عقب صبر 7 سنين يضغطني عشان اخلعه !! ليش جذي ياربي ؟؟

[* بنت المطر *]

السلام عليكم ::

اول شي بذكركم بمواضيعي هذيل اللي بهالروابط ضروري تقرونهم

http://www.q8yat.net/showthread.php?t=625027


http://www.q8yat.net/showthread.php?t=626106


بنات بحاول اختصر قد مااقدر والله يعلم بالحاله اللي انا عايشتها مع زوجي من 7 سنين !!!

من عقب ذيك السفره ماقدرت ارجع وياه طبيعيه !! حتن لمن طلب مني .. !! لبست ورحت له

ماقدرت تهاوشت وطلعت لاني كرهته ... زعلت عليه خليته ورحت بيت اهلي والنتيجه !!!!

سافر مره ثانيه وكرر نفس الجذبه وهالمره خلاني بدون سياره حتن سويج سيارته مارضى يعطينياه

ومرت ع سفرته اللي كان قايلي 5 ايام مر اكثر من اسبوعين ومارد الا ثالث يوم برمضان !!

رديت بيتي وماكلمته ولاكلمني اسوي الفطور اقعد افطر واطالع التلفزيون او اطلع ومع الاسف قالي

مالج شغل فيني ولالي شغل فيج من اليوم ورايح تخيلوا حتن شريت سياره خلال سفرته واهوا مايدري

ولاسالني ولاحتى قال مبروك _ اعوذ بالله صنفه غريب وبليد ماعنده احساس بالمره !!

سالته وين كنت مسافر ؟؟ وانا ادري انه رد تايلاند مره ثانيه !! لاني دقيت ع خطه مره يرن

وعقب يعطي مغلق قالي موشغلج ومن اليوم ورايح مالج شغل فيني ولالي شغل فيج تطلعين تولين

مالي شغل _ انصدمت !!!

المهم سكت وطوفت _قبل يومين واحنا نفطر قتله احسب احسابك هالشهر ابي احمل !!

ادري كلكم بتلوموني على هالطلب بس راح اقولكم !! اول شي ::

انا عندي احساس ورغبه واخاف ع نفسي من الفتنه _ ثانيا لي 7 سنين متزوجه وماعندي الا 2 الصغير

بيكمل 5 سنين _ ثالثا انتوا اكيد مجربين وتعرفون غريزة الامومه وشكثر الوحده تحن للبيبي وللحمال

رابع شي عيالي يحنون نبي دادا نبي دادا خصوصا ان اختي توها والده ويحنون نبي نفسهم !!!

المهم تصوروا شقالي ؟؟؟ قال :

لايبا مجنون انا اخلف منج !!! انتي اول ادري عن عيالج بعدين تحجي !!!

استغربت :: قتله شفيهم عيالي ماقطيتهم بالشارع !!

قال :: ايه بس ماتدرين عنهم لاتقعدين معاهم ولاتدرسينهم ولاتحفظينهم القران نفس ولد اخوي

هنيه دريت انه احد محرضه علي ( للعلم عيالي مادشوا المدرسه لي الحين ولاحتى الروضه تاخروا بسبة

دراسته بالخارج والنتيجه انفصل وقعد !! ) وانا ضيعت علي سنه كامله ماتوظفت عشانه وعشان دراسته

تغربت وياه والله يعلم اسوى فيني بالغربه !!! واللي يعرفوني اكيد يعرفون نكي القديم ( كويتيه باستراليا )

المهم قتله يعني انت اللي تدري عنهم مسافر وطاقنا بالطوفه لو ميتين جان تحللنا وانت ماتدري !!!

قتله زين انا محتاجه فلوس حقي مانزلي معاشي وماشريت شي للعيد !!

قالي :: وانا شكو !! منو انتي عشان تطلبيني !! منو انتي عشان اعطيج _ ابيه بنات صدمني

قتله ليش شمسويه !! قالي ايه صح شمسويه ؟؟ شمسسويتلي انتي ؟؟ ماتسوين لي شي غسلتيلي ملابسي !!

ضحكت قلت والخدامه اللي نعطيها كل شهر 60 دينار اش مهنتها ؟؟؟

جان يقولي وانتي شمهنتج _ بس تكشخين وتلبسين هالعبايه الضيجه وتروحين تفرفرين بسيارتج !!!

