عـــــــــلااااج الفــــــــــوبيااا

[تنآهيد الجروح]

اعذروني حبيباتي على الأطاله بس كنت اجمع معلومات عن علاج الفوبيا وهذا الي حصلته


سبل العلاج:

حسب رأي خبراء الصحة النفسية، فإن معظم أمراض الخوف والذعر من أشياء

وأماكن معينة يمكن علاجها من خلال العلاج السلوكي لأنها أمراض نفسية

خفيفة.

وإن أكثر أنواع العلاج السلوكي المستخدمة في علاج المرض هي العلاج

بالمواجهة الذي يقوم على قيام المريض وبصحبة الطبيب المعالج بالتعرض

للموقف أو الظروف المؤدية للهلع والذعر الشديد، وذلك بشكل منتظم بحيث تؤدي

هذه المواجهة أو بالأحرى سلسلة المواجهات هذه إلى زوال تدريجي لمشاعر

الخوف والهلع المرتبطة برؤية أو التعرض للأشياء والمواقف التي كانت تسبب

قبل العلاج الذعر والخوف والهلع الشديد للمريض.

بشكل عام سياسة المواجهة هذه تتم إما بالتدريج وتسمى طريقة العلاج المتدرج

أو تتم المواجهة رأسا وبدون مقدمات مع مصدر الخوف والذعر.


هذا المختصر المفيد لجميع المقالات والابحاث الي قريتها

 

[تنآهيد الجروح]

بنات يعني تقدرين تواجهين الفوبيا الي فيج

كل وحده تكتب اذا تقدر على هاالعلاج ؟؟

 

[تنآهيد الجروح]

رفع

رفع

رفع

 

[تنـــاســـانــي]

مستحيييييييييييييييييييل اواجه الفوبيا اللي فيني ..


لان مثل مل قلت بموضوعج عن الفوبيا .. فوبيتي اخوي الكبير ..


حلاتي و انا مجابلته .. والله ما اسويها لو اموت من فوبيتي

يسلمووو ع الموضوع بس حسافه مافي حل ثاني ..

يعني بضل طول عمري اعاني من اخوي ^_^

 

[bnt_kwt]

حاولت وايد من قبل اني اسيطر على مشاعري واتحدى خوفي من القطاوه والزهيويه
بس للاسف فشلت فشلت فشلت فشل ذريع

وما قدرت اتغلب على هالشي اللي مسبب لي ازمه نفسيه وخوف وسواس
والله انه اني اذا بطلع اخلي خدامتي تطلع قبلي تشوف لي في قطاوه ولا لآ

ويييييي لا اشوف زهيوي بالبيت داخل ولا بره تقوم القيامه عندي اهو بجي اهو صراخ
حاولت ما قدرت مره من المرات خدامتي كانت مسافره وشفت زهيوي داخل البيت

ريلي بالدوام دقيت عليه قاعده ابجي يقول لي ما يمديني ايي لج تصرفي على ما ايي الا اكيد الزهيوي متحرك من مكانه وبجذي لا طبنا ولا غدا الشر تدرين اشسويت ؟؟

دقيت على خالتي ام ريلي المسكينه اهي خافت انه فيني شي يوم قلت لها انه في زهيوي ومادري من وين ياي ماتت من الضحك علي وحبيبتي ما قصرت يات لي البيت ويابت خدامتها
وذبحوا الزهيوي ومسحولي غرفتي كلها بديتول وراحوا وهالموقف ما انساه لها حبيبي خالتي
شفتي حجم المأساه اللي اعاني منها ما اعرف اتصرف

 

[متيمة بالشعر]

صح كلامج الموااااااااااجهه هو العلاج بس انا حاولت لكن ماقدرت ومستحيييييييييييييييييييييييل اكون يم قطاوه ولا اركب مكان عالي وسريع اخااااااااااف انشاءالله اقدر واتخلص من الخوف الي فيني عشان ارتاح

ثااانكس حبيبتي عالموضوع

 

[Bamya]

صعععععععععععععععععععععب

ما تدرين شكثر اخاف من الزهيوية

حتى الدعاية مالت البف باف اذا حطوها أغير القناة

واذا شفت دعاية شركات مكافحة الحشرات بالجريدة اسكر عيني وأقلب الصفحه

أتحلم فيهم بالليل اذا شفتهم كوابييييييس

شي مو صج!!

ياريت لو في علاج يفكني من هالخوف الماصخ

 

[تنآهيد الجروح]

حبايبي فديتكم حاسه بمعاناتكم
عندي وعندكم خير
بدور علاج من نوع اخر لعل وعسى نقدر نتغلب على هالفوبيه

بقولكم قصة وحده من رفيجاتي تقول مره وهي حامل طلع لها زهيوي<<واااااي قطيعه اكرهه

المهم تقول قعدت اصارخ ودقت على زوجها الي كان بدوانيه واهو من سمعها تصارخ صكه وصعد ركضه على باله ولدت
ولما شافها واقفه بالزاويه وتقول اذبح الزهيوي قفل الدار عليها هي والزهيوي وطلع <<المجرم انا لو مكانها أطلب الطلاق على هالحقاره يقول دلع بنات
المهم اضطرت انها تواجه الموقف بروحها وتذبحه
بس جاها انهيار عصبي عمى بعينه من زوج
وسلامتكم

 

[ماريمار الكويت]

انا حاولت مواجهة الاماكن المرتفعه بس صعب صعب حاولت مره ووقفت السياره فوق الجسر وطقيت الفلاشر وقمت ابجي بالشارع مادري شسوي

 

[تنآهيد الجروح]

انا حاولت مواجهة الاماكن المرتفعه بس صعب صعب حاولت مره ووقفت السياره فوق الجسر وطقيت الفلاشر وقمت ابجي بالشارع مادري شسوي

حبيبتي الله يهونها عليج ويجعل لكل ضيق مخرج
ماعليج لكل مشكله حل
وأنا ماراح أخليكم

 

[ام جـــــودي]

والله واجهت وياما سافرت واسافر بس اخاف من الطياره واموت رعب ليله السفر
وطول مسافه الرحله مهما كانت اكون قاعده على اعصابي ومغمضه عيوني وارتجف
ومافي حل اتصور لهالمشكله ابد