عفيه بنات بس ابي كلمه تشجعني

[DenTisT]

شلونكم حبيباتي؟
انا وايد متحبطه لانه العام نزلت من وزني 14 كيلو و الحين زدتهم كلهم
و الله من النفسيه و الدراسه بس الحمدلله على كل حال
بس ابي تشجيع منكم ... تتوقعون شكثر اقدر انزل اب 7 اسابيع؟ و بدون رياضه
لانه و الله والله دوامي من الساعه 8 لي 5 و ماكو وقت اسوي شي .. يالله ارد البيت ادرس و انام
فبحاول بس انظم اكلي و اخلي الرياضه حق الصيف
و قاعده اقول 7 اسابيع .. لانه باقي 7 اسابيع انشالله على ردتي الكويت .. ما ابي ارد و ينصدمون لانهم ما شافوني جذي
بس شجعوني و قولولي اني اقدر انزل من وزني على الاقل 7 كيلو... تتوقعون يصير؟؟:eh_s(11):

 

[Mona Lisa]

يصير حبيبتي بس قوي ارادتج ومع تخفيف اكل وبعدين لعبي رياضه عالاقل المشي ربع ساعه باليوم لازم تمشين عشان اسرع

وبالنسبه حق النزول مو صعب بلشي من اليوم وشوفي المواضيع شكثرهم بالمنتدي عن الرجيم والاكل الصحي وصدقيني

باذن الله تنزلين بس اهم شي الرياضه + الرجيم يعني تخففين اكل ويستحسن تقطعين الخبز والعيش والمعكرونيه والبيبسي وبشرينا عقب ان شاء الله نسمع اخبار حلوه

 

[♥MaSteRiyA♥]

لووووووووول حبيبتي انتي
تقدرين ليش ما تقدرين..​

اذا كل اسبوع نزلتي كيلو.. هذي 7 كيلوات
بس يبيلج شوي تقوين ارادتج يا بعد قلبي
ترا مو واايد​

عشان لي ييتي المطار أهلج و حبايبج يلبسونج أحلى طوق
ورد يا أحلى وردة ^_^
:eh_s(17)::eh_s(17)::eh_s(17):​

وتردين بالسلامة يا حلوة.. الكويت مشتاقتلج =***​

 

[Mona Lisa]

عشانج اب اب

 

[n00_00ry]

انا مثلج نزلت 10 كيلو العام ورديتهم هالسنه بسبه الدرااسه

7اسابيع وايد وحلوه اذا التزمتي برجيم صحي تنزلين في كل اسبوع ع الاقل 3 كيلو يعني21 كيلوو ها شرايج للحين متحبطه؟؟

بس اهم شي كل اسبوعين اتغيرين الرجيم عشان الجسم مايتعود واول مايثبت الوزن اكسريه باي طريقه لكسر الوزن مثل عصير كيوي واناناس مع الوجبات يكسر الوزن

شدي حيلج المتن موحلو كريه والناس صايره ماتحترم المتين وتقط بويهج الكلام ماجبج بشر
طلعيلهم بلوك يديد ابهريهم

شوفي انا بديت هالاسبوع حاطه الوعد 1-6 يعني مثلج 7 اسابيع تقريبا وناويه انزل 27 كيلو بس انا مع رياضه من نص الى ساعه

الله يوفقج وكل مانزلت الهمه دشي هالنتدى وترتفع همتج

 

[to0taa]

كل شي بالاراادة بس ديري بالج على صحتج و موفقة والله يردج بالسلامة

 

[شوشو الشقيه]

والله حاسه فيج
زيادة الوزن تعب نفسية
حالتي نفس حالتج
والله حاسه فيج
يحتقدرين ان شاء الله
بس ارادة قويه نفسية حلوه
من اختج شوشو الشقيه

 

[فجر_الكويت]

