عصـير الكيـوي & الأنانـاس ... !

[om MaRyooM]

الســــــــلام







حبيت اسالكم سامعين شي او مجربين عصير الكيوي مع الاناناس ؟؟




مادري انا سامعة عنه يساعد على نزول الوزن ومفيد وايد !



مرة بديت فيه قمت اشربه لمدة اسبوووع ماقطعته وكنت احس بدوخة ومغص مغص مغص يذذذذبح ببطني كنت اتشنج من العوار ماقدر اتحرك

بعدها باسبوعين اكتشتف اني حاامل :nocommint: .. لوووول


كان خوش مقلب .. وتميت انزف والحمدلله عديت الشهرين صرت تمام ..

والحين ودي ارجعله من كثر مايمدحونه ..

في وحدة منكم مجربته ؟؟

 

[كيكه توفي]

ماجربته

 

[BiiShOoO]

وايد حلو و ينزل بس يبيله استمرار

 

[الكيكه دندن]

رد : عصـير الكيـوي & الأنانـاس ... !

انا قريت انه عصير الرمان ينزل وايد

وهم الاناناس

بس الكيوي مادري

موفقه

 

[LuLiTa]

رد: رد : عصـير الكيـوي & الأنانـاس ... !

رفيجتي اتقول يضعف بس انا ما جربته ,,,

 

[om MaRyooM]

رد : عصـير الكيـوي & الأنانـاس ... !

مشكورين حبايبي


ماقصرتو

نبي بعد اراء وتجااارب

 

[senyo0oretta]

آنه جربته عجييييييب ساعات ما أتعشي بس أشربه

ومرات أشربه عالريج صج يضعف

عمره طويل توني داقه على ريلي بالجمعيه

أوصيه ييبلي أنناس وكيوي ههههههه

وطلع الموضوع بويهي

صار لي فتره ما أشرب وألحين بردله

بس آنه أحط معاه ليمون بعد

 

[om MaRyooM]

رد : عصـير الكيـوي & الأنانـاس ... !

^
^


هلا قلبي

اي والله حتى انا ريلي بالجمعية خل اقووله اييبلي زيادة دام جذي

وبجرب الليمون معاه .. مشكوورة خيتووووو

 

[Mystique]

انا قاريه من رجيمات المطوع ان العشى يكون عصير اناناس كي دي دي مع 2 كيوي ينحطون بالخلاط
يساعد على حرق الدهون :icon30:​

 

[A7bch.MaMati :*]

رد : عصـير الكيـوي & الأنانـاس ... !

بنآت أيهو الأناناس ؟ الـ كي دي دي قصدكم ؟

:d

 

[senyo0oretta]

رد: رد : عصـير الكيـوي & الأنانـاس ... !

^
^


هلا قلبي

اي والله حتى انا ريلي بالجمعية خل اقووله اييبلي زيادة دام جذي

وبجرب الليمون معاه .. مشكوورة خيتووووو

العفو حبيبتي:33_1185028183:

 

[أحلى الألماس]

سااامعه عنه بس ماجربته
انشالله بجربه وبشوووف

 

[Miss McDonald]

رد : عصـير الكيـوي & الأنانـاس ... !

.


سآمعه عنه آنه يضعف بس مآ جربته !

 

[جروح صامته]

رد : عصـير الكيـوي & الأنانـاس ... !

حبيبتي أنا ماجربته لأن ماني بحاجته حمدلله
بس شفت نتيجته بعيني سراحه شي فظيع شفته على ولد عمتي كان سمين مره أستخدمه
ثلاث مرات باليوم بعد كل وجبه وبالليل يمشي طبعن ياخذه فرش يصلحه بالبيت والله مايصدق فيه غير اللي يشوفه بعينه
نتيجته مره مذهله

 

[om MaRyooM]

رد : عصـير الكيـوي & الأنانـاس ... !

مشكوريييييين ماقصرتو


*احبج ماماتي*

حبيبتي عادي تقدرين تحطين العصير
بالنسبة لي احط شوية عصير انناس لأنه فيه سكريات والباجي احط اناناسه فريش اقطعها واحطها بالخلاط مع جم حبة كيوي وشوية ماي
لأن يصير ثقيل

 

[رمانه]

رد : عصـير الكيـوي & الأنانـاس ... !

بصراحه بنات انا عن تجربه وااايد ضعفني الكيوي مع الاناناس طبعا معاه رجيم او تخفيف اكل مو ندبه بعدها نشرب عصير اناناس

انا عن نفسي كنت استعمل عصير اناناس كى دي دي واقطع معاه كيوي طازج وبالخلاط واشربه بعد الاكل وايد ضعفني بس للاسف هديته وزاد وزنى شكلي برجع عليه

 

[Q8stylle]

ماجربته بس في دكتور يوصف هالعصير ناسيه منو اهوة

 

[om MaRyooM]

رد : عصـير الكيـوي & الأنانـاس ... !

مشكورين حبايبي

 

[][ sarah ][]

امس قاعده افكر فيه هههههههههههه

والله الكل يمدحه وفيه ناس يقولونلج حطي معاهم بعد برتقال

 

[شــــــــــــــوقــــه]

الكيوي لو بس تاكلينه مو شرط عصير مفعوله سحر

خواني يستخدمونه حق النادي ساعات يكون عندهم وزن و لازم ينزلون وزنهم بفتره محدده

يحطون حيلهم بالكيوي اكل مو عصير خلال اسبوع مع تخفيف ينزلون 5 كيلو

وااايد ينزل الكيوي و الاناناس بس الطبيعي مو كي دي دي

بس انتي حامل مو زين عليج ديري بالج