عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[rawona]

شلونكم بنات انا حجزت حق أمريكا بس قالولي لازم تأمين
تأمين صحي ولا شنو واشلون طريقته وأشلون أسويه ولازم ولا عادي أروح من غيره

وهم عندي سؤال ثاني ماعليه راح ازعجكم انا راح أروح كاليفورنيا من ضمن المناطق فوين تنصحوني أقعد بالشمال ووين أقعد بالجنوب لأني راح أظل فيها 12 ليلة انا معاي زوجي وبنتي

ام عبدالله .. بالنسبة للتأمين اهو مو ضروري بس اذا تحبين تسوين تأمين صحي سوي عند أي مكتب تأمين ..

اما تأمين السيارة فاهو ضروري واهم يسونه لج اهناك لما تستلمين السيارة ..

وبالنسبة للسكن في لوس انجلوس على حسب انتي وين تفضلين بالنسبة لي افضل الجنوب .. صوب نيوبورت بيتش او اناهايم او ارفين ..

انصحج بسلسلة فنادق ماريوت لأنها ممتازة


www.marriott.com



موفقة

​

 

[rawona]

جود<, post: 16228882, member: 5612"]هلا بنات وشلونكم

عفيه الي راحت لنيويورك وتعرف سنتري 21 ابي احسن فرع يعني كبير وفيه بضاعه اكثر لاني رايحه له بعد كم يوم ان شاء الله وابي اروح له على طول وماعندي وقت افرفر بكم فرع

عفيه لاتاخرون علي استناكم وعارفه ما راح تقصرون:bye22:

ان شاءالله البنات يساعدونج

​

 

[rawona]

يعطيج العافيه رونه دايما متميزه ..... ام البنين انتي مسويه تقرير عن كاليفورنيا ؟؟؟؟؟
البنات الي جربو السكن في سان دييغو وين احلى مكان ؟

ام جود انا ودي اسكن بسان دييغو بعد وقالولي احلى منطقة اهناك لاهويا

la jolla


موفقة


​

 

[rawona]

شلون طريقة التأمين الصحي بالوطني؟؟

بنات على طاري التأمين

اذا حجزت الفندق و السيارة ما ياخذون تأمين؟؟

و هم سؤال ثاني موقع اكسبيديا يقبل الفيزا الكويتية؟؟

التأمين الصحي العام سوولي اياه بيت التوميل مجاناً وكان عائلي بس الحمدلله ما احتجنا له ..


وموقع اكسبيديا ياخذ فيزا غير امريكية وياخذ على عنوان الكويت عادي
​

 

[rawona]

إحنا السنه بإذن الله ناوين على كاليفورنيا بس لي الحين ما حددنا الطيران ولا الفنادق وحطينا جدول .............ز بنات بليز إللي عندها أي معلومه صغيره عن كاليفورنيا لااااااااااااااااااااتبخل علينا سواء كانت معلومه متعلقه بالفنادق /أجار سيارات/ طيران/مطاعم/أسواق

شكرا

انا والبنات قاعدين نحط كل المعلومات اللي نعرفها عن كاليفورنيا بمناطقها ولاس فيغاس والعروض وكل شي .. خلج متابعة وان شاءالله تستفيدين




ام بنوته الله يسلمج ومشكورة على التشجيع ..

بانتظار صور ام البنين :sfg:

​

 

[بوران]

التأمين الصحي العام سوولي اياه بيت التوميل مجاناً وكان عائلي بس الحمدلله ما احتجنا له ..


وموقع اكسبيديا ياخذ فيزا غير امريكية وياخذ على عنوان الكويت عادي
​

و شلون على تأمين الفندق ياخذ ؟؟ و نفس الشي بالنسبة حق السيارة ؟؟
لانه هني الفنادق ياخذون تأمين 100 حق الليلة , هناك بعد ياخذون و لا غير نظامهم؟؟

 

[rawona]

و شلون على تأمين الفندق ياخذ ؟؟ و نفس الشي بالنسبة حق السيارة ؟؟
لانه هني الفنادق ياخذون تأمين 100 حق الليلة , هناك بعد ياخذون و لا غير نظامهم؟؟

مافي تأمين على الفنادق سعر الليلة يشمل الضريبة والخدمة بس ويقصونه منج كامل لما تحجزين بس ..


انتي من اي موقع بتحجزين فنادق؟؟


اعتقد موقع بوكينغ بس يسوي حجز على المبلغ وتدفعين اهناك بس مافي تأمين على الفنادق بس ضريبة وخدمة ..



