عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[أم أحلى جود]

بنات شسوي بفيغاس ساعدوني يمكن ماروح عروض ريلي يقول مايسوى مايندرى انزين وين ار وح وشسمه الاوت لت الي مدحتو قبل فيغاس بقعد فيها 3 ايام وماسويتلها جدول مو عارفه

 

[الجوري74]

سلام بنات

بغيت اسأل عن الاماكن السياحيه بشيكاغو بليز الي تعرف لا تبخل علي


ليدي
انا اعرف بس جم مكان بشيكاغو
DisneyQuest Chicago

مكان العاب طوابق ومسكر حلو تقضين فيه يوم كامل

مكان حلو بحري مثل مارينا وفيها العاب ومكن تاخذين رحله بحريه

Sears Tower

وعندج الداون تاون حلوه للتمشي بالنهار

بس انتوا جم يوم بتقعدون فيها

 

[BraZiLeya]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام عليكم :*

بدون مقدمات .. انا محتاره بين فلوريدا (ميامي واورلاندو ) أو تايلاند (بانكوك وبوكيت)

بليز بنات قولولي شسوي اللي جربت راحت اهني واهناك تنصحون اروح وين؟؟؟
السفره مدتها 16 يوم .....
والله مو عارفه اقرر وين اروح ساعدوني

 

[BraZiLeya]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

((أم أحلا جود )) حبيبتي انا رايحه فيغاس ودشيت عرض واحد بس وتحسفت اني مادشيت كل العروض ..

والله الصراحه شي خيال .. قولي حق ريلج العروض شي خيالي اهناك مو عرض عادي .. شي يبهر .. بس عالاقل دشو عرض واحد اسمه o .. والاوتلت نسيت اسمه بس تمشي اهناك وتلقين الاوتلت جدام عينج وفي محلات بالفنادق ووالصراحه كنت ادش من فندق لي فندق كل فندق احلا من الثاااااااني .. وانشالله تستانسين ..

 

[كـّلي ذوٍؤٍوٍق~]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

مرحبآ بنات

شلوونكم وشلوون السفرره معاكم ؟


بغيت منكم خدمه ؟؟


أبي جنطه ماركه حلوه بسس مو بالكويت شنو ؟

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام عليكم
بنات امريكا شخباركم ياليت كل وحده راحت مكان تكتب عنه علشان نستفيد
ابي اماكن سياحيه وحلوه تكفووووووووووووون ارحموني من السوق
اول امس رحنا سانتا مونيكا يوم كامل استانسنا فيها ونيسه وراقيه حتن بيوتها احلى من بفرلي
وامس رحنا يونيفرسال اليهال ينو عليها ولا عزاء للمدينه الترفيهيه واي احس ان احنا حيل حيل متأخرين
ما ابي اروح دزني لاني بروح لها من اورلاندو
اليوم ما ادري وين اروح يمكن نيو برورت وعقب نروح اريفاين
يالا عاشو ساعدو ظلال وين تروح باجر ابي اماكن طبيعه وهدوء وبراد وناسه والبس شال واشرب قهوا >>>>عاشت الدور هههههه
ايه بعد ابي شقق فندقيه في سان دياقو احتمال نحجز اليوم بالليل ماعجبتني وايد لوس انجلوس ابي اقب منها

 

[الليدي ديانا]

سلام بنات

بغيت اسأل عن الاماكن السياحيه بشيكاغو بليز الي تعرف لا تبخل علي


ليدي
انا اعرف بس جم مكان بشيكاغو
disneyquest chicago

مكان العاب طوابق ومسكر حلو تقضين فيه يوم كامل

مكان حلو بحري مثل مارينا وفيها العاب ومكن تاخذين رحله بحريه

sears tower

وعندج الداون تاون حلوه للتمشي بالنهار

بس انتوا جم يوم بتقعدون فيها

يسلمو حبيبتي يعطيج الف الف الف عافيه

ما راح اطول فيها بس 10 ايام

 

