عضوة جديدة رحبو فيني

[المشاعرالصامتة]

السلام عليكم ورحمة الله وبركاتة خواتي انا عضوة جديدة وابي ترحيبكم وياليت خبراتكم ابي اسوي اطفال انابيب عند الدكتورة ماجدة اليتامى الي سوت عندها تفيدني الله يوفقها

 

[برونزية رشيقة]

حياج الله .. ما عندي خبرة بالدكتورة ماجدة اليتامى ..


أن شاءالله الخوات أللي يراجعون عندها يفيدونج ..

وشكرا

 

[الاهله]

الله يرزقج الذريه الصالحه ويرزقنا كلنا

 

[دآنة آلرشآيده]

يآهلا ومرحبآ
حيآآج الله

الله يرزقج بالذريهـ آلصآلحهـ ​

 

[المشاعرالصامتة]

االله يحييكم حبايبي ويجزاكم خير وما قصرتوا والله يكتبلنا اللي فيه الخيره ويسعدني التواصل وياكم

 

[ReDLOve]

نورتينااا و ياعسى ربي يرزقج بالذرية الصالحة يارب

 

[المشاعرالصامتة]

منوره بوجودكم يالغاليه آمين ويرزق الجميع ناطره ردودكم حبايبي بالنسبه لدكتوره ماجده اليتامى منو سوت عنها تفيدني 

 

[دمعة^حزن]

هلا والله نورتي القسم انشالله الشهر الجاي نلقاج بقسم الحوامل ويرحبون فيج والله ما اعرف دكاتره غير امل عبدالعزيز وناويه اغيرها الشهر الجاي موفقه يارب

 

[المشاعرالصامتة]

هلا والله دمعة حزن وعساج ما تشوفين غير دموع الفرح بخبر حملج انتي وجميع اللي يتمنى الضنى والله يجزيج الخير على هدعوه الحلوه لاني محتاجتها حيل ومن الحين احس اني متوتره والله يرزق الجميييييييع يارب 

 

[دمعة^حزن]

حبيبتي مشكوره وانشالله نفرح بعض واحنا خوات وماناخذ راحتنا بالكلام الي ويا بعضنا يارب يرزقج ويرزقني ويرزق كل بنات القسم الذريه الصالحه انا الحين مفكره ثاني يوم دوره لما تنزل اروح حق فوزيه القطان لان احس امل عبدالعزيز ماكانت ذاك الزود بسالكم سؤال شنو الفرق بين التلقيح الصناعي والتلقيح المجهري وبالنسبه للاسعار نفس الشي ولا غير

 

[المشاعرالصامتة]

تسلمين يالغلا حبيبتي التلقيح الصناعي هين بس ياخذون العينه ويحطونها بالرحم يعني يختصرون المسافه بس الحقن المجهري غير بعد ما تخلصين من المنشطات وتطلعلج بويضات يسحبونها ابنج كامل ويلقحونا وبعد كم يوم لما تتلقح البويضه عاد على حسب جودة التبويض يرجعولج بويضتين او ثلاث بس بدون بنج لانه نفس السونار الداخلي يعني ما يعور وبعدين يوصونج بالراحه التامه ليموعد التحليل والله يرزقنا ويساعدنا يارب والله لايخسر والحقن المجهري غالي يعني بنسبه لي عند ماجده اليتامى حوالي ١٧٠٠دينار ادعولي تكفون عمليتي للحقن الشهر الجاي والحين مبلشه بالابر والله يرزقني ويكتبلي الذريه الصالحه المعافاه التامه آميييييين

 

[دمعة^حزن]

يارب يكتبلج الحمل ويرزقج الذريه الصالحه انزين نسبة نجاحه جم ومافي فرق بينه وبين سعر طفل الانابيب منو الي نتيجته مضمونه اكثر التلقيح الصناعي من 20٪ الي 30٪ يرحيم ارزق اختي المشاعر الصامته الذريه الصالحه وفرح قلبها وقلب كل الي يتمنون يارب *

 

[ثنايا الورد]

حياج بينا ويارب تكون تجربتج ناجحه بأذن واحد احد وتبشرينا قولي آمين محتاجين نسمع ونشوف تجارب ناجحه ترتفع

روحنا المعنويه​

 

[ابدا يالغالي مانساك]

حبيبتي ربي يرزقج وحيااج بينا وان شالله ماتطولين معانا يارب

 

[المشاعرالصامتة]

الله يجزاكم خير حبايبي انا الصراحه ما عندي صديقات وربي عوضني فيكم يالغاليات والصراحه دخلتو قلبي وحسيت انا قلوبنا على بعض اول شي بقولكم اني ولله الحمد والمنه عندي عيال بس اصغر عيالي بيدخل خمس سنين إن شاء الله العمر كله وانا احب الاطفال وزوجي يموت في المواليد ونقول لولدنا انت الحين كبرت صرت ماصخ ههههههه وعيالي بعد يمووتون بالصغار ويدعون معاي يارب ربي ترزقنا اللهم امييين ويرزكم حبيباتي يارب وكل وحده تبشرنا بحملها باذن الله وان شاء الله كلنا ننتقل لقسم الحوامل بالتوام يارب ماراح نيأس من رحمتك حبيبتي دمعة حزن التلقيح الصناعي ولا المجهري نجاحهم بيد رب العالمين يعني بعضهم من اول محاوله ينجح اذا الله كتب لو النسبه كانت ضعيفه يعني انا عندج معن عندي عيال من قبل سبحان الله سويت تلقيح صناعي ٦مرات والله ماكتب ولا محاوله تنجح وانتقلت للحقن المجهري وترا نفس اطفال الانابيب يعني فرق بسيط والله الموفق اللهم ياحي ياقيوم ترزق كل اللي دعولي ولا تجعل بيننا شقيا ولا محروما

 

[دمعة^حزن]

يحلات سوالفج تجنن والله حتي انتي دشيتي قلبي موفقه يارب انشالله تجيبيب اخت حق عيالج وتلعبين عليها ))

 

[المشاعرالصامتة]

تسلمين حياتي امين الله يرزقنا إن شاء الله

 

[زوجة عزيز]

up up up