علاج عقم الذكورة

[الاسييل]

السلام عليكم​

بنات انا كنت كاتبة موضوع قبل عن تجويف الحيونات المنوية وان زوجي عندة تشوهات نوعها تجويف في الحيوانات المنوية​

ورحت وسألتكم والحمدلله ماقصرتو وياي نهائيا جزاها الله الف خير كل وحدة ردت وساعدت غيرها الا ان انا لي رفيجة بالدوام مصرية ومتزوجة صارلها 7 سنين وعمرها 36 سنة وزوجها بعد هم كبير المهم انها مشاءالله كانت واخذة اجازة شهرين وردت بعدها تقولي انشالله انتي بعد تحملين انا حامل والله كنت وايد مستانسة لها لاني اعرفها واعرف زين شلون تعذبت لين احملت واشلون ما تركت دكتور بالكويت واراحت له المهم انا قلت خليني اسألها شنو صار وياها وشنو التفاصيل​

والله يابنت انصدمت بشكل مو طبيعي من كلامها واللي خلاني اسأل كل اللي اعرفهم زين عن هالكلام وبالفعل حجي المرة طلع صحيح امية بالامية​

اولا مراكز علاج الحمل والحقن المجهري وااايد منتشرة بمصر واحسنهم دار المرأة ومركز ادم الاول لدكتور اسمة عمرو الحسيني والثاني لدكتور اسمة مدحت عامر​

وهذيلة من اكبر المراكز اللي تسوي علاج وفي بعد وايد اسماء بذكرها لكم من المراكز الكبيرة​

ثانيا تكلفة العملية ما تتعدة 16000 جنية مصري يعني ما يعادل 700 دينار وهذي التكلفة ترا شاملة العلاج والفحوصات بعد اللي انا سويت الحقن المجهري اهني عند ناهض حمداية ومن دون تجميد اجنة لان ما كان في وايد اجنة زينة تكلفت وقسمابالله يابنات قرب 3200-3500
طبعا صدمة مقارنة الاسعار وتقولي الدكاترة هناك اللي قابلتهم دكاترة فاهمين عدل عدل واغلب اللي موجودين في المراكز المصرية خليجين وفي وايد من الكويت يتعالجون بس حسبي الله عاللي الواحد يساألها وتقول اهيا مسوية هني وتكون مسوية هناك بهل مراكز​

ثالثا ان الحين وايد نسبة من الرجال تشوفون فيهم حيوانات منوية صفر او عدد جدا قلييل وميتين ولما سألت عن هالحالة وتحجيت مع جم دكتور هنا كلهم اجمعو ان علاج هالحالات وايد وايد منتشر ومافي خوف وانهم الحين ياخذون نسيج من بطانة الخصية في حالة انعدام وجود حيوانات منووية جيدة وهعمليه ابدا مو خطيرة ويسوون لها مزرعة وويعطونها هرمونات وجذي وعلاج لين تنتج حيوانات منوية جيدة وياخذونها ويسون العملية لج ويجمدون البقية ويظلو يعطو علاج حق النسيج لين يكون في عدد كافي للتجميد عشان الزوج ما يسويها مرة ثانية​

والله ثم والله وقسمالله بالله يابنات ما كتبت هالحجي غير لمن سألت واستفسرت وانا وايد احبكم قسما بالله في الله ووايد استفدت من هالمنتدى وانا ادري في وايد يتعالجون وما يقولون وين تعالجو الله يسامحهم ومابي منكم غير دعوة الله يرزقني الذرية الصالحة​

 

[مسك أبيض]

الله يجزاك خير والله يرزقنا الحمل عاجلا غير آجل يارب العالمين .

