عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[حبة خاله]

هاي غايز
آنا الحين في فييل أتينن واتهبل والله قعدنا بموتيل عادي الي لأأهوه هامبتون ان بس أمس طلعنا من آسبن أتههههههبل براد ونظافه ووناسه والاحلا والاحلا فندقنا أسمه فيسري واي خيالي صبيان وبنيات تقريبا 18 -19 سنه واقفين عند الباب يستقبلونا وأحنا من الفشله ما نبيهم يطلون بسيارتنا تفشل بنتي تقول أبيه جنا هوملس

 

[حبة خاله]

ترى المنتدى لوع جبدي بروح أنااااااام
المهم حتى السالفه صارت بايخه
السياره طبعا متروسه كاكاو وبطاط وعصير لا وولدي خاش بطول الماي يقول أبي أحطهم في مكينة الرسايكل الي في الول مارت عشان يعطوني فلوس:tomato2:
أبونا حاول فيهم مني مناك انه يصفط السياره بالباركنق وأهما أبدا ما يصحش الا احنا الي نصفطها:s141::s141:

 

[حبة خاله]

أهمه شافوا الحوسه جان يقولون حق أبونا أكيد يايين من مكان بعيد قالهم اي والله ياي من لاس فيغاس قلت له جان قلت لهم من فلوردا
وطبعا أبيه الكشخات الي تنزل من السيارات حدث ولا حرج وأول ما ينزلون من السياره شتشوفين يلقون لق وعيالي من ينزلون ريلهم من السياره تطلع الجلوحه والملوحه
وأهم يفتحولنا البيبان ويسكرونها من ورانا عيالي صارو يظفون السياره قبل لا نوصل الفندق علشان ما يتفشلون
المهم رحنا أول يوم ركبنا قواري 4ساعات والصبيان قالوا بروحون الطريق الجبلي وطبعا عيزت منهم اييون ويانا ما رضوا يقولون بنعيش مغامره راحت وياهم بنتي بالاول تالي هونت تقول يخرع وطبعا واحد فيهم طاح وتجرحت ايده بس الحمدلله أحسن الحين بس والله وناااااسه
ومن باجر عيالي راحو رافتنق تشققوا طبعا احنا ما رحنا وقصينا على ولدي الصغير تسع سنوات وقلناله احنا بنصير حقك مقك مسكين حطينا راسنا ونمنا وأهما راحوا من الثمان الصبح ليما الخمس ونص والشركه مروهم خذوهم ورجعوهم
والمنطقه وايد فيها شغلات حلوه مثل ركوب الخيل وتلفريك وبراشوت وبالون وسفاري
وايد وايد أستانسنا فيها

 

[حبة خاله]

عظم الله أجركم رووونا وطوق الياسمين
والحمد لله على سلامة الراجعون من أمريكا
وأنتم السابقون ونحن اللاحقون احنا أن شاء الله يوم5-8 نرجع من لاس فيغاس وعندنا ترانزيت 10ساعات في شيكاغوا بنتمشى فيها أن شاء الله وبعدين عندنا ترانزيت جنه 8ساعات في لندن أن شاء الله تكون في الترمينال 5 اذا فينا حيل بنتمشى بالمطار والا راح نروح اللاونج ونتسدح هناك
أحد عنده فكره اذا بندخل لندن بفيزا مؤقته ممكن أو لا جني سمعت من وحده فيكم انه أكو فيزة ترانزيت

 

[عروس الدنيا]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

عظم الله أجركم رووونا وطوق الياسمين
والحمد لله على سلامة الراجعون من أمريكا
وأنتم السابقون ونحن اللاحقون احنا أن شاء الله يوم5-8 نرجع من لاس فيغاس وعندنا ترانزيت 10ساعات في شيكاغوا بنتمشى فيها أن شاء الله وبعدين عندنا ترانزيت جنه 8ساعات في لندن أن شاء الله تكون في الترمينال 5 اذا فينا حيل بنتمشى بالمطار والا راح نروح اللاونج ونتسدح هناك
أحد عنده فكره اذا بندخل لندن بفيزا مؤقته ممكن أو لا جني سمعت من وحده فيكم انه أكو فيزة ترانزيت

بترمينال 5 تنزلين تحت عند الانفورميشن تقولين لهم ابي فيزا 24 ساعه يسجلون اسمج ... و يعرفون مدة الترانزيت ..و بعدين عل حظ اي المسؤول يختار .
احنا العام سجلنا و نادونا بس يوم دقينا عل فندق قال لنا ان الجك اوت مادري متى فكلش ما كنا بنستفيد ما رحنا ...المهم سجلي اسمج و احتمال يعطونكم لانه اهو يختار عدد معين .:tek:

