عطوني رايكم بالجهاز هذا؟

[ورده كويتيه]

مرحبا بنات

بغيت اسألكم عن هالجهاز احس انه يشد الجسم ويصلح حق كل وحده تبي

تضعف اكثر من 15 كيلو لأنه يشد الجسم المترهل

انا بصراحه داخل مزاجي

الجهاز اسمه total gym xli

:eh_s(9): شرااااااااااااااااااااايكم​

 

[رماس*]

ترى ماعندي اي فكره بس ما تخافين يطلع لج زنود من شكله يمس ويقوي العضلات
اذا عاجبج دقي على اي نادي صحي من الي أساميهم بالجرايد واخذي استشاراتهم اوروحي بنفسج لأي نادي واساليهم عن الجهاز,,,,,,
بالتوفيق وانشاء الله نشوفج رشششششيقه0

 

[رقي]

يخرع اشلج فيه

 

[Alia]

ترى يطلع عضلات

 

[ii DareeN ii]

مادري شكله مال رياضيين مو مال مبتدئين اذا انتي رياضيه يعني ممكن يفيدج اذا لا مادري لاتغامرين ومثل ماقالو البنات شكله يبني عضل

 

[ضحى الكويت]

هذا مال وحده مدربه ما تستغنى عن الرياضه انا بييبه وكل ساعه بسوى شكل من الرياضه لو بتلاحظين انه فيه حدايد يعنى كل اشوى وانا مسويتلى شى خوس والله كل اشوى انا تعالى نزلى وحطى ورفعى هالحديده لا يبا بروح انا امل بسرعه ما احب هالنوعيااااااااااات

 

[ورده كويتيه]

مشكووورين حبيباتي
بس احس يشد عدل
سألت عن سعره طلع 108 دينار
عند808808

 

[bnt q8 in usa]

تبين تجربتي وخبرتي:اخذيه وانتي مغمضه لاسباب:يشد منطقة الصدر والظهر والفخذ والزند ايضا ويوخر الارداف ويشد المؤخره وايضا يشد منطقة البطن من اسف وهذا مهم جدا بعد..............بس اهم شي قبلها علي الاقل ب10 دقايق سوي سترجات مو علي طول تبلشين بالجهاز .......................واستخدمي كل تمرين اول مره 15 مره بس لمدة 3 ايام تالي زيدهم 30 مره وكل يومين 3 زيدي 10 مرات ليمن توصلين كل تمرين 100 مره وشوفي جسمج خلال 3 اشهر شلون بتصيرين .......................وادعيلي

 

[ورده كويتيه]

يا بعد عمري يا بنت كويت
عسى ربي يردج سالمه غانمه لبيتج واهلج يا رب
صج تبردين القلب انا ابي اضعب 25 كيلو وخايفه جسمي يخرب لان ابيه مشدود وانا ما عندي مشكله اداوم بالرياضه لاني ابي احافظ على صحتي وجسمي وما ابي اعيد المعاناه مره ثانيه
مشكوووره مره ثانيه

 

[bnt q8 in usa]

حبيبتي انتي تسلمين علي الدعوه الحلوه وشوفي اثناء التمرين حرصي علي شغلتين مهمين......................الشهيق والزفير والشي الثاني المهم .........تشفطين بطنج اثناء اللعب عشان يصير مشدود ويساعد اكثر انه يوخر الكرش وشوفي بليل يعني بال8 ونص اذا حسيتي بيوع اكلي بس روب وخيار خالي الدسم وموفقه حبيبه واي شي تبين من عيوني تامرين امر

 

[ii DareeN ii]

ممممممم والله طلعتها بمخي بنت لكويت ابي شي يشد جسمي لان خق ويا الرجيم :eh_s(20): خلاص اشتريه وقوليلنا تجربتك عشان تعبت من كثر ماشتري اشياء وتطيح بجبدي ياربي

 

[ورده كويتيه]

أهلين بنت الكويت ما قصرتي يا قلبي رايتج بيضه
داررين انا ان شاء الله بشتريه
بس انطر انزل 15 كيلو على الاقل لان اخاف اعظل على متن
بس اول ما اجربه وحياتج لاقول لج ابشري بس