عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[أمانيQ8]

حياج الله أمون خطاكم السو بعد قلبي والله فقدناج
وشمسويه بدون البشكارات الله يعينج

ماتفقدين غالي حياتي الله يسلمج سنعوهم بالمخفر وردوا حشاج مثل.... يشتغلون مارضوا يطسون المكتب
القصه والمشكله كلها الاثيوبيه نمبر 1راعية مشااااااااكل راشه فلفل احمر بعين الفبينيه وصييييييييييييييييييييحه روسنا تسندرت

 

[أمانيQ8]

قطيعــــــة ... بس ترا الأثيوبيـات يخرعـون و فيهم طبــع معروف بسرعـة يعصبـون ! يعني ما تنحط عنـد يهال ينخاف عليه ... ممكـن تنظيف أو طبـاخ .... بس شكلهـا مجرمـة الي عنـدكم لووووول دمـان و شغـل الله يعينكم

ادري والله

لا انا من النوع اللي ما اتكل على الخدم ابدا

ماتشوفيني طالعه عيني سبوحهم اكلهم وكل شي انا طلعت من وظيفتي بسبة اعيالي اوسوس واخاااااااااف

 

[اشراقة الحياة]

أذكــــرج بـلا ... فجـأة قلبتـوا على كاليفورنيـا ....

هذي المقـولة لوووول الحنـة تيب الفقـر ما أحبهـا كلش كلـش !! مع إني ما أحن بس يقولها لي هاهاهاهاها
الله يسهـل يا بنـت الحـلال و كـل شي فيـه خيـره أكيــد

اي والله صاااجه ........
ياربي الله يجعل لكم كلكم خيره في كل شي يااارب

 

[أمانيQ8]

برب بريييييك للغدا وراجعه فديييييييتكم

 

[مفتـون]

على طاري الاشيا الغريبه ..

هو مب شي غريب بس اختي خذته من صيدلية في امريكا ووايد حبيته...

هو عباره عن لزق ينحط على اصابع الريل عزكم الله لونها مثل لون الجلد .. عشان يوم نمشي في مول كبير والنعال عزكم الله يبدا يضغط عالاصابع هذا واااااايد يخفف الالم..

اعرف انه في اشيا موجوده في اسواقنا .. بس اللي يابته احلى وشكله مثل الميجرمنت تيب.. يلف داخل العلبة وكل ما تحتاجين تطلعين على قد احتياجج..

انا لأني وايد البس كعوب ماشالله عليه فأحتااااااااااج هالسوالف..

ان شالله باخذلي من هناك من هالنوعيه...

 

[فهههده]

هلا والله بالكل
هلا بالموجودات الان
اماني
سمبلي
مفتون
اشراقه
ومنافستنا على العماده بس تنازلنالها بسماحة خاطر هه خالتنا واستاذتنا ((( حبة خال)))

شلونكم كلكم اشوف الامور ان شاءالله للان ماشيه عدل الله يتمم وكلن يسافر ويرجع بالسلامه

الي سافرت والي تبي تسافر قريب لالالالاتنسونا من التواصل ومنكم نستفيد

 

[Simply_The_Best]

هلا سمبلي.. من زمان عنج ..

شخبارج حبوبه؟


انا سفري عقب 10 ايام ان شالله عشان جذي احاتي الشتوي حق بنتي.. عمرها اقل من سنة .. بس انا عادي عندي حتى لو استبردت ادخل اي محل اشتري سويتر وينتهي الموضوع بس اليهال يبالهم مداراه عشان جذي احاتي..

