عطر الين >> شخباااري

[naseem]

سلام عيكم ورحمه الله وبركاته


>>>من الموضوع غبااار


عطر الين انا ماقد جبرته او مره بحياتي اشتريه المهم بعد مدح مو صاحي باغلب المنتديات


قررت اشتريه لاني ابحث عن عطر ثقيل وحلو


بس الصدمه:eh_s(16):


طلع وع ويلوع الكبد وماله ريحه جميله >>يعني ريحته ثابته بالملابس بس ريحه شيء خام

يعني بالضبط زي العطور المغشوشه ام 40و 30 اللي ماتكون تابعه لماركه مشهوره يعني شغل اي كلام

بخيت بالغربه وطلعت رجعت بعد كم ساعه اببببببببد مافيه ريحه كلللش

ـــــــــــــ

بنات وين المشكله فيه انا ماقول وحده ولا ثنين مادحينه الا الشعب كلللللللللله هابين فيه وللحين يطبونه

بس كلش ماحسيت انه عطر:bbbiu:


يعني معقول بنات تدخل وتمدح وهي ماجربته >> بس كذاااااااا اتراني استخدمه:eh_s(10):



رايكم بنات :eh_s(7):

 

[zooza-moza]

اممم لا اكيد مجربينه


بس الاذواق تختلف ..

 

[Sweet Angle]

مادري ياقلبي يمكن مو اصلي عيل شلون جذي ؟؟
جربي عطيه فرصة ثانية .. انا حييييل اعشقه
احسه مميز اهو وااايد قديم
بس اهو موضته ماتخلص احسه ينفع للشتا والصيف
بس في الشتا ادفى واحلى
و كان اهو عطري فترة طويييييييله..
ريحته قوويه وناعمة بنفس الوقت مو حادة حيل ..
و يظل فترة طويلة بس يمكن اهوا مو من ذوقج ..
اكو عطر ثاني اظن من اجمل اسمه سكرفايكس شي جذي
نفس عطر الين تقريبا بس الين احلى واحلى

ان شاء الله يكون اسمه صح

ان شاء الله البنات يفيدونج بعطر قوي و حلو :**

 

[توتة البسكووتة]

اانااا عن نفسيي اول ما نزل قبل 4 او 5 سنيين كنت شاريتة وكااااااان حدة وااو
بس الحين اخترب

والحين ينباع ب اجمل بعد اختي تحبه مادري ليش بس الحين ما قامت تحبه


نصييحة في عطوور وايد احلى
مثل نرسيسو و ch و عطر كييم

وحتى اجمل عندهم عطووراات عجييبة مثل شادو و في واحد نفس شادو لونه ذهبي

وهم االشاايع عندهم عطر اسمه بنفسج وايد حلو
وششكرا

 

[ranh]

هلا حبيبتي
كل جسم يفرق عن الثاني العطر يتغير ريحته من شخص للثاني
ما احب الين
بس لو شفتي تقيمه عالميا من اربع نجوم ونص وطالع
يعني اغلب الناس تعشقه
بس انا مثلج ما احبه

تحياتي لج حبيبتي

 

[BaiTotia]

يمكن ماعجبتج ريحته مو لأن مغشوش

أهو حيل مميز هالعطر ووايد له معجبين ههههههههههه

الناس أذواق بالنهاية

 

[funrose]

الناس اذواق انا رفيجتي هذا عطرها اللي دايما تشتريه امدحته لي وقالتلي جربيه لمن رحت المحل عشان اشتريه كلش ما حبيته بالنهاية لولا اختلاف الاذواق لبارت السلع نصيحة مرة ثانية لا تاخذين عطر على مدح الناس روحي المحل وشميه واذا ما اعجبج لا تاخذينه

 

[ام الدرر]

انا اول مانزل على مدح الكل
رحت بشتريه ولما شميته ماعجبني كلش
وفعلا الناس اذواق​

 

[krkooora]

نفسي انا ريحته تيبلي القمته و ماحبه كلش

 

