عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[ام _خلودي]

نسيت اقولج
رحت فلوريدا مول ورحت الآوت لتات كلهم تقريبا ..لي الحين ماشريت الا من الآوت لت وزوجي موعاجبه يقولي نبي مولاتهم شنو هذا كله اوت لت ...قاعدين ندور بالجي بي اس ما يطلع لنا شي عدل

ادور بالدليل الاصفر مالهم نفس ويهم بعد

ماكو السوق باايخ انا هم قاعده ادو لبنتى مو محصله شريتلهاا اشياء عمليه

من قمبورى وبولو وقاب

شووف الملينيوم مول حلو ومسييز مالهم احلااا من مسيزز مال فلوريد مول

وباجر مسييز الابفلوريد مسووين خصم بروح امرهم علشاان اخذ جنطه عاجبتنى

وتالى بروح الملينيوم لان المره الا طافت مامدنى اخلص

 

[ام _خلودي]

امون انا اول العام كنت اهنى السووق

كان اينننن امشى واشترى هالسنه السووق فاضى

ووايد كويتين وخليجين اول والله ماكنت اشووف عرب

بس هالسنه لاااا شىء مو طبيعي والسووق فااضى وجدا عاددى

بس هم اسعارهم احلااا من اسعار الكويت

 

[كـّلي ذوٍؤٍوٍق~]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

بنات ماقلتولي

أبي جنطه من أمريكا شنو أشتري أبي ماركه حلووه و ما بالكويت
أو عندنا بس مانزل للحين الكولكشن


بليزز ردوا علي

 

[أمانيQ8]

ألوووووووووووووووو

 

[بدردر2007]

ألو ألو .............. أماني

و الله عاد أنا أمشي وأسلم ...... :eh_s(6): و السوق حده عادي بس حق البنات و الصبيان عجيب

عندج أولدنيفي للبنات حلو وقاب مو نفس الكويت أنا العام شريت منه لعيالي و لا مديل من الي شربت يابوه بالكويت

و عندج تومي هلفقر حق الصبيان يهبل و عندج كارتر .... بس قمبري مايعجبني يمكن حلو للي أعمارهم 2 أو 3 سنين

وملينيم ليمن ألحين مارحنه ............اليوم رحنا الأنمل كندم و طق المطر و طلعنا منها ورحت فلوريدا مول .​

 

[حبة خاله]

أيوه ألوه هلا أمون شلونكم والله ولهت عليكم وأتمنى أشوفكم
صاجين والله االسوق يضيق الخلق ما غير أمشي وأخمم حق الصبيان من هالتيشيرتات والبنطلونات والا بنتي ما لقيت لها شي يسوى حتى صارت مثلهم تشري تيشيرتات
اليوم رحنا الطراد السريع أسمه قودزيلا وناسه بس الشمس صلختنا وقفنا بالدور تقريبا ثلث ساعه وتالي ركبنا وطبعا طشر علينا من هالماي المالح وبسرعه نشفنا لكن حاشتني ذيج الحساسيه بايدي وزنودي أنصلخو صارو حمر ويحكون مع اني لابسه قميص قطن بارد رجعنا الفندق تسبحت وحطيت ألفا كورت الحمد لله الحكه خفت شوي بس الالون الاحمر يخرع

 

[حبة خاله]

بناااااااااااااااااااااااااااااااات نداااااااااااااااء خوش فكره



شرااااااااااااااااااااااااااااااااااااااااايكم نمشي ونحك خشومنا مثل حبة الخال.....نحك ونحك ونحك لين نوصل الكويت كل وحده خشمها شكبر

أم البنين تقول حق غسوقه انتي قولي بس أم البنين آنا ألتفت عليج وأكلمج آنا بالله شقول حبة خاله الناس بتضحك علي
يا معوده الظاهر ببطل حك خشمي الحين يالله أحك زنودي

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

ايوا
الوووووووووووو
حبه خاله انتي معاي على الخط ؟؟
اشوا طلعت سفرتنا لاس فيغاس الاربعا مو الاثنين يمكن اشوفج حطي الفا كورت على خشمج علشان الحجه

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

اليوم رحلتنا مريحه اليهال سباحه بالفندق وعقب رحنا الداون تاون تمشينا فيها وبعدين رحنا هوليوود وتمشينا بشارع النجوم وكوداك ثيتر
وضفيت مكياج شكثر من سيفورا كله مكياج يديد علي اول مره اشوف هالماركات عاد انا غرامي المكياج ويم حاسبنا عطوني كرت اكتب فيه بياناتي علشان يراسلوني والمحاسب اخذ الكرت وقالي هبي بيرثدي وعطوني هديه لان اليوم عيد ميلادي طبعا انا خزيت ريلي:eh_s(12): لانه ما تذكر قال هديتج السفره :s141:
وقام يمشي ويغني كل عام وانتي الحب :hjy5jewf: خايف ههههههههه
وانا طبعا ابيع ثقل :bbbiu: ابي جنطه .....يالله يمكن يشتريلي شانيل
المهم دشينا متحف الشمع واستانسو عيالي هات يا تجكجك بالصور وبس تونا ردينا
بنات شوفو لنا يوم نتشاوف بذا قروف ولا سبكتروم >>> اسمه جذيه ولا انا خايرته

