- إنضم
- 27 يناير 2008
- المشاركات
- 646
- مستوى التفاعل
- 0
- النقاط
- 0
السلام عليكم
بنات انتوا حسبت خواتي وحبيت افيدكم بتجربتي طبعا كلكم بتشترون عطور مركزه واصليه هذا شي طبيعي من مركز فرنسي ودبنهامز وبيضون وغيره
اخذو الصدمه الحين بنات انا رحت شريت عطور اصليه ومركزه بس مو من هل اماكن من المخازن اللي هل محلات تشتري منها برخيص وتبيعها علينا بالغالي
والله يا بنات شوف عيني يجون مندوبين وياخذون عطور من هل مخازن ويبيعون علينه وعليه ناخذ بالغالي
انا حبيت افيدكم واللي للحين ما شرت عطور تختصرها وتروح لهل مخازن واللي شرت الله يعوض عليها
بذكرلكم اسعار بعض عطور وشوفوا الفرق
كرستال نوار من فرزاتشي 100 مل على 15 دينار اللي اتوقع سعرها بمركز فرنسي 50 ملي يمكن على 23
شوبارد مع لوشن 21 عطر لاقيته بسوق بروحه على 25 واذا من مخزن بروحه تاخذينه 18
جفينشي مدوره على 22 لقيته بسوق 24 صج فرق دنارين بس لاتقولين ما راح تحتاجين كل فلس تحتاجينه
شانس كبير 38
flara by gucci على 20 واختي ماخذتها بسوق على 25
سينما من سان لوران 16
الين من ثيري ملغر 15
فاتسي لونها وردي على 7
رتشي رتشي 15
غيسمارسينو 10
نينا رتشي 14
شوبارد قلب بنفسجي 14
سلفر رين من بربر كبيره 30 صغريه 20
بربريز برت 13
فري سكسي 10
فانتازيا 8
بيتفل 18
وغيره وغيره بس هذولي اللي قدرت احصرهم لكم من اسعار وطبعا اللي نفسها طويل وتكاسر بينزلون لها بسعر وعلى فكره هم عندهم مكياج ما سالتهم عن اسعاره علشان لااتحسر لاني شريت مكياج
المهم بنهايه خذيت كميه عطور على كل عطر حاول انه ينزلي منه شوي ويوم طلع بنهايه مبلغ علي قلت له طيح هم ونزلي 10 دنانير فوق اللي قبل
انا رفيجتي قالت لي عن هل مخازن ويوم قلت لها جم عطوني عطوري قالت لي انا اخذ باقل من جذي بعد بس يبيلهم اللي تعرف تكاسرهم
الحين بحاول اوصف لكم مكان مخازن ولو اني مو حيل اعرف اوصف بس بحاول بس طبعا مستحيل تروحين انتي بروحج لازم وياج رجال لانها مخازن وعمال اشوف في بنات جايين مع خواتهم بس ما افضل افضل يكون وياج رجال لانه مكان يخوف مخزن تحت انا خذيت اخوي وفر راسي شوي على ما حصل مكان فا على الله اللي بتروح له تلاقي بسرعه وما يفتر راسها
مكان الله يسلمكن عند وزاره داخليه وشركه شوني اللي بالعارضيه وقريبه منها رابيه
اهو بضبط تروحين كانج رايحه لوزاره داخليه بس تخلين وزاره داخليه ومسجد الي يمها على ايدج اليمين بتكملين سيده لين يجيج تقاطع على حرف تي اول ما يكون بضبط مسجد على ايدج اليمين تاخذين يسار تكملين سيده اول دخله يمين تدخلين وبعدين كملي سيده بيكون مخزن على ايدج اليسار بتعرفينه شكله كانه نزله لي تحت قار شفتوا شلون لمى تنزلين باركين جذي شكل دخلته بس طبعا سياره ما تدخل سياره تكون برا وتنزلين من هل مكان للمخزن
ارد اكرر لاتروحون بروحكم بنات مع احد من اهل افضل
