عطوني افكاركم بمشروع ... ؟

[أحلى^حياه]

مرحبا

بنات عطوني افكاركم بمشروع تقريبا المبلغ المتوفر 10000د
وابي فكرة محل
شنو تتوقعون مو موجود عندنا ويمشي وايد ؟؟؟؟؟؟

لا تقولون وديعه ولا بضاعه ....... ابي فكرة محل

انا فكرت بمحل ملابس او عبي بسسسسسسس متردده

يا ريت تساعدوني

وشكرااااااااااا :eh_s(8):

 

[منيرة خالد]

مرحبا اختي / بعطيج فكرة مشروع كنت باسويه بس الفلوس مو متوفره حاليا / الله يوفقج اذا ان شاء الله اخذتي هالفكره / انا كنت ناويه اجيب بضاعه من الصين درجه اولى ملابس بنات من عمر 4 - 14 سنه وتكون من تصميمي ( عندي شهادة دوره تصميم ) والبدلات عمر ( 9 - 14 ) تناسب المتحجبات ومعاها ملفعها ويكون مطبوع عليه شعار المحل يعني ماركه كويتيه صناعه صينيه / ومن عمر 4 - 8سنوات تكون البدله معاها اكسسواراتها مثل الجنطه والتاج والشباصات والدلاقات والسكارف والشال للشتاء / يعني الوحده تدخل المحل تاخذ البدله كامله واذا ممكن الجوتي معاها / تراه مشروع راقي بمستوى محل بروي ولاتنسين انه محل كويتي وماركه كويتيه وصناعه صينيه / ابدي صغيره وان شاء الله تكبرين المحل ويكون بمستوى محلات الشايع
والله يوفقج

 

[أحلى^حياه]

هلا منيرة خالد

والله مشروعج وااايد حلووو بس انا ماعررف بالتصميم شي وبعدين ريلي يبي شي ما يحتاج سفرات
عرفتي هذي مشكلتي

وان شاء الله يصير عندج المبلغ ونشوفه بكل مجمعات الكويت يا رب
مشكووووووووووووووووورة حبيبتي وماقصرتي

 

[sara al3soola]

شوفي بالكويت ما يمشي الا الاكل واللبس

والمطعم مايناسبج لانج مرا والحلال يبيله مجابل ومتابعه ولا تنباقين


انسب مشروع لفلوسج اهوا محل عبايات وياليت لو تسووينه بمستوى عبايات دبي والبحرين يعني موديلات غريبه واذا انتي ماتبين اتسافرين علشان اتجيبين التصاميم هاتيلج مصممه وخليها اتصمم حق الزباين بالعكس بيكون عندج تميز لان موديل خاص لكل زبونه وكل تصميم له سعر غير الخياط طبعا والله احس الناس رجعو للعبايات اكثر

 

[منيرة خالد]

مشكوره يا قلبي / بس بقيت افيدج اذا ما تبين اتسافرين في شركات كويتيه تتفق معاج ودلج بعد على المصانع من غير ما تسافرين في مكتبه العجيري كتاب قيمته غاليه 25 دينار بس فيه كل المصاتع الموجوده بالصين ومستواها اذا كان درجه اولي او ثانيه وتقدرين تتصلين على الشركه اللي طابعه الكتاب يتفقون مع المصنع / الموديلات كبدايه استعيني بكاتالوجات الالمانيه والفرنسية اللي تكون طليبه من بره روحي شركة ارامكس واطلبي منهم الكتالوجات يوزعونه بلاش / واذا عندج اي استفسار انا حاضره

:klhfl:

 

[ghalaty]

بعد انا ابي افكار بليز خلنا نفيد بعض اشرايكم بالعبي من الرياض

 

[منيرة خالد]

هلا غلاتي / تسألين عن العبي من الرياض اذا ادلين الرياض عدل وتعرفين من وين يشترون العبي الزينه منها توكلي على الله بس لا تكون غاليه ( لانه البنات يحبون يبدلون العبي بسرعه ) واذا ما تعرفين انصحج تروحين الامارات الشارقه بالذات لانه دبي غاليه في مجمع اسمه مجمع ساره فيه اكثر من محل يعطيج سعر العبايه بسعر الجمله والقياس اللي تبينه وعندهم موديلات غريبه وحلوه ومتنوعه بالتطريز / وسمعت انه في امارة عجمان مصنع للعبي بس ما امداني الوقت اروح اشوفه يقولون رخيص سألي عنه وعطيني العنوان
واللي عندها مشروع او فكره اتشارك ويمكن نفيدها ونستفيد منها

