عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[Simply_The_Best]

1000 مبروك أن شاء الله
والفال تشوفينها خريجة جامعه والله يبلغج فيها عروس يا ربي




الحمدلله ولدي نجح بس معدله نازل 71 ونص بس أهوه من أصل مسجلينه بجامعة الشرق الاوسط بس للأسف ما أتوقع انهم يعطونه بعثه داخليه وان شاء الله بس يرفع معدله يتحول على حساب الحكومه

مبـروك .. ألف مبـروك و الحمدالله على النجـاح إن شاء الله يشـد حيلـه أكثـر بالجامـعـة و يـاخذ البعثـة .. بس الحمدالله إن الله عـداه الحيـن و ما ضيع تعبكـم

 

[حبة خاله]

مشكوره حبيبتى سمبلى على سرعه الرد بس شرايج نيوورك والا سان فرانسسكو؟

شوفي يا الجعده نيويورك يبيلها يومين أو ثلاثه كافي عليها
واهيه مدينه ما تقدرين تقارنينها بسان فرانسسكو في نيويورك مانرجع الفندق الا متأخر باليل
الصبح ناخذ التور يودينا الاماكن السياحيه وباليل ندور في البرودوي لين يتأخر الوقت أما سان فرانسسكو مشكلتها البعد عن لوس آنجلوس ويكفيها ثلاث أربع أيام والمشكله الثانيه أهيه متروسه هوم لس فما تقدرين تتأخرين بره وسوقتهم تسكر مبجر
فما تقدرين تقولين نيويورك أو سان فرانسسكو

 

[حبة خاله]

مشكوره سمبوله وعسى الله يبلغج بعيالج يارب

 

[ام البنين2000]

ام العيال وحبة خاله الف مبروك وان شاء الله تفرحون فيهم واهما لابسين ثوب التخرج من الجامعه امين يا رب

 

[ام البنين2000]

توني راده من السوق الاسعار تهبل والسوق عجييييب كله سيل كل ما خذينه شي عطونا معاه شي ثاني فري وكل هذا علشان فورث اوف جولاي وبيتم السيل هذا لغاية 5 الشهر لبعض المحلات

ومريت ابل بغيت اخذ الماك بوك برو قالولي مافي عربي !!!!!!!!!!
ما اقدر اضيف عربي بالكويت ؟؟؟

 

[فهههده]

حبة خاله

مبروووك نجاح وليدج بس اسمحيلي يبيله تكفيخ كل هالاهتمام منكم وتالي جيد
يالله عاد شدووووا عليه عسى يعوضكم بالجامعه ويجيب ممتاز كافي دلع ربي يوفقه ويحفظه واخوانه
يرفع روسكم فووووق بكل شي يارب :q8: وراس بلاده تشوفينه من كبار الشخصيات بس يبي شده

ماريماري
الحمدلله على السلامه ورحله من اولها لاخرها كلها بسطه ووناسه ربي يحفظكم :ada:




-

 

[مشاعر أمرأه]

الف مرة احمده واشكره ربي الشكر
وصل يوم عمري وهذا ما كنت انتظر
تخرجت اغلى الناس تخرجت اغلى البشر
حبيبة قلبي هذي هذي عز وذخر
ربي يحفظلها لي ويخلي نور عيني فجر
باركولي وافرحوا وللكل زفوا الخبر
بنتي يابت 94.78 باركوووووووووووووووووووولي

الف الف الف مبرووووووووووووووك

الحمدالله انه ماضاع تعبكم

ومنها للاعلى والله اني فرحتلج من كل قلبي

وعقبال ماتتخرج من الجامعه وتزفينها عروس ان شاء الله

 

[مشاعر أمرأه]

1000 مبروك أن شاء الله
والفال تشوفينها خريجة جامعه والله يبلغج فيها عروس يا ربي




الحمدلله ولدي نجح بس معدله نازل 71 ونص بس أهوه من أصل مسجلينه بجامعة الشرق الاوسط بس للأسف ما أتوقع انهم يعطونه بعثه داخليه وان شاء الله بس يرفع معدله يتحول على حساب الحكومه

الف مبروك حبيبتي على تخرج ولدج

والحمد الله لايضيق خلقج عالنسبه تره في احتمال يعطونه على نسبته بعثه

والحمد الله ماضاع تعبكم وتفرحين فيه ان شاء الله معرس يارب

 

[واصله]

اشلونكم يا بنات
انا حاليا بنيويورك والجو واااايد حلو وقاعدين بالتايم سكوير احلى مكان بنيويورك
وكنت بلوس انجلوس وزرت لاس فيغاس
اللي سالت عن الساعة بين لوس انجلوس ونيويورك 6ساعات احنا طرنا عالامريكان اير لاين

 

[مشاعر أمرأه]

هـلا شعـوره إن شاء الله المـانع خيـر ... و المنتـدى إنتي و حظـج

والله على البـال إنتـي مع إنـي مـا أعرفـج يعني ما قط شفتـج بس سبحان الله تيون على بالي