ابيه والله صدمه مومن كثر طلعاتي ولااكشخ اصلا ليش هالظلم !!!!

قتله انت ماعاد ينصبر عليك _ قالي خلاص اخلعيني اروح انا وياج ومخالعه وخلاص قتله اوك

وانا طبعا ماني غبيه اخلعه لان الحقير يبي يبهذلني حتى بعد الطلاق !!!

رحت انا وياه المحكمه قالوله ان انت اللي مدعي عليها _ قالهم لا اثنينا مدعين على بعض << شوفوا

التجني _ قالتله الموظفه انت لفظت الطلاق _ قال لا _ للعلم لمن طلعنا الصبح بركب وياه سيارته

طردني وقالي ركبي سيارتج هذي الطلقه الثالثه ومايصير نرد وي بعض !!!!


المهم ردونا لان مامعانا عقد الزواج _ والظاهر انه فكر الف مره _ الحين كنا متفقين نروح قالي

بصراخ حبيبتي بتسوين مخالعه اروح ماتبين مخالعه قعدي وانطقي وانا راح اخليج تنطقين ليم تسلمين

وتقولين طلقني _ اه يالحقير حتى بعد الطلاق مايبي يدفع شي ولايبي يعطيني حقوقي حسبي الله عليه

قتله انت اللي ماتبيني شكو اخلعك انا لو ماابيك جان ماقلتلك بحمل !! قالي خلاص عيل قعدي منطقه ليم تسلمين

والا روحي اشتكي كاهي المحكمه تدلينها !!!


اه يالقهر اه يابنات حدي بنفجر والله والله قبل لانرد من السفر كان يقولي انا ظلمتج وظلمت العيال

وحالف حلف ان رجعنا لعوضكم عن كل البهذله اللي سببتها لكم هذا العوض الحين !!!

هذا جزا الصبر !!! للعلم انا وياه ساكنين ابيت اهله من 4 شهور مااثث الا الصاله من اسبوع اثاث اي كلام

لاشرالي غرفه ولاعيالي لي الحين انام ع الارض والفرش جايبتهم من اهلي !!!

والله يابنات حتى الحيوان حشاكم مايرضى بهالعيشه !!!

انا محتاره وماني قادره انام اروح اشتكي والا شسوي لاتقولون اهلج ! اعتبروني مقطوعه من شجره

لان ماعندي الا اخو واحد مايدري عن هوا دارنا اذا امي مايدري عنها !!! وابوي متوفي وامي لمن

قلتلها قالتلي لاتشكين عندي روحي المحكمه واشتكي عليه وفيحي مافي صدرج لاني بدون شعور انفجرت

عندها وقمت ابجي !!! والمشكله الماديه مواوكي عشان اكلم محامي

ياربي شسوي تكفون اللي ماعندها حل تدعيلي ان الله يفرجها علي واللي عندها حل لاتبخل علي

ناطرتكم ابي شوركم قبل لااروح حدي بنفجر من القهر والبجي صج رضينا بالهم والهم موراضي فينا اه بس اه



​

 

[رفاعيه]

والله عورتي قلبي هذي ماعنده احساس !
حسبيالله ونعم الوكيل
حبيبتي مالج الادعاء وربج
فرشي سيادتج وكثري الدعاء في هالايام الفضيله

 

[امواج الكويت]

صراحه صدمتيني وما اقدر اقولج غير الله يعينج ويمسح على قلبج ويهديه لج بهاليوم المبارك

 

[LA TROO7]

دام وضع اهلج مو اوكيه ولا الماديه اوكي

عيشي حياتج في بيتج لاتكلمينه ولاتزهبين له شي

مثل ماخذا سبع سنين من حياتج لاتطلعين بسهوله اقعدي على قلبه
حتى الفطور مو كفوو تزهبينه له عيشي لعيالج لايشوفون دمعتج اعتبريه ملغي من حياتكم وجوده بس ديكور

لاتحنين ولاتطلبين ولاحتى تقعدين وياه بمكان وانتظري الله يفرجها من عنده قريب

 

[ماعلى الدنياعتب]

الله يعينج ويفرج همج

 

[$ فراولة $]

هذا رابط الاستشارات القانونية اي استفسار اهي راح تجاوبج وماتقصر

http://www.q8yat.net/showthread.php?t=286972

 

