عضوات قسم السمنه والنحافه حياكم نبي رايكم

[دلع انثه]

يعطيكم العافيه ومبارك عليكم الشهر مقدما وانشالله بفكر بفكرة واقولكم

لي رجعه لكم

 

[أحلى عيون]

عندي اقتراح يمكن مسوينه من اول بس زياده الخير خيرين


ياليت مع بدايه الدايت تصور لنا الجنز الي تلبسه قبل الرجيم وبعد الرجيم

ونقارن منو اكثر وحده ضعفت بس طبعا بالامانه من غير غش ههههه

 

[سمسميه]

احلى عيون
فعلا هالفكره طبقناها قبل وكانت ممتازه وزادت الحماس
يعطيج العافيه

 

[عنيّد]

صباح الخير
الله اشتقت لمسابقات القسم :eh_s(22):


انا بمرحلة التتنيحه ، ماعندي أفكار للاسف
بس عجبتني نقطة تحديد عدد البنات للمسابقه :eh_s(15):


بصراحه ودي اقول من الحين اني بكون معاكم بالمسابقه ، بس مادري شبيصير حزة الصجيه :eh_s(16):
مادري احلف من الحين اني التزم


المهم ..... بتابعكم وبشوف لشنو توصلون
ماقلتيلنا عن افكارج سمسميه :eh_s(10):

 

[GAP^^الكبيرة]

الله يهل علينا رمضان بصحه وعافيه ان شاء الله ... سبحان الله اي شي فيه نيه صالحه الله يبارك فيه

اول فكره ان شاء الله ناويه امشي عليها باذن الله الرياضه >>> النهار طويل وفي مجال نص ساعه قبل الفطور على الاقل 5 ايام بالاسبوع

ورمضان هالسنه بعز الصيف فحاطه ببالي نرس هالبطن من السوائل عاد الله ما كثر شاي اخضر شاي ابيض شاي بنفسجي >>> اعشاب مو عصير عشان الكالوريز

نصيحه كل اخصائي تغذيه... تمر ولبن وشوربه وعقبها ب 10 دقايق الفطور عشان تتهيا المعده وعشان الانفجار البلعي يخف

نوزع الاكل على 3-5 مراحل عشان نحرك عمليه التمثيل الغذائي ونحرق اكثر

عندي رجيم مخصص حق رمضان وكل اسبوع اخطط حق الاسبوع اللي عقبه لان بالنسبه لي جذي اريح وجذي اعرف شباكل وماحرم روحي من شي وهم بنفس الوقت ما اخبص

 

[No 1]

خواتى العزيزات .....تبون تضعفون في رمضان ؟؟ .. اول شي غيرو ابعض الاصناف الرئيسية باصناف صحية و موجودة جاهزة

من تجربتي بدلي الخبز بخبز الالياف الي مخصص للرجيم و الامساك و قليل السعرات الحرارية

بدلي القبوط و المرقوق العادي.. بالمرقوق و القبوط الي عجينتهم كلها الياف

وهاذي اشياء كلها مجربتهم عند وحده تسوي وتبيع و حطوها بالتلفزيون كذا مرة واهي اخصائية تغذية

 

[عنيّد]

No 1 ،، خوش نصايح ... ولكن للعلم ماكو اي اختلاف بالسعرات الحرارية بين الخبز الابيض والاسمر .... الاختلاف فقط بالفوائد ... اكيد كل شي اسمر هو الاحسن والممتاز





سمسميه ترى ناطرين افكارج ^_^

 

[غلاتي الكويت]

وناااسه ودي التزم برجيم برمضان وشكلي بطبق رجيم الملاعق لعبدالله المطوووع

احلا مسابقه كااانت مسابقه الالوان جان تذكرونها الفريق الاحمر والازرق كانت حدها حماااس وصج نزلت فيهاا

لانه اللي وزنها فوق الاميه نزولها غير عن وحده بالسبعينات فمن رايي نتقسم وكل فريق لون

 

[شعور متبادل]

موضوعج حلو وفكه حلوه
مع اني دايمن أحسن صعب نزول الوزن برمضان
وفعلا انا حابه اضعف كم كيلو برمضان لو 3 فوق الممتاز اهم شىء ما ازيد
وقبل لا اقرا موضوعج كنت مفكره ادور واضبط رجيم حق رمضان وعجبني رجيم الدكتور/ طالب الشمري بس احسه صعب راح احطه اهنيه .
اقتراحي ان كل وحده تقول خطتها بالتخفيف او الرجيم والكلل يستفيد

رجيم الدكتور طالب الشمري في رمضان​

الفطور

من 1 الى 5 حبات تمر مع كوب لبن خالي الدسم + كوب ماي
من 5 الى 20 ملعقه مشكله من ( اما هريس مع تشريبه او رز مفيوح ) المهم المجموع مع 5 الى 20
او
صحن سلطه او شوربه ( شرط مو شوربة عدس) + 4 حبات مقالي ( انتي اختاريهم من اللي موجود قدامج)

بين الفطور والسحور

شاي او قهوه مع 2 قطعه حلو

السحور

عندج وايد خيارات
اما صحن سلطه مع روب
او 2 توست مع جبنه قليل دسم
او 2 بيض مفيوح مع سلطه
او كوب نسكافيه مع شابوره
او 5 تمرات مع كوب لبن قليل دسم
او ما تتسحرين بالمره ( منو فينا يقدر )


وبارك الله فيكم جميعا وانشالله برمضان هذا محد يزيد وزنه اذا ما نقص - وياريت كل وحده تقول خطواتها ومخططها حق رمضان بالنسبه للتخفيف لاني ما احب كلمة رجيم


احبكم كلكم --- اهبكم تلتم​

​

 

[شعور متبادل]

حبيبتي فجوووره

اذا في مجال وممكن لو تفيدينا برجيم الملاعق حق الدكتور عبد الله المطوع

 

[q8**girl]

مممم ماعندي فكره يديده ..

بس افضل شي اتقسمون البنات علي اوزانهم الصراحه احوشني احباط لما ملا وزني 100 وبنت 60 اكيد النزول يختلف فاقضل شي تقسيمهم علي فرق

 

[عنيّد]

عجبتني فكرة التقسيم حسب الوزن او حسب السمنه اذا كانت مفرطه او مرتفعه او عاديه وجذي

 

[سمسميه]

انا فكرتي كانت مشابهه لافكاركم وانتو زدتو عليها
قلت لو نقسم البنات حسب الاوزان علشان الموضوع يصير ارتب
وكان ببالي ان كل اسبوع نغير الرجيم والكل لازم يلتزم فيه بس اعتقد صعبه خصوصا برمضان
عموما راح نتشاور انا وزميلاتني ونستقر على افضل الافكار الي حطيتوها
وشكرا لتعاونكم
ووان شاءالله تكون المسابقه عند حسن ظنكم