وسلامتكم تعبت وانا اكتب حبيت بس افيدكم يا احلى عرايس
بنات انتوا حسبت خواتي وحبيت افيدكم بتجربتي طبعا كلكم بتشترون عطور مركزه واصليه هذا شي طبيعي من مركز فرنسي ودبنهامز وبيضون وغيره
اخذو الصدمه الحين بنات انا رحت شريت عطور اصليه ومركزه بس مو من هل اماكن من المخازن اللي هل محلات تشتري منها برخيص وتبيعها علينا بالغالي
والله يا بنات شوف عيني يجون مندوبين وياخذون عطور من هل مخازن ويبيعون علينه وعليه ناخذ بالغالي
انا حبيت افيدكم واللي للحين ما شرت عطور تختصرها وتروح لهل مخازن واللي شرت الله يعوض عليها
بذكرلكم اسعار بعض عطور وشوفوا الفرق
كرستال نوار من فرزاتشي 100 مل على 15 دينار اللي اتوقع سعرها بمركز فرنسي 50 ملي يمكن على 23
شوبارد مع لوشن 21 عطر لاقيته بسوق بروحه على 25 واذا من مخزن بروحه تاخذينه 18
جفينشي مدوره على 22 لقيته بسوق 24 صج فرق دنارين بس لاتقولين ما راح تحتاجين كل فلس تحتاجينه
شانس كبير 38
flara by gucci على 20 واختي ماخذتها بسوق على 25
سينما من سان لوران 16
الين من ثيري ملغر 15
فاتسي لونها وردي على 7
رتشي رتشي 15
غيسمارسينو 10
نينا رتشي 14
شوبارد قلب بنفسجي 14
سلفر رين من بربر كبيره 30 صغريه 20
بربريز برت 13
فري سكسي 10
فانتازيا 8
بيتفل 18
وغيره وغيره بس هذولي اللي قدرت احصرهم لكم من اسعار وطبعا اللي نفسها طويل وتكاسر بينزلون لها بسعر وعلى فكره هم عندهم مكياج ما سالتهم عن اسعاره علشان لااتحسر لاني شريت مكياج
المهم بنهايه خذيت كميه عطور على كل عطر حاول انه ينزلي منه شوي ويوم طلع بنهايه مبلغ علي قلت له طيح هم ونزلي 10 دنانير فوق اللي قبل
انا رفيجتي قالت لي عن هل مخازن ويوم قلت لها جم عطوني عطوري قالت لي انا اخذ باقل من جذي بعد بس يبيلهم اللي تعرف تكاسرهم
الحين بحاول اوصف لكم مكان مخازن ولو اني مو حيل اعرف اوصف بس بحاول بس طبعا مستحيل تروحين انتي بروحج لازم وياج رجال لانها مخازن وعمال اشوف في بنات جايين مع خواتهم بس ما افضل افضل يكون وياج رجال لانه مكان يخوف مخزن تحت انا خذيت اخوي وفر راسي شوي على ما حصل مكان فا على الله اللي بتروح له تلاقي بسرعه وما يفتر راسها
مكان الله يسلمكن عند وزاره داخليه وشركه شوني اللي بالعارضيه وقريبه منها رابيه
اهو بضبط تروحين كانج رايحه لوزاره داخليه بس تخلين وزاره داخليه ومسجد الي يمها على ايدج اليمين بتكملين سيده لين يجيج تقاطع على حرف تي اول ما يكون بضبط مسجد على ايدج اليمين تاخذين يسار تكملين سيده اول دخله يمين تدخلين وبعدين كملي سيده بيكون مخزن على ايدج اليسار بتعرفينه شكله كانه نزله لي تحت قار شفتوا شلون لمى تنزلين باركين جذي شكل دخلته بس طبعا سياره ما تدخل سياره تكون برا وتنزلين من هل مكان للمخزن
ارد اكرر لاتروحون بروحكم بنات مع احد من اهل افضل
وسلامتكم تعبت وانا اكتب حبيت بس افيدكم يا احلى عرايس
