المقادير عيش كوبين
ماش كوب او اقل من الكوب
بصل
لومى
بهارات دهن
ربيان
اعواد دارسين مع هيل مع فلفل اسود وورق غار
تغسلين العيش وينقع
تغسلين الماش وينقع لمدة عشر دقائق
وتغسلين الربيان وينظف وتعصرين عليه ليمون لعشان الزفر يروح منه
تحمسين البصل مع شويت دهن وتحطين عليه الربيان وتحمسين لمدة خمس دقايق وتحطين البهار والدارسين واللومى وورق الغار والهيل والمسمار وتحمسينه لمدة خمس دقايق
وتحطين الماش لانه يبى طبخ هو والربيان وتصبين عليه ماى حار وتحطين ملح وتتركينه يطبخ
واذا حسيتى الربيان استوى على حسب كبر الربيان اذا كبير ياخذ وقت اذا صغير يخلص اسرع تقريبا ساعه الا ربع وبعدين اخر شئ تضيفين له العيش وتخلينه يطبخ مع الربيان والماش ولما يخلص ويستوى العيش امسحيه الوجه بدهن عدانى او سمنه
وعليكم بالعافيه
