عفيه بنات ساعدوني مو شامه و لا حبه خاله و لا......

[بسبوووسه]

شلوونكم بنات اللي تعرف شنو هذا تساعدني جزاكم الله خير


طالعلي في رقبتي من ورا مو شامه و لا حبه خاله مادري شلون الصراحه اشرحه

جنها حبه خاله بس بارزه يعني اقدر امسكها .. بالاصح جنه جلد زايد بس صغير :0bee2e8d89:


توا طالعلي مع الحمال

اللي طالعلها نفسه او تعرف عنه تقولي

امي تقولي هذا عادي طلعلها مع الحمال بس ملوع جبدي ابي اشييله بس مو عارفه

 

[نووووونا]

عادى هذى تطلع بالجلد ,,,,,,, استشيرى طبيب بس اهيااااا تطلع حق ايلللا فوق

ال30 تقريبااااااااا هذا واستشيرى طبيب جلديه افضل @@

سلامات اختى @@

 

[بسبوووسه]

مشكووره حبيبتي و ما قصرتي

اخاف اروح الدكتور يقولي ما يشيلها الا بعد الولاده

 

[بسبوووسه]

شدعوه بنات

ليش ماتساعدوون

 

[ناني سيكرتس]

انا فيني جذيه ورحت حق دكتوره بمركز الجلديه مال الضاحيه, جان تقولي انا اشيلها لج الحين بالموس, طبعا ما قالتلي شنو اهي ومن شنو طالعه ولا شي بس شافتها وقالتلي جذيه.. طبعا ما خليتها تلعب فيني..

 

[قمر الليالي]

عمرى هذي اسمها ثالول طلعت في حماتي بالمكان الحساس واهي حامل وسوولها عمليه قيصريه لان ماادرى شنو تاثر بالطفل مع ان بتوقعي ان ماله شغل بالطفل بس هذا كلام الدكتوره وعلى فكره راحت 3مستشفيات منهم 2خاص وواحد حكومي نفس الكلام وطلعت باخوي عند صوب الفم وراح لمستشفى الهادي وشاله له بنفس الوقت وعطاه دهان بس ترى لازم ماتنطرين لان يتكاثر

 

[بسبوووسه]

مشكورين حبيباتي

اي علشان جذي انا سألت لأن بدا يتكاثر و اخترعت و شكلها قبييح

و انا مو متحجبه و طالعه برقبتي من ورا عاد كله افل شعري علشان لا يبين

 

[زيـنـه]

بسبوسه
هذه يسمونها زائده جلديه ... و جمعها زوائد جلديه .. و يشيلونها بالكي الكهربائي ( مثل شكة الابره احساسه).. اذا كبيره تصير بتاثير بنج موضعي ..و اذا صغيره تتحملين الكي يشيلونها بدون بنج .. و ما تطول .. دقايق و انتي خالصه .. توني شايله جم وحده

و الدكتوره قالت لي هذا يصير من تغيير الهرمونات .. او من الضعف عقب سمنه .. و احيانا بدون سبب .. و حتى اليهال يطلع فيهم و يشيلونها .

سالي دكتورة جلديه .. افضل لج

 

[غزالة كويتية]

ماعندي فكرة وإن شاء الله البنات مايقصرون

 

[كلي تفاؤل]

لا تخافين حبيبتي عاديه تطلع بأي مكان بالجسم ...وتنشال عند عيادات الجلدية ...

 

[بسبوووسه]

يسلمواا حبيباتي عالرد

 

[Japanese]

قبـل كان فيني كمن وحده وخذت لهم محلول من الصيدليه احطه عليهم

وبس طاحو :/ مدري تحللوو مدري شصار فيهم

ووحده من اهلي كانت فيها كبيره كبر راس الابهام وشالولها ياها بالكي

ماعليج شر

 

[بسبوووسه]

مشكوووره حبيبي

 

[حبيبته آنا]

روحي لدكتور جلديه يشيلونها لج بنفس الوقت بس مادري اذا يشيلونها لج الحين وانتي حامل والا لا

 

[بسبوووسه]

شكراا حبيبته انا