 

[om l3yal]

السلام عليكم وصلت الديرة بحفظ الله ورعايته
الحمدلله استانست وااااااااااااايد وشريت واااااااااااااايد وتبهدلت بالمطار اخر يوم وااااااااااااااااااايد وتحسرت لاني ماشريت من المطار وااااااااااااايد
اشكر كل من سال عني امس المنتدا مارضا يفتح معاي ويوم فتح الا وهو ما يخليني اشارك معاكم
ولهت عليكم كلم واللي تبي تسال انا كلي اذان صاغية وارد على استفساراتكم
امس فتحت الجناط وناااااااااااااااااسة احلى شعور لما تشوفين الصالة صارت بحر من الملابس بس اشوة حطيت اغراض كل واحد في جنطة بروح وطلعت الصوايغ ورديت سكرت الجناط عاد شوفوا متا يتبطلون مرة ثانية

 

[om l3yal]

روونة وطوف الياسمين عظم الله اجركم وان شاء الله اخر الاحزان

 

[أم أحلى جود]

السلام عليكم وصلت الديرة بحفظ الله ورعايته
الحمدلله استانست وااااااااااااايد وشريت واااااااااااااايد وتبهدلت بالمطار اخر يوم وااااااااااااااااااايد وتحسرت لاني ماشريت من المطار وااااااااااااايد
اشكر كل من سال عني امس المنتدا مارضا يفتح معاي ويوم فتح الا وهو ما يخليني اشارك معاكم
ولهت عليكم كلم واللي تبي تسال انا كلي اذان صاغية وارد على استفساراتكم
امس فتحت الجناط وناااااااااااااااااسة احلى شعور لما تشوفين الصالة صارت بحر من الملابس بس اشوة حطيت اغراض كل واحد في جنطة بروح وطلعت الصوايغ ورديت سكرت الجناط عاد شوفوا متا يتبطلون مرة ثانية

حمدالله على سلامتج وان شاء الله لندن يت على مزاجج:bbbiu:

 

[om l3yal]

حمدالله على سلامتج وان شاء الله لندن يت على مزاجج:bbbiu:

الله يسلمج ام جوجو والله لندن تهبل بس مو مثل اول حتا ناسها نفسياتهم صارت بايخة بالمطار تهاوشت مع اللي على الكوانتر عيالها راح اسمح لها تغلط علي واسكت علشان تكرمت ومشت لي 6 كليو زيادة ماتدري اني راح انهد عليها وامسخرها وهم بتمشيلي ال6 كيلو حضرتها بكل وقاحة تطلعني جذابة وتقولي انتي جذابة قلت لها انا ما اسمح لج انج تكلميني بهالاسلوب وانا مو جذابة انتي الجذابة وانتي ما تملكين الحق انج ترفعين صوتج والحين اروح ادفع الفلوس لا انتي ولا غيرج يتمنن علي عقبها فججت عيونها وقالت لي خلاص روحي
خربت علي وناستي كلها بس ميخالف

 

[vi-lady]

السلام عليكم خبيرات امريكا والحمدلله عالسلامه بس بغيت اسألكم يالخبيرات شلون عالتاكس بأمريكا نقدر نرد ناخذه من المطار ولا لأ واذا اي شلون الطريقه بالضبط وشرايكم بطيران اليونايتد تنصحون فيه ولا لأ,ويزاكم الله خير

 

[ام _خلودي]

مساء الخير

ام العيال حمدالله على سلااامتج وزين سويتى فيهااا


الاخت الا تسال عن التاكس باامريكا ماينرد واليوناتيد

انا جربتهم داخلى مو دولى مو ذاك الزواد

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

هاي غايز
آنا الحين في فييل أتينن واتهبل والله قعدنا بموتيل عادي الي لأأهوه هامبتون ان بس أمس طلعنا من آسبن أتههههههبل براد ونظافه ووناسه والاحلا والاحلا فندقنا أسمه فيسري واي خيالي صبيان وبنيات تقريبا 18 -19 سنه واقفين عند الباب يستقبلونا وأحنا من الفشله ما نبيهم يطلون بسيارتنا تفشل بنتي تقول أبيه جنا هوملس

زييييين اشوا ربعنا وايد أنا ريلي مسمي السياره حوش البقر هههههه يا ربي عيالنا خربوهم الخدم يشيلون من تحتهم ريلي يقول سنعي عيالج عيل جذي السياره شلون بسلمها الحين قلت حبيبي مو متعود يركبون معاه بالكويت واعليا ما يركبون مع ابوهم الا بالسفر كله معاي او مع السايق ...... قال يا حبج حق الدندره قلت *