[أم أحلى جود]

هلا ظلال بنات امريكا شابكين شخبارج وينج الحين
ظ
؟

 

[بدردر2007]

نداء...............​

​

الي بنات أورلاندو ....... أنا ألحين في أورلاندو أبي أعرف شارع انترناشونال أدرايف أهو شارع واحد ولا كذا واحد
لأني اليوم حطينا أسم الشارع في النفقيشن و طلعلنا شارع فاضي بس فيه جم فندق ألي تعرف توصفلي مكانه وين
و مره قالتلي ... (( اشراقه الحياة )) انه ماركة .. أجنر .. الأمريكية محلهم في شارع انترناشونال أدرايف .
ألي تعرف وين أحصلها أتقولي . ....

و مشكورين ...... لا تطنشون ناطرتكم​

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

أم أحمـــــــــــــــــــــــــــــــــــــد هـلا والله الحمدالله على سلامتكم و المطـار الله بالعـون .. بعد روحـي الحيـن فهـده بتحاتي .... بس على الأقـل صارت على علم بالطريقـة و عـن الرسول عليه الصلاة و السلام قـال ( السفر قطـعة من العذاب ... ) عـاد لازم شوي تعذبون و شوي تونسـون


هـــــــــا لحد الحيـن ندمـانـه إنـج رحتـي أمريكـا ؟ كـأنـه المكـان عجبكم طلعـت صـح لووووول

ديزرت هيـل عادي ساعتين ما راح تـلاقين شي بـو نص ساعـة هذي مشـاويـر أمريكـا روحـي تـونسي بالطريـج و منهـا اتشرووون من هنـاك ... إحنـا مرة رحنـا كـامريلو بعز الزحمـة والله بدون مبالغـة الدرب كـان 4 ساعات إلا ربع !! الشارع كـان يـوقف ! تماما مـا يتحـرك

سـان ديغـو .... حلـوة و أنـا أحبهـا وايـد .... اذا عنـدكم نيـة تخلون سكنكم هنـاك لـمدة أسبوع عيـل لا تـروحون حـق أي مكـان فيها أو قريب منهـا عشـان لا تعنـون خشـو و وفرو الأمكـان لمـا تستقرون فيها أفضـل .

بالنسبـة للأسـواق القريبـة ما عنـدج غيـر المـولات الي أسعارهـا قـد يكون عليها خصم بسيط أو ما عليها خصم و بنفس الوقت البضاعـة أيـدد المـولات وايـدة :

South Coast Plaza يمكم

Fashion Island يمكم

Spectrum Center يمكم

Main place يمكم

هلا ام حمادين
بعد قلبي انا مو ندمانه ابدا معقوله اطق هالطريج واقط هالفلوس وانا مو مقتنعه لا اكيد حابه الروحه وحابه امريكا بس تعرفين انا سنين متعوده على اوربا وصار شوي تغير بس امريكا تجربه حلوه وهالديره حلم ملاين البشر
وانا ودي اشوف احلى الاماكن فيها مو معقوله ان هالديره سوق وبحر وبس اكيد في اماكن حلوه
خل اقولج وين رحت من اول ما ينا كالي
اول يوم بفرلي هلز وعقب ذا قروف وتعشينا جيز كيك فاكتوري واليهال دشو فلم يديد اسمه افتار الاسطوره
ثاني يوم سانتا مونيكا من الصبح الى الليل
ثالث يوم يونيفرسال استديو
رابع يوم الي اهو النهارده الصبح اوت لت ما ادري شسمه جنا قاعدين في جبد :jumpon: من صجي صحرا حتى واحنا نمشي ولا عيالهم يصرخون سنيك هوهوهو ولا من صجهم حيه اشطولها انا وعيالي قبه:RoadRunner:
واهما الامريكان عادي وفيه حريم قاعدين ياكلون بالمطعم:gathering:
وعقب يولج السيكورتي يتسحبون والحيه تراكض بالممر واحنا ننحاش ونصارخ وششوي شوي ويبوسن راسها علشان تدش بالخيشه زين طقوها ذبحوها موتوها لا والله كمان كمان بيبي يمال شقول بس قلوبنا وقفت :cxxxp:

