عطوراتي وكريماتي بالصور مع التفاصيل

[q8 knosha]

السلام عليكم.... ​

​

بنزلكم صور عطوراتي والبدي سبريه والكريمات اليديده عندي اخر شي شريتهم قبل جم شهر​

​

اول شي صوره المجموعه كامله :rerrerek: وبتكلم عن شي شي​

​

​

​

​

​

اول شي " البدي سبريه "​

​

هذيل AQUOLINA من مراكز التجميل اللي على اليمين فريش مانغو حلييو بس مع لستعمال تصير ريحته ممله والثاني الوردي ريحته حلاو ومكتوب عليه wild strawberry مادري شكو​

​

​

​

​

​

ببلش من اليمين هذا من بوتس وريحته فانيليا وخفيييفه احب ريحته واايد​

واللي يمه من فيكتوريا سيكرت ريحته هم حييل خفيفه وحلوه على ورد جذي​

واخر اثنين من باث اند بودي ووركس الاول اللي لونه وردي فاتح ريحته بلاك بيري مع فانيليا والثاني مثل كرز على حلاو بس ماحبيتهم حييل ريحتهم قويه ​

​

​

​

​

​

هذا la prairie من مراكز التجميل ريحته حلووه حيل ​

​

​

​

​

​

وهذا فراوله من بودي شوب :eh_s(4):الكل يعرفه​

​

​

​

​

​

وهذي من شانيل اهما مثل بدي سبريه بس كريمي اللي بالنص على oil يخلي الجسم يلمع والاثنين كريم عادي ينشفون على الجسم​

​

​

​

​

​

والحييييييييييييييييييييييييييييييين :eh_s(9): السبريه Hair حق الشعر طبعا غرامي ريحتهم ​

اول واحد هذا الوردي احب ريحته اكثر من اليديد (طبعا بعد ماتستشورين شعرج رشي عليه جذي من بعيد ولفيه او ربطيه عنقوص وبعدها ليي فتحتيه تعالي شمي الريحه اللي تطلع لول يهبل الصراحه)​

​

​

​

​

وهذا الاسود اللي نزل بعده​

​

​

​

​

ييتبع بنات لحد يرد بليز :eh_s(7):​

 

[q8 knosha]

والحين دوور " لكريمات " ​

​

هذا شريته عشان لونه وشكلا لووووول اهوا على ككاو بس بعد ماينشف تتغير ريحته تصير شي موحلو بس مادري شنو :eh_s(10): وفيه لمعه حيل خفيفه بس لونه عوار قلب​

وهذا على ايدي لونه حلو​

​

​

​

وهني بعد مامسحته لمعته حييييييييييييل خفيفه​

​

​

​

​

​

وهذا AQUOLINA من مراكز التجميل ريحته فريش مانغو خذيته مع السبريه :eh_s(4): بيخلص حده

وهذيل من بودي شوب الاحمر فراوله معاه لمعه والثاني ليموون :rgewrg: طبعا ريحته فيريييي لول مادري شكو شاريته

وهني على ايدي لمعته

والحيين نيي حق " العطوور "

هذول عطرين من انور ريحتهم تهبل اول واحد اللي عليسار فانيليا والثاني مسك

وهذا من بودي شوب عطر ريحته حييل خفيفه تعجبني

وهذا عطري حبيبي لول من PINK SUGAR

وهذا هم احب ريحته LA PERLA

وهذا شانيل N5

وهذا ست كاامل من شانيل ريحته حدها قويه
الطويل اهوا عباره عن بدي سبريه لكريمي - والعطر اللي يمه - ولصغير عطر حق الجسم - وهذا كريم مركز بس حق اماكن معينه

وهذا هم الست من شانيل بس الاخضر احب ريحته اكثر
الطويل شور جيل - والعطر يمه -وكريم عادي - وهذا لصغير كريم مركز نفس اللي فوق

واخر شيي Sephora ريحته كراميل محروق يهببل
الدائري العود هذا شور جيل - واللي يمه كريم - واللي عليمين دائري اللي جدام كريم بلمعه - واخر شي السنفره

وبسسسسس :eh_s(22): ​

 

[سوسناتي]

واااااااااااو بينك شوقر هالعطرررررررر امووت عليه ريحته حلااااااااااااو وفانيليا مميزه وحلووووووه مجموعتك جدا رائعه تتهنين فيها ياقلبي

 

[ޢޢޢإيمانޢޢޢะۣۨ>]

وايد حلوين
عليج بالعافية حبيبتي
وآنا ذوقي قريب من ذوقج حيل
أحب الأشياء اللي على Vanilla
جربي هذا من بودي سنتر راح يعجبج

​

 

[honey lust]

pink sugar وين موجود؟؟؟

عندي السبريه مال فيكتورياز سكيرت وااايد حلو بس يبيله قبله البودي بتر ماله تطلع الريحه قويه و لذيذه

عليج بالعافيه

 

[q8 knosha]

مشكوره ايمان اروح اشوفه

والعطر انا ماخذته من جمعية الشاميه فوق

 

[om norha]

يعطيج العافيه حبوبه

 

[softlady]

تسلمين قلبي

لسبريه Hair


الوردي


شنو ماركته ومن وين ؟؟

 

[‏JAĐǾЯE]

شوقتني على بينك شوقر الكل يمدح

 

[أحترت أعبر]

عليج بالعافية حبيبتي العطور كلها حلوه وايد عجبتني مجموعتج وتتهنين فيها ان شاء الله​

 

[مسـك]

تتهنين فيهم حبيبتي

بس النك شوقر من وين ماخذته ؟؟؟

 

[manoooram]

عليج بالعافية مجموعتج واااااايد حلوة

 

[سوسناتي]

عطر بينك شوقر تلقووونه بدبنهامز انا خذته منهم

 

[سوسناتي]

وطبعااا عندهم المجموعه كامله للجسم والشعر

 

[[[ عيون جابر ]]]

وناسه ذوقج عجبني مقارب لذوقي وايد
علييييج بالعافيه

 

[حياتي تكنولوجيا]

حلللللللللوه عطورج وكريماتج
عليج بالعاااااااافيه​

 

[ألماس من داماس]

حلوووووووووووووين مجموعتك بالمرررررررررره تتهنين فيها

 

[بنت احلام]

يهبل عندي نفسه
وعطر الجسم الي على فانيليا بعد يجنن خذيته من بوتس

عليج بالف عافيه




بس عندي سؤال العطر مال الشعر من وين خذيتيه بصرااحه من زمان ادور عليهم ؟

بليييييييز ردي؟؟؟

 

[فديت البي]

واااااااااااااااااااااااااااااااااااو يجنننننننننن عليك بالعافيه

 

[احساس السعوديه]

ما شا الله شكلك ذوووووووووووق

تخلصينهم بالعافية