عقووووووووووووووووق الوالديين

[غزيل الفله]

السلام عليكم ورحمه الله وبركاته بنااااات اليوم حابه أفتح موضوع عقوق الوالدين نبى نشوووف أسبابه ووأذا عندج قصه عن عقوق الوالدين بناااااااااات نحطها ونبى نتناقش شلون نخلى عيالنا بارين بأهلهم الجد والجد وفينا أحنابعد الام والابو لاتبخلللون علينا ياكويتيات نبى نتكلم بكل صراحه وأريحيه تفضللوووووووووو كل وحدة عندها قصه موقف رأى يالله الحييييييييين تقوله فديتكم كويتيات

 

[غزيل الفله]

ماشاء الله 4مشاهدات بدوووووووووووووووون تعليق لهالدرجه حنا عايشين بمجتمع أفلاطون المثالى

 

[Nokia N95]

الموضوع وايد حلوة ....
اتمنى البنات يشاركون بقصص من الواقع ...

لان مثل ما الكل عارف .. ان عقاب عقوق الوالدين الواحد يشوفه بالدنيا و الآخرة

 

[Miss.6Mo7]

يعطيج العآفيه ع هالموضوع حبيبتي .. -*)

بشكل عآم أسبآب عقوق الوالدين .. أول شي مثل مايقولج كمآ تدين تدآن < يعني تلقين الام أو الابو كآنو جذي يعآملون أهلهم .. والحين عيالهم يعاملونهم جذي الزبده تصفية حسآبآت !

الشي الثاني .. قآلها مره د.محمد العوضي .. أنتو بروو بـ عيآلكم عشآن بآجر يبرونكم .. يعني بصراحه في أم وفي أبو معآملتهم لـ عيآلهم قآسيه حيل ! وأظن الغريب بيعآملهم أحسن من أهلهم وأرحم !

ولكن ..

هم لازم مآنحط هذي أعذآر .. يعني اللي أقصده .. من رآيي الشخصي مهمآ كآنت أمج والا أبوج شنو .. لازم تبرينهم عشآن تقدرين تتوفقين بحيآتج .. والا يعني برآيج تقدرين تتوفقين وهم مو رآضيين عنج ! مستحيل .. وترا حتى لما تصبرين على معاملتهم حطي إبالج إن لج الاجر .. يعني شنو أكبر من إن بالاسلام ذكر لو أبوج كآآآآآفر ! .. لازم تبرينه وأهو كآفر يعني هو له دينه وانتي لج دينج بس لازم تحترمينه .. من غير الطآعه طبعاً .. لان لا طاعه لـ مخلوق فـ معصيه الخالق !

 

[غزيل الفله]

يعطيج العآفيه ع هالموضوع حبيبتي .. -*)

بشكل عآم أسبآب عقوق الوالدين .. أول شي مثل مايقولج كمآ تدين تدآن < يعني تلقين الام أو الابو كآنو جذي يعآملون أهلهم .. والحين عيالهم يعاملونهم جذي الزبده تصفية حسآبآت !

الشي الثاني .. قآلها مره د.محمد العوضي .. أنتو بروو بـ عيآلكم عشآن بآجر يبرونكم .. يعني بصراحه في أم وفي أبو معآملتهم لـ عيآلهم قآسيه حيل ! وأظن الغريب بيعآملهم أحسن من أهلهم وأرحم !

ولكن ..

هم لازم مآنحط هذي أعذآر .. يعني اللي أقصده .. من رآيي الشخصي مهمآ كآنت أمج والا أبوج شنو .. لازم تبرينهم عشآن تقدرين تتوفقين بحيآتج .. والا يعني برآيج تقدرين تتوفقين وهم مو رآضيين عنج ! مستحيل .. وترا حتى لما تصبرين على معاملتهم حطي إبالج إن لج الاجر .. يعني شنو أكبر من إن بالاسلام ذكر لو أبوج كآآآآآفر ! .. لازم تبرينه وأهو كآفر يعني هو له دينه وانتي لج دينج بس لازم تحترمينه .. من غير الطآعه طبعاً .. لان لا طاعه لـ مخلوق فـ معصيه الخالق !