المهم تشرينا منه جواتي ساس وجواتي رياضه بناتيه حق بنوتي غريبه عجيبه كنت شاريتهم من سانتا مونيكا ب حول 45 لقيتهم على 30 وخذيت لها لان صج غريبين وما احصل منهم بالكويت وشرينا عطور مايكل كورس وعطري المفضل ذا ون من CK والعيال شرو عطور بولو طبعا القديمه اليديده ما نزلت اوت لت يعني خوش سوق بس اعتقد انه مو احسن من الي قلتي عنهم يعني ما فيه ماركات كلش
وعقب رحنا لونج بيتش وايد راقيه المنطقه وتغدينا على البحر مطعم اينن اسمه قلادستون وعقب تمشينا على البحر وناسه والجو اينن
عاد باجر قلت حق ريلي ابي بحيره طلعلي من تحت الارض ابي بحيره:eh_s(14):
مسيكين دش النت وطلع لي هالبحيره اسمها Lake Elsinore عاد ما يندرى زينه شينه ان جان ما طلعلي منها تمساح الله يستر
بعد قلبي قريت مأساتج مع وليدج الصغير حتن قاعده اسولف حق ابونا عنه انه يبجي تحطم ريلي لانه مايحب الياهل يتاذى بالسفر والله حيل قمت احاتيج بعد عمري الله يعينج

 

[أم أحلى جود]

رد: رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

هلا ام حمادين
بعد قلبي انا مو ندمانه ابدا معقوله اطق هالطريج واقط هالفلوس وانا مو مقتنعه لا اكيد حابه الروحه وحابه امريكا بس تعرفين انا سنين متعوده على اوربا وصار شوي تغير بس امريكا تجربه حلوه وهالديره حلم ملاين البشر
وانا ودي اشوف احلى الاماكن فيها مو معقوله ان هالديره سوق وبحر وبس اكيد في اماكن حلوه
خل اقولج وين رحت من اول ما ينا كالي
اول يوم بفرلي هلز وعقب ذا قروف وتعشينا جيز كيك فاكتوري واليهال دشو فلم يديد اسمه افتار الاسطوره
ثاني يوم سانتا مونيكا من الصبح الى الليل
ثالث يوم يونيفرسال استديو
رابع يوم الي اهو النهارده الصبح اوت لت ما ادري شسمه جنا قاعدين في جبد :jumpon: من صجي صحرا حتى واحنا نمشي ولا عيالهم يصرخون سنيك هوهوهو ولا من صجهم حيه اشطولها انا وعيالي قبه:roadrunner:
واهما الامريكان عادي وفيه حريم قاعدين ياكلون بالمطعم:gathering:
وعقب يولج السيكورتي يتسحبون والحيه تراكض بالممر واحنا ننحاش ونصارخ وششوي شوي ويبوسن راسها علشان تدش بالخيشه زين طقوها ذبحوها موتوها لا والله كمان كمان بيبي يمال شقول بس قلوبنا وقفت :cxxxp:

المهم تشرينا منه جواتي ساس وجواتي رياضه بناتيه حق بنوتي غريبه عجيبه كنت شاريتهم من سانتا مونيكا ب حول 45 لقيتهم على 30 وخذيت لها لان صج غريبين وما احصل منهم بالكويت
وعقب رحنا لونج بيتش وايد راقيه المنطقه وتغدينا على البحر مطعم اينن اسمه قلادستون وعقب تمشينا على البحر وناسه والجو اينن
عاد باجر قلت حق ريلي ابي بحيره طلعلي من تحت الارب ابي بحيره:eh_s(14):
مسيكين دش النت وطلع لي هالبحيره اسمها lake elsinore عاد ما يندرى زينه شينه ان جان ما طلعلي منها تمساح الله يستر
بعد قلبي قريت مأساتج مع وليدج الصغير حتن قاعده اسولف حق ابونا عنه انه يبجي تحطم ريلي لانه مايحب الياهل يتاذى بالسفر والله حيل قمت احاتيج بعد عمري الله يعينج

