علاج لمرض ^^ ابو وجه^^

[(الجوري)]

شلونكم بنات انشاء الله طيبين من منكم لا سمح الله صارفيه ابووجه وشلون طريقه علاجه؟؟ وابي الحريم اللي يعالجونه ؟؟ الان بنتي عمرها 6 سنين صاير فيها ابو وجه ومادري شسوي فيدوني جزاكم الله خير ..

 

[فديت تراب الكويت]

بنت أختى صار فيها قبل فتره ... عالجوها عند واحد أو وحده بالجهراء بس من زمان بس كانت ما تعرضها حق ضوء اليت ولا الهوا البارد ولا تخليها تشوف التلفزيون وتلبسها نظاره شمسيه بالنهار لين الله عافاها لك الحمد ...
فيه وحده ينقال لها الرفاعيه تعالج بالروضه مرا عيوز مدرى موجوده لين الحين ترى خووووش مرا ....إللى عنده خبر عنها زين ...لأنى من زمان عنها...
لا صار الصبح دقيت على أختى وخذيت الرقم منها اذا عندها لين الحين وارسلته لج بالخاص ... ما يصير خاطرج إلا طيب
بس كثرى قراية القرأن عليها ... وخليج عندها باليل نامى يمها بعد سبحان الله يمكن البنت متخرعه من شىء ....عسى ربى يشفيها ان شاء الله

 

[ANGELICA]

عسى ربي يشافيها يارب

 

[الشقردية]

الله يشافيها يارب
بس الرفاعيه اللي بالروضه سمعت انها توفت و اهيا اللي الجت خالتي صار فيها بو الويوه
و بعد في وحده رفاعيه ساكنه بالصوابر انشالله احصل رقمها باجر و اعطيج اياه
و اقري عليها قران وايد
الله يعينج و يشافي بنيتج يارب ​

 

[ii DareeN ii]

الرفاعيه الي بروضه بيه من زمان مامن خبر عنها يقولون ان اختها تقرا بالسره والعثمان الي بمشرف هم يقرا
بس اختي تاكدي اول من طبيب لان بالغالب يقولون عصب شاد قبل لقرايه سالي طبيب

 

[الغاليه نونو]

الله يشفي بنتج ويعافيها يارب كثري من الرقيه الشرعيه عليها وانشالله تطيب يارب

اذكر مرت حماي من زمااااااااااااان صار معاها بو الويوه وماخلينا طبيب مارحنا له وتدليك بالمكينه ماكو فايده قالولنا عن شيخ وديناها حقه وقعد يسولف معاها ويسولف ومره وحده علي غفله طقها بنعالته النيديه تكرمون علي ويهها الصوب الثاني والله يابنات تعدل ويهها بسرعه وردت البيت جنها جذابه بس هالحجي قبل 13 سنه تقريبا بس الحين مادري شيلبسون المشايخ نعول نيديه والا ماركه ثانيه

 

[رفرف]

في مره يمدحونها أظن فلسطينية اسمها أم نادر أمي كانت تروحلها أطرشلج رقمها عالخاص ..

 

[b6o6a]

ما تشوف شر انشاءالله

 

[(الجوري)]

جزاكم الله خير يااخواتي ومشكورين على ردودكم
واعذروني ماقدرت ارد الاني كنت مشغوله مع بنتي
وانا بنتظار ارقام المعالجين بالخااص

 

[روزالكويت]

الله يشفيها يارب شفاءا لايغادره سقما

 

[اهات الصمت]

تكفون طرشولي ارقامهم على الخاص امي جايها ابو وجه ومدري شنو تسوي

 

[بسمة حياته]

ألسلام عليكم بنات..
ألله يعافيكم آنا بعد أحتاج الأرقام ضروري

 

[فطومة الحلوة الجميلة]

في مره اسمها ام محمد بالصباحية عالجت حماتي قبل اسبوعين مشالله وراح منها بس للحين ماعرف عن المره غير انها بالصباحية قطعة 3

 

[أغصان]

اخوي العام جاته ابو وجه وتعالج منها عند المستشفى العسكري
صاروا يسووله مساج بوجهه بس هو طول فترة المرض وهو متلثم بغترته
ونظارته الشمسيه ماتطيح منه ولا يطلع من البيت الا للمستشفى
والحمدلله اللي شافاه