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

ام خلودي واي وينج ضايق خلقي اليوم ماطلعنا لان رادين من ميامي هلكانين باجر بروح السوق بس وين اروح ما ادري السوق حده عادي عندي اماكن تنصحيني فيها ابي اشتري حق بنات عشان العيد وين اروح

يقولون في محل اسمه موناليزا نفس بضاعة لحظه من فضلك اتعرفينه...

هلا امون شخبارج ليش ما عجبتج ميامي ؟؟؟
الكويتيات بكل مكان جذي باوربا تقولين الوحده غاصبينها على السفره من كثر مو النفس برتقاليه حتن قمت ما اسلم لان ما يردون
انا السوق وايد عاجبني شريت حق بنيتي شغلات تهبل بس مو مال عيد مال تساير وسوقه جذي يعني
امن الصبيان يمشون ويشترون شي شي السوق كله لهم كودو من الدزرت هيل

 

[ظلال القرآن]

رد : رد: رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيـ

اهني ارخص الشانيل ولا لا ؟؟؟ انا بفرلي هيلز اي مجمع

مو بمجمع بشارع الماركات

وما ادري عن الاسعار :080402ask_prv: خبيرات امريكا علمونا

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

ام احلى جود يا حياتي انتي اشلونج واشلون العيال


انا الله يسلمج انصدمت بأسواق اورلاندو مو مثل ما تحجوا عنها الناس وصلوها السما حدها عاديه


وما حصلت شي عليه القيمه:/

لااااااااااا عيل اشتري من كالي انا طاقه بريك مع اني قاعده اشتري بس هم مسويه كنترول قلت ابي اشوف سوقه فلوريدا

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

هلا اماني انا طاحت ريلي وانا ادور لبنتي مولاقبه مادري انا بفرلي هيلز احلى شي لحد الحين نيمان ماركس

اي صوب نيمان ماركس بمجمع ولا بشارع الماركات ؟؟

 

[UM M&M]

شلونكم بنات

ما بقا شي و تخلص سفرتنا اللي مدتها 3 اسابيع

الحمد لله استانسنا و رحنا ااماكن وايد ..

في محل حق البنات الصغار وااااااايد حلو اسمه ( كارتر ) خمطت منه شكثر حق بناتي حدا اينن و رخيييييييييص

فيغاس تحسفت اني رحت لها تلوع الجبد مافيها غير شي واحد حلو الفنادق شكلها غير و شي يديد علينا بس

اما الجو و الأشكال لووعه و سوقها مافيه زود حتى الأوت لت عااادي و الحر مايخلينا نتمشى على راحتنا

مال كاليفورنيا احلى و براااد و احنا نتمشى

مكان فساد بفساد ويع ويع .. ماغير كازينوهات حتى العروض لازم نمر عالكازينو عشان نروح لها و شكل الكازينو و اللي فيه يغمت القلب
و شرب و حريم مفصخين بكل مكان بالشاشات و بالسيارات و بالدعايات حتى لما انزل عيوني بالقاع القى كروت مقططه كلها حريم مفصخين استغفر الله
حتى الكرت مال الفندق ماسلم فيه صوره وااااااااااااي والله لما رجعنا من فيغاس احس انشرح قلبي والله العظيم ارتاحت نفسيتي غير غير

والله ما انصح ماااااااااا انصح اي احد يروح فيغاس والله مافيها الشي الزايد يعني انا تخيلتها شي و طلعت شي ثاني
اهي كلها شارع بس .. يوم و يخب عليها .. والله حتى دقيقه ماتسوى اضيعها بهالمكان الوصخ

ياااااحلو كاليفورنيا و فندقنا فيها .. و ياحلو البراد بس

 

[أم أحلى جود]

رد: رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــ

اي صوب نيمان ماركس بمجمع ولا بشارع الماركات ؟؟

نيمان ماركس اب فاشن فالي الي بسان دييغو مادري عن الي هني انا امس واصله بفرلي هيلز انتي وين ساكنه ؟