[سيدة الذوق]

دام وضع اهلج مو اوكيه ولا الماديه اوكي

عيشي حياتج في بيتج لاتكلمينه ولاتزهبين له شي

مثل ماخذا سبع سنين من حياتج لاتطلعين بسهوله اقعدي على قلبه
حتى الفطور مو كفوو تزهبينه له عيشي لعيالج لايشوفون دمعتج اعتبريه ملغي من حياتكم وجوده بس ديكور

لاتحنين ولاتطلبين ولاحتى تقعدين وياه بمكان وانتظري الله يفرجها من عنده قريب

صاجه لاتروح

 

[درة أهل الطولات]

رد : عقب صبر 7 سنين يضغطني عشان اخلعه !! ليش جذي ياربي ؟؟

اخذيهااا مني ..

لا تخلعينه لا تطلعين خسراااااااااااااااااااااانة حقوقج كلهااا ..

ظلي عنده وتجاهليه دام ما يبين بعينه شي ..

لما يتسنع او اهو يطلقج

وبالحالتين راح تفتكين من عشرته المعفنه

 

[قَلبڪْ صًخرْ]

نفس كلام لاتروح .. والله ينصرج على من ظلمج

 

[dandon87]

الله يعينج ويصبر قلبج يارب

 

[عسل وردي]

الله يعينج ويفرجها عليج ويسخره ويهديه لج يارب شكله احد واازه من قلب

 

[إنسانه وأكثر]

نفس كلام الاخت لاتروح
هذا اللي لازم تسوينه
الله يعينج ويكتبلج كل الخير

موفقه

 

[aṕriliå]

رد : رد: عقب صبر 7 سنين يضغطني عشان اخلعه !! ليش جذي ياربي ؟؟

حسبي الله عليه

الله يكون بعووونج يااارب

عليج بالدعاااء

 

[ريتااجي]

رد : رد: عقب صبر 7 سنين يضغطني عشان اخلعه !! ليش جذي ياربي ؟؟

الله يكون بعونج ويصبر قلبج

 

[بهبهانيه]

رد : عقب صبر 7 سنين يضغطني عشان اخلعه !! ليش جذي ياربي ؟؟

الله يصبر قلبج

 

[سبحانك يارب]

رد : رد: عقب صبر 7 سنين يضغطني عشان اخلعه !! ليش جذي ياربي ؟؟

الله يفك كرج يارب

 

[ترانيم انثى]

الله يكون بعونج ويفرجها عليج يارب..

 

[احلى سماء]

رد: رد : رد: عقب صبر 7 سنين يضغطني عشان اخلعه !! ليش جذي ياربي ؟؟

هذا زوجج

ظااااااااااااااااااااااااالم

ادعي ان الله يهديه

اشفيه هذا
انتي مو مسويه شي

شلون ما يبي مرته ام عياله اللي صابره على ضيم

عشان يبي فراقج منه مشروع مخالعه وياخذ قيمة المهر اللي عطاج

هذا ناكر وجاحد ونذل اسمحيلي

ولا له عشره

انا اقول روحي لاهلج

اقعدي عندهم

لحد ما يتعدل الحال
او ظلي ببيتج ومثل ما يقولج مالج شغل فيه واعتبريه موموجود

وامسكي سجادتج وقرآنج واقري سورة البقره كل يوم بنية ان زوجج يتعدل

وادعي ربج

ترا لا انا ولا رد وحده من البنات راح ينفعج

انتي مظلومه

وترا دعوة المظلوم مستجابه

مالج الا ربج

والله معاج

 

[الدكتورة سلام]

رد : عقب صبر 7 سنين يضغطني عشان اخلعه !! ليش جذي ياربي ؟؟

الله يكون في عونش يارب يسخرة لش وحنن قلبة عليش وعلى عيالة ويهد الخرابيط الي يسويها ويهدية عن السفر الي مايجيب الا البلاوي
الله يصبرش على مابلاش

 

[انتظر حبه]

رد : عقب صبر 7 سنين يضغطني عشان اخلعه !! ليش جذي ياربي ؟؟

الله يكون بعونج وكملي معاه نفس الخوات قالو لاتروحين
لين اهو يزهق يطلقج وتاخذين حقوقج