عفيييه يالقيصريات ساعدوني

[moon night]

السلام عليكم

شلونكم بنات شخباركم
ابسال سؤال للي مسوين عمليه قيصريه وبليز بليز ردو علي مو تتاخرون لاني حدي محتاره

بالنسبه للعمليه القيصريه اي الافضل البنج الكامل ولا النصفي ( ابرة الظهر )
لاني مقررين علي عمليه ومادري شنو اخذ الدكتور يفضل النصفي فحبيت اسال اللي جربت
وعفيه ردو علي انا بجر وخايفه

 

[هوازن العتيبي]

رد : عفيييه يالقيصريات ساعدوني

نفسج بكريه
بس انشالله اولد طبيعي ياااااااااااااااااااااارب

 

[sunshinq8]

رد : عفيييه يالقيصريات ساعدوني

هلا حبيبتي انا ولدت قيصريه توني من شهر و طلبت بنج كامل بالنسبه لي احسن ليش اخذ ابره ظهر واحس وابطل عيوني ليش عشان اخترع ويرتفع ضغطي ماله معنه البنج كامل احسن و هم ابرة الظهر ترا دقيقه و ما تنفع مع اي وحده على فكره لها اعراض جانبيه و انتي شوفي واستخيري بس استغربت تقولين انج طالبه عمليه ليش ماتحاولين طبيعي ترا ولو الطبيعي غير على فكره سالي مجرب انا عمليه شفت العذاب عوار مو طبيعي حته ما اقدر احرك اصابيعي من العوار مع ان والده بالمواساة ومعطيني مسكنات و كل شي ورعاية توووووب بس هم عملية مو سهله المهم الله يسهل عليكم و يعافيكم

 

[caramela 85]

اكيد البنج العام احسن واريح ماتشوفين شي واهما فاتحين بطنج شلج بلوعه الجبد والتخرع

 

[أحلى^حياه]

انا سوولي ابرة ظهر ماتشوفين شي كلش ملش ولا تدرين عن شي
يقولون للطفل ابرة الظهر احسن

 

[سيدة الذوق]

ابرة ظهر احسن الان البيبي ماياثر عليه البنجر ويطلع بصحه وعافيه

انا قيصريه وابرة الظهر

الله يهون عليج لاتخافين

 

[^noonaa^]

نصيحتي اخذي بنج كامل

ابره الظهر تطلعلج اثارها بعدين من عوار ظهر وغيره

 

[كويتيه مذهله 87]

بالعكس ابره الظهر زينه لج وللبيبي وماتشوفين شي يحطون ستاره تغطي
وانصحج بقوه تسوينها بالصباح لان اقوي الدكاتره بالصباح يطقون ابره ظهر وشطار
والخاص يطلبون مرات دكاتره من الصباح

توكلي علي الله واخذي ابره ظهر كافي تشوفين البيبي شلون يبجي وأييبونه لج احلى لحظه بحيااتج
لو لها اثار جان الدكاتره ما عطوها لأحد وكل جسم غير عن الثاني

 

[جذابه بنت ذيابه]

رد : عفيييه يالقيصريات ساعدوني

اب لعيووووووووووووونج

 

[moon night]

رد: رد : عفيييه يالقيصريات ساعدوني

هلا حبيبتي انا ولدت قيصريه توني من شهر و طلبت بنج كامل بالنسبه لي احسن ليش اخذ ابره ظهر واحس وابطل عيوني ليش عشان اخترع ويرتفع ضغطي ماله معنه البنج كامل احسن و هم ابرة الظهر ترا دقيقه و ما تنفع مع اي وحده على فكره لها اعراض جانبيه و انتي شوفي واستخيري بس استغربت تقولين انج طالبه عمليه ليش ماتحاولين طبيعي ترا ولو الطبيعي غير على فكره سالي مجرب انا عمليه شفت العذاب عوار مو طبيعي حته ما اقدر احرك اصابيعي من العوار مع ان والده بالمواساة ومعطيني مسكنات و كل شي ورعاية توووووب بس هم عملية مو سهله المهم الله يسهل عليكم و يعافيكم

حراااام عليج لاتخرعيني مو بكيفي انا وثانيا انا ماطلبت العمليه قرروها علي لان الحوض عندي وايد صغيير والبيبي مو قادر يطلع ولا انا ميته عالطبيعي
مشكووورة عالرد يالغاليه ولو انج خرعتيني من العوار وانا خوااافه حدي

 

[moon night]

انا صراحه كنت ابي بنج عام بس قعدت مع دكتور التخدير
قالي البنج العام تتخدرين كلج وتاثر بالياهل حتى الياهل يطلع مخدر ويقول لما نعطيج اياها كل عضلات جسمج ترتخي وممكن انها تضغط على الرئه وتسبب لاسمح الله التهاب رئوي