السيارة اذا حجزتيها من الانترنت تكون شاملة سعر اليوم والضريبة بس من غير تأمين التأمين لما تروحين تستلمين السيارة يسألونج اهناك شنو نوع التأمين اللي تبينه شامل والا ضد الغير و انتي واللي تختارينه عاد ويقصونه منج اهناك ..



موفقة

​

 

[rawona]

عروض لتذاكر الألعاب والمدن الترفيهية في كاليفورنيا!!


:nbvppw::nbvppw::nbvppw:

الكل يدري ان أكثر شي ياكل الفلوس اهي مدن الألعاب والترفيه في الولايا السياحية مثل اورلاندو وكاليفورنيا ..


واللي اهناك حسوا بتكلفة هالشي على العوائل ، فقاموا بعمل عروض على هالتذاكر بقيمة حلوة ومناسبة جداً ..









السيتي باس

اهي تذكرة شاملة لأهم الأماكن الترفيهية في كاليفورنيا وبسعر مغرٍ!!


التذكرة شاملة 3 أيام هوبر تيكت لديزني ( الهوبر تيكت تمكنكم من الانتقال مابين الحديقتين بنفس اليوم واهم ديزني لاند كاليورنيا، وكاليفورنيا أدفانتشر) + تذكرة ليوم واحد في اليونيفيرسال + تذكرة ليوم واحد حق السي وورلد + تذكرة ليوم واحد في سان دييغو زوو

أو​

السفاري ( يعني اختاروا ما بين هالحديقتين)

يعني مجموع 6 أيام لديزني ( الحديقتين لمدة 3 أيام)

يوم اليونيفيرسال

يوم السي وورلد


يوم سان دييغو زوو أو السفاري ( وحدة منهم)


كل هذا ب 269$ من غير ضريب للكبار

و 229$ من غير ضريبة للصغار


وعندكم مدة 14 يوم من تاريخ اول استخدام علشان تخلصو الحدايق وبعد 14 يوم من اول استخدام للتذكرة تنتهي!



بس في شغلة اضافية ومميزة


التذاكر تقدرون تحصلونها بمواقع ديزني او اليونيفيرسال او السي وورلد او سان دييغو زوو


بس اذا حجزتوها من موقع اليونيفيرسال لكم بونص يوم اضافي في اليونيفيرسال + تور مجاني في استوديوهات هوليوود!! يعني صارو جذي 7 ايام مو 6 !!


واذا حجزتوها من موقع السي وورلد يعطونكم يوم مجاني في السي وورلد !! ( صاروا 7 ايام مو 6) يعني العرض ممتاز!!


هذي المواقع شوفوها يمكن تستفيدون


www.seaworld.com

http://www.universalstudioshollywood.com

http://disneyland.disney.go.com/disneyland/en_US/home/home?name=HomePage





​

:sfg:

​

 

[rawona]

عروض تذاكر أورلاندو


:nbvppw::nbvppw::nbvppw:




Orlando FlexTickets






هذي تذكرة تحتوي على أغلب حدائق أورلاندو ماعدا ديزني ،،


في منها نوعين


الأول


يحتوي على 5 حدائق:

1. يونيفيرسال ستوديوز

2. ايلاند اوف ادفانتشر

3. أكواتيكا

4. السي وورلد
5. ويت اند وايلد


السعر للكبار: 260$ من غير ضريبة
السعر للصغار: 240$ من غير ضريبة



النوع الثاني


يشمل 6 حدائق:

نفس اللي ذكرتهم فوق + البوش غاردنز


السعر للكبار: 300$ من غير ضريبة

السعر للصغار: 280$ من غير ضريبة


الميزة بهالتذكرة ان عندكم مدة 14 يوم من تاريخ اول استخدام تروحون لأي حديقة فيهم على كيفكم !! يعني الدخول "غير محدود" لمدة 14 يوم من اول استخدام للتذكرة لأي من هالحدائق بصراحة السعر وايد حلو !!