آآآآآآآآآآ بعـد 10 أيـام بالسلامـة إن شاء الله عبالي بشهر 7

اذا جــذيــه إخذيلهـا شتوي و ربيعي و هم أكيـدة بتلقين أشياء لها من هنـاك ... بس على الأقـل اخذي لهـا جـم قطعة شتويه من عنـدج تجـزورة يعني مـــؤقتـا ً على ما اتسوقون هنـاك ... قاعـدة أشـوف درجات الحرارة بنيويورك سـاعـة بساعة والله بـرد على ياهـل !! لازم شتـوي

 

[مفتـون]

خخخخخخخخخخخخخخخخخخ
زين ماحد ممكن يدري عني انا بعد
لاني انا الظاهر عميدتكم الصدقيييه كلكم
انا لامست العقد الرابع هذاني اطق الباب بس اشوى للان ماحد فتح ولا كان داخله من زمان لووووووووول
انا بنتي البكر بالجامعه وولدي يدرس لغه بيدخل الجامعه مخلص ثانوي الله يحفظهم ويوفقهم ويرزقنا برهم
وكلهم يدرسون بكاليفورنيا عشان كذا حنا متحمسسين للسفره بنروحلهم ولان بعد زوجي الان عندهم مع البنت الله يسهل امرنا وامركم


.
.
.

يا حياتي..

فهده الله يخليلج اياهم ويبلغج فيهم.. يالله ما بقا شي وتشوفينهم ان شالله

 

[مفتـون]

اماني..

الله يعينج عالبشاكير افففففففف .. والله لو ما الحاجه الواحد ما اييبهم.. بس فعلا الاثيوبيات صعبات.. بس في ناس يقولون انهم حنونين عالاطفال ماعرف كيف..

الله يقويج انا احب الام اللي ما تعتمد عالخدم.. وهذا اللي احاول اسويه مع بنتي الحين.. الله يقدرني على هالحمل..

 

[مفتـون]

سمبلي ..

ترا هذا اللي احاتيه..

ومثل ما قلتي الشتوي يسوي وزن...

يالله بندبر حالنا باللي موجود وهناك اذا لقيت وايد برد بعد باخذ زياده...


==

حبة خاله..

هالنظام عالكويتيه ولا كل الطيرانات؟

لأنه نحنا متعودين عالاماراتيه فالرده بس يتساهلون فالوزن .. لكن من البداية يطوفونا بشنطتين؟

 

[مفتـون]

سمبلي ..

ترا هذا اللي احاتيه..

ومثل ما قلتي الشتوي يسوي وزن...

يالله بندبر حالنا باللي موجود وهناك اذا لقيت وايد برد بعد باخذ زياده...


==

حبة خاله..

هالنظام عالكويتيه ولا كل الطيرانات؟

لأنه نحنا متعودين عالاماراتيه فالرده بس يتساهلون فالوزن .. لكن من البداية يطوفونا بشنطتين؟

 

[Simply_The_Best]

هـلا بفهــدة ... شلونكم ؟ متى بتمشون إن شاء الله ؟

بسألج سـؤال

ليش حاطـه 3 هـ في إسمج ؟

 

[Marymary]

[سلام عليكم يا حلوين شلونكم شخباركم
كيو ايت حبيبتي ":> طمنينا عليج وحياتي متى راح تردين عشان نأذيج بالاسئلة خخخ

سيمبلي ذا بيست تقريرج يهبل الي بمنتدى المسافرون وريلي ليلحين مجبسة " وباجر عندي موعد ":> فمادري يمكن يشيلونه يمكن لا يمكن بعد اسبوع الله العالم
بس اهم شي ان صارلي شهر مو مداومه "


ام البنين والله خووش شغله خل اييبها حق الحملات اليايه ":>

انزين بسألكم توه اختي تقوووول ان يبيعوون اوتي بخاااار حق السفر وااااااااااايد اصغيررررررر حماتها عندها شاريته من المطار منزمان والحين ماكو منه
تقول حيل اصغير مربع تقوول اهني بالغانم الي يبيعونه ميد ان شاينا بس بسرعه يخترب والي حماتها شاريته ميد ان يو اس اي ';x
وين احصله بامريكا لان اختي طالبته مني]

 

[Simply_The_Best]

أحنا 6 لنا 12جنطه بغظ النظر عن حجمها أو وزنها

لا لازم في ( وزن معيـن ) أعتقـد معظم الشركـات تعطي 23 كجم أمـا الحجم تـرا في مقاس معيـن تلتزمين فيه موجود بموقع الشركـة ... مو تيبيـن جنطـة كبيـــــــــرة ملوت الأول الكبـار ... الحين يتروالي ما يبيعونهم لان النـاس ما يشترونهم

 

[مفتـون]

q8 ..

يا حياتي الله يونسج في سفرتج.. وفيج الخير ذكرتيييينا...

انا احس لو ريلي شافني شايله اللابتوب فالسفر بيتضايق لأنه يحب فالسفر نتفرغ للوناسه وبس.. لأنه هني يشتكي مني مجابله اللابتوب مع اني احاول اسكره اول ما يدخل..

دلع رياييل اخر زمن ههههههههه ....

 

[Marymary]

اماني شلونج وي توني اشووف سالفة خدمكم @@ الاثيوبيات ترى ما يمدحونهم على قولة امي تقوول فيهم زيران لووووووووووول
بنت خالة امي عندها وحدة جذي مرة وحدة تصرخ وتعصب من غير ما احد يكلمها وومو صاحية تقعدعالقنفات وتزف بنت خالة امي يالله بطلي التلفزيون وتعصب وتصرخخخخخخخخخ بروحها بروحها مينونه لما يابوولها الشرطة لي باب البيت لوووووول

 

[حبة خاله]

والله آنا ما عرف أي طيران الي يسمح للشخص بجنطتين بس زوجي ما يحجز الا على الطيران بو جنطتين
احنا على الاماريكان
سألت أبونا يقول صاجه بس 23 كيلو بس لأنا مرتاحين بعدد الجناط فما نحاتي الوزن

 

[مفتـون]

تخيلوا.. في امريكا قبضوا على ثاني واحد المتسببين في موضوع المتفجرات في تايمز سكوير..

وبعد كان ياي دبي على طيران الامارات

هم باكستانيين واحد منهم عنده جنسية امريكية والثاني على قائمة المطلوبين بس الظاهر ما دققوا في موضوعه عدل ..


الله يستر وما يذلونا فالتفتيش...


اذكر من ثلاث سنين في مطار لندن ذلوونا مذلة

تخيلوا كل ركاب الطيارة خلوا جلاب يشمونا عقب كل انواع التفتيش بعد جلاب..!!

وامي فديتها حرمه كبيرة وجلب يشمها

قلبي عورني قلت حق الشرطة عيب عليكم هاي حرمه كبيرة يكفي التفتيش نحن ما نعاملكم بهالاسلوب الغير حضاري فبلادنا .. قال لي هاي الاوامر ماقدر اسوي شي ..


كرهت لندن من هاك اليوم..

 

[مفتـون]

حبة خاله..

بشوف الويب سايت مالهم الحين عن موضوع الشنط...

 

[Simply_The_Best]

[سلام عليكم يا حلوين شلونكم شخباركم
كيو ايت حبيبتي ":> طمنينا عليج وحياتي متى راح تردين عشان نأذيج بالاسئلة خخخ

سيمبلي ذا بيست تقريرج يهبل الي بمنتدى المسافرون وريلي ليلحين مجبسة " وباجر عندي موعد ":> فمادري يمكن يشيلونه يمكن لا يمكن بعد اسبوع الله العالم
بس اهم شي ان صارلي شهر مو مداومه "


ام البنين والله خووش شغله خل اييبها حق الحملات اليايه ":>

انزين بسألكم توه اختي تقوووول ان يبيعوون اوتي بخاااار حق السفر وااااااااااايد اصغيررررررر حماتها عندها شاريته من المطار منزمان والحين ماكو منه
تقول حيل اصغير مربع تقوول اهني بالغانم الي يبيعونه ميد ان شاينا بس بسرعه يخترب والي حماتها شاريته ميد ان يو اس اي ';x
وين احصله بامريكا لان اختي طالبته مني]

إنتـي محليـه التقرير :eh_s(17):

باذن الله بـاجر يبطلون الجبس و تصير أقـوى من قبـل

على الأوتي ما أدري ... ممكن عنـد محلات الأجهزة الكبيرة المعروفة