عــــــــــــــلاج الإمسساك عـنــد المولود

[الشوق2]

السسلام عليكم
بااااااااااارك الله فيييكم
عندي بنت أختي عمرها شهرين عندها إمسساك ع طوووول مستمر معها واليانسون مافاد معها وكمان ترجيــع ع طوووول وبشكل مو طبيعي بعد الرضاعه ماأدري إيش سبب الترجيع..؟؟
فيـــه علاج للإمسساك والتــرجيــــــع مع أنها استشارة أكثر من دكتور..
وإيش تنصحــــونها فيه..؟؟!!
وجزاااااااااااكم الله خير

 

[ام تركي 1]

حبيبتي غيري حليبها الى سيميلاك يومين بإذن الله تتعدل كانت بنتي نفسها عذبتني دعواتك

 

[*kim*]

سميلاك كمفورت زين للامساك والترجيع

 

[ام الحلوااات]

اااااااااااااب

 

[أمـ مبارك]

غيرو حليبها




وعن الامساكك اخذيلج تمره وطلعي فصمتها وحطيها بكلاس وحطي فوقها ماي حار وغطيها نطريها ليمن تذوب وبعدها شخليها بمميتها وخلي فتحه الفرمه كبيره وإن شاء الله اقل من ساعه وتطلعع كل اللي ببطنها

 

[beauty rose]

مثل ما قالت ام مبارك
تمرة حطيها بماي حار و ذوبيها طلعي النواة و القشور
شخليها و اخذي مايها شربيه البنت

و في طريقة ثانية تسهل عملية الخروج
لان المولود اليديد ما يعرف من وين يطلع مسكين
حطيلها شوي زيت زيتون او فازلين بمكان الخروج على الطرف
عشان يسهل عملية الخروج => هذي قايلها لي دكتور


بالنسبة للترجيع انا عانيت منه حييييييييل
و احسن علاج لقيته مو بالحليب
اتبعي هالخطوات :
1- لا ترضعينها رضعه كاملة مرة وحده حتى لو تبي تكملها ، شربيها نص رضعه بعني مثلا اذا كانت تشرب رقم 2
شربيها رقم 1 و وقفي شيليها رفعيها على صدرج و امشي فيها ليما اتطلع هوا و خليها نص ساعه و ردي كمليلها الرقم 1

2- لمة ترضعينها لا تحطينها على طول تسدحينها ، انا كنت شارية الكرسي اللي صاير ظهره سيده بس مايل
يعني يخلي وضع راس البنت فوق و جسمها مايل شوي لي تحت ، بس مو بوضعية الجلوس

طلعت لج صورة مشابهه من النت

شوفي ظهر البيبي سيده بس راسه مرفوع عشان الحليب ينزل لي معدته ما يقعد على جبده

3- و اذا البنت كانت تشرب بسرعه بسرعه شيلي من حلجها لان راح ترجعه كلللللله ، عطيها فرصه تتنفس شوي و رديه

و ان شاء الله بتقل عدد مرات الترجيع

 

[معي احلى]

الاخوات ماقصرين ..

 

[اذوب بكلامه]

مثل ماقالو الاخرات ماقصرو بنتي نفس الشي كان عندها إمساك
وعمرها شهرين وعطيتها منقوع التمر رضعه صغيره باليوم ثلاثين ملي
والحمد لله راح

 

[لياحه بنت لواح]

طبقي كلام البنات ماقصرووو

 

[.. Ro3a ..]

بالضبط نفس كلام البنات. انا بنتي فيها امساكً
وديتها اليوم حق الدكتور خالد السعيد قال لي عطيها ماي التمر مرتين باليوم
ممتاز لها ..
وانا كنت اعطيها ماي غريب وبرتقال عشان الامساك قال وقفيه لا تعطينها موزينين ؟!!!
وانا بجرب منقوع التمر عمري ما عطيتها ،،،

 

[امـ خــزامـى]

واالله انا ماخليت شي ماجربته والامساك هو هو


ماادري وش السبب

 

[Nokia N95]

انا استخدم
حليب نوفالاك لحالات الامساك رقم 1
تلقينه بالجمعيات

واذا مالقيته
آخذ سيميلاك كومفورت


هذا لحالات الامساك
لحالات الترجيع ... ماعندي فكرة
بس سئلي دكتورها
بنت اخوي كانت وايد ترجع ... بعدين طلع عندها حساسية من الحليب !
عطوها حليب نباتي اذا ماني غلطانه !
الدكتور خالد السعيد ( في البراء كلينك - بالجابرية - عند عيادة الدكتورة ماجدة اليتامى ) شااااطر وايد ماشاء الله

 

[M!SS.LOBY]

احسن له الكموون يمدحونه

 

[dr_eman]

اختى لازم تعرفي السبب عشان تعرفي الحل
اول حاجة بالنسبة للارتاجاع زى ما قالتلك ترضعى الطفل على مرحلتين ولازم يطلع الطفل كل الغازات اللى فى بطنة
بالنسبة للامساك اللى بيعمل امساك فى الحليب هو سببين
1- البروتين 2- اى حليب به زيت النخيل يعمل امساك للطفل
افضل حليب فى حالات الامساك هو Similac Comfort
لان جزيئات البروتين فية مكسرينها لجزيئات صغيرة ولا يحتوى على زيت النخيل
انصحك تستخدمية لحد سن السنة مش هيعمل لطفلك امساك تانى
وربنا يخليهولك

 

[noha33]

Novalac it 1
حليب ممتاز للامساك انا جربته مع ولدي وصار زين

 

[Q8_QT]

آنا ولدي بعد معاه امساك واعطيه ابتاميل كومفرت وودي اغيره شكلي بجرب نوفولاك