 

[ghalaty]

اختي منيره مشكوره على ردت واهتمامج انا عندي مبلغ اصغيرون وابي ازيده بدال لا اصرفه على خرابيط واتحسف خاصة عندي مسؤوليات وااايد والتزامات اشرايج يعني اييب خلال اليومين وابيع بمعارض انا سمعت ان وحده تييب عبي مع الشيله من الرياض عل20 وتبيعهم ب70 80 انا مابي جذي ابي ربح بالمعقول والا اشرايج

 

[sara al3soola]

فكره المعارض حلوه اسمع عنها وودي اشارك فيها للاسف ماعندي احد يعلمني ياليت تعلموني بنات لان عندي شغل حابه ينشاف ؟

 

[منيرة خالد]

خواتي اللي عندها اي بضاعه وما تبي اتخسر على الطاوله عندج مركز تنميه المجتمع اللي في بيان ببلاش الطاوله يعني بدون فلوس مكانهم بصاله بيان اللي عند الجمعيه القديمه وتقدرون تسألونهم عن باقي الصالات المسؤلين عنها ( الحين في معرض يخلص يوم الاحد ) وفي معارض ثانيه اتصلوا عليهم

 

[sara al3soola]

حبيبتي يعني اتصل على مركز تنميه المجتمع ببيان واهما يساعدوني والله خووش ابلاش وايد زين بس اهما شنو يستفيدون دامها ابلاش حبوبه متأكده من هالشي

 

[kuwaitya_zoGaa]

الموضوع حلو ولى رجعه ... brb

 

[أحلى^حياه]

مشكوووووووووورين بنااااااااات

وانا مفكرة بموضوع العبي بس يبيله تفكيررررررر مطول والله كريم

انا مستعجلة الحين ولي رجعه وياكم وعندي افكار للي يبي

 

[flowe_99999]

مشكوره بس ياريت تحطين رقم الشركات الى توزع كتلوجات تصاميم 0

 

[أحلى^حياه]

هاااااااااااااااي بنااات رديتلكم


ام خالد

حبيبتي عندج ارقام تنمية المجتمع ؟؟؟؟ ودي اشترك معاهم



بس بنااااااااات جنه طلعنا من موضوعنا ههههههههههههههههه
عطوني افكاركم بليززززززززززززززز

 

[sara al3soola]

واي عليج يا كثر مااكتب ردود لج ولا عبرتيني بربع رد بموضوع اللي نزلته اهني هههههههههههههههه قاعده اتحلطم انا

 

[bint_looda]

شنو هذا معرض مركز تنميه المجتمع ؟؟
يعني يقبلون يعرضون اي شي ولا شنو بالضبط ؟؟
يمكن الطاوله ببلاش بس لهم نسبة من المبيعات عدل ؟؟ والله اذا جذي حلوو
ياليت اتفيدينا بطريقتهم وشنو الاشياء الي ماشيه عندهم واذا في اقبال على معارضهم ولا لا .. ومشكوووره حبيبتي عالرد مقدما :tek: :tek:

 

[sara al3soola]

اي والله نبي افاااااااااااده

 

[منيرة خالد]

هلا حبايبي / بدور رقم مركز التنميه وان شاء الله بحيل الله باجر اعطيكم الرقم / راح اتصل عليهم واخذ منهم كل المعلومات / اللي تبي تبدي بمشروع عبي احسن شي تبدي بالجاهر من البحرين او الامارات / البحرين عندج عبايات السعيد محلهم بالرفاع واذا شريتي منهم كميه اتفقي معاهم كل اسبوعين يدزولج اخر موديلاتهم والقياس اللي تبينه / الامارات روحوا مجمع ساره بالشارقه وهناك في محلات تبيع الجمله اخذوا منهم كميه واذا مشت اهني اتصلوا عليهم ويدزولكم الكميات اللي تبونها والقياسات / اتمنى اني فدتكم
مبارك عليكم الشهر وتقبل الله صيامكم

 

[A. style]

منيرة خالد ماشالله على روحج وتعاونج .. ماقصرتي والله يوفقج