علاج هواء الرأس

[الدانه المزيونه]

السلام عليكم
بنات تكفون انا في هواء براسي وتعبني كثير صار نظري متشتت
وما اركز حيل كأني بحلم والله العظيم تجيني ايام ابجي من القهر احس كل عمري بظل جذي
تكفون ابي حل لهوا الراس وانا اسمع صوت وصيص بإذني تكفون ابي حل
لاتقولون لبخه او صبخه لاني جربتها ومافاد ابي اشياء بديله بخور او شي معين
تكفون لاتنسوني والله مهمومه

 

[الباحثات عن الجمال]

الله يشفيكي يا رب جربي الحجامة مفيدة جدا لهذه الحالة.

 

[الدانه المزيونه]

تسلمين قلبي
الحجامه تخرج الهواء ؟؟؟
خبري انها تطلع الدم الفاسد

 

[(*ام عهــــد *)]

الله يشفيج يارب
في طريقة قديمه بس مدري اشلون أشرحها أخاف ماتفهمين علي بس بحاول......هاتي راس
خروف وحشيه فلفل وخلطات وكثري الفلفل وحشي حلجه وأذانيه وبعدين خيطيه وخليه يطبخ ساعتين \ ..
وبعدين إلبسي ملابس خفيفه حيل وغطي نفسج بشرشف كبير وجيبي الجدر عندج وطلعي الراس وفكي الخيوك وخلي كل بخاره يدش راسج وأذانيج واذا حسيتي بعرق وحراره تحملي العرق كله معناته الهواء يطلع منج ان شاءالله والطريقه هذي مفيده حق الراس والجسم وماتشوفين شر يارب

وأي استفسار تامرين أمر واذا مافهمتي ترى رقمي بالتوقيع دقي وأنا أفهمج يالغاليه والله يشفيج يارب....

وهذي وصفة الوالده لج ادعي لها تكفين

 

[الدانه المزيونه]

يابعد قلبي يا ام عهد بجربها باذن الله
والله يوفقج امج وان استصعب علي بتصل عليج تفهميني

 

[دمثة]

احسن شي تاخذين مرة او مقل وتبخرين راسج وشعرج واذونج وتلفينه وتنامين وماعليج الا العافيه

 

[(*ام عهــــد *)]

بعد عمري ماسويت شى ::
جربيها وعسى ربي يكتب لج الشفا فيها وإنتي بعد لاتجين المكيف وراسج ماي وحاولي تحطين سدادات أذاني من الصيدليه تخفف الهواء ,,,

 

[الباحثات عن الجمال]

الله يشفيج يارب
في طريقة قديمه بس مدري اشلون أشرحها أخاف ماتفهمين علي بس بحاول......هاتي راس
خروف وحشيه فلفل وخلطات وكثري الفلفل وحشي حلجه وأذانيه وبعدين خيطيه وخليه يطبخ ساعتين \ ..
وبعدين إلبسي ملابس خفيفه حيل وغطي نفسج بشرشف كبير وجيبي الجدر عندج وطلعي الراس وفكي الخيوك وخلي كل بخاره يدش راسج وأذانيج واذا حسيتي بعرق وحراره تحملي العرق كله معناته الهواء يطلع منج ان شاءالله والطريقه هذي مفيده حق الراس والجسم وماتشوفين شر يارب

وأي استفسار تامرين أمر واذا مافهمتي ترى رقمي بالتوقيع دقي وأنا أفهمج يالغاليه والله يشفيج يارب....

وهذي وصفة الوالده لج ادعي لها تكفين

روعه الوصفة عجبتني جدا ووالله ممكن يكون فيها الشفاء إن شاء الله .
الله يعطي أمك الصحة والعافية يا رب.

