عطينا خبرتج ولج دعاااء

[-ام بدر-]

مرحبا حبايبي
ودي ابدي بتجاره بس ماني عارفه شلون
انا عندي سفره على شهر 7 انشاالله لماليزيا
فاياليت تنصحوني شنو اجيب ويااي استفيد منها وتربح وسوقها ماشي
اطلب من كل تاجره تقول لي شلون بدت بتجارتها عشان الكل يستفيد واذا عندها خبره ببضاعة ماليزيا لاتبخل علينا
الله يسعدها ويوفقها اللي تساعدني وترد علي والله لا ادعيلها من كل قلبي ​

 

[-ام بدر-]

شدعوووووه وينكم الله يسامحكم

 

[دراهــم]

والله ودي اساعدج بس ما عندي خلفية عن البضاعة اللي تنشرى من ماليزيا

.. .. ..


بس انا سمعت من وحدة تقول اول ما بدت تجارتها انها راحت وشافت البضايع ( كانت رايحة الصين ) وعناك قررت ..


والله يوفقج يا رب

 

[ام عبوووودي]

واللة مادري بس اذكر وحدة بالدوام كلة تجيب جناط التقليد درجة اولى وبخور من هناك -------وماشية البضاعة اللة يوفقج حبيبتي ويسر امورج ------

 

[MONARAAD]

عندنا واحد بالدوام يجيب دائما بخور من ماليزيا بس ما يبيع ( حق الاستعمال الشخصي في الدوام والبيت ) وريحته حلوه

وانتي ان شاء الله اذا شفتي شي مناسب للبنات والشباب لا تجيبين كمية كبيرة دائما حاولي تجيبي شويه بالبداية واذا مشت ان شاء الله تقدرين تحددين الكمية اللي بتجيبها المره الثانية

بالتوفيق

 

[-ام بدر-]

اشكر كل اللي ردو علي والله يوفقكم يارب

 

[طير الحب]

موفقه حبيبتى بس ترى ماليزيا مو رخيصه يعنى ما تنفع اتييبن بضاعه منها

 

[meen_ana]

حبوبه بخور مليزيا وايد حلو والربح ماله وايد حلوو يعني يمشي بسرعه
انا يبت كميه وبسرعه مشت يعني كلش ماطولت وياي

وفي يبون بعد يسئلوني اذا بييب ولالا

 

[-ام بدر-]

ياليت تعطيني اسمه عشان يكون عندي خلفيه
وشاااااكره لتفاعلكم

 

[سراي اللواوين]

مرحبا ام بدر سمعت ان هناك عنهم الاحجار الكريمة ..

 

[عيون حسين]

هلا ام بندر

انا لي رفيجة بديرة ثانية مو بالكويت صار لها سنين تييب من ماليزيا جناط تقليد وبديات وصنادل كشخة وبخور وامورها ماشية تمام

الله يوفقج بإذنه تعالى

دمتي بود

 

[بيت التوت]

الله يوفقج يا أم بدر ويفتح لج باب رزق لايسد آمين يارب

آنا ماعندي فكره بالتجاره ............. بس أنصحج اذا عزمتي علي شي استخيري


بتوفيق

 

[-ام بدر-]

شاكره للكم حبايبي والله يوفقكم ويسعدكم طوووووول الدهر ماتقصرون

 

[softlady]

رفع

 

[ضامر السرجوف]

هلا حبيبتي انا العام سافرت ماليزيا

خل اقووولج شتسوي بظبط في سوووق اسمه السوق الصيني مترووووس جناط تقلييد بس خل اقووولج نصيحه وركزي فيها عدل عدل عدل

اول شي لمن اتروحين تشترين منهم مثلا بتشترين جنطه راح يقولج الي ببيعها انه سعرها 400 انتي حاووولي تكاسرينه واذا مانفع معاه خلي

ومشي صدقيني راح يناديج انا سويت جذي وحدي حدي نصدمت لمن شريت جنطه قالي سعرها ب 200 وخذيتها ابقل من نص السعر

اذا ماكنت ناسيه بس اهما جذي وخصوصن بسوق الصيني بتحديد تلقين الجنطه بسعر خيالي وطبعا لو تحولين المبلغ بديناار حده رخيصه بس

الافضل انج اتكاسرينه وبصرااحه على كثر سفراااتي عمري ما شفت دوله ارخص من هدووله

بنسبه للبضاعه الثانيه يبي شحاطات الفلاات حدهم حدهم عجيبن وغريبين انا عندي شاحاتين لي يوومج هذا الكل يسئلني عنهم

وهم ملاابسهم غريييييبه يبي قمصان الطوال للمتحجبات وتيشيرتات وطبعن اكثر سووق عجبتني هدومه واحسه حلوين اهوا سكوير تايم اهوا

فندق وسوق وهم في سوقه ثانيه بضاعتهم حلوه وطبعن هلهدوم يركبون للفئه المراهقات والجامعه ولا تحاتين يبي وانا اول وحده اشتري منج وادري قرقت عليج واايد بس ابيج تستفيدين من كل المعلومات الي عندي وموووفقه يااارب