عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[أم أحلى جود]

يالله راجعه اكتبيلنا الاماكن الي ماتتفوت وخاصه لاس فيقاس مادري شسوي فيها ترى حجزت نفس فندقج

 

[أم أحلى جود]

راجعه ابي وين اروح بفيغاس ترى حجزت نفس فندقج

 

["ليان"]

مرحبا هيضتوني في امريكا توني راجعه منها وياحلو لاس فيغاس

 

["ليان"]

مرحبا هيضتوني في امريكا توني راجعه منها وياحلو لاس فيغاس

لاس فيغاس في فنادق وكل فندق معلم من دوله ..........يعني فندق باريس على برج ايفل وتشوفين يمه قوس النصر ......
وعندج فندق نيويورك على معلم ناطحات سحاب نيويورك وعندج فندق الاقصر على هرم وتشوفين ابوالهول سافط عنده ....وعندج فندق فنيسيا وداخله قوارب .....وعندج فندق سيزر وال ام جي ام وعندج فنادق واااااااااااااااااااااااااااااااجد ....انتي كل فندق ادخليه وشوفي القعدات اللي فيه والقهاوي والمطاعم .....وعندج عرض الساحر ديفيد كوبريفليد عجييييييييييييييب لاطوفينه وفيه عروض حلوه ثانيه .........وعندج اسواق الاوت لوت اللي في لاس فيغاس ... ونفس الشارع اللي فيه الفنادق فيه سوق ومطاعم .......بس لاس فيغاس حدها 4 او 5 ايام فقط

بس دشي كل فندق لاطوفين ولاواحد

 

[حبة خاله]

شوفي يقولون لج قبل لا تشتركين لازم يسوون لج املاء اذا اجتزتيه يقبلونج لا ويسوون لج خصم بعد
شوفي اذا دخلتي وشفتي وحده مشتطهوعندها حبة خاله على خشمها سلمي عليها

شعوره حسبي الله على ابليسج كل ما يت وحده تكلمني بالنادي أحسها تخز حبتي
أقول أكيد هاذي شعروه:gr4uu::gr4uu::gr4uu:

 

[ام حمود@22]

[/color]بنات اللي تعرف اماكن حلوه للتمشي وسوقه حلوه واوت لت في نيويورك تعلمني اساميهم بليز لان احنا انشالله بنقعد 4 او 5 ايام فيها وبعدين اورلاندو
وهل واشنطن تسوى الروحه؟ زوجي يقول حرام دام واصلين نمرها بس همن ما عندنا فكره عنها اللي راحتها لا تقصر معانا بمعلوماتها
وودي بنات بعروض مثل السيرك في شي جذيه بهالمناطق اللي ذكرتها



صارت عاشر مره وانا اتطنش ):

بنات عفيا خلو التجمع علشان نستفيد معلومات عن امريكا بس مو سوالف واضيع الاسئله لان السوالف كثرت وصارت صفحات وايد ومحد شاف السؤال مني او من غيري
لاحد يزعل بس هذا الصج صار تشات سوالف والقصد من التجمع الاستفاده من معلومات بعضنا

شكرا للجميع على التعاون
وشكرا حق كل وحده ردة علي

 

[مشاعر أمرأه]

شعوره حسبي الله على ابليسج كل ما يت وحده تكلمني بالنادي أحسها تخز حبتي
أقول أكيد هاذي شعروه:gr4uu::gr4uu::gr4uu:

لوووووووووووووووووووووووووووووووووووول

موتيني من الضحك

بس للاسف انا مااقدر اشترك بنادي عندي مشكله صحيه​

 

[حبة خاله]

ما تشوفين شر شعوله

 

[om l3yal]

[/color]بنات اللي تعرف اماكن حلوه للتمشي وسوقه حلوه واوت لت في نيويورك تعلمني اساميهم بليز لان احنا انشالله بنقعد 4 او 5 ايام فيها وبعدين اورلاندو
وهل واشنطن تسوى الروحه؟ زوجي يقول حرام دام واصلين نمرها بس همن ما عندنا فكره عنها اللي راحتها لا تقصر معانا بمعلوماتها
وودي بنات بعروض مثل السيرك في شي جذيه بهالمناطق اللي ذكرتها



