عقب الطلاق الحريم يربون العيال والرجاجيل يتزوجون ويجيبون عيال

[ورق عنب]

السلام عليكم ...

مساكين الحريم اللي يتطلقون وعندهم عيال تقعد تربي عيالها ولا احد يبي يتزوجها واذا تزوجها قال مابي عيالج واهي بتكون مابين عيالها وزواج جديد ( اهو اكيد ماهو زوج فله يعني اكيد مطلق وترس عيوب ) اما الرجال يتزوج ويستانس حتى لو بنت ماتزوجت من قبل ويجيب عيال وينسى عياله من الاولى ..

ليش جذي مجتمعنا ؟؟؟؟؟؟؟؟؟ ماهو من الاسلام في شي ... ايام قبل كان الزواج والطلاق عادي .. المره تتطلق وتتزوج لو اكثر من مره ولو تشوفين التاريخ وسيرة الصحابيات وبتعرفون ان الوضع جدا طبيعي ... بس مجتمعنا ظالم كله ضد المرة ... الى متى ؟!

حتى الحريم المطلقات اللي تزوجو وبوجود عيال ومستانسين تلاقينهم نادر الوجود ...

 

[ورق عنب]

انا وايد متضايقه من الاعراف والتقاليد الظالمه والجتمع الظالم ..... شلون نغيره :lkmnkl:

اكره الرجااااااااااااااااااااااااااااااااااااااااااااااااااااااااااااااااال :eh_s(2): بس يخربون على الحريم هذي مهنتهم ...

 

[You FOR Me Only]

صح كلامج بس ماقول غير حسبي الله ونعم الوكيل ان شاء الله ربي يعوض كل حرمه بالآخره لان الحريم مظلومين ومأكول حقهم بالدنيا

 

[أبله كويتيه]

هذي الدنيا جذي

هذا مجتمعنا جذي

ربج ماينسى احد كل شي بأجره

تعوذي من الشيطان حبيبتي وادعي ربج

 

[lovely jojo]

هذي الدنيا الله كريم

 

[ورق عنب]

سمعتو عن حريم يتزوجون وعندهم عيال ؟؟؟؟؟ وعيالها عندها ؟؟؟؟؟

 

[فوفو22]

رد : عقب الطلاق الحريم يربون العيال والرجاجيل يتزوجون ويجيبون عيال

المفروض بعد الطلاق

التربيه ما توقف على الام بس

حتى طليقها تدخله بشؤون دراستهم وتربيتهم

ولكن هناك فئات من المجتمع

عندها الطلاق يعني حرب وعداوه

يقطعون كل احبال الموده والصله بين الاب وعياله

بسبب المحاكم وغيره

فلو كل زوجه انفصلت عن زوجها بطريقة فيها حضارة ورقي

سيكون وضع العيال في التربية افضل

اما بخصوص الزواج

فهذا نصيب

ياما مطلقات تزوجو اولاد

ويا ما مطلقين تزوجوا بنات

قسمه ونصيب

بس كلامج فيه نوع من الصدق

فلو بدوًر لعيالي زوجه ..... اكيد ببحث عن بنت صغيره مش مطلقة

فوفو

 

[miss.39loh]

رد : عقب الطلاق الحريم يربون العيال والرجاجيل يتزوجون ويجيبون عيال

الريال يتعوض بس الضنا غالي ليش نقط عيالنا علشان واحد الله يعلم يستاهل ولا لأ من رايي ماترضى المطلقه تتزوج الا اذا قال الريال ابيج انتي وعيالج بعدين لي قال جذي ينحط عالراس وبالعين وله اقط عيالي واروح اتزوج الدنيا ماترحم وعيال ابليس واايد

الله يحفظلنا عيالنا

 

[_ظل الياسمين _]

رد: رد : عقب الطلاق الحريم يربون العيال والرجاجيل يتزوجون ويجيبون عيال





المراه مظلومه بكل شى هذا الواقع.

 

[الجود دهن العود]

سمعتو عن حريم يتزوجون وعندهم عيال ؟؟؟؟؟ وعيالها عندها ؟؟؟؟؟

انا كنت مطلقه وعندي بنت والحين متزوجه وبنتي معااااي عادي الله لايغير علي
انا معاج انها تكون نادره لاني بالبدايه عااانيت حيييل وانحرمت منها فتره بس كل شي له حل
اذا فرشتي سجادتج بالليل وسألتي ربج بكل اخلاص والاستغفار بالطريقه هذي كل شي تبينه يجيج صدقيني

 

[محبوبه25]

رد : عقب الطلاق الحريم يربون العيال والرجاجيل يتزوجون ويجيبون عيال

انااا اعرف 2 من اهلي تطلقو وتزوجوو

وان شاء الله يارب كل مطلقه مسلمه تلقى الزوج الصالح ياارب

والله يضيق خلقي لمن اشوف مطلقاات

 

