عطلة 15 (وين اقدر اسافر) ابي مساعدتكم

[fatma-84]

السلام عليكم اشلونكم حبايبي
بما ان عطلة الربيع قربت وانا حدي ودي اسافر العام ما سافرت والسنه يمكن ما اسافر ودي اروح مكان حلو انا وزوجي اشرايكم قولولي وين ممكن اروح:080402ask_prv: طبعا مو دول عربيه ولا خليجيه انا خاطري بسنغافوره بس مادري تسوا؟
يللا عطوني رايكم :gathering:

 

[حاااايره]

شوفي سنقافوره سنقافوره تفرينها بيومين اذا مو يوم وغاليه شوي

شوفي اوروبا هالحزه برررررررررررررد وثلللللللج مايسوى اذا مفكره استراليا يمدحووووووووووووووونها لكني مارحتلها ويقولون يبيلها شهرو العطله اسبوعين مايسوى

روحي ماليزيا او تايلند وانا ارشح تايلند لان سوقها وااااااااااااااااااااااااااااو وجزرها آآآآآآآآآآه رووووومانسيه ورحلاااات تجنن وونااااسه ورخص روحي بوكيت بس ترا بانكوك وصخه شوي لكن سوقها شييييييييي

وماليزيا زينه بس اغلى من تايند وانظف واسلاميه لكن كللللش مو مثل رحلات واماكن تيالندارض الاحلااااام



رحله سعييييييده

 

[DALLY]

دامج احتمال ماتسافرين بالاجازه العوده عوضيها بروحتج لتايلند وزوري جزرها ويكفيج اسبوعين او 10 ايام لان مجمعاتها حلوه وبعضها متشابهه ومو غاليه عاديه والجزر حدها ممتعه

 

[غيـ الناس ـر]

روحي اوووربا شزين بردها بهالوقت .. مو ثلج بس برد حلوووو



واتوقع ارخص من الصيف تصير مو وقت سياحه

 

[amoon]

تركيا
ولا تايلند

 

[kandora]

tailand

 

[.. مـــلاكـ ..]

سنغافورة روعه

بس غالية شوووووي

 

[LA TROO7]

هذا وقت تايلند او ماليزيا او سنغافورة

مايصلح اوروباا بالبرد كئيبه

 

[حسافه عطيتك قلب]

تبين نصيحتي اخذيلج خيمه انتي وزوجج وروحي الصبييه ولا المطلاع بصراحه عطلت الربيع ماتحلا الابالبر وهذي نصيحتي

 

[fatma-84]

مشكورين حبايبي على الردود شكلي بفكر بماليزيا

 

[mn.mn]

ليش ما تخلين ميزانية السفرة حق الصيف أونس

صج عطلة الربيع حسافة الواحد يسافر الجو حلو

 

[3e6er alwrd]

انا الي اشوفه انا ماليزيا ما تصلح بدون ياهال تايلاند وايد اونس , تروحين شنغماي وسامويي وبوكيت وبانكوك راح تستانسون , وجوها بعد احلى من ماليزيا

 

[طبيخه]

دبى حلوو جوها بالشتا

 

[روج وردي]

الانا اقول ماليزيا

 

[brettey]

ماليزيا او تايلاند لان اوربا بارده بالشتا او انج تيمعين وتروحين بالصيف اوربا

 

[bkeeetk]

صج صج

خلي هالسفره بالصيف

وآآستانسي براد الكووويت آخذيلج خيمه

وخيموو بالبررررررر والله وناسه ^_^

<= برررراااااااااااااااااا

 

[ام عهوده]

(أسأل مجرب ولا تسأل طبيب ) ......صدقيني روحي اوربا اخذيلج فيزا وروحي لندن وباريس ومن دول أوربا ......

 

[برنسيسة زمااني]

اوروبا وانتي مغمضه

عجيييييييبه بهالجو والاسواق تينن تينن تينن و كل شي فيها حلو الحين

 

[ام محمد وسيف]

الامارات


فديييييييييييييييييييت بلادي محلاها

 

[Tender Heart]

والله انصحج تروحين احد هالاماكن وغيرهم لاتفكرين
1 بوكيت ( تايلند )
2 ماليزيا وافتري فيها
3 دبي لان اهي حارة بالصيف وبالشتا جوها جلوووو
اذا ناويه اوربا انا اقول قضبي ارضج وروحي خيمي بالبر شمال او جنوب لان اوربا جوها بالصيف ساعات بارد شلون بالشتا وراح تصير غلقه