اما ابرة الظهر يقول هم لها تاثير يقول يمكن تنمل ريلج اييج صداع جم يوم يقول بس للطفل زينه ماتاثر عليه ويقول انتي تشوفين بيبييج اول مايطلع يقول اول مايطلع البيبي راح اعطيج منوم تنامين عادي عشان ترتاحين

قلتله انا اخاف اسمع او اشوف شي
قال بالنسبه لسمع حطي سمعات وقرأن باذنج وانشالله ترتاحين يقول اما الشوف استحاله بنحط ستاره بينج وبين العمليه ماتشوفين شي كللللش

انا احترت صراحه قلت اسالكم اذا مجربين وهم الحين حيرتوني
وعفيييه لحد يخرعني تكفون شي صار وغصبن علي العمليه يعني مو بيدي لاتعورون قلبي

 

[نـور الكويت]

عسلى الله يسهل عليج يارب العالمين

وتولدين طبيعي إن شاءالله

 

[moon night]

اب اب اب اب اب
بلييييييييز ابي تجاربكم

 

[eman84]

الله يسهل عليج ان شاء الله

انا جربت البنج العام بس توني ادري ان البيبي يطلع مخدر ياحياااتي

 

[ليان حياتي]

رد : عفيييه يالقيصريات ساعدوني

اللة يسهل عليج وانا انصحج بالتخدير الكامل غمضي فتحي انتي والدة وصرتي احلى ام لاتحاتين القيصرية واللة تهبل وبالنسبة للالم لا اشدعوا الام عادية صج مؤلمة بس عادي تفدرين تتحملين ترا انا ام الخوف واخاف حتى من ظلي حبيبتي ماكو الا العافية البنج الكامل رحمة من اللة ماتحسين بولا شي تنامين وتقومين الا انتي والدة واللة يهون عليج

 

[لحظات عابره]

رد : عفيييه يالقيصريات ساعدوني

الحمدالله مرتين قيصريه ومافيني الا العافيه
عطوني بنج كامل وبالعكس لاضرني ولاضر البيبي الحمدالله
ماحسيت الا وهم مقعديني وماني مصدقه اني خلصت لما قالتلي السستر مادام الحمدالله خلصتي العمليه
مااجذب عليج واقوووووولج مافيه عوار .. سوااااء ولدي طبيعي ولا عمليه موجود العوااااااار بالحالتين بس الفرق ان الطبيعي وقت الطلوق وطلعه الياهل تحسين بالعواااااار لكن العمليه تقعدين اسبوع تحسين ان قعدتج وقوووومتج صعبه ولا الالم من تحسين فيه مايقصروون بالمسكنات بس بعد اسبوع اوعشر ايام الحمدالله تصير حركتج احسن .. وتووووولدين بالسلاااامه حبيبتي

 

[إستبرق]

انا قيصري مرتين بنج كامل بصراحه واااي ما اتخيلني قاعده وادري ان بطني مفتوحه لو بينا طوفه مو ستاره جان مت من الخرعه
انتي عارفه نفسج تتحملين ولا لا
والله يسهل عليج

 

[_j'aime mon mari_]

رد : عفيييه يالقيصريات ساعدوني

حبوبه البنج الكامل يضر الياهل
انا ولدت من شهرين قيصريه ونفس حالتج الحوض صغبير وخذيت ابره الظهر وقلتلهم نفسج مابي اشوف ولا احس بشي
وحطو ستاره جدامي وعطوني يمكن كمام لانه سالتهم شنو هذا قالولي بس اوكسجين بس انا دخت ونمت و ماحسيت بشي ومرات اسمع الدكتوره تكلمني وارد عليها بس مااعرف شنو اقول
وارد انام لمن صحوني اشوف ولدي حبيبي شفته وبسته ورديت نمت
ماحسيت بولا شي
قوليلهم يعطونج كمام مع ابره الظهر

 

[ياسمين العمري]

اختي انا ولدت قيصري بنج عام ..وصار لة اضرار علي .. طلع البيبي مايتنفس وحطوة بالعناية يوم وليلة ..
وفوق هذا اذا صحيتي تحسين بألم فضيع مكان العملية ..
انصحك بالنصفي ..
واذا الله كتب ان تكون لي قيصرية ثانية راح تكون ((( نصفي ))) ان شاء الله ..
الله يسهل عليك يارب .

 

[ليه خليتني أحبك]

رد : عفيييه يالقيصريات ساعدوني

وجربت القيصرية بس اخذت نص بنج لانه فيني ربووو وموزين علي وقالت لي الدكتوورة اخذي بنج نصفي افضلج وللبيبي لانه ياخذ من البنج