[@sweet angel@]

انا اشتريته اول مانزل وبصراحة وااايد عجبني

وريحته شتوية وقوية وخاصة عقب ماتخف الريحة تصير وااايد هادية وحلوة

بس الحين منزلين الين اللي غرشته لونها موف فاتح

 

[naseem]

انا هذا اللي صادمني ان اغلب الناس تعشقه

وياليت له ريحه بعد عي قوله البنات فوق يقتتتتتتتتتتتتتتتتتتتتتتتتتتتتتم

والله بنات مافيه ريحه كانك ترشين ويطلع رذاذ يقتم قتم ويع

صراحه شكيت بعمري هههههه معقول عاجب نص الشعب وانا لا ( نفسيه خخخ)

وانا جابته لي وحده من امريكا كان عند زوجه دوره >> عاد رداه حظ ماجربته قبل ولا شميت ريحته هنا

بعد دفعت فلوس والحمد لله

 

[أبلة فاتن]

حتى عندج نارسيسو رودريغو حلوو والكل يحبه وهبه بس لمن شميته اكثر من مره ما تحمست اشتريه مادري ليش

عموما الناس يحبون العطور اللي طقت ستيلا القوية اللي مادري شلون صايره


انا احب العطور الهادية اللي تحسين روحج بيبي فيها ،، اطلبي عينات من المركز يعطونج ههههههههههه كله جذي اسوي

اخذيهم وشوفي الحلوين وبعدها اشتري ،،

اتوقع انتي تحبين الشيء الناعم اهتمي بتعطير الجسم بعدها تعطير الملابس تطلع ريحتج احلى من اعتمادج على عطر واحد

عطور ديور حلوه بعد

 

[nony222]

وانا نفس الشي ما عجبني اول ما طلع انتشر بشكل مو طبيعي ريحته تجيب لي غثيان لا وكمان بعض الحريم كان ريحتهم كانها عرق و انتو بكرامه ويطلع في النهايه باخين هالعطر هو الوحيد الي اعرف ريحته من بعيد و في النهايه العطور اذواق

 

[فواصل]

بالعكس حلو

يمكن ريحته قوية =لانه مسك مركز

وكل وحدة ولها ذوقها الخاص

 

[naseem]

تسلمين ابله فاتن

انا احب العطور الهاديه بس ابغي شيء ثقيل للمناسبات احس الهادي ما يبان ريحته كثير

بس عاد شسوي طيبت طبه حووووسه

nony222

هههههههههههههههههههههههههه


صااااااااااااااااااااااااااااادقه وربي صادقه هذي فعلا ريحته

فواصل الله يهديك اي مسك !!!

اببببببببد ماحسيت بهالشيء

والله محتاره ارميه او اعطيه احد بدون هديه !! خخخخ يعني شميه عجبك خذيه مستحيل اهديه احس وع ااطيح من عينهم علي الذوووق

 

[دلال و غلا]

الين عطري المفضل

ما يعور الراس و ريحته مميزه

الناس اذوااااق

 

[كاجـــو]

شكلك زي ذوقي جربي فلور باي كينزو

جنااااان...مواي عطر يعجبني بس فلور طحت بغرامه....يهببببل

 

[Nafnooofa]

انا بعد ما حبيته احسه وايد يقمممممت

 

[ميمي بنت محمد]

بالعكس مره حلو اول مانزل جربته وحيل ريحته تبقى في الملابس

بس بصيف مايصلح لانه من النوع الثقيل

اخذي لك عطر خفيف مثل بودي

 

[قاهره عذالي]

في عطر باجمل

نفس عطر الين القديم

بالضبط

ب6 دك

اسمه ساكريفايس

شكله مربع بنفسجبي

شوفي اللي باجمل

ريحته فلوري

تصلح تكون حق النهار والصبح والصيف


اذا تبين عطر ثقيل

لازم يكون فيه عود

عندج عطورات العربيه للعود كلها ثقيله وعطورات سيد جنيد