عطوني ابرتين للرئه وابر توقف الطلق ليش يسون جذي خلاص بولد

[آنثى طآغيه]

مرحبا بنات انا اللي نزلت موضوع ان ينزل مني سلك احمر بعدين صار جنه دم دوره المهم رحت لدكتورتي وفحصتني قالت مفتوح الرحم 2 سانتي وفي طلق خفيف وبنعطيج ابر توقف الطلق وابرتين الرئه قلت اوكي وسوت لي سونار وقالت وزن البيبي كيلوين وانا بالثامن باقي عشر ايام وادخل شهري قالت وزنه حليو بالنسبه للثامن المهم هالكلام الساعه 10 وصعدت لملاحظة الولاده لما جت الساعه 2 الفجر فتح الرحم عندي 3 سانتي وفي طلق خفيف وبموت من الالم احس الطفل حيل تحت حتى يوم فحصتني الدكتوره قالت راس البيبي تحت حيل تحت بس ماني بنولدك عشان الرئه قلت بس تعبت ماغص وظهري احسه بارد حيل قلت لها السبت ولديني قالت لازم طلق صناعي لان طلقج بارد ولازم نعطيج طلق صناعي قالت موومشكله عطوني قالت لا بننطر التاسع وهم بالتاسع راح تاخذين تحميله طلق قلت دام فيني فيني طلق عطيني وفكيني والله وانا نايمه احسه بيطلق سوري بس المنطقه اللي تحت تعورني وبس تنبض واحسها تتحرك ومحشوره وهم والله قصدهم اقعد لين السبت واطلع وادفع لهم فلوس ملاحظه والابر والادويه والاجهزه وكلها بحدود الميتين وشي وارجع لهم الاسبوع الجاي قالو ننولدج وادفع تكاليف الولاده والبيب ومابي اجذب عليكم الحال بالماديه مو ذاك الزود بتقولون ليه مارحتي للحكومه رحت قطع العدان مافي سراير وتفسيات وقالو ماانعطيج ابرة رئه لانج بالاسبوع 34 وفي مواليد ينولدون بدون ابر رئه وبالنسبه لوزن البيبي عندي انا حيل حلو لان طفلي الاول بالاسبوع الاول من التاسع جبته كان كيلوين وميه وصج دخلوه الحضانه لان وقف دفعه وانا اغمى علي لكن الحين شرايكم بوضعي اولد على مسؤوليتي السبت ولا لا وفي احد منكم صارله مثلي او سمع ان بعد ابرة الرئه انولد الطفل وصار يتنفس عادي وهو بالاسبوع 34 وماتقصرون

 

[&هند&]

حبيبتي استخيري ولا تولدين مبجر امي كانت حامل بتوام وكانت 4 سانتي وهي بداية الثامن شهر كامل نوموها بالمستشفى لين دخلت شهرها لا تستعجلين وتولدين بالثامن ريحي نفسج وانطري لين تدخلين التاسع والله يتمم لج ،،،،

 

[آنثى طآغيه]

انا اللي مضيقني الدم بنات دم دوره تعبت مدري حتى اصلي ولا لا افرازات مخلوطه بدم ثلاث ايام معاي وغييير الم ظهري جنه بظهري قطع ثلج ومضايقتني حركة الطفل تحت والله اشد بنفسي حرام دام فيني طلق ليه بيتعبوني مره ثانيه بالتاسع طلق صناعي ليه خلاص تقول الرئه زينه وان صار مضاعفات نعطيه ابره ثانيه بعد ماتولدينهم والله ابجي وامسك يد السستر واقولها تعبانه وهي بس تحط هالمسكن وبجهاز التخطيط فيه طلق كل ربع ساعه وفيتي كتمه مو طبيعيه مع الم ودي اصارخ واشق هدومي والله من غير مبالغه وانا اصلا قبل يفتح الرحم كنت اعاني من ضغوط نفسيه ومشاكل والحين ما اقدر اتحمل اي شي نفسيه زفت طلق الم ضيق تنفس خلاص ابيهم يرحموني ليه هالعذاب عشان فلوس واضح من كلامهم قلت خلاص دام بس مخليني على المسكنات خلوني اروح البيت ولادخلت شهري جيتكم قالو لا ماتطالعين الا السبت اقول شمعنى ماعندهم رد مقنع كله مسكن وبس والابرة الرئه خلاص ماراح يعطوني لان مرتين كافي بنات ادعولي وادعو الله يحنن قلب زوجي علي نفسيتي تعبانه محد يعلم فيها الا الله

