عفيه بنآت أبيكم تفيدوني بشيء حق حب الشباب والله تعبت منه !

[3yara]

مرحبآ بنآت :eh_s(17)::eh_s(17):
شلونكم أن شاء الله كلكم بخير
بدش بالموضوع بسرعه


انا اعاني من مشكلة حب الشباب لدرجه احس انه مخلي بشرتي دهنيه
و أستخدمت كريم أسمه : REXSOL لحب الشباب مدحوه لي شكثر و جربته
بس مآفآدني بشيء يعني أحط منه جني مآ أحط
تعبت منه صآر لي سنه و أنا فيني هالحبوب أحترت شسوي :eh_s(2):

تنصحوني بشنو بنآت أبي اللي مجربه كريم حلو و نآفعها تفيدني
او عيآده متخصصه بالبشره و حب الشباب و من هالسوالف تقولي شسمهآ

بليز بنات مآ أبي اللي تدش مآ ترد والله محتآجه تفيدوني
على الاقل لو ترفعون لي الموضوع و مآ تقصرون :eh_s(17)::eh_s(17):​

 

[lateefa]

جربي صابون الكبريت

 

[MeMe's]

صابون نيتروجينا السائل عجيب عن تجربة استعملت صابونة الجبريت لا تفيد ولا شي بس تحرق بس استمري على صابون نيتروجينا مرتين باليوم بدون ما توقفين يعني يوميا وانشاالله يفيدج

 

[احاول]

انتبهي فيه حبوب ما اعرفها يصرفونها بعض الاخصائيين
تزيد نمو الشعر الغير مرغوب فيه وخاصة للوجه

قبل كم يوم كنت عند عيادة ..واللي بجنبي عندها جلسة ليزر للوجه
وتقول ما كان فيني شعر لكن صرفلي استشاري حبوب ومن اكلتهم ..وفيه شعر سميك طالع بوجهي
تقول لما رجعت حق الاستشاري ... قال عادي هذي اعراض هذا الدواء .. وسوي جلسات ليزر !!

حبيبتي معليش طولت عليك .. لكن بجد كسرت خاطري والله منظر الحبوب ارحم من الشعر بوجه المرأة

 

[شذونه]

حبيبتي استخدمي صابونة ديتول معقمه وتقتل الجراثيم ومتهيج البشره
ولاهم من هاذا علييك بالصدقه بنية شفاء بشررتك وبتشوفين العجب بس توكلي على الله
ترا موشرط تصدقين بكثيرر حتى الطيور والقطط فيهم اجرر

 

[ToLD yoU]

جربي غسول نيتروجينا البرتقآلي

 

[خجل~]

لا لا نصيحه لاتجربين ولاشي


انا عندج بشرتي حدها تعبت من الحبوب


وربي كل مايطري على بالج استخدمته




حبوب وغسول وصوابين وخلطات وكريمات وكل شي وكل شي





والله والله رحت حق الجلديه الحكومه اهنيه صرفولي دوا وربي استخدمته اسبوع بس انها بدت تخف حيل

وعطوني موعد ثاني عشان البثور

بس بعدين الله ما قسم صار على ابوي حادث وخليتهم


وصار لي الحين سنه ما عالجتهم لانه ابوي على وضعه للحين بغيبوبته ومافضيت



بس ان شاء الله هالاسبوع بروح لهم


اخذ مواد طبيه اصح لبشرتي


وان جربتهم قبلج ببشرج ي الغاليه ولا يهمج

 

[عفوفة]

انتبهي لآلآلآلآلآلآلآلآلآتستخدمين غسول نيتروجيناااااااا والله يطلع لك حب شباب حجمة كبير والحبة تكون مؤلمة

اذا تبين كريم موضعي عندك ديفرين جل

وبعد كريم بنزاك

أما كريم ريكسزل انا مثلك استخدمته اللي بأحماض الفواكه وماااااافاد بشي

لكن تبين نصيحتي استخدمي الراوكتان قسسم غيرر ترتاحين للأبد
لاتنسيني من صالح دعائك

 

[دنيا الغموض]

ياويل قلبي عليتس

انا لاجتني حبوب كنت احط كريم فيوسيدين اللي نسميه الاسد مرتين ويروح

المهم من شهر طلعت لي حبوب كثيره وكبيره حيل تحت الجلد
وربي تعبت نفسيا
رحت قبل يومين المستشفى
وعطاني محلول ديلاسين
تحطينه مرتين باليوم

وتغسلين وجهتس قبلها بجل للوجه مو صابون
لان الصوابين للبشره المختلطه والدهنيه
يزيدها

اهم شي مو اقل من 15يوم

ومعافاه يارب

 

[بلو ليدي]

صابونة لايف بوي حلوة للحبوب لانها تقتل البكتيريا انا وايد مرتاحه عليها
وفيه منها انواع انا اغسل ويهي بالاخضر او الاحمر وايد فادتني ونشفت الحبوب

 

[✿ячǿőƒ✿]

حبيبتي بعض حب الشباب يطلع من كثر اكل الككاو
اقطعي الككاويات او خففي منهم ع الاقل بالاسبوع مره او مرتين
وحطي عندج قاعده كل ماتقومين من النوم ع الريج اشربي قلاص ماي
عشان يصفي البشره وينزل السموم اللي بالبطن
والله يشافيج من هالحبوب عاجلا غير اجل ان شاء الله

 

[.حــنــان.]

