عقب باجر عمليتي

[razona]

مرحبا بناااااات شلونكم ...
ابي منكم مساعده بليييييز للي مجربين القيصريه طمنوني الله يطمنكم
باجر ان شاء الله بدخل المستشفى وعقب باجر عمليتي وااااي ماني قادره اتخيل وحتى نووم ماانام ابيكم تقولولي شنو اللي راح يصير بالضبط انا بجر والله احس اني بدخل ومادري شراح اشوف وشنو اللي راح يصير دااخل فيدوني بليييز بنات
والله يسهل على كل الحوامل ان شاء الله والله يقومنا بالسلامه ان شاء الله

 

[ورود خذلتها العاصفه]

الله يقوووومج بالسلاااااامه ياااااارب

وانتي توكلي على الله وتصدقي بنية ان الله يقومج بالسلامه




انا لله الحمد ماجربتهااا بس حماتي اول مررره جابت طبيعي والمره الثانيه قيصرررري تقوووووووووووول حيييييل راااحه وماحست بشي ولا حست بخوووووف لانها موكله امرهاا لربهاااا



وبس يااااارب تقومين بصحه وعااااافيه

 

[M!sS_D!oR]

العمليه ماتخرع وماراح تحسين ب شي حبيبتي لاتحاتين انا مسويه قيصريه ودشيت العمليات وبنجوني بنج عام لاتحاتين امورج طيبه ان شاء الله والله يسهل عليج بس بعد العمليه ردي وكلميني وطمنينا عليج واي استفسارات ع الخاص اموفقه

 

[A7la-SmiLe]

حبيبتي لاتحااتين وسهالات ان شاءالله
اقري سورة يس والبقره واستودعي نفسج وجنينج وان شاءالله بعد جم يوم تبشرينا وتكتبين لنا قصة ولادتج
لاتخافين , عسى الله يقومكم بالسلامه​

 

[فاقده ابوهاااا]

بنات اشفيكم على العمليات القيصريه حاسه ان بالمنتدى الاغلبيع قيصري ما ادري انتوا تختارون طبيعي ولا قيصري ولا فعلا حالتكم تستدعي القيصري

 

[@ام يوسف@]

الله يسهل عليج وتولدين بالسلامه

 

[om MaRyooM]

الله يهون عليج

انا باجر عمليتي الصبح باذن الله

وهمن خايفة مع ان مو اول مرة

الخوف شي طبيعي حبوبة بس شنسوي لازم تتوكلين على الله

ورح يبنجونج لاتخافين مارح تحسين بخوف ولاتدرين شسالفة

واذا تخافين من لحظة دخول غرفة العمليات طلبي من الدكتور يخدرج قبل لايدخلونج
انا جذي طلبت من الدكتور لأني جبانة وماحب اتوتر


وانشالله سهالات
لاتنسين الدعاء والصدقة

 

["*آآآنؤؤؤقهـ*"]

لاتخافين ولاتحاتين انا والده قيصريه الحمدلله مافي الا العافيه ان شااء الله

عقب العمليه تعالي حاجيناا ...................

الله يقومج بسلااااامه

 

[Janna-q8]

بعطيج معلومت طبيه تعلمتها عن القيصريه.. اهم شي بعد العمليه تقريبا ب6 او 8 ساعات حاولي تمشين مع السستر ما يضر لو خطوتين كل ما مشيتي اسرع كل ما كان شفائج اسرع باذن الله و لا تنسين تنامين على جنب بعد ترى ما يضر على العكس يطلع الهوا من بطنج و يخفف عليج الهوا اللي يتيمع ببطنج بعد العمليه ترى السدحه على الظهر مده طويله مو زينه

و ياربي يسهل عليج امين توكلي على ربج و فكري باللحظه اللي يحطون فيها بيبيج بين ايدينج

 

[razona]

مشكووورين كل اللي ردوا ويعطيكم العافيه عالنصايح ريحتوووني
انا مشكلتي احاتي خوفي بس احس ان قلبي بيطقطق من الخوف وقت دخولي بس وهمن اكيد خايفه من العمليه بس ان شاء الله ما احس بشي ومافي خوف مثل ماقلتوا
ام مريوم الله يسهل عليج ان شاء الله وتولدين بالسلامه وتشوفين ضناج والفال للكل ان شاء الله

 

[بـسمـه غـلآ]

razona وام مريوم

الله يقومكم بالسلامه ويسهلها عليكم

 

[razona]

الله يسلمج حبيبتي بسمة غلا اجمعين يا رب