 

["بوح الجروووح"]

يعني شنو هوا بصراحه اول مره اسمع هالمرض .او شنو الاعراض اللي تحسينها بالضبط احس مو مستوعبه شرحج؟
والله يشفيج ويشفي كل مسلم يارب

 

[الدانه المزيونه]

=





تسلمون على المرور



اب


















اب























اب

 

[غـلآوي ّ ~]

لـيش ماتروحين لـمره تعآلج الفري خل تقيس راسج يمكن معاج فري اسم الله عليج

إذا تبين رقم مره تعالج الفري بالمنطقه العاشره بلغيني

 

[مطيرية متواضعة]

روحي لدكتور اسنان خاص عندة جهاز حديث للاشعة يمكن سن العقل

جربي لو مانفع الي قالوه البنات

 

[كلي رومانسية]

اب اب

 

[يحبنى الله *]

سوى علاج الفرى ضرورى بسرعة
فى أم عايد وفى ام محمد او ام احمد

 

[كماشه]

تدخني بمره وسويده ولفي راسج وروحي لم عايد الصبح على فكة الريق خل تسويلج قفل لراسج وادعيلي

 

[معالجة نساء]

حياج حبوبه وانشالله ماتندمين

 

[Q8yatمحدمثلنا]

حبيبتي... ارسلت عليج بالخاص..

 

[Dark Cleric]

امي تقولج..
اذا غسلتي من الدورة الشهرية, بنفس اليوم اذا جاء بليل ,
هذا الدواء حق هواء الراس
شبي فحم وجيبي شاي ربيع ورق أو اي شاي ورق , وحطيه على الفحم وتبخري فيه بخور من داخل وتغطي بشرشف او اي شيء لين ما تحسين ان الدخان يدخل داخل واذا خلصتي , قومي وتدفي ونامي
وفيه دواء ثاني للهواء, اذا جتج الدورة الشهرية, اول ما تنزل عليج حتى اذا انتي بنت او متزوجه عادي ما تضر المردود, فيه بعض الناس يقولون المردود يضر وما تصلح للبنت, وهذا غلط, والمردود ما يضر اذا اخذتيه من وحدة تثقين فيها
اشربي المردود,
وأنا اعرف اسوي مردود ودواء للهواء واذا تبين من المردود او دواء الهواء انا اسوي لج وردي علي بالخآص عشان اعطيج رقم جوالي وتكلميني

 

[فله]

السلام عليكم ورحمة الله وبركاته

احب انقل لكم تجربتي مع هالوصفه الرائعه
انااذا جتني الدوره يجيني معهاخصوصا في اخرهاصداع وثقل في الرأس والعيون واحس بدوار احيانا مع غثيان خفيف مع اني اهتم بأكلي واتغذى زين وقت الدوره
وقالت لي قريبه ان هذا هواء في الراس
مثل اللي يجي في الرحم وايضا شمم من استعمال العطور وقت الدوره وفعلا لما استعمل عطر احس اني بجنن يزيد عندي الصداع والغثيان مثل الوحم

المهم اني سمعت عن التبخربالمر والكمون
بوضعه على جمره وجربته لكن للأسف زاد الصداع وكتمني الدخان وزادت الاعراض
يعني بدل ما اكحلها عميتها

كلمت قريبتي اشكي لها تعبي وفكرت اروح لطبيبه لكن قالت لي هواء الراس مايعرفونه الاطباء علاجه شعبي وهواني أخذ قدرصغير(وعاء صغير)واضع فيه كاسين ماء وملعقة كمون ونصف ملعقه صغيره مره ونص ملعقه حبه سوداءواغليهم على الناردقيقتين ثم اضع على راسي منشفه واستنشق البخارلمدة عشردقائق ثم اللف نفس الفوطه على راسي واخليهاتقريبا نصف ساعه
والله ثم والله بعد ماانتهيت من عملية استنشاق الوصفه ورفعت المنشفه من على راسي اختفت الاعراض والصداع وحسيت بنشاط
والله ان الوصفه رائعه وريحتني من بعد الله
وحبيت انقل لكم الوصفه حتى الكل يستفيد
والوصفه هذي مافيها ضرركلها اشياء طبيعيه اذا مانفعت ماضرت
واتمنى الفائده والصحه والعافيه للكل

 

[ام ريشه]

مسحي راسج بماء العنزروت يخف الصداع وشربي التلبينه مع عسل وروحي لام مشعل او ام عايد تصك لج راسج
وماتشوفي شر حبيبتي