عفيه حبيباتي ساعدوني ابي محل ككاو

[om 7sony]

بنات ولا عليكم امر ابي محل ككاو حق توزيعات
ادري في مواضيع عن نفس الطلب بس انا الحين بطلع بشتري وحدي مستعيله وقاعده ادور المواضيع مو لاقيتهم
عفيه محل اشتري منه علب صغار مع الككاو من طقه
لاديراه ... و جودايافا... و فايفيل
الي تعرف بعد محلات وتقدر تفيدني ولا عليها امر تقول
وراح اكون شاااكره

 

[احساس ملكه]

باتشي

 

[om 7sony]

ما عندهم باتشي
انا ودي ان تكون العلبه الي فيها قطعه او ثنتين بس

 

[om 7sony]

مشكوره عالرد حبيبتي

بنات بعد ... وينكم ؟!
انزين منو سامعه عن غراوي؟!
حلو ؟

 

[om_saaleem]

Up up up up

 

[om 7sony]

افا بنات والله ما هقيت جذي تفشلوني
معقوله من الي دشوا ولا وحده تعرف اسم محل ككاو حلو ؟

 

[cute_batoota]

فيه محل اسمه مارسيلو عندة فناتق حلوة واااااااااايد
اذا كاكاو تقديم عندج محل اسمه ديزرت دي مونتي باسواق القرين كاكاوة اينن
جوكليت بار الي بفحيحيل سبونز عندة توزيعات حلوة وكوكيز حلو
كيك اند بيك توزيعاته حلوة بس ما جربت طعم الكاكاو بس أشكالهم حلوة
فيه وحدة ويانا بالمنتدى cacauatee اذا ماني غلطانه شغلها وايد حلو وكاكاوها حلو بس شوي غالي
وعندج سيتي ستار الي بالري يم لولو هايبر المحل الي داخل بوابه الهدايا هم وحدة تسوي توزيعات والكاكاو لبناني وحلو وايد وتسويلج اي شكل تبينه واسعارها وايد مناسبه وحلوة
أمنكم هذا الي فريت عليهم للحين اذا تذكرت بعد مكان راح اكتبه
ان شاء الله اكون فدتج 

 

[om 7sony]

حبيبتي كيوت بتبوتا
ما قصرتي
بس المخل الي باسواق القرين وين صاير بالضبط؟؟
وتسلمين حياتي

 

[المسكـ]

غراوي
ارماني
ماسيللو
في محل بالرايه فوق بس مادري شسمه
فوشون
محل في مجمع حمود اسمه كوكي شي هم تبيع ككاو وكوكيز
مارشال بحولي

 

[المسكـ]

اللي باسواق القرين ماعجبني بصراحه مادري على شنو الناس تمدحه احسه من طقة ساابليه ولا يمكن انا غلطانه شايفه محل ثاني

عندج مس شوكولا عجيب بعد

 

[om 7sony]

ارماني وين مكانه ؟

وتسلمين حبيبتي المسك

 

[sweet lady]

بنات اشلون تمدحون كيك ان بيك مافيه شئ زود ولا شئ يفتح النفس لتوزيعات *

 

[cute_batoota]

المسك لا والله بالعكس شوفي الي باسواق القرين واحد اسمه ديزرت دي مونتي والله كاكاوة اينن يمكن دخلتي محل ثاني روحي هذا وجربيه كاكاوة طعمه واااايد حلو بس توزيعات ما عندة الا علب وردي او اخضر فا اهو حلاته حق تقديم

 

[cute_batoota]

ام حسوني والله لما رحت كنت مع ريلي ما ادل اسواق القرين كلش ان شاء الله اسأله واقولج وين اصير بالضبط
سويت لادي كيك اند بيك رحتله قبل شهرين بس ما ذقت الكاكاو بس شفت توزيعاتهم كان عندهم ستاندات وتوزيعاته حلوة اذا ماني غلطانه رحت الي ببنيد القار

 

[om 7sony]

اي بنات انا مابي ككاو تقديم
ما اتوقع كيك اند بيك عنده :/

 

[cute_batoota]

شوفي اذا تبين ستاندات وتوزيعات روحي سيتي ستار الي يم لولو هايبر مثل ما قلتلج وشوفي اللبنانية الي داخل أخذي فكرة ترة شغلها حلو وهم تسويلج الي تبينه اذا عندج فكرة معينه

 

[cute_batoota]

http://www.beau-coup.com/
هذا موقع فيه هم فناتق دشي على بيبي شاور وشوفي هذا الموقع وحدة يزاها الله الف خير كانت حاطته وانا طلبت منه جم شغل اتينن

 

[om 7sony]

مشكوووووره حبيبتي ما قصرتي
تسلمين يا قلبي

 

[om 7sony]

بنات
منو جربت ارماني
شلون اسعاره ؟؟

 

[Dalo3h]

حبيبتي اخذي الاستناد من بوابة الهدايا وعندهم العلب بعد
واشتري الكاكاو بالكليو وهم يصفونهم لج

وعندج بعد المحل اللي فوق بياع الورد صراحه كاكاوهم وايد حلو بس عندهم تشكيله بسيطه من استاندات تقدرين تنزلين السرداب وتنقين وهم يسووونه لج

ومووووفقه انشالله​