هلا حبيبتي خل انقول اقل شي تنزلين كل اسبوع كيلوين

2*7= 14 كيلو تنزلين بأذن الله الي متنتيهم تضعفينهم بصحه وعافيه يارب

بس اهم شي كثري شرب الماي على معده فاضية وكثري من شرب الجاي الأخضر والزنجبيل والليمون

 

[DenTisT]

مشكورين حبايبي ما قصرتو و الله شجعتوني و كنت وااايد متحبطه

 

[Stunner]

أول شي ياحبيبتي مافي شي أسمه مستحيل إذا أنتي عندج الرغبة
ثاني شي الإرادة والإنتظام

أكلي فطور متوازن " أهم شي الفطور"

الغدا: اذا ممكن قبل الغدا اكلي صحن سلطة حتى تشبعين وتالي أكلي وجبتج

وطبعاً العشا مانوصيج بالخفايف

فطور ملوك غداء أمراء عشاء فقراء

وحاولي تمشين يوميا 20 دقيقه على الأقل

بإذن الله بتضعفين
الله يوفقج​

 

[Miss McDonald]

• قوة يآ دكتورة ,
• حبوبة دام عندج ارادة مآكو شي اسمه مستحيل
• خففي اكلج او بالاصح قلبي اكلج الى اكل صحي !
• اكلي سلطات وخلي ريوقج توست اسمر مع جبن سلايس , غداج سلطة وروب خالي الدسم
• الاهم العشا احسن شي حطي عصير اناناس مع كيوي بالخلاط وشربي موووصج يعضضضضف حيل
• وكل يوم امشي ساعة وشربي لترين مآي

طبقيه لمدة اسبوع وشوفي

 

[كتكوته غنوجه]

اي تقدرين وباقل من 7اسابيع خليني اقولج سالفة بتخلي كل البنات تصير عندهم ارادة موصج
السالفة ومافيها
واحد من جماعتنا كان عنده سمنة وبالذات بمنطقة الكرش ومن كثر الدهون الي بجسمه طاح عليهم ونام مستشفى ونصحة الدكتور انه يسوي عملية شفط دهون والا راح يكون في خطر على حياته
المهم زوجتة يااحرام من خوفها عليه طلعت فيه من المستشفى لي عيادة خاصة وعطاهم موعد مراجعة بعد شهر
انتبهوا قلت شهر واااااااااااااااااااحد
المهم زوجة المريض قالت ماراح احط ايدي على خدي وانطر شهر منعت عليه كل الدسم وكانت وجبة الريوق بيضه مسلوقه وعسل وعصير اناناس والغدا والعشا عبارة عن صحن سلطة كبييييييييييييير فيه كل انوع الخضار اللي يخطر على بالج وحطت علية
السر !!!!!!!!!!!!!
السر يابنات خل تفاح طبيعي وانتبهوا على طبيعي تلقونه عند محلات العسل واذا تعرفون احد يسويه لكم بالبيت أحسن
المهم كانت تحط قفشتين من الخل عالسلطة مع ليمون وشوية ملح بدون زيت وكان يمشي كل يوم ساعة تخيلوا بعد شهر راح للدكتور انصدم من النتيجة قاله انصحك خلك على رجيمك واترك عنك العملية يابنات انا صراحة ماشفته بس اللي شافوه انصدموا منه يقولون حتى كرشه راحت صج الاراده تلعب دور بس تبين من يشجعج وهالشخص لقى زوجته خير معين صراحة ماقصرت معاه ياليت الازواج يشجعون زوجاتهم
وموفقة حبيبتي بس هاه لاتنسين تعلمينا شصار بعد 7اسابيع

 

[Q8stylle]

up up

 

[Confused Girl]

انتي قدهااااا انشالله

 

[عهد..]

وانا بعد ابي من يشجعني والله الوحده تذبح وتمتن
والشكولا والرز وكل شي ما اقدر استغني عنهم يارب اضعف
شجعوني معاها تكفون الاراده صفر​