عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[om l3yal]

هلا هلا
شلونكم شخبار اخر ترتيباتكم؟؟
انا من الحين قاعدة ادور سكن وطيران داخلي وسيار..
انا حجزت عن طريق النت على الكويتية..كويت نيويورك كويت..الروحه تاريخ 15/7 والردا 19/8
اطلعت علينا 972 دك انا وزوجي وبنتي 4سنين..
والخطة راح اتكون يوم في نيويورك انريح من الطيران وثاني يوم اورلاندو 26 يوم بعدين لاس فيقس 6 ايام بعدين نيويورك 3 ورادين لكويت
اشرايكوم..بس ليلحين ماعتمت الخطة..عطوني رايكم؟؟

رينوو شلونج على سالفة جواز ريلج ترا السالفة عادي بس يعتمد على تحرياتهم على قولتهم
ورحلتج حلوة انا لازم اريح ليلة بنيويورك وثاني يوم اروح فلوريدا
واورلاندو وايد حلوة 26 يوم راح تستمتعين فيها ان شاء الله واورلاندو فيها وايد اشياء ماراح تخلص بس حاولي تنظمين نفسج
فيغاس ماراح اقدر افيدج
وبالرجعة 3 ايم حق نيويورك هم حلوة بس استغليها عدل
وربي يهنيكم ان شاء الله

 

[om l3yal]

هلا أم لعيال شلونج ؟؟
صج حلوة ؟؟ عاد آنا متردده لأنه محد مدحها لي يقولون وصخه و ما فيها شي يسوى حتى أهلها مو ذاك الزود بالتعامل
إنتي رايحتلها ؟؟ شنو فيها أماكن حلوه؟؟​

انا رايحة 2006 مجمعاتها حلوة ذكرت بعد عندج افنتشورا مول بعد وفي مكان خليني اسالج عن اسمه لاني ناسية اسمه اهو حق المشاهير انا مارحت بس ولد اختي قالي تروحين ميامي وماتروحين هناك
وبالنسبة حق اهلها انا ثبت ان اغلبهم يهود صح
واذا انتي راعية بحر راح تعجبج وايد

 

[أم بنوته]

انا رايحة 2006 مجمعاتها حلوة ذكرت بعد عندج افنتشورا مول بعد وفي مكان خليني اسالج عن اسمه لاني ناسية اسمه اهو حق المشاهير انا مارحت بس ولد اختي قالي تروحين ميامي وماتروحين هناك
وبالنسبة حق اهلها انا ثبت ان اغلبهم يهود صح
واذا انتي راعية بحر راح تعجبج وايد

بعد قلبي مشكوره ....... و ما عليج أمر سأليلي عن اسم المكان و قوليلي ....... و البحر و الله آنا أحبه بس بناتي و زوجي يموتون عليه إذا راحو البحر ما يطلعون منه​

 

[ReeNoo&WooDee]

هلا والله ام العيالل..الله يسهل انشاءالله على فيزة ريلي يارب..
عشان اذا ماعطو راح تتكنسل السفرة وعاد احنا شرينا التذاكر..بس انشاءالله الاجراءات عادية الكل قاعد يطمني الله كريم..

 

[om l3yal]

بنات بالنسبة حقي انا ما اكل الا اللحم المذبوح على الشريعة الاسلامية
وهذا موقع للمطاعم الموجودة في العالم اللي تبيع اللحم والدياي اللي على الطريقة الاسلامية
www.zabihah.com

 

[om l3yal]

بعد قلبي مشكوره ....... و ما عليج أمر سأليلي عن اسم المكان و قوليلي ....... و البحر و الله آنا أحبه بس بناتي و زوجي يموتون عليه إذا راحو البحر ما يطلعون منه​

اسم الشارع اوشن درايف وفي البيت اللي قتلوا فرشاتشي فيه وحاولي تقعدين بالساوث بيج

 

[مشاعر أمرأه]

اهلا مشاعر ..:eh_s(17):... هلا باليمعه الطيبه
اشلووونج ......؟؟؟ ........ باذن الله تيي لج الموافقه على طبق من ذهب
وين الخطط ....؟؟؟

ادعيلي انا ناويه كاليفورنيا​

 

[ReeNoo&WooDee]

يقولون في اولاندو شارع اسمه انتيرناشونال درايف هذا الشارع 24 ساعة مايسكر الي فية وفي فنادق وصاير ابنص المنطقة الي يعرف الفنادق الي موجودا بلييييييز ابي اسماءها عشان احجز؟؟

 

[اشراقة الحياة]

شلونكم بنات

شروقة الف الحمد لله على سلامتج وزين ما سويتوا قررتوا تروحون امريكا

بنات عروس ولدت؟؟

هلا ديجتوووووولــــــــــــــــــــه ..... الله يسلمج يا الغاليه
انتي اشلونج ....؟؟؟ .... شدنيا فيج ....؟؟؟
اي والله امريكا ما تطوف ....ان شاء الله انتي وين هالصيف .....؟؟؟

ادعيلي انا ناويه كاليفورنيا​

بــــــــــــــــــــــــــــــــــــــــــــــــاذن الله كاليفورنيا ...... لانها صج اتيننن .......