باي محل هالجواتي ظلال

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هلا ام جود لقيناهم باو لت يبعد 90 كيلوعلبو ارخص ولا ارخص ولا هم يحزنون اخذيهم من محلهم احسن لج

بس ترا الجواتي يسون واحنا طايحين فيهم من 15 سنه كل العايله حريم وريايل لانهم احسن واريح جواتي على الاطلاق

ومن كل مقاس 8 مقاسات يعني اليوم بغي اخذ حق امي توهقت لازم ارف اهي 37 شنو مديوم ولا لارج ولا سمول ومن كل قياس يعين اذا اهي مديم لازم اعرف ميديوم w ولا ww يعني حيل حيل يلبقون على الريل قلت لازم ادق عليها اعرف بالضبط مقاسها
احاو ايب لج العناوين ابونا يصلي والحين يخلص

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

اسم الاوت لت الي فيه جواتي ساس collier ave
اشرايكم باجر اروح حديقه الحيوان في سان دياقو ؟؟
ولا اروح البحيره؟؟؟

 

[فهههده]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هلا والله ظلاااال
شلونج عسى مبسوطه
شكرا على الردود المهمه عالخاص وعالعام ماقصرتي
اقول حديقة الحيوان تاكدي بكم التذكره كان فوق الخمسين وانتم عددكم كبير ماتسوى المصرف كلها تتفرجين على حيوانات ههه
بس البحيره انا اشوف هاديه ورومانسي وووو افضل وبلاش هه
ايه بايرفاين اهم شي فيها طبعا سبكتروم حلووو ورائع بعد
وفيه حديقه عند جامعة ايرفاين معروفه كبيره وخضراء وحلوه والاهم بوسطها بحيره وبط هذي زوجي كل يوم فيها يمشي رياضه على البحيره ويأكل البط
وفيه بعد فيوتشر لاين برضه مجمع حلو وبرضه تغيير عن سبكتروم
وقريب من ايرفاين لونق بيتش ونيوبورت ممكن تلفينهم كلهم مابينهم شي
ربي يوسع صدوركم بالعافيه

 

[rawona]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام ..


بنات شلونكم؟؟ وشخباركم؟؟


اللي سافروا شلون رحلتكم؟؟ عسى ما تعبتوا؟؟


احنا صارت لنا دقة :cxxxp:

تأخرت طيارتنا بالكويت ( البريتيش اير ويز)

ويوم وصلنا لندن طارت عنا الاميركان ايرلاين !!! تورطنا !!


قالولنا يا أما انام ليلة بالمطار ( مستحيل طبعاً) أو ناخذ طيارة على نيويورك وهذا اللي سويناه ..

رحنا نيويورك على اساس بس نوصل ناخذ طياره ثانية توصلنا لوس انجلوس بنفس اليوم .. بس هم طارت الطيارة الداخلية عنا ( خيره) ونما في كورت يارد ماريوت جي اف كي ليلة وثاني يوم طرنا على لوس انجلوس وكانت الساعه 9 الصبح تقريباً لما وصلنا ..

خذينا سيارتنا ورحنا لاس فيغاس <<< تعب * تعب


الفينيشين << الفندق اللي سكنا فيه خذينا فيه سويت الفنيسيا ( الغرفة والفندق ما عليهم كلام روعه روعه روعه) بس الصدمة خدمة الفندق تعبانه وأي شي !! ما حبيت عاملتهم ما حسيت اني في فندق 5 نجوم كلش!!

وايد عجبني فندق الوين والبيلاجيو حبيتهم اكثر من الفنيشين!!


لا تطوفكم عروض لاس فيغاس خيـــــــــــــال !!

حسافة عرض O ما كان يعرض بالحزة اللي كنت فيها اهناك وايد تحسفت انه كان يوم عطله عندهم (للسيرك) ومافي عروض ..

