها خن نسلم عليها وش احوالها
ومع هذا طاقتهم بالطوفه وماهموني
اللي مايقدرني ما اقدره
بس ما افرحه واهدم بيتي عشانه
خلج ذكيه
الطلاق مر ويكسر المراه

 

[شقرديه كيوت]

اتطلقين عشان متضايقه من اهل زوجج !!! حبيبتي انتي شعليج فيهم-اهم شي احفظي بيتج وعيالج -محد راح ينفعج غيرهم

 

[قاهره عذالي]

اتطلقين عشان متضايقه من اهل زوجج !!! حبيبتي انتي شعليج فيهم-اهم شي احفظي بيتج وعيالج -محد راح ينفعج غيرهم

معاج
الظاهر تبيهم يفرحون بطلاقها
بدال ما تكسر عيونهم وتقظب بيتها

 

[أتراب]

شذنب عيالج اذا تطلقتين
والسبب اهل زوجج وبعد ما نتي عايشه معاهم
وبعيده عنهم وبماانج اتحملتي 20 سنه اتحملي
عشان عيالج

​

 

[سوسو العصلة]

لاااااااااااااااااااااااااااا انا يمكن بعمر بنتج او ولدج عمري 20 سنه بس اقوووولج لا والف لاااااااااا لاتتطلقييين والله حراااام عليج انا امي مومتطلقه بس في مشااكل عائليه والحين احنا مع امي فبيت وابوي فبيييييييت والله شعووور مو حلوووووووو والله موحلوووووو يعووووور انا اللي عمري 20 سنه اذا شفت عايله ام واب اموووووت اقول ربي يصلح بين امي وابوي فمابالج اخواني اللي عمره 15 واللي 12 واللي 7 لاتتطلقيييين حرااام خليج عادي وطيعي وكله عند ربج مايضيييع والله مايضيع
الله يكتبلج اللي في خير ويعووووووضج يااااارب بالجنه

 

[الأميرة الحزينة]

مافي وحده مو متضاايقه من اهل زوجها..:bbbiu: عندنا وعندج خير.. طنشي اهم شي ريلج,, حمدلله انج موعايشه معاهم ,:eh_s(1):,, ماعندج سالفه تتطلقين وتخربين بيتج عشان هالشي تعوذي من ابليس وشيلي هالفكرة من بالج :eh_s(8):

 

[Tutti-Frutti]

لالا حبيبتي شنو تتطلقين بعد هالعمر!!

حتى لو عيالج كبار ترى وااااااايد راح ياثر بنفسيتهم
يمكن تتعبين وياهم اكثر عقب الطلاق
ابوهم مكان وامهم مكان واهمه متقطعين من الصوبين

خلج عشان عيالج
لو توج متزوجه قلنا ميخالف بس 20 سنه! والله حتى بعد الطلاق ماراح ترتاحين
عـ الاقل انتي الحين متزوجه لج بيت .. بيتج بروحج

ترجعين بيت ابوج عقب 20 سنه؟ والله حرام
راح تضيعين وتضيعين عيالج وياج
خلج وياهم عشان خاطرهم
واذا عافت نفسج الريال واهله بالطقاق لا تهتمين فيهم وتهدمين بيتج عشانهم