وشنو فيه هني حلو مايتتطوف رحت اليوم ذا غروف مالقيت شي بس نورد ستوم حلو مالهم ورحت بفرلي سنتر ماعجبني
انا تحسفت اني ماخذيت من سان دييغو احس بضاعتهم احلى كنت باخذ بس قلت يمكن الاقي بفيغاس او لوس انجلوس احلى بس لحد الحين على امل اما لاس فيغاس سوقهم حدهههههههههههههههههه مو حلو
ظلال قوليلي وين اروح اهني لاني الاربعا ماشيه

 

[أم أحلى جود]

رد: رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

بنات ماقلتولي

أبي جنطه من أمريكا شنو أشتري أبي ماركه حلووه و ما بالكويت
أو عندنا بس مانزل للحين الكولكشن


بليزز ردوا علي

ماركة توري مو موجوده بالكوبت

 

[rawona]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

قووووووووووووووووه


بنات شلونكم؟؟ شخباركم؟؟


والله ضحكتوني على سوالفكم

أم خلودي اي والله هالسنة الكويت كلها بأمريكا هههههه أنا أمشي وأسلم !! اذا طاحت عيني بعين وحده كويتية ما أعرف ما أقول السلام عليكم << لا أقولها وانا مستحية لوووول ..


خل أوافيكم بآخر الأخبار ..

بس قبل لا انسى اللي سألت عن الووك اوف فيم Walk of Fame هذا شارع في هوليوود شارع المشاهير فيه طبعات ريول وايدين المشاهير ونجمات بأساميهم .. وفيه محلات مطاعم وكافيهات وفيه مسرح كوداك والسينيما الصينية ومتحف الشمع مدام تيسود ... وهم من اهناك تاخذين باصات يسون لج تور في بيفيرلي هيلز ويودونج تشوفين بيوت المشاهير ويودونج بعد الصن سيت بوليفارد وشارع الروديو درايف .. حلو المكان ويونس ..


طبعاً أنا خذيت تذكرة الcitypass وسعرها للكبار 270$ من غير ضريبة .. والصغار من عمر 3-9 سنوات 230$ من غير ضريبة ..

حجزتها من موقع اليونيفيرسال ستوديوز هوليوود وخذيت بوناص يوم اضافي في اليونيفيرسال

التذكرة تشمل هالحدايق

3 ايام ديزني هوبر بارك تيكيت للحديقتين ( ديزني لاند + كاليفورنيا ادفانتشر)

يومين اليونيفيرسال

يوم السي وورلد

وتختارين من هالحديقتين يوم

يا اما سان دييغو زوو

او

الوايلد بارك


خلصنا اليونيفيرسال ورحنا ديزلاند يوم باجي لنا يومين ديزني وباجر ان شاءالله بنروح السي وورلد


رحنا سانتا مونيكا بيير ورحنا مجمع البيفيرلي هيلز

واليوم خذينا off رحنا البيتش اللي يمنا اسمه redondo beach المكان يونس والبحر يهبل تحسفت ما سويت مطارة شاي ويبت بساطي وقعدت على البحر مع طاسه حب (لوووووووووووول)

وهم في مول يمنا كلش مجابل الفندق اسمه del amo fashion center حليو وفيه سينيما ومطاعم مثل جوني روكيتس والمطعم الصيني بي اف جانغز ..

اتوقع بالويك اند نروح الاوت لت الثاني كاماريللو وهم ودنا نروح فيكتوريا غاردنز .. ونيوبورت بيتش ولاقونا بيتش .. ولنا روحه ان شاءالله لشاطيء الفقمات في سان دييغو ولاهويا بعد ..


ماشاءالله كاليفورنيا كبيرة ما اتوقع اخلص كل الاماكن فيها ( يلا احسن بعد اخش شي للسفرات اليايه :050103nbh_prv: )

وعلى السوق ...

اممممممممم والله ملابس ماشفت زود يعني احس السوق هالسنه تعبان .. جمبري لووووعه .. وغاب بعد مو ذاك الزود بالعادة احصل عندهم شغلات حلوه لليهال .. وللحين توري بيرتش ما شفت عندهم شي واااو .. بس والله شريت لي من غوتشي وال في وبي سي بي جي .. ويعني القط للحين ماشفت لي شي للعيد !!

والمطاعم هالسنة ريد لوبستر حطيت عليه X كلش ما يازلي !! شالوا من المنيو الطبق اللي أحبه ultimate fundo وصاير اكله ماله طعم .. كليت فيه مره وحده بس وما افكر ارجع له!!

الحلو تشيز كيك فاكتوري .. cubba gump .. اوليف غاردنز .. بي اف تشانغ .. جوني روكيتش.. هاردروك ..