[جابني حظك]

رد : رد: عقب الطلاق الحريم يربون العيال والرجاجيل يتزوجون ويجيبون عيال

والله يابنات واسمحولي اللي اشوفه هالايام غير اشوف ان اللي متطلقه اهي اللي تزوج وطليقهاااااا يطق كل باب مايزوجونه ؟؟؟انا اشوف من اللي حواليني جذي المره تطلق بس تطلع من العده تبارك الله يتقدمولها شكثر وخاصه اذا من قبيلتهااااا يعني مسوي موقف رجووووولي بعيوووون قبيلته والله صج ترا اتكلم....والزووووج يكرهونه بنات عمه وبنات خالته ومحد يقبل فيه خاصه اذااااا عنده اعيال من طليقته شي شاااايفته بعيوني يابنااااتتت وبصراحه احسن علشان يفكرون الف مره قبل ليظلمون بنات الناس ويطلقونهم مثل ماااااااااهو مسوي نفسه قوي والكلمه كلمته ويطلقها بدون اي سبب مقنع والله يابنات اعرف ناااااس تطلقوووو اسالهم ليش يقولون تصدقين ماندري شالسبب؟؟؟ ربي اقوى منهم ويعوض اللي انظلم باحسن من اللي ظلمه وكل شي نصيب بالنهاااااايه

 

[عيش و مرق]

ضحكتينى على سالفة الريال ماله مهنه الا يخرب على المره اى والله صدقتى

 

[عاشقة_الجمال]

في رياييل يتقبلوون فكره انهم يتزوجون مره عندها عيال

هذا اللي يخاف من الله ويحبه

واللللللللللللللللللللله يستر على كل بناتنا يا رب

 

[.،:"$الـعـوبــــة$":،.]

رد : عقب الطلاق الحريم يربون العيال والرجاجيل يتزوجون ويجيبون عيال

اي اعرف حريم شكثر تطلقوا ومعاهم عيال ، وتوفقوا وخذوا رياجيل احسن من الاولين ،
وعيالهم معاهم ، او عند اهاليهم ،
أنتوا اللي تخلون نظرتكم للمطلقة انها خلاااااااص ماعاد لها حظ وانتهت حياتها !
وانا احس ان المطلقة ، انسانة قوية نهت صفحة قديمة تعبانة من حياتها ،
وبدت بصفحه جديدة ،​

 

[*أم*خالد*]

المره تتطلق وتتزوج لو اكثر من مره ولو تشوفين التاريخ وسيرة الصحابيات وبتعرفون ان الوضع جدا طبيعي

حبيبتي

الصحابيات كانو يتزوجون على شريجه .. والتعدد كان عادي

الوحده ماتطلع من عدتها الا متزوجه ويكون تعدد مو مثل الزيجات اليوم

طاف بالطقاق .. الزواج مو كل شي
كافي انه عندها عيال باجر يشيلونها :wqedqw:
واهم شي البنااااااااات اهم اللي يشيلون :lolo:

 

[نشيج الروح]

حبيبتي هذا نصيب ... والريال لأنه مو عنده الحضانة عشان جذي يتزوج ... أما إذا كانت عنده منو المرة بالوقت الحالي بتحمل عيال غيرها ...
يعني السالفة من الصوبيين مو بس عالحريم ... المشكلة كلها بالعيال صارت ...
وفي ناس عادي عندهم ياخذون

 

[ام زاكي]

بعد الام ماتقدر تترك عيالها وتقطهم عند وحده ماتحن عليهم وتروح اهي مع زوجها

هاذي طبيعه الحياه وعاطفة الامومه

والصراحه العيال اهم الضحيه في هالمسأله

 

[قـہۈه فـرنسيـہ™]

الله يووفق الجميييييييييييييع ...وشنوو يعني مطلقه ترى مو نهاااية العالم ...

أعرف وحده 4 مرات مطلقه ...وهذي ماشاء الله شخصيتها قوووويه والكل يحبهااااااا وليما الحين تنخطب ... وماااهمها شي ...ليش أشوووف أغلب المطلقااات تدفن نفسهااااا وتقوول خلاص مابي أتزوووج و............و.......................الخ ...


وسالفة العيال ...اللي مايرضى بعيالي شبي فيه ؟؟

مع انه ماشفت أحد من البنات المطلقات اللي تزوجوا مخلين عيااالهم ...

 

[وان قالو مغروره]

رد : عقب الطلاق الحريم يربون العيال والرجاجيل يتزوجون ويجيبون عيال

الحريم اللي ناكلها والرجال وناسه بوناسه