والله صاااااااااااااااااجه برو تبركم أبنائكم

 

[وردجوري]

كما تدين تدان ,,,, أذا الواحد عاااااق بامه او ابوه ثقي تماما ان ابوه او امه كانو عاااااقين ,,,


لان عقوبة عقوق الوالدين يشوفها الانسان في الدنيا ,,, اما بالنسبه وشلون نخلي عيالنا بارين باهلهم ترى الجاهل يشوف الابو والام


وطريقة معاملتهم مع اهلهم ويقلدونهم ,,,

وبقولك سالفه عيالي ,,, مره جالسه معهم اتكلم واقولهم الناس يقولون لي جيبي بنيه علشان بكره اذا كبرتي تعتني فيك


قالو لي احنا يمه بنعتني فيك قلت لهم انتم صبيان اذا دخلت المستشفى من بيقعد معي قالو احنا شوفي ابوووي ما خلى اديده بروحها


في المستشفى يجيها من صبح ولا يرد الى في الليل احنا بنسوي نفسه ,,, والله يابنااات قعدت ابكي وفرحت بنفس الوقت


شووووووفواالجهال شلوون مراقبين ابوهم وطريقة معاملته مع جدتهم ,,,,


ومشكووووووووووره حبيبتي ع الموضوع ,,,

 

[متجولة *]

اعتقد كل ماابتعد عن الانسان عن الوازع الديني كل ماصار عاق
يعني لازم تغرسين بعيالج الوازع الديني الكبير علشان يوم يكبرون تحركهم عاطفة الحساب والعقاب من الله اتجاة الامهات والاباء
شوفي اي شخص عاق لازم تلقيين عنده خلل بالوازع الديني
عقوق الام موشرط انه يوديها دار العجزة
ممكن تكون ساكنة بنفس لبيت بس مايطل بوجها لانة قلبة لاهيوغافل عن ذكر الله وخدودة
لانة الي يعرف شرع الله يعرف حقهم
يعني ياامهات نصيحة ازرعوا الوازع الديني
للأطفال
وان شاء الله راح اسوي لكم برنامج لهم

 

[عهود الحب]

اذا برينا والدينا عيالنا يبرونا
وااذا برينا عيالنا بيبرونا


المشكلة الكل يبي الام والابو يراعونه واهو مايراعي ربه فيهم
انا اشوف بنات شكبرهم تصرخ على امها وتأذيها ولاتطيعها وتتأفف


وحتى لما الله يرزقها بعيال ماتتعض ولاتقدر امها
وهم الشباب جذي
على بالهم محد يحب عياله الا اهمه

الدنيا متروسة بلاوي بس منو ياخذ العبرة ويخاف ربه


انا اتذكر مسلسل الخراز تكلم عن هالنقطة الي تعور القلب
وبرنامج خالد العبدالجليل عرض قصص كثيرة عن عقوق الوالدين


والله يغفرلنا ويسامحنا اذا بيوم زعلنا والدينا
احنا نبي رضاهم واتمنى الكل يكون مرضي امه وابوه لأنهم راس المال
لاالعيال ينفعونا ولا الزوج ينفعنا
والجنة والنار بالوالدين وبرهم
عسى ربي ينولنا رضاهم ياااااارب قولوا امين

 

[هيوونه@]

كما تدين تدان
ومثل ما تسوي يتسوى بك

 

[بمبة المفترسة]

الآآن اغلب حالات العقوق بسبب اهمال الام والاب لعيالهم
العيال على الخدامة والسايق لا ام تربي ولاااابو يتابع
والرسول قال بروا ابناءكم في الصغر يبروكم في الكبر
مافيه بر بالابناء اساسا عشان يبرون عيالهم
اباء وامهات مشغولين بنفسهم سفرات وروحات وجيات واستقبلات واعراس واخر الاهتمامات الاولاد
شلون تبون عيالكم يخلونكم من اولى اهتماماتهم وانتو ماتدرون عنهم
صراحة عيالنا ماينلامووون لاحنان لاحب ضايعين الله يعافي ميري وكومار
الام والاب شقاعدين يسوون ولاشي