شصـار معاكم بتروحون الكامبيـنج ؟

هلا حبوبه مشكوره ياقلبي عالسؤال وهمن انا والله احسكم خواتي او وايد اوله عليكم

ودايم والله ادعيلكم بالخير وان الله يوفقكم

وبالنسبه للسفره تذكرين كنت خايفه احد من المجموعه يخون فينا

بس للاسف والحمد الله طلع مني انا

بشوف سالفة المرض اللي طلع لي فجأه سويت تحاليل الغده والحمدالله ماكو شي

وسويت تحاليل شامله وفي شغلات بس مواهي السبب

ودكتوري قال يبيني اسوي اماراي على ظهري يقول يمكن في شي بالظهر

لان مبين من التحاليل ان عندي التهاب

والحمد الله على كل حال والسفره تتعوض بس اهم شي صحتي ابي اتطمن ان شاءالله

 

[مشاعر أمرأه]

مشاعر امرأة مفتوون وراجعة بقوة نسيت اسلم عليكم قبل لا سافر بس والله يوم بغيت ارد اكتب اساميكم علق معاي المنتدى

الف الحمدالله عالسلامه وان شاء الله تتهنون وتكون سفره سعيده باذن الله

وعن اسامينا عادي حبوبه عاذرينج المنتدى صاير يعل القلب

بس شنسوي نتحمل عشان الورد ...........مادري شنو العلي

موعارفه تكملة المثل لووووووووووول

 

[مشاعر أمرأه]

اشلونكم يا بنات
انا حاليا بنيويورك والجو واااايد حلو وقاعدين بالتايم سكوير احلى مكان بنيويورك
وكنت بلوس انجلوس وزرت لاس فيغاس
اللي سالت عن الساعة بين لوس انجلوس ونيويورك 6ساعات احنا طرنا عالامريكان اير لاين

الحمدالله عالسلامه واصله

وعندي لج سؤال اذا انتي مجربه اليونايتد ايهم احسن اهي ولا الامريكان ايرلاين

 

[نيوبورت بيتش]

اهليين .. عجبني تجمعكم وانا رايحه ان شاءالله ب 20 جولاي سان فرانيسيكو و لوس انجلوس ولاس فيغاس ونيويورك

لكن للحين ماطلعت فيزنا


بسألكم عن محلات تأجير سيارات تعطي تأمين شامل مجانا للخليجين وتسمح لي اخذها من سان فرانسيسكو واسلمها بلاس فيقاس


أحد جرب اوتيل راديسون بنيوبورت بيتش ؟

ابي اقتراحاتكم لاوتيلات في سان فرانيسيكو باليونيون سكوير و نيويورك بالتايمز سكوير بحدود 200$ بس تكون نظيفة وامان وعن تجربة

 

[om l3yal]

الجعدة ادري حبيبتي وصل اللي في قلبج ومشكوووووووووووووورة ماقصرتي وتفرحين بحبايبج ان شاء الله

 

[om l3yal]

الجوري مشكووووووووووووووووووووووووورة وما قصرتي وتفرحين بحبايبج وافرح لج ان شاء الله

 

[om l3yal]

حبة خالة الف الف الف مبروك وماعليه اهي سنة يرفع فيها معدله وتبلغين في معرس مع خوانه واخته ان شاء الله

 

[om l3yal]

ام البنين الله يبارك فيج وان شاء ايي اليوم اللي نبارك لج في بالبنين ويرفعون راسج ان شاء الله

 

[om l3yal]

شعورة حبيبتي والله ماقصرتي والله يا ربي يا حبيبي تفرحنا في مشاعر يوم اللي ربي يافيها ويعافيها ويلبسها ثوب الصحة العافية ان شاء الله
وربي ان شاء يبلغج بعيالج والله ونااااااااااااااااااااااااااااسة شعوووووووووووووور ما منه شعور وصياح الفرح واااااااايد حلو امس اقول حق مرت حماي بس كافي بجيت وايد اليوم واليهال يقولون لي بس يما لا تبجين عبالهم زعلانة

 

[حبة خاله]

أم البنين وفهههده وشعوره وأم لعيال
الله يبلغكم بعيالكم ان شاء الله والله أمس بجيت عليه ليما قلت بس بعد قلبي أهوه الوحيد من بين أخوانه مستواه ضعيف من صغره والا الباجي أسم الله عليهم متفوقين بس أكو ناس هذا حدهم لو شنو ما يقدرون أييبون أكثر ولو تقعدين معاه ما شاء الله عليه مخه نظيف بأمور الكمبيوتر حتى أخته الي أكبر منه وبنات خالاته وربعه يستعينون فيه اذا في شغله مايعرفونها وعنده هواية التصوير وقاعد يستغلها بأمور تجاريه
وقاعد يربح من وراها لكن بالدراسه لا اله الا الله مو فالح
بس الواحد ما يقول الا الحمد لله على كل حال

 

[حبة خاله]

شعوره السفر يتعوض أن شاء الله
وأن شاء الله تكون خيره لج ولأهلج بس المهم سلامتج وان شاء الله تكونين السنه اليايه من أول المغادرين الى أمريكا
ربي يطمنا عليج ويفرحنا ويفرح أهلج بسلامتج يا رب
ما قالوا لج يبيلها تمارين ويانا وحده في كيرفز بعد قلبي اتيي على ويل جير بعدين تتنقل على الاجهزه على عصاة ومعاها وحده من المدربات وريولها وارمه حتى جابلتها وأحكك لها خشمي توقعتها أنتي لأنج سائلتني عن كيرفز من قبل سألي يمكن يبيلج تمارين والا علاج طبيعي