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

بترمينال 5 تنزلين تحت عند الانفورميشن تقولين لهم ابي فيزا 24 ساعه يسجلون اسمج ... و يعرفون مدة الترانزيت ..و بعدين عل حظ اي المسؤول يختار .
احنا العام سجلنا و نادونا بس يوم دقينا عل فندق قال لنا ان الجك اوت مادري متى فكلش ما كنا بنستفيد ما رحنا ...المهم سجلي اسمج و احتمال يعطونكم لانه اهو يختار عدد معين .:tek:

الحمد لله علي السلامه وعقبالي يارب لاعت جيدي من تصكك الجناط شوفي توني راده من الادفانتشر والحين اصكك الجناط باجر نيويورك ان شاالله وانا ناويه بعد اشري من نيويورك يالله الله الله بالسوقه الزينه علموني أف بنات تعبت وانا اصلح بدليات هذا الاي فون غربله الله ينني

 

[داريني]

بنات انا اول مره بروح امريكا
بالنسبه لي شنو احسن ولايات اروح لها
انا محتاره بين فلوريدا ولوانجلوس
؟

 

[حبة خاله]

عروس الدنيا
مشكوره وما قصرتي بحاول وانشاء الله تضبط خصوصا ان الترانزيت طلع عشر ساعات بس خليني أتأكد راح يكون ليل والا نهار

 

[حبة خاله]

هلا ظلول المنتدى ما أدري شفيه هاذي آخر محاوله أكتبها
آنا الحين بفندق بطريج لاس فيغاس باجر الصبح ان شاء الله نكمل باقي لنا ساعتين ونص

بالنسبه على الحوسه آنا معلقه لهم جيس زباله ويقطون فيه
أهي مسألة التشري اذا دخلو جمعيه أو وول مارت تقولين ميتيين من اليوع
العصير كرتون البطاط يا الأحجام الكبيره يا جيس كامل الدونت درزن الام أند أمز الجيس الكبير بو دولارين يقولون والله يما رخيص مو شايفين خير آنا مو قاهرني الا الماي الكرتون بو ثلاثين حبه أشتتتتتتعوه يقولون لي فيه سته مجانا (يعني اقتصاديين ) وآنا أدري كل هذا عشان ماكينة الرسايكل لا ومو راضي يقطهم الا آخر يوم ويتراوالي اذا طلع له نص دولار زين وأحنا طرقنا كلها طويله يعني من ساعه لي ثمان ساعات خاصه انه الجناط بدت تركب ويانا جدام لان الدبه طبعا قبطت

وعلى البدليات آنا معطيتج قصه ليما ترجعين الديره ان شاء الله

 

[حبة خاله]

هلا داريني
يعتمد أشطول المده وبأي شهر؟

 

[حبة خاله]

عروس الدنيا
مشكوره وما قصرتي بحاول وانشاء الله تضبط خصوصا ان الترانزيت طلع عشر ساعات بس خليني أتأكد راح يكون ليل والا نهار

وبعدين آنا ما أبي أدخل لندن عشان أنام آنا مو رايحه لها من 1997عاد قلت ودنا نعيد الذكريات خاصه انها 10 ساعات شيخلصها
مع انها راح تكون نقله من حبابة الامريكان الا دفاشة الانجليز

 

[جوك احلى جو]

ويني عن هالتجمع انا توني راجعه من امريكا صارلي تقريبا 9 ايام من رديت

والله امرييكا مالها مثيل انا العام كنت في شيكاغو ونيورك والسنه رحت كاليفورنيا( لوس انجلوس ولاس فيغاس وسان دييجو والمكسيك)
عجييييييييييييييييييييييييييييييييييييييييييييييييييييييييييييييييييييييبه اهو عمران اهوتسوووووووووووووووووووق اهورحلااااااااااات ماخلينا شي احلي من شيكاغو ونيورك

ماودج ترجعين من الوناسه فعلا ماقدر اوصف لان الاماكن اللي زرتها

 

[جوك احلى جو]

وبعدين آنا ما أبي أدخل لندن عشان أنام آنا مو رايحه لها من 1997عاد قلت ودنا نعيد الذكريات خاصه انها 10 ساعات شيخلصها
مع انها راح تكون نقله من حبابة الامريكان الا دفاشة الانجليز

لا والله بينهد حيلج انا بعد كان ترانزيتي 10 ساعات في لندن والله تعبت وتعسرت بس هم يمكن تروح ساعه علي ماتجيكين علي الحجز ما الحجز :s141: