عقب ولادتي كله ينزل علي دم

[ام فاطمة90]

سلام عليكم
بنات انا صارلي 9 شهور والده لي دورة الأربعين كل شي طبيعي وكنت ارضع عادي بعدين يتلي الدورة
المهم بعد هالدورة مارتحت اسبوع نظيفة اسبوع دم 10 ايام نظيفة اسبوعين دم وليلحين على هالحال صارلي جم شهر? رحت الطبيب سويت تحاليل كل شي طبيعي حمدلله رب العالمين حتى الهرمونات بس تعبت لاعت جبدي نفسيتي تعبت كله دم ولي متى اخذ بونستان عشان يوقف هذي ماهي حاله الصراحة والدكتورة تقول مرات عادي تصير مع الرضاعه جذي لمن تمر سنه على ولادتج بروحه جسمج يرد طبيعي
الحين في شي ناس قالولي يمكن تابعه معقوله مادري خلوني اشك
ومشكورين على وقتكم ومساعدتكم مقدما يارب ارتاح من هالهم استغفر الله​

 

[om 7amoodi]

جربي دكتوره غيرها شوفي شتقول مادري احس الوضع مو طبيعي شلون تنطرين سنة

 

[ام فاطمة90]

والله التحاليل مافيها وسوتلي سونار مافي شي حمدلله بس مادري ليش جذي خل اشوف والله حتى دكتورة مالي خلق اروح حتا فكرت احمل عشان يوقف الدم �� قلت هذا الحل الظاهر والله مادري الله كريم

 

[# غنوجة بيبي #]

سوي سونار و روحي لرداده

انصحج بام فيصل اللي بجابر العلي

انا اذكر بالنفاس نهايته كله انقط تعبت ابي انظف

رحتلها عطتني عشبه يوم خذيتها نزل دم وااااايد و ثالث يوم نظفت و نزلت الطهاره

حيل عجيبه روحيلها منتي خسرانه

دخلتها ابلاش و العشبه يمكن 3 دنانير يا بلاش

اهم شي انها حرمه مصليه مسميه و تخاف الله و تنصح من قلب كأنها امج

 

[ام فاطمة90]

جم رقمها او عنوانها ام فيصل

 

[sara.]

رقمها 23840860

جابر العلي قطعه 2 شارع ء7 منزل 27

 

[Aloe Vera]

انا جذي مع الرضاعة تنزل علي فارازات متقطعة مثل الدم الخفيف او ساعات وردي او بني فاتح
كلشي سليم
و بس تنزل الدورة تنتظم الامور

 

[ام فاطمة90]

مشكورين حبايبي اللي ردوا علي

 

[fofowa_q8]

من الرضاعه مرات يصير جذي خصوصا ادا كنتي تاخذين مانع مال الرضاعه

 

[مناوووي]

من الرضاعه صارت معاي
مانظفت من بعد الاربعين كله ينزل علي افرازات دم ومرات واجد
مانظفت الا بعد كم شهر وبعدين ردت علي وقالت لي دكتورتي حاولي ترضعين عدل مومتقطع فعلا صرت ارضع عدل وبانتظام ووقف معاي
شي طبيعي الي فيج واناا نفسج موشهر شهرين طولت