حضرنا عرض لو ريف و عرض المستير روعه بصراحة ولو كنت مطولة شوي بفيغاس جان حضرت O وعرض KA وعرض الساحر ديفيد كوبرفيلد او كريس انجل ..



بالنسبة حق لوس انجلوس الجو روعه .. براد ويونس شوي الظهر يحتر بس هم يعتبر حلو وبارد ..

رحنا هوليوود + ووك اوف فيم + بيفرلي هيلز

والمولات رحنا هوليوود هايلاند + مول يم فندقنا نسيت اسمه

واليوم رحنا الاوت لت ديزيرت هيلز


باجر بإذن الله بناخذ بريك Break رياييلنا بيطالعون المباراة لووول بس يمكن نروح تالي the grove او سانتا مونيكا بيير



اوافيكم بالتفاصيل لاحقاً :tek:

​

 

[حبة خاله]

السلام عليكم والله والله والله كله من المنتدى ما خلاني أسلم عليكم قبل لا أمشي
وسامحوني يا جماعه يمكن زعلت أحد بغشمرتي الدفشه ف حللوني
آنا الحين في فيلاديلفيا أستانسنا وايد فيها
ظلول آنا أول مره أروح مدينة الملاهي مالت هرشي ترى في جزء منها مدينه مائيه ف يمكن تشوفين فيها مناظر ما تعجبج بس ترى نا در ما تشوفينها لان ممنوع يطلعون من المنطقه المخصصه للسباحه بالمايوه بس قلت أقولج
الحين ما شين لنيويورك ستي وانشاء الله أكلمكم من هناك ويمكن ألقى وقت أقرى الي فاتني

 

[أم بنوته]

ام بنوتة والله انا لاهية امس بتسجيل الجامعة واليوم خلصت شغلي كلي مابقا مكان مارحت له فريت الكويت كلها
بس انتي بشري عن بنيتج شلونها عساها احسن ان شاء الله
وبشري عن استعداداتج حق يوم الخميس ( الخطة البديلة ) وعن الامارات ها ماصار شي ؟؟؟؟؟؟؟؟؟؟؟؟ظ

هلا يا قلبي مشكوره عالسؤال مبروك قبول بنيتج بالجامعه الله يوفقها و يبلغج فيها و تشوفينها بأعلى المناصب يا رب
الحمد الله خطتنا البديله ماشية الحفلة و سويناها و كانت خوش حفله و دبي إنشا الله بنروح يوم السبت

​

 

[أم بنوته]

بنات ماضمن المنتدى البايخ
استودعكم الله الذي لا تضيع ودائعه
سامحوني حللوني واذا بخاطركم شي علي لا تخلونه بقلبكم قولولي اخاف في يوم زعلت وحدة فيكم او مع الغشمرة غثيت احد سامحوني
والله كلكم حبيتكم بدون ذكر اسماء
وانا ماراح انساكم يوميا بالليل راح اعطيكم تقرير واقولكم شسويت
تامروني على شي يالغاليات
انا راح اتم معاكم لين اروح بس ما اضمن المنتدى
وادعولي ان الله يسهل دربي

أم لعيال تروحين وتردين بالسلامه يا حياتي و الله يسهل دربكم و إنشا الله اتهننون بالسفره و الله ما شفنا منج إلا كل خير يا قلبي
:33_1185028183:​