يلا اخليكم الحين وان شاءالله المنتدى ما يعلق وارد لكم عن قريب




​

 

[rawona]

رد : رد: رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيـ

نيمان ماركس اب فاشن فالي الي بسان دييغو مادري عن الي هني انا امس واصله بفرلي هيلز انتي وين ساكنه ؟


وشنو فيه هني حلو مايتتطوف رحت اليوم ذا غروف مالقيت شي بس نورد ستوم حلو مالهم ورحت بفرلي سنتر ماعجبني
انا تحسفت اني ماخذيت من سان دييغو احس بضاعتهم احلى كنت باخذ بس قلت يمكن الاقي بفيغاس او لوس انجلوس احلى بس لحد الحين على امل اما لاس فيغاس سوقهم حدهههههههههههههههههه مو حلو
ظلال قوليلي وين اروح اهني لاني الاربعا ماشيه

تصدقين حتى انا احس هالسنه سوقهم مو حلو ..

رحت بيفرلي هيلز سنتر كلش ماعجبني !! مادري يمكن احنا شوي اذواقنا غير .. اغلب الملابس اللي اشوفها مبهذله وما اشوف عندهم نفس قبل بدل حلوه ونفانيف راقيه تصلح للعيد والاستقبالات؟!! مادري للحين عندي امل القى شي .. باجيلي اسبوعين !! :yaaaaaarb:

​

 

[أم أحلى جود]

رد: رد : رد: رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛

تصدقين حتى انا احس هالسنه سوقهم مو حلو ..

رحت بيفرلي هيلز سنتر كلش ماعجبني !! مادري يمكن احنا شوي اذواقنا غير .. اغلب الملابس اللي اشوفها مبهذله وما اشوف عندهم نفس قبل بدل حلوه ونفانيف راقيه تصلح للعيد والاستقبالات؟!! مادري للحين عندي امل القى شي .. باجيلي اسبوعين !! :yaaaaaarb:

​

هلا رونه اشلونج ذكرتيني على ال في ما مريتهم وتوري فيه جنطه حلوه عجبتني بس مالقيتها الا بفرع واحد وفيها مثل الشمخ ماخذيتها بس خذيت جواتيهم أو blomming مادري شلون تنكتب حلو كله ماركات
وانا قاعده احرص اخذ شتوي لليهال ترنغات جوسي او جاب عشان افتك من الشتوي وبربريس بدل البنات حلوه بس غاليه تعالي اشلون فندقج عسى حلو

 

[rawona]

رد : رد: رد : رد: رد : رد: عــــدنــــا بــقــوة ؛؛ مســـافرات أمــــريــــكـــــا 20

هلا رونه اشلونج ذكرتيني على ال في ما مريتهم وتوري فيه جنطه حلوه عجبتني بس مالقيتها الا بفرع واحد وفيها مثل الشمخ ماخذيتها بس خذيت جواتيهم أو blomming مادري شلون تنكتب حلو كله ماركات
وانا قاعده احرص اخذ شتوي لليهال ترنغات جوسي او جاب عشان افتك من الشتوي وبربريس بدل البنات حلوه بس غاليه تعالي اشلون فندقج عسى حلو

والله انا جذي بعد نفسج .. قاعده ادور لليهال الملابس المهمه .. يعني شتوي او للمدرسة ..

بروح اشوف لبنتي تريننغ كحلي من جوسي لأني مالقيت بغاب ..

وبدور لهم للعيد .. ماني مكثرة لهم هدوم لأني كل سنه اشري حق سنتين جدام وعندهم ملابس وايد الحين ادور بس الشغلات المهمه واللي ما القاها بالكويت ..

بالنسبة للفندق والله مرتب ونظيف وحليو .. المكان هادي وكلشي يمنا .. الشارع اللي احنا فيه كلشي فيه ( جمعيات+ صيدليات+ مطاعم) ويمنا كلش بظهر الفندق بقاله عربية كل شي فيها .. ويمنا مول نروح له مشي .. وعلى امتداد شارعنا يمنا ريدوندو بيتش .. والله عجبتني المنطقه حلوه .. بس مشاوير والله بلوس انجلوس تعبوني اليهال بالسياره ما ينامون

بس الحلو بموقع الفندق ان المسافه لي هوليوود واليونيفيرسال تقريباً نص ساعه واهي نفسها المسافه لي ديزني والمناطق الجنوبية يعني احنا صايرين بالنص ..

سان دييغو تبعد ساعه ونص عنا تقريباً .. انا غيرت الفندق اللي كنت حاجزة فيه لأن يوا معانا أهلنا فما لقينالهم حجز بالفندق اللي كنت حاجزة فيه وخذينا هذا لأن باجي الفنادق كلها محجوزه وأغلبها مافيها حجوزات ..


وين بتروحون باجر؟

​