 

[مشتطـه]

شوفي حبيبتي

ددامج اخذتي ابرة الرئه والدكتورة نصحتج تولدين اولدي
لا تنطرين دقيقة وبعدين يقل النبض ويصير شي لا سمح الله

انا كنت بولد بالثامن وقعدت ابجي وسبة الدم الهائل اللي نزل بسبة المشيمة

ونصحتني الدكتورة وقالت اتمنى توصلين لما الاسبوع 34
لان اغلب الاطفال بهالاسبوع ينولدون كاملين ولا مايقعدون بالشيشة

ودامه كيلوين وزنه زين للولادة

وابر الرئه زينة

مادري اانا اقول اولدي لا تصير مضاعفات
خصوصا انج بآخر الثامن تقريبآ

 

[أم علي حبيبي]

بعد عمرررري عورتي قلبي
يااااااااارب ياااااااارب يا حناااان يا مناااان يا بديع السموات والارض يا قادر على كل شيء يريح بالج وقلبج ويهون عليج ولادتج يارب ويحنن قلب زوجج عليج يارب ويسخره لج ويهديلج قلبه ياااااااارب
عليج بالاستغفار اكثري من الاستغفاااار ربي يفرجها عليييج يارب يارب
بنات قولو أميييييييييييين

 

[english muffin]

الله يقومج بالسلامة يااااارب

 

[نسيانك صعب]

الله يسهل عليج ويحنن قلب زوجج ياربي
حبيبتي استخيري وتوكلي علي الله
*

 

[أبله هنوف]

الله اسهل عليج يارب
ويفرجها من عنده
ويارب طلق السهاله
والولاده السهله يااااارب

 

[*فرحة عمري*]

حبيبتي للعلم ابره الرئه ماتسوي شي بالثامن
لازم قبل الثامن هذا الي اعرفه ولازم تاخذ وقت علشان تشتغل
انا مثلج راس البيبي حده تحت و عندي طلق بس مو قوي
يعطوني ابر توقف الطلق ومتابعه
اما بالنسبه لابره الرئه اخذتها بالاسبوع ٢٥
الله يسهل عليج وعلي يارب

 

[دلال و غلا]

حبيبتي انا حااااسه فيج
و انا اقول اذا البيبي وزنه زين
واخذتي ابرة الرئه اولدي

 

[الأميرة جوري]

اتبعي كلام الدكتوره كلها 10 ايام صبرتي شهووور

 

[كويتيه مذهله 87]

لييييييش مستعيله حبيبتي نطري تدشين التاااسع حرام اذا لي الحين الطلق مو حامي
وثانيا وايد بنات ينفتحون 3 اولهم اختي 3 سانتي ظلت اسبوع ونص وهي مفتوحه وتحملت وبالاخير ولدت بشهرها الحمدالله

تحملي العوار ميخالف كله اجر لج ولا تتأذين وتأذين البيبي وياج

 

[آنثى طآغيه]

دعوواتكم نزفت وفحصوني اربعه سانتي سبحان االله اذا اراد شي مع انهم معطيني ابر توقف الطلق من امس والحين فحصونس وقالو ولاده وماراح نعطيك الا الكمام نخاف على تنفس الطفل وابرة ظهر اذا حسينا انك احتجتي ابره دعواتكم بنات لي ودعواتكم البيبي مايدخل الشيشه الدعوه لاخيك المسلم بظهر الغيب مستجابه ادعولي بالخير

 

[كويتيه مذهله 87]

الله يسهل عليج يارب وتولدين بالسلامه وبحضنج البيبي يارب

 

[ريماا]

الله يقومج بالسلامه انتي والبيبي

 

[Meeesh]

الله يسهلج عليج يارب وتولدين بالسلامه

 

[مسك وطيب]

الله يقومج بالسلامه يارب

والله يحفظ البيبي من كل شر

 

[ام فوااز]

الله يهون عليج يارب

 

[Model Look]

بعد قلبي ربي يسهل عليج ان شالله

 

[قمرالكون1]

الله يسهل عليج يارب ولايخيب تعب الحامل عليج يارب وعساه من الذريه الصالحه والسليم يارب نصيحه لوجه اللله روحي لمستشفي العدان والله زينين اذا نفسيتهم مو حلوه تصبري ع الاقل دكاتره فاهمين عسي ربي يهون عليج وعلي انا بجر وطاف شهري وناويه أولد بعدان دعوووواتكم يارب تسهل ع كل حامل يارب