عفيه انا نفاس وابيكم تجاوبوني طالبتكم

[غاليه واتغلى]

السلام عليكم
شلونكم ياحوامل عسى الله يسهل عليكم ولادتكم يارب
واللي ولدوا حمدلله على سلامتهم
وعسى الله يرزق كل محرومه يارب بالذريه الصالحه
بنات ودي اسألكم كم سوال؛
انا والده لي اليوم 27 يوم والدم وقف من تقريبا4 ايام تكرمون
وحابه اسألكم لازم اتنفس واكل دويات وشغل النفاس اللي كله كنت طيلة
النفاس اكله لان امي متنومه بالمستشفى وماعندي احد يطبلخ لي عادي اخليها نص مطاعم نص اكل بيت،
وشالفايده اتنفس والدم واقف؟؟؟

عفيه جاوبوني عسى الله يوفقكم يارب

 

[حلا vip]

مدام صارلج عشرين يوم عادي انا والله العظيم من اول ايام النفاس تلوووع جبدي من اكل النفاس واخاف صج كله منه والله انه نصه مطاعم واحيانا حتى ريوق ما اكل امي تغصبني بس شسوي اقول لها ارجع يعني !؟. خلاص موقادره اهم شي كنت اشرب سوائل دافيه وفيها ادويه يعني مع الحليب ولمره مع القهوه والعنزروت وبس والله مولازم خلاص بس اهم شي ما احس بالجوع وما اشرب بارد وغازات وهالسوالف وبس

 

[super star]

استمري على أدويتج وحطيهم بحليب دافي أوشوربه وحتى اذا طلبتي مطعم حطيهم وياه أهم شي ماتشربين مشروبات غازيه وهالسوالف

وفي مطاعم تسوي أكلات كويتيه مثل فريج صويلح او الستينات عندهم سوالف مرقوق وقبوط

وأهم شي دفي نفسج تعتبرين للحين نفاس

 

[Miss Chanel]

لا حبيبتي كمـــــــــــلي اكلج مابقى شي هانت

ومثل ماقالت الاخت سوبر ستار اكو مطاعم تبيع هالاكلات وحطي ادويتج معاهم
احسن لج وزين لصحتج ..
واهتمــــــــي بنفسج وتدفي وانتبهي تشربين بارد ولا بيبسي وربعه

 

[iLLuMinaTion]

موفقة يارب

 

[غاليه واتغلى]

جزاااااااكم الله الف خيررر وماقصرتوا
وبميزان حسناتكم يارب لاني والله تعبت ماعندي احد يطبخ لي
والنفسيه زيرو ؛(

 

[زين ودلال]

حبيبتي الله يعينج ان شاءالله بعد عمري

 

[ام - وهابي]

انا امي كانت مسويتلي برنامج لوول وعقب ٢٠ يوم لما وقف الدم امي قالتلي ارتاحي من الادويه بس شربي جاي اعشاب وجاي دارسين
واخر ١٠ ايام او اسبوع ارد على الادويه علشان تنزل الدوره قبل طلعه الاربعين
ولو انج شاريه اعشاب ام خالد اللي عندنا بالمنتدى اعشابها وايد زينه

 

[دمثة]

دامج تعديتي 25 يوم خلاص الحمدالله عالثلاثين توقفين عشان تروح ريحة الاعشاب من جسمج

 

[عبث طفله]

انتي استمري على الاعشاب والزعتر وجاي الغوري .. الحلبه والرشاد وقفيهم .. اشربي دارسين مع زنجبيل .. قشر قهوه وبس

واكل المطاعم اطلبي لج دجاج على الشوايه واكلي سلطات .. انتي توج نفاس ..

 

[غاليه واتغلى]

ياااابعد عمررررري فديتكم ماتقصرون وان شاءالله بستمر على اللي قلتوا عليه وجزااااكم الله الف خيرر وبميزان حسناتكم ياررب

 

[ام ناصر 80]

حبيبتي دام صارلج 27 يوم خلاص غدى شرج مثل ماقالو الخوات طلبي دياي شواية او بالفحم وشربي زعتر وشاي غوري

 

[Mednight Rain]

البنات ماقصروا
وماتشوف شر امج
وتطلعين بالسلامة ان شاء الله