عفية ردوا اخاف فيني الشين

[محتاجه حنان]

السلام عليكم
انا عمري 21 ومو متزوجة من فترة لاحظت ان اذا ضغطت صدري(الثدي) يطلع قطرات دم
وقريت مواضيع بقوقل ان احتمال يكون سرطان ثدي بعيد الشر عنكم !!
بنات انا ما قلت حق امي ما ابي اخرعها بس عفية حدي خايفة مادري وين اروح اي عيادة واي دكتورة لاني بروح بروحي ومادري شسوي والله قولولي وين اروووح ؟؟؟؟؟؟؟؟؟؟؟؟

دعواتكم بنات
كتبت الموضوع في قسم الاستفسارات الصحية محد رد

 

[دنيا جديده]

ماتشوفين شر ان شاء الله مافيج الا العااافيه
لاتفكرين انه هذا الشين بعيد عنج يمكن التهااااب او حساسيه زايده لاتحاااتين
بس والله ماعرف اي عيااده انتي بطلي الجريده شوفي العيادات سوي اشعه على الصدر وان شاء الله يارب مافيج شي يمكن التهااااب .

 

[وردة-الكويت]

اول شي تطمني لان سرطان الثدي يجي الوحده الي فوق ال 35 سنه

بس لازم تشوفين شنو هلدم الي ينزل منج روحي عياده امراض النساء والولاده

وان شاءالله مافيج الا العافيه وماتشوفين شر يلغاليه

 

[محتاجه حنان]

اي عيادة اروح ما اعرف عيادات زينة وابي دكتورة زينة

 

[المرتاحة]

يا الله عسي ربي يطمن قلبج حبيبتي

انتي اول شي روحي المستوصف و الدكتوره اهي تحولج على المستشفى اذا صج حالتج تستدعي كشف متخصص

وان شا الله ما فيج الا العافيه حبيبتي

و كوقايه و علاج طحني حبه البركه مقدار ملعقه و نص و خلطيها مع نص كيلو عسل اصلي صافي.. واكلي كل يوم الصبح على الريج قفشه
حبة البركه مسوين عليها ابحاث تشفي من الامراض و تقوي المناعه و تقاوم السرطان وكل الامراض

خلي كل البيت يتبعون هالطريقه

وان شا الله يا رب سهالات ما تشوفين شر حبيبتي

 

[محتاجه حنان]

ان شاءالله .. بس التحويل يطوول .. ابي بسرعة اروح اي عيادة خاصة زينة؟؟

 

[شذى2007]

ياقلبي لا ان شاء الله مو سرطاااااان انتي روحي للمستشفى

 

[كويتية كيوت و]

ماتشوفين شر

 

[محتاجه حنان]

الشر ما يجييكم

 

[عبير العنزي]

ماتشوفين شر حياتي

لاتحاتين انا قبل همن خفت جذي ورحت للدكتوره وطمنتني بفحص بسيط

ان شااء الله ماعليج الا العافيه

 

[منار البربرية]

اهم شي اللي تقول يجي حق اللي فوق الثلاثين ماله شغل مرض من الله سبحانه وتعالى
روحي طبيب خاص افحصي

يارب يشفيج ويشفي كل مريض

بحط لج رابط للاخت محتاجه دعائكم
​

 

[Tulips]

لا تفاولين على نفسج ان شالله مافيج الا العافيه

روحي مستشفى دار الشفا دكاترتهم شطار

وطمنينا عنج

 

[محتاجه حنان]

ان شاءالله يارب خير

 

[جلكسي بالمكسرات]

ايه عليييييييييييييييج
بسم الله عليج يااااااااارب
روحي بأقرب فرصه حق عيادة النساء وخذي صور اشعه
يمكن يطلع ورم حميد باذن الله وطمنينا عليييج

 

[الدلـــع كله]

اسم الله عليج
لا تفاولين على نفسج
انا طلعت فيني 4 ورمات بصدري بعيد عنكم .. ورحت مستشفى العرف بالجهرا .. دخلت على طول على دكتور جراحة والله مو ذاكرة اسمه وطلب مني سونار وسويت وطلعت تليف والحمدلله ..
روحي للعرف والله يطمن قلبج ..

 

[محتاجه حنان]

والتليف شنو علاجة عملية بعد ؟؟!!

 

[FeShinGoOo]

الله يحفظج ان شاء الله و باذن الله مافيج الا العافيه لا توسوسين وروحي الطبيب باسرع وقت عشان يطمنج وطمنينا عليج

 

[فاهييه]

ان شاءالله مافيج الا العافيه

بس ماايجوز نقول عن المرض (( الشين ))
لانه المرض من الله . بقدرة الله صار . و سب المرض يعتبر سب >> لخالقه و مقدره و هو الله < .

والله مايجيب شين للانسان . اي شي يصير للانسان من الله __<< هو خير للانسان و مكفر عن السيئات .

اقري هذا الحديث
^
^
^
عن جَابِر بْنِ عَبْدِ اللَّهِ رَضِيَ اللَّهُ عَنْهُما أَنَّ أُمِّ السَّائِبِ قَالَتْ : الْحُمَّى لَا بَارَكَ اللَّهُ فِيهَا ، فَقَالَ النبي صلى الله عليه وسلم لها : ( لَا تَسُبِّي الْحُمَّى ، فَإِنَّهَا تُذْهِبُ خَطَايَا بَنِي آدَمَ كَمَا يُذْهِبُ الْكِيرُ خَبَثَ الْحَدِيدِ ) . رواه مسلم (2575) .

و نقيس كل الامراض على هذا النحو .



والله يكافي المسلميين الامراض .

 

[ياحُبِي لِلكويت]

البنات مااقصرو ,, ماتشوفين شر حبوووبه .. طمنينا عليج

 

[سوزي الشرقية]

الله يعطيش الصحة والعافية يارب بس موتهملي روحش روحي عيادة امراض النساءوالولادة..ماتشوفي شر