عطوني حل .. شسوي ؟؟

[نونو 86]

السلام عليكم ..

شلونكم بنات والله مادري شقول او اشتكي لمنو

بس انا كنت عايشه سعيده ومرتاحه تزوج حماي وسكن يم شقتي ببيت حمولتي

وبدت السوالف مع مرته ... وكل ماصار موقف معاها وقلت حق خالتي ام ريلي او البنات

قالولي اهي اسلوبها جذي وهي قلبها ابيض وماتقصد ..

لين ماصرت اطوف .. واحاول اكسبها بهديه بغدا او عشا .. بس ماكو فايده ..

سافر ريلي فتره وتميت بروحي يابنات .. وكنت انزل العصاري اسلم على حمولتي وتكون اهي موجوده .. واسلم عليها واحاول اسولف بس ماتعطيني مجال .. قلت يسلم راسها كيفها
لما في يوم مادري شنو ياب الطاري اللي قلتلها

مرة وحده سولف مع ريلج وتعاندنا من اكبر من الثاني والسالفه ياجماعه صارلها سنتين ونص يمكن وانا مو النوع اللي يسولف مع حماي واهوا يستحي بس صارت ذيج السالفه وضحكنا كلنا

جان تطالعني وتقولي انتي تسولفين من ريلي قبل ؟؟؟

قلتلها لا .. بس هالمره يعني .. وتخيليوا راحت قالت حق ريلها وعقب يومين جان تيني وتقولي

ريلي يقول ان عمره وحياته ماسولف معاج ومابينج وبينه غير السلام .. قلته يمكن انتا ناسي ..

قالي مستحيل اكون ناسي اكيد اهي مضيعه مكلممه واحد ثاني تحسب انا !!!!!!!!!!

تخيلوا وقالت السالفه يدام حمواتي انقص ويهي ومارديت عليها من تفاهه السالفه ..

ومن يومها وانا مو قادرة انزل ولا اقعد معاهم .. ولا اقدر اشوفها .. مع ان عقب فتره شفتها وكانت تسولف عادي بس ماقدرت ..صرت اشمأز منها ..

فكرت اكلم خالتي واقولها بعدين قلت بيقولون ماتقصد وانتي طوفي ومن هالحجي

صدقوني انا باغيه الخير وودي لو نكون مثل الرفيجات بس الواضح انها ماتبي هالشي

ومشكلتي الثانيه اهي ان اهل ريلي وايد حاطينلها قيمه .. رغم اني قاعده اوضحلهم شقاعده تسوي .. بس مايرضون يزعلونها ..

شنو تشورون علي ياجماعه !!

 

[! بــدويه وآآيــد !]

،


سلمي عليهم وخلي راسج مرفوع ماسويتي شي يخليج تستحين
ولاتحتكين فيهاا بعد مو غصب الله يهديج خليهاا
واهم ماعليج شقتج وزوجج واهي طاف واجهتيها سلام ورد غطااها

 

[ام زهقانه]

خلاص سلم وبس واضح المرا ماتبي تقرب منك عزي نفسك

 

[Gifts&Occaions]

لاتحتكين فيها خلي علاقتج معاها بس سلام

 

[(*ام عهــــد *)]

تجاهليها ولاكإنها موجوده
وعيشي حياتج وانزلي عند جماعتج وسولفي لاتعطينها مجال تأثر على نفسيتج
أهم شي راحتج مع زوجج وبس .....​

 

[لاحزن مع القرآن]

الله يهديج الموضوع حده مايسوى تتضايقين عشانه عرفتي نوعية المرة خلاص
خلي العلاقة رسمية واكتفي بالسلام وماله داعي تحطينها اكبر همج وهي عايشة
حياتها ومو داريه عن السالفة وانتي متضايقة عشانها واذا على حمولتج نزلي وسولفي
عادي ولاتجيبين طاريها ترى في ناس تفكر انج تغارين اذا سولفتي عنها وانتي مو هذا قصدج

 

[يارب احفظ عيالي]

لا تحطينها في بالج جذي بتتعبين تصرفي عادي وجنه اهي مب موجوده

 

[نونو 86]

صح كلامكم .. بس انا انقهر لما اشوف تصرفاتها جذيه .. بنفس الوقت معطينها قيمه ومراعين شعورها

وانا اللي احترمهم واراعي شعورهم بكل كلمه اقولها .. مايحسبولي حساب ..

السالفه مو سالفه اني احقرها وبس .. انا هذا اللي قاعده اسويه معاها

اللي قاهرني حمولتي .. وايد مدارينها ومجارينها .. رغم انهم قاعدين يشوفونها شتسوي ..

انا ماخذه منهم موقف اكثر منها اهي..


اهي مو مهمه عندي .. اللي يهمني اهتمامهم الزايد واللي ماله معنى

تخيلو ذاك اليوم كنت نازله اتغدلى بغرفة الطعام .. انا وريلي وخالتي وحماتي الصغيره

ولاتوقف مرت حماي عند الباب ولا دخلت ولا سلمت وتقولها خالتي تعالي اكلي تقول مابي

وحماتي تقول انها مستحيه !!!!!!!!!!! تستحي من منوو ؟؟ كل مرة ناكل كلنا ؟؟؟

جان خالتي تحط لها بصحن وتاكل بروحها بالصاله تخيلوا !!