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام ..
بنات شلونكم؟؟ وشخباركم؟؟
اللي سافروا شلون رحلتكم؟؟ عسى ما تعبتوا؟؟
احنا صارت لنا دقة :cxxxp:
تأخرت طيارتنا بالكويت ( البريتيش اير ويز)
ويوم وصلنا لندن طارت عنا الاميركان ايرلاين !!! تورطنا !!
قالولنا يا أما انام ليلة بالمطار ( مستحيل طبعاً) أو ناخذ طيارة على نيويورك وهذا اللي سويناه ..
رحنا نيويورك على اساس بس نوصل ناخذ طياره ثانية توصلنا لوس انجلوس بنفس اليوم .. بس هم طارت الطيارة الداخلية عنا ( خيره) ونما في كورت يارد ماريوت جي اف كي ليلة وثاني يوم طرنا على لوس انجلوس وكانت الساعه 9 الصبح تقريباً لما وصلنا ..
خذينا سيارتنا ورحنا لاس فيغاس <<< تعب * تعب
الفينيشين << الفندق اللي سكنا فيه خذينا فيه سويت الفنيسيا ( الغرفة والفندق ما عليهم كلام روعه روعه روعه) بس الصدمة خدمة الفندق تعبانه وأي شي !! ما حبيت عاملتهم ما حسيت اني في فندق 5 نجوم كلش!!
وايد عجبني فندق الوين والبيلاجيو حبيتهم اكثر من الفنيشين!!
لا تطوفكم عروض لاس فيغاس خيـــــــــــــال !!
حسافة عرض O ما كان يعرض بالحزة اللي كنت فيها اهناك وايد تحسفت انه كان يوم عطله عندهم (للسيرك) ومافي عروض ..
حضرنا عرض لو ريف و عرض المستير روعه بصراحة ولو كنت مطولة شوي بفيغاس جان حضرت O وعرض KA وعرض الساحر ديفيد كوبرفيلد او كريس انجل ..
بالنسبة حق لوس انجلوس الجو روعه .. براد ويونس شوي الظهر يحتر بس هم يعتبر حلو وبارد ..
رحنا هوليوود + ووك اوف فيم + بيفرلي هيلز
والمولات رحنا هوليوود هايلاند + مول يم فندقنا نسيت اسمه
واليوم رحنا الاوت لت ديزيرت هيلز
باجر بإذن الله بناخذ بريك Break رياييلنا بيطالعون المباراة لووول بس يمكن نروح تالي the grove او سانتا مونيكا بيير
اوافيكم بالتفاصيل لاحقاً :tek:
​

الحمدلله على السلامه
واي رحلتج حيل متعبه الله يعينج ماساه
احنا حجزنا 3 عروض في فيغاس لوريف وكا و لاين كنج بنروح فيغاس تاريخ 21 ان شاء الله
الحين انا في لوس انجلوس لي اسبوع تقريبا خلصنا كل اماكنها وبقى 3 اماكن في سان دياغو نبي نبدى فيهم باجر و اعقبه راح يبقى لي 4 ايام في لوس انجلوس ما ادري وين اروح فيهم
ما ودي اكثر مولات لان سفرتي مطوله وراي فيجاس وفلوريدا ونينيورك وما ابي اخلص فلوسي لاني ناويه اشتري جنطتين و سوقهم صراحه يغري ما ادشه الا واطلع بكود جياس
رون لا تقاطعين وافينا بالاخبار

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

السلام عليكم والله والله والله كله من المنتدى ما خلاني أسلم عليكم قبل لا أمشي

اهلين
وينج غطيتي ؟؟؟

وسامحوني يا جماعه يمكن زعلت أحد بغشمرتي الدفشه ف حللوني

مسموح يالي تعذرت ...... مسموح لو ما تعذرت :tek:

ظلول آنا أول مره أروح مدينة الملاهي مالت هرشي ترى في جزء منها مدينه مائيه ف يمكن تشوفين فيها مناظر ما تعجبج بس ترى نا در ما تشوفينها لان ممنوع يطلعون من المنطقه المخصصه للسباحه بالمايوه بس قلت أقولج
الحين ما شين لنيويورك ستي وانشاء الله أكلمكم من هناك ويمكن ألقى وقت أقرى الي فاتني

تونس هيرشي ؟
انا مو ناويه على العاب لان عيالي راحو العاب في لوس انجلوس وبيروحون عروض فيغاس والعاب باورلاندو فاكيد ما راح اروح بهيرشي
ابي هيرشي استجمام وتمشي