وتقدرون تشوفون التفاصيل على موقع السي وورلد فرع اورلاندو

وهم عندكم هذا الموقع جيكوا عليه


http://www.orlandofuntickets.com/Flex-Tickets


وهالموقع بعد ..

http://www.officialticketcenter.com/default.aspx




:sfg:




​

 

[ام البنين2000]

تسلم ايدج روونه
بنات تري العرض صج خطييير انا العام حجزت ديزني بس 4 ايام 2 كبار و2 صغار طلع علي ب800 دولار
العرض هذا يعتبر غطيتو كل الحدائق يبقي سكس فلاج /نوتس وليغولاند وهذيله تذاكرهم رخيصه

روونه قاعده ادور صور حلوه مو محصله كل الصور تقريبا حطيتها بتقريرج العائدين من امريكا 2009
خل بس ريلي يرد من السفر اشوف يمكن اهوا عنده صور غير اللي عندي

 

[ام البنين2000]

روونه انا ابيج تشرحيلي شلون مسويه الشريط لي الحين ما اعرف اسويه خليني احسب السفره من الشريط احس ما احن عليج كل يوم الصبح لووووووول

 

[rawona]

تسلم ايدج روونه
بنات تري العرض صج خطييير انا العام حجزت ديزني بس 4 ايام 2 كبار و2 صغار طلع علي ب800 دولار
العرض هذا يعتبر غطيتو كل الحدائق يبقي سكس فلاج /نوتس وليغولاند وهذيله تذاكرهم رخيصه

روونه قاعده ادور صور حلوه مو محصله كل الصور تقريبا حطيتها بتقريرج العائدين من امريكا 2009
خل بس ريلي يرد من السفر اشوف يمكن اهوا عنده صور غير اللي عندي

تعالي ام بنينو ..

Lego land

تسوى نروح لها؟؟ جنه مالي خلقها!! :eh_s(20):

​

 

[rawona]

روونه انا ابيج تشرحيلي شلون مسويه الشريط لي الحين ما اعرف اسويه خليني احسب السفره من الشريط احس ما احن عليج كل يوم الصبح لووووووول

لوووول


ضغطي على الشريط اللي انا حاطته بيدخلج على الموقع

اختاري vacation

واتبعي الخطوات.. اختاري الشريط اللي يعجبج والايكون وبس آخر شي يطلع لج كود سوي له كوبي وحطيه بتوقيعج

انا الشريط مو عاجبني حيل بس فيه رسمة طيارة والايكون اخترت الكرديت كارد !! :eh_s(15):
​

 

[ام البنين2000]

ليغولاند حلوه حق بناتج راح يستانسون شي يديد وتذاكرها مو غاليه
بس انا عيالي كبار ماراح يستانسون وديتهم مره واهما صغار وبس العابها اغلبها حق اليهال

 

[rawona]

ليغولاند حلوه حق بناتج راح يستانسون شي يديد وتذاكرها مو غاليه
بس انا عيالي كبار ماراح يستانسون وديتهم مره واهما صغار وبس العابها اغلبها حق اليهال

انا ما حبها!!

شكلي مااح اوديهم لوول

​

 

[ام البنين2000]

ميرسي روونه :friends:

 

[ام البنين2000]

حراام وديهم كل الالعاب اللي بيركبونها مسوينها من التركيب وكلها الوان الليغو يعني تونس
يا مجررررمه هههههههههه

 

[rawona]

حراام وديهم كل الالعاب اللي بيركبونها مسوينها من التركيب وكلها الوان الليغو يعني تونس
يا مجررررمه هههههههههه

مو مجرمة لوووووول

بس اخاف ما يكفيني الوقت وتدرين احاتي ابي وقت للسوق

for shopping :rerrerek:


وشوفي يعني احس ديزني + اليونيفيرسال+ السي وورلد + سان دييغو زوو + السفاري + 6 فلاغز+ نوتس بيري فارم + كوداك ثيتر + الاماكن الترفيهية اللي بسانتا مونيكا + متحف الشمع + العروض بلاس فيغاس يعني too much !!

مادري احس بامل من الحدايق أزهق بسرعة وبناتي اللعب بيطلع من خشومهم!! لوووول

​

 

[ام البنين2000]

ايي صح غير الالعاب اللي بالمولات
اي والله اللعب بيطلع من خشومهم لووووول

 

[rawona]

ايي صح غير الالعاب اللي بالمولات
اي والله اللعب بيطلع من خشومهم لووووول

بعد بالمولات العاب؟؟ مالي خلق يحنون عي ويضيعون وقتي لووول << حامية على السوق!!

امس رحت 360 فاتحين disgual ماركة اسبانية على ما اعتقد كنت كلش قاعدة اخمط وباحاسب، في آخر لحظة تراجعت!!

قلت اخاف اصرف فلوسي اهني واهناك افرفر من الحرة ههههه

​