صارت عاشر مره وانا اتطنش ):

بنات عفيا خلو التجمع علشان نستفيد معلومات عن امريكا بس مو سوالف واضيع الاسئله لان السوالف كثرت وصارت صفحات وايد ومحد شاف السؤال مني او من غيري
لاحد يزعل بس هذا الصج صار تشات سوالف والقصد من التجمع الاستفاده من معلومات بعضنا

شكرا للجميع على التعاون
وشكرا حق كل وحده ردة علي

ام حمود حبيبتي انا نيويورك مو رايحة بس عندج التايم سكوير شارع التسوق شوفي في اوت لت يبعد تقريبا ساعه عن نيويورك اسمه وود بري وااااااايد يمدحونه اهني بالمنتدى مو شويا
وعندج ديبارتمنت ستورز نفس mayc's
وساكس فيفث افينيو
وعندج شارع فيفث افينيو كل ماركات

وبالنسبة حق واشنطن انا رحت لها يوم واحد بس افتر راسي لان شوارهم دائرية يعني تلفين وادورين وايد ويقولون ان الممهندس اللي خطط شوارعها كان حشاكم سكران وكان يرسم خرابيط واعتمدوها يقولون انا مالي شغل واذا ودج تتروحين روحي في عندهم بالهاي وي بينهم وبين فيرجينيا اوت ليت مول وااااااايد حلو بس ماذكر اسمه بس اهي بحد ذاتها مافيها شي غير البيت الابيض وانا رحت مظطرة علشان مكتب الكويتية لانهم كانوا مخربطين حجزنا وكانت اقرب لي من بيويورك لاني كنت بفلوريدا
واورلاندو شنو تبين تعرفين بالضبط حددي وانتي تامرين امر يالغالية شنو بالضبط وانا راح اقولج اللي اعرفه
بس صدقيني السوالف بين البنات لابد منها ساعات مافي شي يذكر لان كلشي انقال ويصير صمت والكل يمل وبعدين محد يدخل يعني ساعة سوالف وساعة معلومات
على فكرة انا ما راح اروح السنة امريكا رايحة لندن ان شاء الله ومع اني عندي معلومات كافية ووافية بس لابد من الاستزادة على قولتهم بديت من اول تجمع لندن لي اخر صفحة وبيدي نوتة اسجل اللي ابيه ساعات مايكون الشي على بالي بس لما اقرا احسن اني ابيه واسجله يعني مايمنع انج تفتحين من اول صفحة وتبدين تقرين اذا حابة يعني

 

[om l3yal]

سمبولة شلونج شخبارج
ابي قرقيعانج مو صج يهبل ماشاء الله تبارك الله عليج بستين الف عافية ابي الرقم بليز
وطبعا الاروع منه تقيريج انا شايفته من زمان وييييييي توني استوعب ترا حتا انا ام احمد

 

[om l3yal]

راجعة الحمدلله على سلامتج شلونج وشلون سفرتج ان شاء الله استانستوا وشلون اليهال عقب مارجعتي

 

[حبة خاله]

أم حمود
بالنسبه لواشنطون اذا كانت رحلتج طويله مروها اهيا ما تستاهل العنوه وايد بس اذا يهمج تشوفين البيت الابيض روحوا لها
يعني آنا رايحه لها من زمان عيالي صغار بس الحين ودي يدخلون البيت الابيض ويشوفونه واهمه كبار والا اهيا كولايه ما فيها زود
اما نيو يورك فيها شو يعني مثل لاين كنج أو ساوند أوف ميوزك بس سيرك ما مر علي وطبعا تايمس سكوير
طبعا تاخذين الباص ويوديكم لكل المعالم وطبعا تقدرون تنزلون بكل محطه مثل تمثال الحريه والسنترال بارك وايد حلو التمشي فيها
بالنسبه لاورلاندو اكو بنات أعرف مني فيها

 

[ظلال القرآن]

اللة يسلمج :icon30:
احلى العطور اللى اعجبتنى صج لقيتها بفيفث ساكس واااى عندهم اشياء تهبل حتى الاشياء اللى موجودة عندنا مومثل ريحة عطورهم واللة انا اقول اللى عندنا تقليد اهم اصلى ... وعندهم انواع تهبل وتقولج هذى مو موجودة الاعندنا بس مو رخيص ... حتى ريلى لقيتة واقف عند العطور وهذيك الشقرة قاعد ترش رشلة وهو مندمج ويحسب قلتلة اشفيك جان يشممنى عطر مووووطبيعى عمرى ماشميت نفسة جان يقولى خاطرى فية بشترية والا جم سعرة800 دولار ...قلتلة استريح
هم ترى عطور فكتوريا سيكرت حلوة ورخيصة

ويه 800 خل يستريح من قلللللللللللب
عيل تقولين الشقره ترش له وهو منندمج وانتي طبيتي عليه زي القضا المستعجل:rgewrg:

 

[om l3yal]

امريكيات شلونكم شخباركم
صاجة العميدة امس قعدت الساعة 1.30 حاولت اشبك لين الثلاث وماكو فايدة شمعنا على ناس وناس يعني

 

[ام _خلودي]

أهــــم الامـــاكـــن الــسـيـــاحــية في نــيـــويـــورك




Empire State Building

هذا المبنى هو الأرفع في العالم بعد أحداث الحادي عشر من سبتمبر ، حيث يبلغ ارتفاعه 102 طابق ، ويقع بين الشارع 34 والشارع 33 على الـ 5th Avenue ...
تذكرة صعود المبنى بـ 14 دولار للشخص الواحد ، وهي أحد الأشياء التي يجب على من يزور نيويورك تجربتها
ساعات العمل من 8 صباحاً إلى 12 منتصف الليل ، آخر مصعد يتحرك الساعة 11:15 ليلاً

Statue of Liberty

تمثال الحريه غنى عن التعريف

سعر الدخول: 12 دولار للبالغين .. 5 دولارات للأطفال من 5-12 سنة ... ومجاناً لما دون ذلك
هذي الأسعار بدون التور (الدليل الصوتي) لأني بصراحة ما أحسه يسوى أبداً
ويمكن للزوار حجز التذاكر مسبقاً عن طريق هذا الموقع:
Statue of Liberty and Ellis Island - Official Tickets & Tours - Guaranteed
Lowest Price
وحسب أسبقية الحجز فإنه يمكن للزائر الحصول على تذاكر تشمل مميزات اضافية بنفس السعر ... مثل تذكرة تشمل زيارة التاج الموجود في أعلى التمثال والذي سيعاد افتتاحه في 4 July من هذا العام بعدما أغلق نتيجة لأحداث الحادي عشر من سبتمبر


Madame Tussauds

مشابه إلى حد كبير لنسخته الأصلية في لندن ،
موقعه على الشارع الـ 42 بين الـ 7th و الـ 8th Avenue ... قريب من الـ Times Square نوعاً ما ... وقد تم افتتاحه عام 2000 وتوسعته عام 2004
موقع المتحف على الانترنت:
Welcome to Madame Tussauds New York
أسعار التذاكر : 35 دولار عند الشباك و 28 دولار أونلاين (لازم قبل 24 ساعة من الزيارة على الأقل)




Central Park

السنترال بارك هي حديقة عامة في وسط مدينة نيويورك تستقبل سنوياً أكثر من 25 مليون زائر ... تتميز الحديقة بمساحاتها الخضراء الشاسعة وبحيراتها الجميلة التي تتحول في الشتاء إلى ساحات للتزلج بسبب تجمد المياه فيها ... كما تتميز الحديقة بوجود ساحات لعب متعددة للأطفال وحديقة حيوانات صغيرة ... في كل بقعة من هذه الحديقة الضخمة لابد أن يكون هناك ذكرى لمشهد من فيلم سينمائي أو عرض تلفزيوني مشهور

تتعدد الأنشطة التي من الممكن القيام بها خلال زيارة هذه الحديقة ومنها جولة بعربة يجرها احد الخيول لمدة ربع ساعة تقريباً أو جولة بالدراجة الهوائية (القاري) التي يمكن استئجارها بالساعة أو الصعود بالمنطاد والاستمتاع بمنظر الحديقة الرائع من أعلى

China Town

تحس فعلاً أنك في جزء من الصين ... معظم سكان هذه المنطقة هم من الصين وفيتنام وهونغ كونغ حيث حصلوا على الـ Green Card منذ نزوحهم إلى أمريكا
مهم جداً ، لا تحاول شراء البضائع العالمية من هذه المنطقة ، والسبب واضح من اسمها China Town يعني كل شي تقليد ، مو أصلي


Sightseeing NEW YORK

يمكن اخذ جوله سياحية بالباص للتعرف على معالم ومناطق نيويورك الأخرى ... هناك شركات كثيرة جداً في نيويورك تقوم بهذه الجولات السياحية وتعتبر شركة Gray Line وهي من أشهر الشركات في هذا المجال في مدينة نيويورك ... طبعاً هناك أكثر من مسار لهذه الجولات السياحية... سعر الشخص في الموقع 40 دولار تقريباً وهذا هو موقعهم لمن يرغب في الحجز مسبقاً:
Gray Line New York City downtown loop tour

الباص يتوقف في نقاط عديدة وبالإمكان النزول في أي نقطة للتصوير أو التعرف على المكان بشكل أكبر ومن ثم الالتحاق بالباص الذي يليه ... التذكرة صالحة لمدة 24 ساعة وهناك بعض التذاكر الأخرى لمدة 48 ساعة أو أكثر ...










Inside CNN

رحلة خلف كواليس أشهر إذاعات الأخبار في العالم
بدأت هذه المحطة عام 1980 وكانت انطلاقتها الحقيقية عام 1990-1991 مع حرب الخليج
مقرها الرئيسي في Atlanta, Gorgia وتنتشر فروعها حول العالم والبرامج تقدم من فروع متعددة

الرحلة شيقة وتستغرق حوالي 50 دقيقة ومن خلالها يتعرف الزائر على طريقة تقديم البرامج وما يسبقها من إعداد
من الأشياء الجميلة هو تقديم الأخبار الجوية وكيف يتم دمج الصور باستخدام الخلفية الخضراء وغيرها من الخفايا والأمور

 

[ام حمود@22]

مشكوره حبيبتي[color="red"] ام لعيال[/color]
واشنطن يقولون متاحفها حلوه
وواورلاندو ابي سكن حلو شقق فندقيه؟ امدحولي فيستانا و ماريوت
وبالنسبه للانترناشيونال درايف شنو فيه بالضبط؟ وايد امدحوه ومدحوا السكن فيه
وبليز ابي سكن حلو ومناسب بنيويورك حتى لو شقق فندقيه وشي قريب من مترو اذا موجود عندهم؟


سوري على الاطاله

 

[ام _خلودي]

اهــــداء منى لام حــمـــود

 

[ظلال القرآن]

اللة يسلمج :icon30:
احلى العطور اللى اعجبتنى صج لقيتها بفيفث ساكس واااى عندهم اشياء تهبل حتى الاشياء اللى موجودة عندنا مومثل ريحة عطورهم واللة انا اقول اللى عندنا تقليد اهم اصلى ... وعندهم انواع تهبل وتقولج هذى مو موجودة الاعندنا بس مو رخيص ... حتى ريلى لقيتة واقف عند العطور وهذيك الشقرة قاعد ترش رشلة وهو مندمج ويحسب قلتلة اشفيك جان يشممنى عطر مووووطبيعى عمرى ماشميت نفسة جان يقولى خاطرى فية بشترية والا جم سعرة800 دولار ...قلتلة استريح
هم ترى عطور فكتوريا سيكرت حلوة ورخيصة

ويه 800 خل يستريح من قلللللللللللب
عيل تقولين الشقره ترش له وهو منندمج وانتي طبيتي عليه زي القضا المستعجل:rgewrg:

 

[حبة خاله]

بعد جبدي أم خلود

 

[ام حمود@22]

مشكوره حبيبتي[color="red"] ام لعيال[/color]
واشنطن يقولون متاحفها حلوه
وواورلاندو ابي سكن حلو شقق فندقيه؟ امدحولي فيستانا و ماريوت
وبالنسبه للانترناشيونال درايف شنو فيه بالضبط؟ وايد امدحوه ومدحوا السكن فيه
وبليز ابي سكن حلو ومناسب بنيويورك حتى لو شقق فندقيه وشي قريب من مترو اذا موجود عندهم؟


سوري على الاطاله