علاج الشلل الرباعي في مصر

[اوووفه]

مرحبا انا بصر الحين الوضع بميدان التحرير مو ذاك الزود ويقولون الجمعه الجايه الوضع راح يزيد الله يستر بس حنا مانطلع وايد كله بالشقه من الدكتور لشقه ومانطلع باليل احنا ساكنين قريب من الدكتور بميدان المساحه اذا تعرفه اخ كويتي وخذينا ب٣٥٠ دينار ٣ غرف وحمامين وصاله ومطبخ واخوي لايقصون عليك تري مافي سياحه عندهم ولاشي الموسم مضروب ما كو خليج بس طلبه يمتحنون وردوا كاسرهم تري اضحكوا علينا ولوعوا جبودنا طلبنا منهم شغلات ما سوها لنا قالوا لما تسكنون نسويهاروكل يوم نكلمهم وعمك اصمخ انت شوف الشقه عدل وقولهم علي كل الي تبي قبل التعطيهم الفلوس واذا سوها اكتب عقد وخل نظام الاجار شهر بشهر لاتعطيهم مقدم ٣ اشهر تغلط غلطتني عشان اذا ما عجبتك تطلع وتغيرها

 

[اوووفه]

شوفوا اذا بتجونواخذوا كل شي من الكويت التموين العيش والحليب والابهارات والمعجون طمام كل شي وكفراتم وكل شي تعتازونه تري كل شي زاد بمصر يعد الثوره السوبر ماركت اسعارهم غاليه في شغلات اغلي من الكويت فانتوا عشان ماتصرفون حيل اخذوا معاكم كل شي حتي المواعين الاساسيه الي تستخدمونها من جدور واقلاصات ومواعين وسكاين ومطاطير لشاي والقهوي واخذوا قهوه عربيه مافي عندهم تراهم مستغلين الوضع اذا الشي بجنيه يخلونه بعشره

 

[الذوق]

هلااا اووفه شخباركم وشخبار العلاج معاكم وانشاء الله لاحظتي فيه تطور بشريناا ..

 

[ورود11]

مرحبا اوفه ها بشري شلون العلاج وعسى لاحظتو تطور؟

 

[الذوق]

صباح الخير حبيت اسلم عليكم واشوف اخباركم .. شلونج اوفه وام التووت وين دارج وام رتاج مالكم حس .. واخ كويتي شلون الاوضاع عند شلون شفتها عن قرب تطمن ..

 

[الذوق]

حمدالله على السلامه كويتي والله يطمنك مثل ماطمنتنا. وانشاء الله تلاحظ التطور اللي تبيه بغيت اسال شخبار العياده فيه زحمه ولا لا ولقيت لك شقه ارخص من اللي قلت عنها وقريبه من المصحه ..

 

[أم عبدالرحمن 1]

في أخصائي علاج طبيعي بالكويت كان بعيادة الدكتور كمال شكري. اللي تريد رقمه تراسلني

 

[اوووفه]

كويتي حمد الله علي السلامه احنا ساكنين بالعماره الي بجنب سفير الدقي تعرف المساحه الي فيه مكندونالدز وبيتزاهت عنده
تري في شقه حلوه شفت الحي نفسه المساحه في عماره فيها محل كبير اسمه اوركيدز بالنجليزي مكتوب بنفس العماره فيه شقه لسعودي ياجرها يقول جوزي حلوه يبيها ٩ الاف جنيه وانا بعطيك رقم زوجي كلمه واح يفيدك ٠١٢٠٠١٠٨٩٩ ابو حمد

والخوات الي يسالون عن الزحمه بالمركز فيه زحمه من المصريين حيل خصوصا السبت والاثنين والاربعا والخليج قليل بس حنا واماراتي واحد واسعودي واحد بس ما شفت احد

كويتي انا اشوف اكثر اللي بالمركز يروحون لدكتوره لبني اخذ رقمها من السكرتيره تعطيكياه
وبالنسبه للمركز والمستوي الي لاحظته ان اكثر الدكاتره الزينه اطلعوا من المركز الحين اكثرهم دكتورات وانا للحين ماشفت النتيجه الي تذكر المساله يبيلها صبر

 

[رتبه دبلوماسيه]

يعطيج العاافيه

 

[اوووفه]

اخو كويتي احنا خذينا الشقه اول شهر ٦ قبل الزحمه وقبل لاينزلون المدرسين لمصر وقبل لاتبدي الاجازه لجذي رخيصه بس تري الموسم مضروب عندهم كلش ماكو سياحه علي شنو يزيدون اسعارهم
اخوي ولدك منو الدكتور الي ماسكه ويدلكه عشان افيدك وكم ساعه ياخذ بالمركز وشنو بالضبط ياخذ وجم عمره الله يشفيه

 

[أم عبدالرحمن 1]

الله يشفي كل الاطفال

 

[ورود11]

اخوي كويتي واخت اوووفه الله يشافي عيالكم ويفرح قلوبكم فيهم ولا يضيع تعبكم حنا بننتظر عليكم وشنو بيصيرمعاكم وانتم وقولو لنا التطورات اول باول عشان تفيدونا تكفون انا با المانيا الحين وناويه اول مارد باروح انشاء الله بس محتاره بين مصر وبين التشيك انا مجربه التشيك بس البنات مدحو مصر فدامكم جربتو باتظر شنو بيصير معاكم
(اسئل الله العظيم رب العرش العظيم انه يشافي كل مريض ويفرح كل أب وكل أم بشفى ابناهم انه على كل شي قدير)

 

[أم عبدالرحمن 1]

اخو كويتي احنا خذينا الشقه اول شهر ٦ قبل الزحمه وقبل لاينزلون المدرسين لمصر وقبل لاتبدي الاجازه لجذي رخيصه بس تري الموسم مضروب عندهم كلش ماكو سياحه علي شنو يزيدون اسعارهم
اخوي ولدك منو الدكتور الي ماسكه ويدلكه عشان افيدك وكم ساعه ياخذ بالمركز وشنو بالضبط ياخذ وجم عمره الله يشفيه

عذرا لا يمكنني ارسال رسائل خاصة 99919036

 

[اوووفه]

اخوي كويتي انت وين سكنت بالدقي
وما رديت علي بخصوص اسم المدلك الي ماسك ولدك وجم عمر ولدك الله يشافيه

شوف انا وديت ولدي العام جيت مصر وديته دكتور عادل حسنين بس غالي نار ما يتعاما الا بالدولار ٤٠٠ دولار تقريبا
بس اشوف الي بالمركز يودون عيالهم لدكتوره لبني منصور وعنوانها المهندسين ويعطونك المركز رقم تلفونها هي بمستشفي كيدز هوسبتل علي ما اعتقد
والدكتور كمال هم مدحها لي بس انا مارحت لها قلت ما ابي اشتت نفسي
وشوف اخذ جلسات الاكسجين بالوزون يمدحونها بمصر وخل الدكتور كمال يعطيك اسم الدكتور الي يسويها

 

[اوووفه]

ورود ان شالله انا راح اكون معاكم واقولكم اخر الاخبار

 

[ورود11]

الله يجزاج خير حبيبتي ويفرح قلبج بشفى وليدج

 

[الذوق]

ورود انا السنه اللي فاتت بالتشيك وهالسنه بالتشيك السنه اللي فاتت ما لاحظت اي تطور صراحه بس هالسنه لان عطوه بوتكس احس احسن شوي وحتى اللي بالتشيك معنا يمدحون مصر اكثر يقولون تلقين نتيجه اما التشيك لازم تطولين علشان تحصلين نتيجه..

اهل مصر شخبااركم اشوف فالاخبار الاوضاع عندكم مختبصه ..

 

[ورود11]

جزاج الله خير الذوق على الكلام المفيد هذا اللي نبيه تجاربكم واذا استفدتو او لا؟؟؟
زين الحمد الله الحين اروح مصر وانا مرتاحه ومتاكده انه احسن من التشيك من تجربتج بس انتي تقولين ولدج مااستفاد من علاج التشيك ؟؟؟ انا بنتي استفادت واااااااايد

 

[اوووفه]

الذوق ابر البوتكس شي موقت بعدين يرد الشد مره ثانيه واذا سويتي بوتكس مايصير تسويله علاج طبيعي لان البوتكس يشل المنطقه

 

[اوووفه]

اليوم الوضع مش ولا بد بمصر عاد سبحان الله انا وزوجي وعيالي كنت بالعباسيه هذي الي صار فيها المضاهرات وضرب النار كنا بنروح مول ستي ستار كانت الشوارع مسكره وزحمه وتجمعات وهوشات بس الله لطف وستر علينا الحمدلله*