يقولون في اولاندو شارع اسمه انتيرناشونال درايف هذا الشارع 24 ساعة مايسكر الي فية وفي فنادق وصاير ابنص المنطقة الي يعرف الفنادق الي موجودا بلييييييز ابي اسماءها عشان احجز؟؟

اهلا اختي ......
انا سمعت نفسج ان هالشارع وااااايد حيوي .......
من الفنادق الي ينصحون فيها ....
Sheraton Vistana Villages - Villas on International Drive
Hilton Grand Vacations Suites on International Drive
Doubletree Resort Orlando - International Drive..<< بس ترى هذا انا اشوفه مو زود

 

[فهههده]

هلابكل الموجودين
ياليت الي تعرف سكن بكاليفورنيا لوس انجلس تحطه ممكن نستفيد
والاسواق الي فيها شغلات تعجب بنات كبار بعد تسعفنا الله يخليكم لنا مانستغني

 

[يما يا نظر عيني]

يا بنات بنسافر انا وريلي شهر العسل امريكا لمدة 25 يوم ومحتارة اي ولايات انروح ( فلوريدا ولا كاليفورنيا ) هذيل الي اعرفهم وفلوريدا سمعنه حق يهال وماعندنا يهال فا شنو تنصحونا اذا نبي رحلات وطبيعة وتسوق ولايات شاملة كل شي وهاذي روحة وحدة نبي انحلل امريكا ونبي الاجابة من خبيرات امريكا وخاصة روونا ؟ ضروري لانه محتارين

 

[&& غـــســق &&]

هااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي


بناااااااااااااااااااااااااااااااااااااااااااااااااااااااات


ماشتقتولي :$ ......والله انا شتقت لكم :$



ما شاء الله عامر المنتدى .....لهيت بعمري :$

 

[ام البنين2000]

السلام عليكم بنات شلونكم جميعا

هلا اشراقه شلونج مبرووووووووك عليج اورلاندو
متي السفره ان شاء الله حجزتي ولا لي الحين

 

[ام البنين2000]

غسوقه شلونج تشتاألك العافيه
احنا بعد اشتأنالك اكتير كتير
ها شنو سويتو علي الحجوزات حجز الوالد ولا لي الحين

 

[&& غـــســق &&]

غسوقه شلونج تشتاألك العافيه
احنا بعد اشتأنالك اكتير كتير
ها شنو سويتو علي الحجوزات حجز الوالد ولا لي الحين

والله يا ام الكتاكيت

الوالد شكلة بستقر على بيت بفلوريدا بكسمي

والظيارن ع اليونايتد يعني انا وراه ...مادري شفية ماله خلق


يحجز باجر بشوفة ومابي احن اخاف يقلب علي:eh_s(13):


ان شاء الله السفرة على 25 /6 شكلها

 

[ام البنين2000]

غسق ان شاء الله حبيبتي انتي بس ذكريه انه اسعار التذاكر قاعده ترتفع

 

[مشمشة رمانة]

مساء الخير بنوتات شخباركم

 

[فهههده]

حنا حجزنا اول يوليو على الاتحاد
شرايكم بالاتحاد متخوفه منهم
بننزل في شيكاغو ترانزيت ثم رحله داخلي بعد 3 ساعات الى لوس انجلس ان شاءالله
بس مدري يمدينا بثلاث ساعات نلحق على الرحله الداخلي
خاصه سمعنا ان لازم بامريكا الشنط تنزل معاك باول محطه ولازم نشحنها للرحله الداخليه وحاله
هاه الي جربوا يكفي ثلاث ساعات ولا نغيرالاتحاد كله بس قصينا تذاكرنا يوافقون مدري
ساعدوني مررره متوتره

 

[om l3yal]

حنا حجزنا اول يوليو على الاتحاد
شرايكم بالاتحاد متخوفه منهم
بننزل في شيكاغو ترانزيت ثم رحله داخلي بعد 3 ساعات الى لوس انجلس ان شاءالله
بس مدري يمدينا بثلاث ساعات نلحق على الرحله الداخلي
خاصه سمعنا ان لازم بامريكا الشنط تنزل معاك باول محطه ولازم نشحنها للرحله الداخليه وحاله
هاه الي جربوا يكفي ثلاث ساعات ولا نغيرالاتحاد كله بس قصينا تذاكرنا يوافقون مدري
ساعدوني مررره متوتره

فهدة مادري خوفج يصير زحمة وايد او انهم يتعسرون باجراءاتهم ليش ما خليتوها اكثر من 3 ساعات او تباتون ليلة بشيكاغو ترا شيكاغو حلوة وايد

 

[فهههده]

هلا ام عيالها هي كذا تذكرتهم الاتحاد لكل الركاب الي حاجزين منهم لوس انجلس وهي تذكره وحده وقالوا هذي الرحله الي لكم ولغيركم عندنا بالترانزيت شكرا حبيبتي لردك


مشمشه ... ام البنين... غسق... هاه ممكن رايكم