عفية بنات منو جرب طيران الاتحاد ؟؟؟؟؟؟؟؟؟

[درر ستايل]

السلام عليكم

اشلونكم بنات

لقيت حجز حق امريكا علي طيران الاتحاد

وسعره مناسب

بس ابي اعرف اشلون طيران الاتحاد اذا في احد مجربه

اشلون كراسيهم مريحة

واشلون السيرفس

ياريت تفيدوني قبل لا ادفع الفلوس - لأني لازم أحجز قبل 4/4

وجزاكم الله خير

 

[أمواج البحر]

انا جربته والله راائع بمثل مستوى طيران الامارات

الطياره والكراسي مريحين و المضيفين حدهم فريندلي

الشغله اللي ما حبيتها الترانزيت كان بالرده وايد طويل تقريبا 7 ساعات

ومطارهم مو كبر مطار دبي

غير جذي كل شي تمام

وان شاء الله باقي البنات يفيدونج بعد

 

[Samurai]

نفس كلام الاخت .. طيران حلو ومريح .. بس الترانزيت كان طويل 6 ساعات وما عطونا فندق .. ومطارهم مو حلو وزحمه ..

 

[المستبــده]

والله اختي مسافره علييه

تمدحه واييد تقول نفس مستوى طيران الامارات بس عيبهم انه مطارهم صغيرر

 

[مشاعر أمرأه]

انا ماجربته
بس حبيت استفسر عن السعر بجم لقيتيه لاني قاعده ادور لي حجز

 

[لبا^زولي]

........................

 

[PinkY Dreams]

بجم سعره امه بتيني بالصيف وتقول الاسعار ناااااااار

 

[درر ستايل]

لقيته ب1700دك

كويت - ابوظبي- نيويورك - أبوظبي - كويت
حقي أنا وزوجي وعيالي الثلاثة اعمارهم 11-5-2
*

يعني الشخص ب370 دك
والاطفال ب 320 دك

 

[درر ستايل]

للرفع

 

[حـلا و ذوق]

كطيران مريح جدا .. بس عيبه انه الترانزين بمطار ابوظبي مو حلو

لاتنسين تسوين لج بطاقة الاميال دامج بتروحين امريكا تتجمع لج نقاط

ورحة موفقة

 

[كيم كارداشيان]

مطار بوظبي فيه تعديلات وتوسعة .. بس أكبر عن مطار الكويت تراه ..

وفيه فندق عزيزتي .. بس اسئلي عنه .. وفيه أصلا مبنى فندقي كامل حق مسافري طيران الاتحاد .. غير انه فيه سوق حرة خااااصة بضيوف طيران الاتحاد .. تهبل كلها ماركات .. ورخيصة أرخص عن السوق اللي برا

 

[دنيا جديده]

مادري والله

بس شوفي القطريه مريحه وحلوه انا حجزت بـ350 ترانزيت قطر وعلى طول نيويورك

 

[@style@]

بصراحه كراسيهم مو مريحه حيل ضيجه وبعدين اذا القطريه نفس الاسعار روحي على القطريه حلو انا سافرت عليها اكثر من مره ​

 

[درر ستايل]

أشكركم عالردود