علاج في المستشفى الملكي بتايلاند

[كياني المجروح]

مرحبا بنات

حبايبي انا ابي اروح تايلاند اسوي فحوصات كاملة فالمستشفى الملكي ومب عارفة اي فندق اسكن ولا اسعار المستشفى ولا عندي اي خلفية عن اي شي


اللي تعرف بلييز تفيدني .... ابي فندق نظيف وراقي يكون قريب من المستشفى اريح لي

 

[حنان المحبه]

تروحين وتردين بالسلامه ..
انا ماعرف شي عن تايلاند بس ماحبيت ادخل ولارد عليچ... ماتشوفين شر...
شكثر مواضيع هني عن تايلاند دخليها وان شاءالله تلقين اللي يسرچ..

 

[دانة البحيرة]

ماتشوفين شر حبيبتي

الله يسلمج انا اعرف كلل شي عن السكن والمستشفى لاني قبل شهرين كنت هناك وسويت عملية في نفس المستشفى

وسكنت في شقة قريبة من المستشفى تروحين المستشفى مشي

اسم الفندق اماري ريسيدان
- Amari Residences Bangkok

فندق نظيييف وراقي جدا

انا بعد العملية ماكنت اقدر امشي

ابعثوا المستشفى شخص للفندق ياخذني ع الكرسي ووصلني للمستفى
طبعا المسافة ثواني مش دقايق

وقعد لين خلص من الموعد رجعني الفندق

واسعار المستشفى معقولة جداا

وبالنسبة للغة الكل هنالك يتكلم عربي
وغير هذا لازم يكون معاج مترجم
المستشفى هي اللي توفر لج المترجم

اي سؤال انا حاضرة

 

[كياني المجروح]

مشكورة حبيبتي دانة البحيره
بقيت اسألج كم تكاليف الفندق واذا انا حابة اقعد 6 ايام كم الميزانية اللي تكفيني
وشي ثاني بعد المستشفى اذا ابي اسوي فحوصات شاملة لازم موعد ولا علطول ومتى تطلع النتايج ؟؟

 

[دانة البحيرة]

الفندق الله يسلمج الليله 3000 او 3500 بات تقريبا شقة بغرفة وحده ..

شوفي حبيبتي بالنسبة للفحص انا سويته بـ22000 بات

لازم تاخذين موعد حتى لو يوم قبل ...

النتايج تطلع على طول بس بعض التحاليل يبي لها يومين ..

وفي شي كنت بقولج دايما نتيجة تحليل الكلسترول والسكر يكون عالي عندهم
ماعليج منهم طنشي ..

ماتشوفين شر حبيبتي

واي استفسار انا حاضرة

 

[دانة البحيرة]

ببعث لج ع الخاص رقم واحد
هو يحجز لج المستشفى والفندق ويعث لج سيارة للمطار تاخذج للفندق
واذا عندج اي استفسار او تقرير تبعثينه له

يساعدج بكل شي هو منسق ومن غير مقابل حتى ماتشوفينه

 

[om MaRyooM]

روحي اي مكتب سفريات يساعدونج اختي

وماتشوفين شر
وترا المستشفى حيل حيل شاطرين

زين مااخترتي

 

[CrystalQ8]

الله يشافيج ان شالله ممكن اسأل في قسم جلديه عندهم

 

[دانة البحيرة]

الله يشافيج ان شالله ممكن اسأل في قسم جلديه عندهم

ايه حبيبتي في قسم خاص للجلدية

انا مفكره اروح حق شعري لانه وايد خفيف:bbbiu:

 

[The-Princess]

هلا ياقلبي

تروحين وتردين بالسلامه ياقلبي

حبيبتي تقدرين تقعدين في اي فندق انتي تبينه وماعليج الا تتصلين في المستشفى يجيبون لج سيارة توصلج لين المستشفى وتردج الفندق

احنا جذيه سوينها يوم ودينا اختي

 

[uae_ad]

ببعث لج ع الخاص رقم واحد
هو يحجز لج المستشفى والفندق ويعث لج سيارة للمطار تاخذج للفندق
واذا عندج اي استفسار او تقرير تبعثينه له

يساعدج بكل شي هو منسق ومن غير مقابل حتى ماتشوفينه

السلام عليكم اختي ممكن لو سمحتي تبعثين لي رقم المنسق بدون امر ويزاج الله خير

 

[دانة البحيرة]

هلا اختي اسمحي لي توني اشوف سؤالج ...

ان شاءالله حبيبتي شوفي الخاص

 

[alialkafaji]

الاخت الكريمة دانة البحيرة
ارجو التفضل بارسال اسم وعنوان الشركة او الشخص الذي يقوم بترتيب اجراءات السفر والحجز في المستشفى باسرع وقت
عندي زوجة اخوي عندها الله يشفيكم ويعافيكم ( التدرن) وهي كان عندها في 2009 والحمد لله شفيت بقوة الله وبعدها حملت وانجبت طفل والحمد لله والان رجع عليها
ارجوج ساعدينا لو تكرمنتي
وشكرا
اخوج ابو يوسف

 

[نوف الصقعبي]

الخوات ماقصرو

 

[M!SS.LOBY]

ما تشوفون شر موفقين