نفعي المره بالماي و حطيها بويهج
ولا اشتري صابونه المره الي بالحواي
اناا استعملها حق اثار الدمامل توخرهم
ف مادري عن الحبوب اكيد زينه
المره زينه حق جذي

 

[..~Goolz]

اذا حبوبج وايد وانتي مو متزوجه او يعني تاجلين الحمل فتره

انصحج بحبوب رروكتانا>الاسم فيه فلط المهم انها حبوب للحبوب الكبار والكثيره

واذا حبوبج صغااار ونفره بس

انصحج بثابونة اكني ايد
واسكينول حطي فيه كبسولتين دلاسين>تحصلينهم عند محلات الفلبين

وربي بتدعين لي

 

[همس الهموسات]

اكثر شي يمدحون منقووع المره للحبوووب ان ششاءالله يفيدكـ

 

[وردة سلفر]

حبيبتي مجموعة برو اكتيف بلا منااافس .. فيها غسول ومرطب وتونك وماسك

سعرها ب 25 من تيليسين 1808808

تيننننن وحدها عجيبه وبشرتج بتصير صااافية بس طولي بالج وكمليها لي الاخر
وان خلصت وللحين في حبوب خفيفه اخذيها مرة ثانية وماراح تتحسفين لانج راح
تشوفين التحسن اساسا من الاولى .

وبس لي صفت بشرتج وقطعتيها ماراح ترجع تخترب

اهي اصلا العلاج الاول حق بشرات ممثلات هوليوود


وترى هالمدح عن تجربتي انا الشخصية مو كلام سمعته .​

 

[3yara]

يعطيكم الف الف عآفيه
اللهم أمييييييين الله يسمع منكم
و جزآكم الله ألف خير و بجد فدتوني بأشيآء وآجد مآ قصرتوآ
و الله يوفقكم و يوفق الجميع ان شآء الله ويفتح لكم أبوآب رزق

مششششششششششششكورين بنآت ​

 

[Ǻl.Ĝ₥ąl L3Ъẗў]

سلام
اذا تبين علاج نهائي للحبوب لازم تستشيرين طبيب .. وبعدها سوي تحليل للكبد عشان يصرف لج هالحبوب ..
هذي مشاركتي بموضوع تجمع الي معالجين بحبوب راكوتين لحب الشباب :

انا بشرة ويهي الحمدلله زينه بس دهنيه لكن جسمي صوب جتوفي وصدري وظهري كلها حبوب وتطلعلي كبيره وحمرا وتعورني ودهنيه

رحت لمستشفى العسكري الجلديه هناك يصرفونه ببلاش وزينين وقلت له ابي راكوتين قالي لازم تحليل وسويت تحليل للكبد والحمدلله النتيجه زينه

وبما ان بنت خالي مستعملتهم قبلي علمتني بأثارها الي اهي جفاف بالبشره والشفايف تتشقق والشعر يطيح وينزل وزنج لانه ينشف الجسم من الدهون

ففكرت وشاورت نفسي ليشً مااخذ معاه علاج يقوي شعري ويحافظ عليه ويقوي اظافري عشان ماتتسكر !

وطبعاً انا استخدمت هالعلاج من قبل الي اهو حبوب: Perfectil: hair skin & nails للامانه بنات شعري تحسن عليه واظافري ماشاء الله صارت قويه واحسن من قبل .. وبشرتي احس توحدت وخف السواد تحت عيني ..

فقلت ليش ماستخدمه مع راكوتين عشان اعالج واحافظ بنفس الوقت .. استشرت صيدلاني قالي بالعكس فكره حلوه وماراح يضرج بشي ..

هذي صورة الحبوب - انا وصيت عليهم من لندن بس لقيتهم هني بالصيدليات سعرهم اعتقد 8 دنانير يعتمد حسب الصيدليه

ملاحظة : ترا طريقته نفس الروكوتين لازم كورس كامل من ثلاث شهور الى ست شهور واذا كنتي بتقطعينهم لازم بالتدريج ..

نيي للعيون وجفافها .. لازم كل دكتور يصرف لج الروكوتين يصرف معاه قطرة ترطب العين ..
وللشفايف انتي براحتج ياتستخدمين مرطبج الي انتي متعوده عليه او تاخذين مرطب طبي ..

هذول الي استخدمهم للعيون والشفايف ..

وهذي مجموعتي ..

لاتنسين تراجعين دكتورج كل شهر وتحطين موعد

لاتخافون بنات ترا كلها فتره وتعدي اهم شي تحصلين على نتيجه ترضيج ..

بالنسبه للبنات الي قالو ردت لهم الحبوب عقب جم سنه اتوقع ان الدهون ردت بجسمج فاستشيري دكتور جلديه عشان تردين تاخذينهم ..

وبس .. * ​

 

[Bride.Badora]

لا موعد ولا حبوب ولا خلطات ولا بطييييخ

انا بشرتي كانت تفشل بمعنى الكلمه
عمرج شفتي رقبه متروسه حبوب ؟؟؟

انا كنت جذي

مانفعني ولا دوا ولا صابون غير صابون vichy الاخضرررر الشفاف من بره

خطيييير ينشفهم و يشيلهم