عفيه جاوبو: الخادم مخربه هدومي

[حلم الطفولة]

1. شنو طريقتكم بغسيل الهدوم بالتفصيل الدلاقات الفوط الملابس الناعمه الفنايل .. ونوع المنظفات؟؟
2. شنو تعتقدون الغلطة اللي قاعده تسبب بهدلة الهدوم وخشونتها وبهتان اللووووون ؟؟
الهدوم ممطوووطه .. والفوط خشنه!!
أتمنى الكل يكتب لي رد أرجوكم لأن الملابس تبهدلت ومن غسلة وحدة تصير قديمة وحراام بعضها غااالي وحلو.

 

[قمر ضاوي33]

اهتمي بمسحوق الغسيل لازم يكون جيد مثل آريل اومو او تايد

ملطف الملابس استعملي كومفرت او داني او غيره

لإزالة البقع استعملي فانش سائل

كلوركس للملابس الملونه

طريقة الغسيل تستعملين ماء دافي بالغسيل وتحطين الصابون ممكن تخلطين مع الصابون صابون رقي مبشور ممتاز لإزالة البقع والوسخ من الملابس

قسمي الملابس حسب الوانها ابدئي بالأبيض ثم الفاتح بعدين غيري الماء للكحلي والأسود لأن الماي يكون فيه قطن واشياء تلصق بالملابس الغامجة وتخلي لونها باهت ...

بعد الغسيل تشطفينهم بماء صافي بعدين ماء وملطف

مشكلة الهدوم ممطوطة يا اما بسبب غسيل الأيد يمطط الملابس او انك تقطعين قلبهم بغسيل الغسالة او العصر اليدوي هذي من اسباب تمطط الملابس

الفوط خشنة يا اما بسبب ما زال فيها صابون لم يتم شفطها بالكامل او ملطف الملابس غير كافي

نصايح لغسيل الملابس جربتها الملابس الي فيها بقع او وصخ مثل الجوارب صداري الأطفال بيجامات الأطفال نقعيهم اول بصابون مع صابون مبشور رقي وقليل من فانش السائل او كلوركس الملون وبعدين غسليهم باليد وحطيهم بالغسالة

لا تستعملين غسيل اليد بشكل مستمر ما يهري الملابس الا غسيل اليد والتمطط باليد الا اذا كانت ملابي فيها ترتر او تطريز ما ينفع معاها غسيل الغسالة


ان شاء الله اكون فدتك والبنات بعد ما راح يقصرون يمكن في نصايح انا بعد ما اعرفها

بالتوفيق ان شاء الله

 

[زينة الخشة]

قمر ضاوي 33
كفت ووفت

 

[حلم الطفولة]

قمر ضاوي33 مشكوووور حبيييبتي ماتقصرييين
قمر ضاوي قمر ضاوي قمر ضاوي وبس !!

 

[قمر ضاوي33]

العفو على شنو


اخجلتي تواضعي هههههههههه

بالتوفيق ان شاء الله

 

[مس*فلحه*]

قمر ضاوي33 حبيبتي كفت و وفت ماشاءالله عليها..
بس حبيت أقول نقطه: ان كومفورت يخرب الملابس وخاصة الأقطان تلاقينهم بسرعه يتمزقون وينقظون..
استخدمي كومفوت بس حق الفوط والشراشف بس..
البيجامات انا لاحظت اذا كان فيها رسمه او طبعه مع الكومفورت تخترب!!
وبعد ما تغسلين الملابس شطفيم بماي دافي عدل عشان يطيح الصابون منهم و ما يصيرون يابسين..
الملابس الداخليه غسيهم بماي حار عشان التعقيم واستخدمي صابون الاطفال ضد الحساسيه وحطي شويه(هذي نصيحة دكتورتي الجلديهو التناسليه)..

 

[حلم الطفولة]

مشكووره مس فلحه
هي هي هي اتونسوون

 

[حلم الطفولة]

ونااسه باركوولي صرت كويتية نشيطه p: