عطـــــــوني رااايكم ...

[* غزل *]

السلام عليكم والرحمة الله وبركاته ...

شلوونكم شخبااركم ،،،


بنات انا موظفه بس بصراحه الراتب مومكفيني ،، وفكرت بهل طريقه بس الصراحه متردده اسويها ولا لا وراح تنفعني للدخل ثاني ولا راح افشل ابيكم تنصحوني لاني فعلا انا جاده ابي دخل ثاني غير معاشي ..

انا اعرف احط مكيااج اوودي ادش دووره وتعلم اكثر وقلت من اخلص منها ،، ببدي بهل مشرووع من البيت واذا الله فتحها لي وشفت لي اقباال وميزانيه افتح صالوون ولا شرايكم ؟؟

واذا اقنعتوني انه المشروع موشي .. يريت الي عنده مشاريع ثانيه بسيطه يريت يعطيني فعلا محتاجه دخل ثاني ..


واشكركم على المروور​

 

[نور الشمس 75]

أنا بصراحه سمعت حريم اشكثر كانوا يحطون مكياج بالبيت
ولما اشتهروا وصار عندهم زباين افتحوا صالون
الله يوفقج مشروع حلووووو

 

[* غزل *]

نور الشمس 75

شكررررا على مررورج يالغاليه وعلى تاييدج لي

 

[ام ملاك2]

الدنيا تجارب ويارب توفقين

 

[مندوبه]

اولا لازم تكونين متمكنه من شغله المكياج يعني ماخذه دورات علشان تعرفين اساسيات وضع المكياج
وبعدين تتفقين مع صالون انج تسوين دوره للبنات 5 ايام بـ 50 دينار ويكون النص بص بينج وبين الصالون
هذي الطريقه كانوا بنات كويتيات امسوينها بصالون بخيطان ومع ان الصالون داثر ولا احد يمر صوبه
بس من حطوا الدورات صار ضغط وزحمه عالدورات لان رخيص ومنطقه قريب مو الكل يقدر يتعنا للجوثن
ودوراتهم غاليه هذا الحجي من زمان قبل 4 سنين تقريبا وانا كنت من البنات الي سجلت بالدوره
وتعلمت منهم صج 5 ايام تعلمت منها شغلات وايد

 

[فانسي نايت]

اولا لازم تكونين متمكنه من شغله المكياج يعني ماخذه دورات علشان تعرفين اساسيات وضع المكياج
وبعدين تتفقين مع صالون انج تسوين دوره للبنات 5 ايام بـ 50 دينار ويكون النص بص بينج وبين الصالون
هذي الطريقه كانوا بنات كويتيات امسوينها بصالون بخيطان ومع ان الصالون داثر ولا احد يمر صوبه
بس من حطوا الدورات صار ضغط وزحمه عالدورات لان رخيص ومنطقه قريب مو الكل يقدر يتعنا للجوثن
ودوراتهم غاليه هذا الحجي من زمان قبل 4 سنين تقريبا وانا كنت من البنات الي سجلت بالدوره
وتعلمت منهم صج 5 ايام تعلمت منها شغلات وايد

عدل كلامج

 

[* غزل *]

مشكورين على المروور وعلى المعلوومه الحلووه

 

[بيبي بدر]

فكرة حلوة سوي دورات
انا قاعدة افكر بس في بيتي