عطوني اقتراحاتكم ... !!

[water melon]

ان شاء الله بستلم أول معاش هذا الشهر ...
وودي أشتري هدية لأمي و أبوي شي يفرح شي يترس العين و مو مهما كان السعر ..
لا تقولولي ساعة , لا تقولولي جنطة , لا تقولولي عطور , أبي شي فريد من نوعه ..
يالله همتكم بنات ديرتي _03ba:

 

[ضحكة الدنيا]

انا اقول تحجزين لهم عمره
خل يعتمرون ويشوفون بيت الله
هذى احسن هديه

 

[water melon]

تسلميين ضحكة الدنيا بس اهما توهم راادين من عمرة و سفراات وايد يسافروون.

 

[AFRoDiT]

ووواااي أمبييييييييييه

والله العظيم توني بنزل نفس الموضوع

عيل دام سالفتج نفس سالفتي خلينا نتباحث مع بعض


انا قلت حق امي بييب شي حق البيت .. مواعين , طقم استكانات أو صحون تقديم لأن أمي تحب هالسوالف
وانا يايبتلها من قبل جناط وساعات وهالسوالف الي تخصها ..

ابوي محتاره شنو بسويله .. لأن شاريتله من قبل بعد ساعه , شوز , قلم , بوك ..
يمكن أييبله مسباح .. بس هم أبي شي يونيك أكثر ..

الي محيرني أكثر شي اختييييي ..
اهي بالجامعه عمرهر22

لاتقوليلي جنطه ولا ساعه ولا فلوس .. لأن انا معاها شراكه بكل شي
سوو أبي شي يكون لها اهييييي سبيشل ما أشاركها انا فيه ..


و بطلب عشا حق الزواره ببيت يدي ..


و بس ..



بانتظار اقتراحات البنات

 

[لميس]

اعتقد تسوون لهم براد ماي سبيل وتخلصونه وبعدين تفاجؤونهم فيه بيكون له صدى عمييييق!!!

 

[water melon]

AFRoDiT
قلوبنا على بعض ..
لميس
حلوة فكرتج, يعطيج العافية .

ليلحيين قاعدة أفكر بشي غريب حق امي و أبوي.
اخواني كل واحد بودي و اشتريله الجهاز اللي يحبه .. مثل سوالف موبايل لابتوب .. الخ

 

[AFRoDiT]

انزين ..

امج شنو ميولها شنو تحب؟؟

انا باخذ حق امي شي حق البيت والضيافه بما نها قاعده تجدد الديكورات

شراج تاخذينلها طقم عقد مع تراجي و خاتم يكون شكله مميز و حلوو ..
وإذا مو ذهب اخذيلها طقم حجر .. ياحلوو أطقم الكهرب بسوق الكويت شي خيااااااااااالي ..
يمكن اخذ حق امي واحد تلبسه حق المناسبات .. لأنها مالبس ستايل سهره وايد كشختها تتركز ع الاكسسوار أكثر شي

 

[الباسمه]

الله يعينا على رد جميلهم علينا

 

[AFRoDiT]

up
up
up
up
up

 

[أغلا الاثمان]

مرحبا
بنسبا لي فأنا هديت لمي الغالية هدية جميلة منها مارح تنساني وراح تذكرني وهي [ مسك القرأن ] وهو عبارة عن جهاز صغير تستطيع حمله في كل مكان وهو فيه ذكر الله والقران وحفظ وتلاوته وكل الادعية موجود فيه جميل جدا سعره 29 من الغانم في الافنيو
وانا بعتقادي ان هذي احسن من الحقيبه والخاتم وغيرها والسبب يرجع لذكر الله وتعرفون فوائد ذكر الله وعظمتها بسم الله الرحمن الرحيم[ ولذكر الله اكبر] صدق الله العظيم وشكرا

 

[AFRoDiT]

ثانكس اختي ع الاقتراح ..


بانتظار المزيد من الاقتراحات من بناتنا الحلوين

 

[عمشه المنتفشه]

احسن شي تسوين وقف روحي اي لجنه وعندهم مشاريع شكثر انتي اختاري اللي تبين على حسب المبلغ اللي عندج او تقدرين تقسمين المبلغ

على كذا مشروع وعندج اقل شي اللي اهو ب 150 فلس عباره عن وجبه للمحتاج يعني نثلا 10 دنينير وجبات و 20 مشورع الادويه مادري شسمه و 20 مشروع ثاني ولازم تدفعين كاش وعقبها يعطونج ورقة سند قبض مكتوب فيها وصلنا من فلان الفلاني ويكتبون اسم امج وابوج
المبلغ الفلاني وتحته جدول كل فلس دفعتيه حق شنو راح وبجذي اجر الوقف كله يروح لهم وانتي طبعا لج جزء من الاجر لانج ساعدتي بهالشي

بس اجر الوقف لهم

صدقيني بيساتنسون وايد وهالشي ينفعهم دنيا واخره ومايخترب او يضيع او تطيح موضته

فكري وشوفي