عقب الكلوميد تأخرت الدورة فيدونا رحم الله والدينكم

[قنوتـ،]

السلام عليكم..

شلونكم كويتيات ؟؟ .. عساكم بخير يا رب..

بنات حبايبي طلبتكم.. آنا الشهر اللي فات أخذت كلوميد ويوم رحت حق السونار قالت لي البويضات وايد صغيرة .. وعطتني موعد بعد 3 أيام على أساس إن احتمال توصل البويضة للحجم المطلوب وقتها..

وآنا ما رحت هالموعد طوفته.. وقلت أنطر الدورة علشان الشهر هذا آخذ كورس إبر..

والمفروض تيي الدورة تاريخ 14-6 والله وكيلكم لليوم 23-6 ما يت!
حللت تاريخ 18 هرموني وماكو حمل!

وعلى فكرة آنا كنت مسوية منظار علشان التكيس والمفروض كل شي تمام..

تهقون شنو سبب تأخرها إذا ما كان حمل؟

ومو المفروض تنزل دام أكو تبويض حتى لو البويضة صغيرة؟


وشكراا .. الله يرزق الجميع يا رب

 

[** باربي **]

والله ما ادري
انشالله تكونين حامل وهالتحليل غلط

 

[شنوووفه]

حبيبتي بعض المراات تصير من النفسيه والتفكيير بالحمل تتاخر الدوره خلييها عله الله وانشالله
الشهر الياي حااامل باذن الله :>
موفقه

 

[قنوتـ،]

باربي

حبيبتي تسلمين.. والله يعطيج اللي ببالج يا رب

شنووفة

ما تقصرين يا عمري.. عاد هالشهر كلش ما كنت أحاتي بس اخترعت من تأخرت الدورة..
مادري خايفة يطلع شي مو زين لا سمح الله ..
والصراحة من عقب العملية وآنا أحاتي الدورة اللي مو راضية تنتظم!

الله كريم

 

[بقلبي مجلسك]

لا ان شاءالله حامل اولا
واذا مافيه حمل عادي انا الدورة ولله الحمد منتظمة بس مرة تاخرت 14 يوم خفت ورحت وحللت كل شئ طلع سليم بس قالت الدكتورة يمكن شئ شاغلج طلع صح كان عندي هالفترة شغل ضروري وكنت احاتيه حيل والحمدالله ردت انتظمت

 

[قنوتـ،]

بقلبي مجلسك
حبيبتي تسلمين.. بس ما عرفنالهم .. يقولون لا تفكرون بالحمل علشان تحملون.. ويوم شغلنا بالنا قالولنا لأن بالج مشغول فضيه.. يعني شنو نسوي؟ لوول

الله كريم إن شاء الله وينول كل وحدة اللي ببالها يا رب

 

[amtar]

نصيحه روحي حق دكتور متخصص والله نصيحه لا تسكتين عن روحج حتى لا سمح الله اذا مو حامل
لاااازم وضروووري تروحين حق دكتور ما تدرين اذا فيه شي الله لا يقوله لحقي عليه من الحين
واذا مافيه شي ترتاحين من التفكير وهذا اهم شي

والله ان شاءلله يعطيج بإذنه ويرزقج احلى يهال

 

[دلع حياتي]

ان شاء الله حمل

 

[ياشوقي للجوري]

حبيبتي لاتحاتين هذا شئ عادي لان البويضات حجمها صغير وعندج تكيس اكيد تكون الدورة مو منتظمة
الله يرزق كل محروووم بالذرية الصالحة​

 

[MaNaNa]

لالالا تحاتين انا كل مره آخذ فيها كلوميد تتأخر الدوره الي عقبها او الي بعدها
لان عندج تكيسات اكيد تتاخر 10 ايام اهم شي اذا ماكو حمل وتاكدتي من التحليل الهرموني شربي زنجبيل
انا شربته وبفضل الله نزلت الدوره عقب تاخير 12 يوم تقريبا بس قبلها حللت هرمون وماكو حمل

 

[chanel N22]

الله يرزقج يارب العالمين

 

[اخصائيه نفسيه@]

عاااااااااااااااااادي
اصلن لازم اتاخر عقب الكلوميد
ساليني انا

الله لايرد ذيج الايام
تاخرت20يوم و لا حامل و لاشي

الله يرزقج بالحمل باقرب وقت يااااااااااااااااااااارب

 

[مناوووي]

عسى الله يرررررررررررزقج

 

[meshmesh]

ربنا يرزقك ويرزقنا ويرزق كل مسلمة

 

[خضيرة]

انا اتاخرت الدورة عشرة ايام بعدين انزلت والشهر اللى وراه حملت

 

[نوونوو_20]

الله يرزقج بالذريه الصالحة

 

[::كيك وعسل::]

الله يرزقج @

 

[قنوتـ،]

حبايبي إنتو ما قصرتوا والله يعطي كل وحده اللي فبالها..

آنا قاعدة آخذ حبوب اللي تنزل الدورة ألحين.. وثاني يوم دورة بروح للدكتورة علشان كورس الإبر..
والله يستر مخترعة من الإبر لوول

ومشكووورين ما تقصرون ^_^

 

[فديت رزته ياناس]

انشالله تكونين حامل وهالتحليل غلط
وينكتبلج الذريه الصالحه ولايحرمج طلتهم عليج

 

[قنوتـ،]

فديت رزته..
فديتج والله تسلمين حبيبتي.. إن شاء الله الشهر الياي وكل اللي بخاطرهم يا رب