موقفها ماهمني .. اللي همني ان خالتي حطت لها بصحن .. بدال ماتقولها تعالي اكلي معانا ماتبين يسلم راسج مو تشجعها

فهمتو قصدي

 

[اسطوووره]

بالطقاق عساها ما تصير خويتك عاد ميته عندها انتي ايشبك خليها تولي بس من جد حاااااااااااااله هي رفعت ظغطي وانتي اكثر ليش تبين وحده كده اسلوبها تصير خويتك خييير خلصو الاوادم شوفي انتي راسك براسها ماهي احسن منك ولا انتي احسن منها بس بهادا الزمن صار القوي ينخاف منه لا تقاطعي اهل زوجك ولا تستحي روحي وانبسطي واستانسي ولا تعطينها وجه مررررررررررررررررره وحسسيها انها ما ينفع تعاملك بسخافه
اسفه ادري اني انفعلت بس من جد زمن يقهر المؤدب والحشيم ياخد علي راسه والسخيف والقوي ينعمله الف حساب

 

[فرصه اخيره]

بصراحه انتي غلطانه ياعمري ليش تشتكين من تصرفاتها الحين يحسبوك تغاري منها
وترى الموقف تافه لاتزعلين عمرك يمكن تغار منك ومحتره وماتبي زوجها يكلمك
ترى انا مثلك زوجة حماي تكرهني كره العمى رغم هي من قبيله ثانيه وترمي علي كلام مثل السم ومفهمه اهلها اني احب زوجها
تدرين انا وش سويت طنشتها وحماي اعامله مثل اخوي وهي اسلم عليها واسولف واضحك ولاكن فيه شي ولاشكيت لخالتي لأني مااضمن الزمن بس بالاخيييير بطيت مرارتها فخليك مثلي سوي لها حرب نفسيه لانها مليون بالميه مريضه

 

[نونو 86]

اسطوره

كلامج صحيح .. بس عاد الواحد المتربي والمحترم صعب عليه يتعامل بهالطريقه

ومحد ياكلها غيره .. لان الناس ماتحسب له حساب ولاتخاف من لسانه لان ماعنده لسان

 

[نونو 86]

فرصة اخيره

انا يوم قلت حق خالتي .. بلغتها اذا مافي احد منكم بيحطلها حد ترى انا راح ارد عليها رد مايعجبكم

ولاخالتي تقول لالا خلاص انا اكلمها بس صدقيني اهي ماتقصد !!

وماكو فايده ... مااثر الكلام فيها

فصرت اطنشها .. بس قلبي عورني ليش يخافون منها ليش مايحطون لها حد!!!!

 

[فاقده ابوهاااا]

انا استغرب منكم تخلون غايتكم وهدفكم ارضاء مرت الحما يبه اذا اهي مو زينه ليش تهتمين لها طوفي ولا كأنها موجوده باختصار انتي عليج بريلج وامه بس ولا الباجي لا تخلينهم شغلج الشاغل

 

[رومنسية متجددة]

بدوية كلامك صح وانا معجبه بطرحك

 

[محتارة وبصيح]

لا تحاتين مردها بتعدل

 

[نونو 86]

ان شالله

 

[!الجادل الصعب!]

انتي تدورين المشاكل والهم ؟؟!
كيفها ماتبي تغدا وخالتج براحتها تحط لها بروحها
ليش حارقة اعصابج هالسالفه ..!

اذا عالمواقف الي قلتيها انا ماشوف ان المره غلطت
ماتبي تطيح الميانه بكيفها ..
ومو من حقج تقولين بحط لها حق اذا تصرفاتها علا خالتج
والحمواتج كيفهم راضين ..

اذا تعرضت لج بشي جارح هني يكون معاج الحق ..
اعتقد الموضوع في مقارنه زايده + شوية غيره ..
واعتقد خالتج وحمواتج حيل ملاحظين هالش ومالهم
خلق للمشاكل ..،

 

[نفـــائس]

انتي خلي الغيره عنج

والامور طيبه وحنا بخير

نصيحه من اخت غضي النظر ولا تشوفين شوي شوي بتتعودين بس بتتعبين اول الامر

 

[اشلون يعني &]

شوفي
انتي تركزين على اخطاها وانتي بعد ارتكبتي اكبر خطا
انتي تحاولين تشوهين صورتها عند اهل زوجج (الغيبة والنميمه ) عنها
حتى لو هي شنو ماسوت مااروح وانزل مستواي وانمم عند حمولتي عنها

وين الصبر ؟؟؟
الله يبي يخبر صبرج معاها وانتي تشتكين عند حمولتج
تبين تشتكين اشتكي لربج فقط
استغفري وتصدقي وقومي الليل وادعي لنفسج بالخير وتنحل مشاكلج

وحمولتج اكيد يبون الامور تهدا ويقولون ماتقصد

 

[زوجة عزيز]

ماعليج منها الزم ماعليج ريلج واهله بس