 

[آلـغـنــد]

الله يجزاك الجنه اعطيتيني دفعه أمل قويه

 

[الاسييل]

حبيبتي مسك ابيض و sofi مشكورين والله يرزقنا كلنا وكل محرومة الذرية الصالحة عاجلا غير اجل يارب واي استفسار يابنات تبون تستفسرون عليه رح ارد عليكم هني بهالموضوع عشان الكل يستفيد

 

[glby7sas]

حبيبتي عدل كلامج اهناك تكلفتهم ارخص وهالشي طبيعي فرق العمله بس هم هني في وايد دكاتره شاطرين وخبره ومعروفين
بالنسبه لي صحيح التكلفه اقل بس لو بحسبها تكلفت السفر واجار الشقه مع العلاج بيطلع عليي غير الاكل والمصرف يعني بختصار اهي اهي نفس الشي
الا اذا السكن ابلاش فهذا الشي يفرق طبعا بعدين اوضاع مصر كلش ماتساعد الواحد يوروح اهناك خصوصا اذا بتجمدين يعني اذا جمدتي اجنه لازم تروحين حق نفس المركز وتردينهم عاد ساعتها الله يعلم بالظروف الواحد يقدر يسافر او لا بالنسبه لي افضل بالكويت وبالعكس اشوف انه في دكاتره بالكويت ونعم فيهم فاهمين ووايد ناس احملو على اييدهم بقولج كلمه دكتور قالي ياها قالي الدكتور بس تعتمدين عليهم بحاله الكشف والتشخيص السليم اما بالنسبه للحمل فهالشي بيد الله يعني اهو اللي عليه انه يردلج الاجنه اذا ماحملتي فهذا مو ذنبه هالشي بييد الله سبحانه وانا اعرف وحده كانت تعالج بره مال الله كتبلها ردت الكويت وراحت حق ماجده اليتامى والله سبحانه رزقها بالولد اذا الله اراد شي يقول له كن فيكووون

وطبعا هذي وجهة نظري

 

[M!SS.LOBY]

يعطيج العافية

 

[الاسييل]

حبيبتي galby7sas صح وعدل كلامك ان الرزق مو بيدي ولا بيد اي احد انا اقول عالخبرة لان الاعداد بمصر وايد وايد ضخمة والجامعات شكثر تخرج دكاترة وانا هني زوجي كان عندة دوالي والكل قالة لازم تشيلها وانها من الدرجة الثانية انا الحين صارلي حوالي ٥ ايام بالقاهرة ورحت حق كذا دكتور وكلهم اجمعو ان دوالي من الدرجة الثانية علاجية مو مستدعية عملية ابدا ولعلمك بالكويت في وايد وايد اجهزة متطورة ولكن الخبرة مارح تكون متوفرة انا كنت رايحة مع زوجي عند دكتور طارق في المواساة علاج ذكورة والله زوجي بعد العلاج حالتة صارت جدا سيئة وكذا دكتور والله تعاملت مع ناس وايدة مو شوية وصح كلامك في ناس زينة ولكن مع فرق الكثافة السكانية الدكاترة اهني خبرة بوايد والله العظيم وما قلت هالحجي غير لمن ششفت وتعاملت ورحت للجميع في الكويت وهني سبحان الله ان الانسان يسوي اللي عليه هاذي الارزاق بيد الله احنا نسعى ونقول يارب ))

 

[املي بالله قوي]

الاسيل ربي يجازيج الجنه ويكتب لج الذريه الصالح اللهم آمين وكل من تمناها يار

​

ب
حبيبتي قلتي انج تعالجتي عند د ناهض حماديه بالمواساة شنو انطباعج عنه وهل استفاد زوجك من العﻻج عنده وشني خطوات العﻻج اللي بداها معاكم وليش ماكملتم عنده

 

[الاسييل]

حبيبتي املي بالله قوي قسما بالله انا بقولج اللي صار وياي بامانة شديدة جدا جدا جدا انا اول موعد لما رحت حق الدكتور والله شفت وايد عندة حريم احملو ومشاالله في نسبة زينة لكن انا بقول اللي صار وياي بامانة شديدة اولا انا رحت كان وزني 115 طبعا الدكتور زفني زف وقالي انه وزنج جدا جدا عالي ولازم ينزل نزلة قوية المهم رحت كان انا اصلا وزني زايد نتيجة اني تعالجت عند دكتور عمرو عصام بالاول قبل حمداية وحتى تحليل الحليب اللي اي دكتور توة امس متخرج لازم يسوية اول شي للمريضة وعطاني علاج يتعارض مع هرمون الحليب لانة كانت نسبتة جدا جدا مرتفعة عندي المهم رحت ونزلت وزني لين صار وزني 105 ورحت حق الدكتور وبدينا العلاج وقالي الحين وزنج يسمح نبدى علاج وخذيت البروتوكول المطول اللي اهو اولا يعطيج حقن تهيئة للرحم عشان لمن يعطي لتنشيط ما يصير في ضرر وبعدين بدينا التنشيط ومع التنشيط سوا سحب البويضات وعملت العملية ولقح 8 بويضات 2 منهم بس اللي سوا انقسامات يعني 2 بس كان اللي يقدر يردهم

الحين اقولج انا ليش تركتة

اولا انا من بديت العلاج ما طلب من زوجي ولا تخليل غير تحليل الكبد الوبائي وكان زوجي معطية تحليلات مسويها من اخر دكتور راح عندة واهو لاحظ انها مو زينة ولمن سألنا مارح يسوي اي تحليل قال لنا ما يتطلب احنا بننتقي الحيوانات الجيدة

ثانيا اهو لو معطي علاج حق ريلي كانت انتجت حيوانات منوية افضل وكنا قدرنا نسوي تجميد لكن بسبب ان الحيوانات كانت ضعيفة ماصار تجميد لان البويضة ماصار فيها انقسامات وطبعا اهو يبني اسوي العلاج وكل شي من اول ويديد واروح تقولي السستر اللي برة لا احنا كدة بقى دلوقتي نبتدي كل حاجة من الاول وجديد يعني انتي تبيني ارمي 3500 عندكم بالمركز مرة ثانية والله ومافي اي مراعاة لمشاعر المريضة وتقولي وببرود تام يعني حتى لمن صارلي اجهاض توقعت يكون في شي مختلف لا عادي وهاذي شي محتمل حدوثة وانا لمن رحت حق الدكتور اول مرة قايلي لالا تحاتين اصلا نسبة النجاح بتكون من 60 ل 70% وعطاني وايد امل ولمن صار الاجهاض ادري ان كل شي بيد الله وهذا رزق وانا مؤمنة الحمدلله وراضية بقضاء ربي ولكن انت اثبتلي ان كلامج مو صحيح

ثالثا انا لمن نزلت هني بالقاهرة رحت حق 6 دكاترة الحين وفي مناطق متفرقة وكلهم استشاارين اجمعو ان شلون يسويلج العملية وانتي وزنج اصلا فوق ال100 المفروض عالاقل وزنج يكون تحت 95 عشان ما يصير شي وفعلا انا مع علاج الدكتور ناهض اثناء الابر التنشيط صار فيني تكيسات وانا من لمن كنت 115 ما كان فيني تكيسات يعني المفروض لمن وزني ينزل ما يكون في هالشي ولكن ابر التنشيط مع الوزن المرتفع سوت فيني تكسيات

وهذا اللي خلاني ما اتابع مع الدكتور ولا افكر اني ادش عندة مرة ثانية ومع العلم انه من اكبر المراكز بالكويت حاليا ولكن هذا اللي صار وياي

 

[om_ibrahim]

الله يرزقج وشكرا عال موضوع الي يفتح النفس

 

[M!SS.LOBY]

سبحان الله وبحمده

 

[M!SS.LOBY]

سبحان الله العظيم

 

[الاسييل]

مشكورين يابنات والله اني ما كتبت الموضوع غير لمن جربت ما سمعت بس ﻻ انا بنفسي رحت وشفت وتعبت من اللي تخبي وتداري بالعﻻج والله يعطي كل محرومة اللي تتمناها وبعد لما ارجع من مصر بكتب تجربتي كاملة بأذن الله

 

[glby7sas]

حبيبتي الله لا يضيع تعبج ياارب وماتردين الا وبطنج جدامج ياااارب
انا ريلي يعالج. عند البروفيسور ايهاب الملاح وجداا ممتاز انصحج بعدماتخلصين من العمليه ويلرب يرزقج خليزوجج يراجعه انا الدكتور قالي حتى لو يبتو عيال بالحقن المجهري كمل علاجك مالك شغل بالعمليه ويارب يشافي ازواجنا ياا:yaaaaaarb::yaaaaaarb:

 

[غرام القمة]

الله يرزقج وبرزقني والله جارتي مصريه تحن علي انزل مصر واعالج بس خائفه من الأوضاع انتي شنو شايفا الوضع زين او للحين مؤ مستقر

 

[M!SS.LOBY]

الله يسهل عليج