عفيه ردو على

[دمعة^حزن]

السلام عليكم شلونكم بنات بغيت اسألكم انا امس الساعه 9 الصبح اخذت ابرة تفجير 1ملي والحين ما احس بعوار وانا قريت بالمواضيع ان الي تاخذها تحس عوار بالمبايض وقالتلي الدكتوره تعالي الساعه 6 اسويلج تلقيح صناعي هم قريت ان التلقيح الصناعي بعدها 36 ساعه مو 22 ساعه مدري احس كل شي مخربط عفيه ادعولي امانه

 

[iLLuMinaTion]

اب لعيونج

 

[اه ع قلبي]

حياتي ليش بتسوين تلقيح توج لج سنه من تزوجتي تو الناس كل شي بوقته حلو لا تخربطين بعمرج اخاف من الابر ايصيرلج تكيس

 

[الزيـــــ^^ـــــن]

دامج اخذتي الابره سوي التلقيح وتوكلي ع الله

وانا سامعه انه بعده٣٦ساعه ...دقي عليها وسأليها اريحلج

 

[*ماي الورد*]

لا توسوسين وايد ترا النفسية جزء من العلاج
و الشي الثاني الحيوانات المنوية تعيش بالرحم من 3 الى 5 ايام
و عليج بالتوكل على الله
و الصدقة بنية الحمل
و لمن تسوين التلقيج انسيه و لا تحطينه ابالج و لا تفكرين بالاعراض علشان لا تتعبين نفسيا

 

[لاجل عينه]

ماعندي علم



الله يرزقج يارب

 

[دمعة^حزن]

مشكورين علي ردودكم صج سنة وتسع شهور متزوجه بس مافي امل احمل طبيعي زوجي عنده عدد الحيوانات حيل ضعيف امس سويت التلقيح والحمدالله على كل حال ادعولي ونسبة نجاحه ٣٠٪ والعوار الي اسئل عنه وينه ورا التلقيح حسيت فيه بس بنات انا مستغربه ورا التلقيح لما رديت البيت كان نازل علي دم وردي خفيف لونه معقوله الدكتوره جارحتني ولا شي طبيعي

 

[ام دليار]

الله يرزقك يارب
طبيعي ينزل منك دوم من الألة يلي حطولك يآها
بتكوني شادة جسمك مشان هيك بينزل دم

 

[دمعة^حزن]

ام دليار مشكوره حبيبتي ماقصرتي على الرد الله يعطيج العافيه طمنتيني

 

[HaNaN_kuw]

عادي حبيبتي حتى انا لمن سويته نزل مني دم ودقيت عالدكتورة قالتلي عادي لاتحاتين,, وبعدين اذا انتي مسوية التلقيح 6 بالليل يعني صارلج 33 ساعه مو 22

 

[دمعة^حزن]

استغفرالله حتي الساعه صرت ما اعرف احسبها مشكوره حنون نبهتيني مادري شلون حسبتها ٢٢ حنان انتي ليش سويتي تلقيح صناعي انا زوجي عدد حيواناته المنويه ٦ ملاين مع التنضيف والغسل اهم اساسن طلعو ٤ ملاين

 

[HaNaN_kuw]

هلا حبيبتي دمعه انا عندي ضعف تبويض .. وزوجي دكتورتين قالولي طبيعي ودكتورتين قالولي لا عنده عدد الحيوانات المنويه اللي ماتتحرك واايد والله مادري منو اصدق والحين ياخذ بروكسيد بلس.. بس الله ماكتب لي الحمل لحد الحين

 

[دمعة^حزن]

حنونه حبيبتي الله يرزقج بذريه انزين بسالج دامج مسويه تلقيح حسيتي بعوار احس بعوار تحت نفس الشد ومغض ابطني ودقيت على الدكتوره قلتلها ابي مسكنات مارضت تقول ممنوع

 

[ابدا يالغالي مانساك]

ربي يرزقج بقولج شغله مهمه لاتفكرين طول هالمده وتشغلين بالج انسي انج سويتي تلقيح لاتحاتين وتفكرين وربي يرزقج ياختي

 

[حلاوة سكر]

حبيبه قلبي للاسف ماقدر افيدج

بس بادعي لج

ربي يتمم علاجج على خير ,, وان شاء الله

تحملين وربي يفرح قلبج بضناج يا غلاتي

انتي وجميع المحرومات يارب .~

 

[HaNaN_kuw]

هلا حبيبتي دمعه انا حسيت بعوار خفيف ثالث يووم بعد التلقيح وبعدين وقف.. بعدين حبيبتي وحده عن وحده تفرق لاتفكرين واايد وان شاءالله ربي يرزقج هالشهر ياااااااااااااارب

 

[jaaanooo]

الله كريم ياارب .. ويارب يتممل لج على خير ويثبت الحمال ... يااارب العباد .. اهم شئ ترتاحين ولا تشيلين شئ

الله يكتبلج ويكتب حق كل خواتي الذرية الصالحة ياارب

 

[دمعة^حزن]

مشكورين حبايبي الي ردو امانه لاتخلوني بروحي الايام هذي المشكله انا مبينه اني مو مهتمه ورجلي الي يبي جاهل واروح واجي واشيل واحط وانا من داخلي ميته علي بيبي

 

[عسل حدي]

رب لا تذرني فردا وانت خير الوارثين

 

[أأأميرة الورد]

الله يرزقج الذريه الصالحه